تم الاعلان عن بعثه خادم الحرمين للدبلوم

[علامك]

السلام عليكم ورحمه الله

اخوانى الاعزاء

لقد تم الاعلان عن برنامج خادم الحرمين الشريفين للبعثات الخارجيه لحمله الدبلوم
فى كلاً من اليابان والصين وكورياء

فى جريده الرياض لهاذا اليوم 24/8/1429


وشروط القبول

نسبه الدبلوم 4.5 من 5 او 3.5 من 4

ان تكون نسبه الثانويه العامه 80%

ابارك لم تنطبق عليهم الشروط

وانا خيرها فى غيرها


تحياتى للجميع

[الهنـــــوف]

وعليكم السلام

بس ممكن سؤال؟

البعثه للبنات او الاولاد؟ :o

[علامك]

الله العالم انها للاولاد فقط
ولكن يوجد بجريده الرياض تفاصيل اكثر صفحه كامله عن الاعلان

مع تمنياتى لك بالتوفيق

[O r l a n d o]

يعطيك العافيه اخوي عــــــلاامك ..


بس وربي انهم يستهبلوون .. اول يقولون انه من شروط الابتعاث يكون المعدل 3.75 من 5

واللحين تغير الكلام ..!


وبالنسبه للدول الابتعاث اللي حاطينها ,.. اليابان .. الصين .. كوريا الجنوبيه ..!

وين امريكا وين استراليا وين الدول الثانيه ..

بصرآآحه .. تحطيييم ..

[Control System]

الشروط تعجيزيه

ومثل ماقلت سابقاً

الحمدلله انهم مااشترطو الخبره ايضاً !!

بس الغريبه انهم مركزين على الدول الصناعيه الآسيويه فقط

حتى ماليزيا ماكان لها نصيب


على العموم

بالتوفيق للجميع

[الهنـــــوف]

^
^
^
اقول احمدوا ربكم

داآآآم عزك يأبو متعب

[511]

يارجال

واضحه انها مجرد تـــســكيت

لان الشكاوى كثــيرة على التعـليم العالى بعدم وجود جامعه تقبل خرجي التقنيه وصرفونا بهذي

المعدل 4.4

الدوله كوريا اليابان :


اتوقع انها تعجــيز

طيب من الي يعرف لغة الدول الاسيويه

[عندي واسطه]

ما شاء الله

وش ذا الحركات يا كليتنا الموقره :)

اخيرا بيتحقق الحلم ويبتعثون طلاب الكليه الي ما راح يحصلون 2 جايبين المعدل المطلوب

وصراحه توني ادري ان كليتنا متميزه عن باقي الكليات والجامعات بيودونا الصين عشان نشوف سور الصين العظيم

وبودونا اليابان عشان ننقل شركة تايوتا عندنا بالسعوديه تفكير استراتيجي :)

وكوريا عشان تغير جو للي ما انقبلو في الصين واليابان :)


الله يهديكم ويصلحكم بس

كان اظفتو من متطلباتكم ان يكون متزوج ولديه 20 ولد و10 بنات و7 خادمات و3 سواويق بطلباتكم ذي بيجي زحمه عليكم ولانتم قادرين تبتعثون كل المتقدمين


ياسلامي عليكم يالتقنيه :)

والله يا زينا متوظفين هنا وشوله الابتعاث <<<مسوي ما وده يبتعث :)

[yazeed]

مشكور اخوي

لاكن المفروض اسم البعثه

( اتحدى اي واحد يقبل )

مو معقوله 4.5 والله حرام تحمسنا وقرب تخرجنا واخرج شئ كذا

والله ياخوي كنترول انك صادق الظاهر المره الجايه من الشروط الخبره

لا وبعد من شوف الدول وين (كندا - استراليا- بريطانيا)

لاتعليق ودمتم لنا وبالنسبه لك اختي دباسه البعثه للاولاد

وبيفتحون للبنات التقنيه والشروط هي

يكون معدل الكليه 4.99 والثانويه 99.99 >>>مهب وقت تنكيت

بالتوفيق يارب للجميع وماقول الاالله يكتب مافيه خير وصالح .

[O r l a n d o]

انا اللي ابي افهمه اللحين ومحيرني ؟؟!


وش دخل نسبة الثانوي بالموضوع ؟؟!!!

[yazeed]

انا اللي ابي افهمه اللحين ومحيرني ؟؟!


وش دخل نسبة الثانوي بالموضوع ؟؟!!!



والله انك صادق اخوي نفس السؤال اللي افكر فيه

بس بيني وبينك تهون عند المعدل اللي قهرني انه 3.75

مادري وشلون نط كذا وصار 4.5 بس منقول الا الله يعين .

[الهنـــــوف]

هالحين انتم وش تبون :cool:
حتى الدول تتشرطون وين ترووحون :mad:
الابتعاث للناس الشاطره اللي يفتخرون باقسامهم وكلياتهم
ويسون المستحيل عشان يجيبون معدلات كويسه ويرفعون راس اهلهم ووطنهم >>> اغنيه ووطنك ووطنك وش تقدر تعطيه :D

[αzzαм вιη αв∂υℓαzιz]

الله يعطيك العافية ياغالي ....




الله يحفظك ويخليـــــــك لنا ياأبومتعب




تحيــــــــــــــــــــــــاتــي

[علامك]

اشكر كل من حضر للموضوع وعلق


صرحه فعلاً شروط تعجيزيه


انتم مافهمتم السالفه

الشروط هاذى من اجل يكون العدد قليل للبعثه
فى هذه الحاله يكملونها بعيالهم واقاربهم
لاتنسون انه مرصود لهذه البعثه مبالغ ماليه
واحنا نردد ياليل مطولك