كيفيه التقديم على بعثه للخارج !!! [الأرشيف]

مشاهدة النسخة كاملة : كيفيه التقديم على بعثه للخارج !!!

A L H I L A L

01-19-10, 01:02 PM

السلام عليكم ورحمه الله وبركاته :88:

اخواني اخواتي الاعزاء اسعد الله مسائكم بكل خير .

أنا طالب متخرج قسم إنتاج ميكانيكي (دبلوم ) وأحتاج الطريقه او الكيفه للتقديم على بعثه لأكمال مرحله البكالوريوس .

اولا :
المعدل هل هو محدد ؟

ثانيا :
التقديم يكون عن طريق المؤسسه العامه او عن طريق وزاره التعليم العالي ؟

ثالثا :
اي أضافه للموضوع تفيد يا ريت ما تبخلو علينا :26:

O r l a n d o

01-19-10, 01:23 PM

اهلين .. اخوي بعد اقرار الميزآنيه .. قالو انهم بيفتحون برنآمج خآص بالكليات التقنيه للابتعاث

اتوقع انه بيكون مثل كل سنه .. نفس التعليم العالي على نهاية شهر 7 .. بس ياليت يغيرون

في الشروط :)

موووفق :)

الـفـرنسي

01-19-10, 01:29 PM

حياك الله حبيبي

التقديم على الابتعاث من هنا على هذا الرابط الخاص في التقديم

http://www.rct.edu.sa/?p106

والله ولي التوفيق

سـ ع ـود

01-19-10, 01:44 PM

O r l a n d o

01-19-10, 01:52 PM

^

ياليت تقولها اخوي سعود :)

..الطمـ فتى مكة ـوح..

01-19-10, 01:58 PM

يعطيكم العافية جميعاً
ويعطيك العافية يالفرنسي

الـفـرنسي

01-19-10, 02:17 PM

الله يعافيك حبيب قلبي ويعطيكم العافيه شباب ما قصرتو

ساندوتش جبنة

01-19-10, 04:03 PM

فيه طريقة ثانيه ، بس تبي لها جهد ومال فـ البدايه طبعاً

ومضمونه بإذن الله لنسبة 75% و إذا كان معدلك حلو 100% ،، إذا حاب اقولها لك أبشر :)

ياريت تقولها هنا
لاني ابغا اطلع بعثه انا كمان
ويعطيك العافيه

511

01-19-10, 05:46 PM

السلام عليكم ورحمة الله وبركاتة ,,

البعثات بالنسبة للكلية لـ اعضاء هئية التدريب .
البعثات الملك عبدالله لاعداد المدربين التقنيين (للاقسام الفنية فقط وسوف يعلن قريبا)

البعثات لتعليم العالي ( لايوجد بها دبلوم ) والطريقة الي بيذكرها
الاخ سعود هى الذهاب والدراسة على حسابك الخاص ومن ثم الألتحاق على البعثه ولكن غير مضمون الألتحاق (شرطهم الجديد انهاء 30 ساعه جامعيه غير دراسة المعهد عشان تلتحق بعضوية البعثه اغلب اخوياي مانضموأ لهم تقريبأ 6 شهورلان ماعندهم امر اركاب من الوزارة )

لكن الطريقة التى تضمن لك بعثه بعد الله سبحانه (امر اركاب) وهى تذكره لاتصرف الا للمبتعث وتصرف للبعض لكن بـ واو
وتلحق بالبعثه بموجب هذي التذكره من خلال شهر الى شهرين ان شاء الله لكن يحتاج توفيق من الله ( هذي بالنسبة لبعثات التعليم العالي) ومثل ما اسلفت سابقأ امر الاركاب يحتاج واو عشان تحصل عليه او من عند د على العطيه نائب الوزير مع انه وقفها
اشوفه مايصرفها بكثرهــ مثل اول .. والدولة على فكره لازم تكون كندأ او امريكا بس لان التعليم العالي ماعاد يبعث الا لدولتين
هذي فقط ,,,,

