ابعرف كم ارقام كلية الرياض ووين موقعها ؟

[mlak]

يااربيه :(

بدون اي مقدمات :D

انا الحين سجلت وقالوآ قبلوني ’,
بس مدري وش قبلوني :D
حملت هذا الشي حق النتائج ’,
بس يفتح بالفوتو ورقه ورقه ودوووخه وغثوآ امي بهالاحساء:mad:<سوري:D

المهم ابعرف كم ارقام الرياض ’,
وبعدين مرسلين على الايميل لازم اروح شخصيا للكلية ’,
الكلية تبع الرياض ’, وينها فيه ؟
ويقولون من الاحد [ اليوم ] ليوم الاربعآء ’,
ولازم اروح اليوم لآني مسافره العشاء ’,
بسمو عارفه متى اروح :D

دلوووووووووووووني الله يخليكم :(

[mlak]

ردوووآآ تكفون :(

[مسيرة الجاكل]

ياختي انا مااعرف وينه بظبط بس شفت البنات يتكلمووان عن اي استفسار على هذا الارقام

4058741 - 4054366 - 4091145

[n9n9]

بحي صلاح الدين

قدآآم جامعة الامير سلطان

روحي شوفيهم واتفاهمي معاهم

[mlak]

شكرآ :(

دقيت ع الارقام كلها [ 2 ] منهآ مايردون ! !!!!! :(
ووآحد يعطيني تحويلهـ والتحويله مآترد :(

وش اسوووووووي ’,
ع الاقل قولوآ لي اروح الحين للكليه ولالا ؟؟؟

[mlak]

بحي صلاح الدين

قدآآم جامعة الامير سلطان

روحي شوفيهم واتفاهمي معاهم
الله يعطيك الجنه ياااااااااااااااااااااااارب,’

بس جآوبني ع سؤآلي اروح الحين ولالا ؟؟:(

[السنايدي]

هـلا وغـلا أختـي malk

بداية أرحب فيك في منتدى يجمع متدربي ومتدربات الكلية التقنية بالرياض

وحياك الله معنا وسعدنا جداً بانضمامك لهذا الصرح الشامخ

بالنسبة لاستفساراتك فأحب أجيبك عنها :

انا الحين سجلت وقالوآ قبلوني ’,
بس مدري وش قبلوني

لا يتم القبول المتدرب أو المتدربة في برنامج الدبلوم إلا بعد تسجيل بيانات الطلب

وأنتي بعد ما سجلتي بياناتك طلع لك إشعار القبول ولازم تراجعين المعهد التقني للبنات

في اليوم الذي محدد لك في بيان طلبك

وهناك يتم الإجراءات النهائية للقبول الفوري بمقر المعهد التقني للبنات

وموقع المعهد هو مقر الثانوية التجارية سابقاً مقابل جامعة الأمير سلطان الأهلية

غرب الكلية التقنية بالرياض (بنين) شارع رفحـا - حي صلاح الدين

المهم ابعرف كم ارقام الرياض ’,

عندي لك ست خطوط للمعهد العالي التقني للبنات وخط فاكس إذا حابه تستفسر أكثر

4549168 / 4549749 / 4531840 / 4549749 / 4569235 / 4701953

فاكس : 4531810

ويقولون من الاحد [ اليوم ] ليوم الاربعآء ’,
ولازم اروح اليوم لآني مسافره العشاء ’,
بسمو عارفه متى اروح

من المفترض تروحين اليوم (الأحد) وهو اليوم المحدد لك في بيان طلبك للتسجيل

ولا يمنع إذا ذهبتي في يوم الأثنين أو الثلاثاء أو الأربعاء فلك الخيار هنا

أتمنى لك التوفيق والقبول،،،

السنـايدي - مصدر في الكلية

[mlak]

طيب يعني آوك الحين انا بروحـ ’’
وجآتني رساله ع البريد ’’ انهم يبون شهاده الثانويه وصورهـ منها
ويبون بطاقة العائله وصوره !

بس ؟؟؟

يعني هذا كام مكتوب ’’ وآنآ أسألك آخذ غيره ؟؟

والف شكر لك ,, واله يفرج لك ’’ فرجت علي كربه ’’

الله لايحرمك غآلي ’’
تسلم ..
بآنتظارك

[السنايدي]

8
8
8
نعم أختي جبي معك اللي طلبوه منك وأيضاً نسخة من طباعة طلب التسجيل

يمكن يطلبونه منك (مثل كلية التقنية الرياض بنين)

وإذا توفرت بطاقة الأحوال لديك فلا يمنع إحضارها للإحاطة

الله يوفقك وييسر أمورك كلها على خير

أخوك السنـايدي