كلامى أكيد 200 % ان شاء الله

تحياتى

A L H I L A L

01-19-10, 08:05 PM

الله يعطيكم العافيه جميعا يا رب ما قصرتو حبايبي كفيتو ووفيتو :88:

الله يوفق أنشاء الله

A L H I L A L

01-19-10, 08:45 PM

حياك الله حبيبي

التقديم على الابتعاث من هنا على هذا الرابط الخاص في التقديم

http://www.rct.edu.sa/?p106

والله ولي التوفيق

الله يعطيك العافيه ما قصرت بس كيف يجيني الرد هل هو عن طريق الأيميل او رقم لمتابعه الطلب ؟

فارسه ماتهاب الغدر

01-19-10, 09:04 PM

اللة يوفقكم يارب ونشوفكم اساتذة بمتياز :88:

ساندوتش جبنة

01-19-10, 09:52 PM

طيب بسأل انا بتخرج الترم الثاني
يعني تقريبا يوم 29/4/1431هـ
اقدر الحق البعثات ؟

♥ملكة القلوب♥

01-19-10, 09:56 PM

الله يوفقكم ويسعدكم دنيا واخره

طيب البنات يقدرون يقدمون على البعثه ولا بس للأولاد

سـ ع ـود

01-20-10, 04:01 AM

صباح الخير شباب ،، اشكر اخوي 511 على توضيحه لبعض النقاط المهمه

و الطريقة يا أطوال العمااار اللي اقصدها واعرفها هي

1/تترجم شهادة الثانويه من الوزارة
2/تطبع سجل اكاديمي انقلش + تاخذ من التقنيه وصف مواد اللي درستها بالانقلش بررضو [ كل ماده مشروحه بس بالانقليزي ]
3/ضمان مالي بمبلغ لا يقل عن 80 الف ريال تقريباً ..
4/صورة لجواز السفر ،، يفضل انه جديد ..
5/شهادة حسن سيره وسلوك [ مترجمه ]

تاخذها وتوديها لمكتب يجيب لك قبولات في الجامعات الخارجيه ..
طبعاً ، طبعاً اكثر الجامعات معادلة هي في امريكا .. واستراليا لكن الابتعاث لاستراليا موقف
من ناحية المعادله في كندا صعب جداً ،، بريطانيا ما انصح فيها ابدأ ،،،

والمكتب بطريقته يعرف الجامعات اللي سبق وعادلة بعض ساعات الدبلوم او جميعها ..

بعد فتره راح يجيك الرد ،، الرد راح يكون على طريقه واحد من ثلاث خيارات
اولاً : الرفض
ثانياً : القبول ولكن ليس بالمعادله ،، يعني ثانويه فقط
ثالثاً:القبول مع المعادله سواءً كان جزء او كل <<<وهذي اللي نطمح لها ..

راح اواصل على انه جاء القبول ،، بعد ما تجيب القبول

تبدأ في موضوع التأشيره [ فيزا ] .. عند سفارة الدوله المراد الذهاب لها ..

والتاشيرة لها طلبات مو كثيره ولكن من ضمنها ضمان مالي ايضاً نفس حق القبول ..

وقبول الجامعه .. وبعض الشغلاات ...

طبعاً بعد التقديم على التاشيرة هناك طريقين
اولاً : اعطائك التأشيرة<<وهذا اللي نبيه
ثانياً : عدم اعطااء التأشيرة ...
[ طبعاً سفارة امريكا معقده ممكن يرفضونك لان شكلك مو عاجبهم ،او عندك سفارات لسوريا او باكستان ..الخ]

راح اواصل على انهم اعطوك التأشيرة ..

بعدها تاخذ القبول والتأشيرة .. وتقدم على وزارة التعليم وانت هنا في الرياض

لو كان عندك ربع ثلث نص واسطه ،، راح تمشي أمورك ،،، ولو ماعندك

راح تمشي بالسرى وأحتمال ينزل لك قرار ابتعاث واحتمال ما ينزل لك ...

ولكن نقدر نقول 80% ينزل إن شاء الله ..

بعد ما ينزل لك قرار الابتعاث راح يعطونك امر اركااب <<وهذا اللي تكلم عنه اخوي 511

واذا ماعطوك أو انت مستعجل ،، تقدر تحجز الله لا يهينك وتروح على حسابك

وتدفع حق سمستر في معهد اللغه ،، وتضبط لك سكن ...

و أول ما توصل لدولة الابتعاث تفتح ملف في الملحقيه الثقافيه في دولة الابتعاث

وتقدم طلب انظمام ،، و راح تمشي امورك إن شاء الله ...

و أول ما تنظم راح يرجعون لك كل شيء دفعته من سكن و قيمة السمستر والتذاكر ..

وبعدها بشهر إلى شهرين ينزل لك الراتب ،، وتبدأ حياتك هناك وتدرس وتفلها

وترجع وتصير دكتور ان شاء الله <<خلاص خلاص هد يبو ...[ مسك خط ] :d

أتمنى اكون وضحت لكم يا شباب ... وهذا اجتهاد شخصي وقد يحتمل الخطأ ..

واذا فيه اي استفسار انا حاظر اخواني ،، واذا احد عنده تعديل لاي خطأ في كلامي

ياليت ينورني ...

اخوكم سعود :88:

O r l a n d o

01-20-10, 04:39 AM

البعثات الملك عبدالله لاعداد المدربين التقنيين (للاقسام الفنية فقط وسوف يعلن قريبا)

معقووله .. :(

طيب والتقنيه الاداريه مالهم نصيب يعني !! .. وش ذا الظلم :(

511

01-20-10, 03:23 PM

معقووله .. :(

طيب والتقنيه الاداريه مالهم نصيب يعني !! .. وش ذا الظلم

هذا كلام مدير مكتب الغفيص وسكرتارية ,,, مراجعهم انا مرة ثانية

نادم

01-23-10, 06:34 PM

1/تترجم شهادة الثانويه من الوزارة
2/تطبع سجل اكاديمي انقلش + تاخذ من التقنيه وصف مواد اللي درستها بالانقلش بررضو [ كل ماده مشروحه بس بالانقليزي ]
3/ضمان مالي بمبلغ لا يقل عن 80 الف ريال تقريباً ..
4/صورة لجواز السفر ،، يفضل انه جديد ..
5/شهادة حسن سيره وسلوك [ مترجمه ]

اولاً السلام عليكم ورحمة الله وبركاته

يعطيك العافيه اخوي سعود

بالنسبه لترجمة شهادة الثانويه العامة . . . وش الحاجة منها ؟ لان اّخر شهادة . . شهادة الدبلوم

بالنسبة لطباعة السجل الاكاديمي بالانجليزي . . . و وصف المواد بالانجليزي . . . وشهادة حسن

السيرة والسلوك بالانجليزي

* من وين أخذها بكلية التقنية بالرياض . . . انا تخصصي تقنية حاسب اّلي ( دعم فني )

هل يحتاج اروح اترجمها واجي اصدقها والا جاهزه بالكلية ؟

عافاك و وفقك ورفع قدرك :)

الله

سـ ع ـود

01-25-10, 10:16 AM

اولاً السلام عليكم ورحمة الله وبركاته

وعليكم السلام ورحمة الله وبركاته ..

يعطيك العافيه اخوي سعود

الله يعافيك ...والجميع

بالنسبه لترجمة شهادة الثانويه العامة . . . وش الحاجة منها ؟ لان اّخر شهادة . . شهادة الدبلوم

بالنسبة لطباعة السجل الاكاديمي بالانجليزي . . . و وصف المواد بالانجليزي . . . وشهادة حسن

السيرة والسلوك بالانجليزي
* من وين أخذها بكلية التقنية بالرياض . . . انا تخصصي تقنية حاسب اّلي ( دعم فني )

هل يحتاج اروح اترجمها واجي اصدقها والا جاهزه بالكلية ؟

عافاك و وفقك ورفع قدرك :)

الحاجه من ترجمة الشهاده الثانويه .. إنك اساساً راح تقدم على الجامعه بالثانويه مو بالدبلوم
ولكن اذا حاولت تجيب قبول بشهادة الثانويه وأنت لك فتره مخلص .. راح يتسائلون الجامعه
وكذلك بعض السفارات .. [ الفتره مابعد الثانويه وين رحت وش سويت .. ليه جالس كذا ]
هذي هي فائده ارسال شهادة الدبلوم .. منها تخبرهم أنك حاصل على دبلوم ..
والفتره مابعد الثانويه ماكنت عاطل .. ومنها احتمالية المعادلة في البدايه وهذي صعبه
لأن اغلب الجامعات اللي راح تعادل لك الدبلوم .. راح تعادله لك بعد سنة اللغه وعند انظمامك
للجامعه ....لكي تتأكد انك دارس عندهم .. وما تبي قبول مبدئي ..

ومن ناحية السجل الاكاديمي .. هذا تطبعه من الكليه المبنئ الرئيسي .. وتصدقه من عندهم
وما عندي علم اذا يحتاج تصديق أخر ام لا [ مثلاً الغرفة التجاريه ] ...
ووصف المواد تلاقيه في خدمات الطالب الي بالكليه بـ100 ريال اتوقع ...
او تاخذه من مقر المحافظه ..وشهادة حسن سيره وسلوك اقصد تترجم حقت الثانويه
أما التقنيه فهم يطبعونها لك مع السجل الأكاديمي مترجمه اذا طلبتها ...

والمعذره على التاخير بالرد توي شفت الموضوع ...

واي استفسار آخر .. أنا في الخدمه اخوووي :)

سلام

511

01-27-10, 01:31 PM

البعثات الملك عبدالله لاعداد المدربين التقنيين (للاقسام الفنية فقط وسوف يعلن قريبا)

عشان الذمه .. ياشباب في شخص راح قابل العقلا الاسبوع الماضي .. واكد له ان التقنية الأدارية لهم بعثات في برنامج الملك لاعداد المدربين التقنيين .. بالعربي يقول 100 طالب من كل تخصص .. عاد انت وحظك .. والأولوية
للي معدله مرتفع .. وانا اعتذر انى قلت للاقسام الفنية لانى اخذت معلومه خطاء من السكرتير الله يهديه ..
طبعأ خويي قال للعقلا الى معدله 4 مضمون يقبل .. قال كم كلية في المملكه عندنا ؟ وكم طالب حنا نبغأ ؟
ارجع واكرر اعتذاري .. عشان بس البعض مايتهمنا بالكذب .. التقنية الادارية لهم ان شاء الله ..

تحياتى

ساندوتش جبنة

01-28-10, 12:35 AM

شهر كم راح يفتح تقديم البعثااات ؟؟؟؟؟
ياريت تجاوبوني الله يوفقكم

engineer.3sl

01-30-10, 08:14 PM

الان فتح قبول البعثات عن طريق المؤسسة

وصدر بالامر السامي موافقة خادم الحرمين الشريفين على ابتعاث مرحلة الدبلوم بالمرحلة القادم

والشروط لاستكمال الدراسة بالبكالوريوس
ان لا يقل المعدل التراكمي عن 4.5 من 5 لحملة الدبلوووم
ولاستكمال الماجستير 3.75 من 5 لحملة البكالوريوس

وبالتوفيق مقدما صار عندنا ابتعاثين بس اللي بالمؤسسة نسبة القبول فيه ضعيفة جدا شود حليكم وخلكم على حساب الملك افضل ..

شدو الصباح

01-30-10, 09:05 PM

السلام عليكم ورحمة الله وبركاته

انا خلصت من الكليه والحين قاعده اتدرب في بنك يصير اقدم على الابتعاث؟؟
اذا خلصت من التدريب ؟؟؟؟انا تخصصي :محاسبه

يزيد

02-02-10, 01:03 PM

طيب كم المعدل المطلووووب
وهل فيه اختبار قبول ولا ؟

INTERNATIONAL

02-02-10, 03:21 PM

فين رابط تقديم الابتعاث ؟

O r l a n d o

02-02-10, 04:11 PM