اسئلني واسألك .. ( افدنا من خبراتك )

[كيف الحال]

السلام عليكم

مساء الخير

موضوع حبيت اطرحه من الفضاوه

وكل شخص يفيدنا من تجاربه وخبراته من كل النواحي في الكليه

منها نساعد الطلاب ومنها نساعد الناس الجدد الي حابين ينظمون للكليه

بالبدايه :

استعن بالله قبل كل شي

لايهمك نظرة الناس سوا لسمعه الكليه او لسمعة قسم او اي شي اخر

كل شخص على جهده وتعبه راح يوصل لمبتغاه بعد توفيق الله

فلو مثلا سجلت بتقنيه الحاسب وابدعت فيها وجبت نسبه عاليه

وغيري بجامعه الملك سعود وشاد حيله وتخرج بكالريوس ممكن انا اتوظف وهو لا

لان كل شي ارزاق ( وَفِي السَّمَاءِ رِزْقُكُمْ وَمَا تُوعَدُونَ )

الدراسه بشكل عام في الكليه التقنيه بسيطه وسهله ولكن يبغالها شدة حيل حبتين مع الحضور والانتظام والاهم هو الحظور !

حاول بقدر المستطاع بأنك تدخل القسم الي تبغاه وتحس انك راح تبدع فيه

لاتقول الحاسب لان كل الشركات تبغاه @ لا ابد ممكن ماتتوفق فيه

انت اختار القسم الي تبيه وشد حيلك فيه وراح تلقى الوظيفه فيه بأذن الله

مافتح القسم الفلاني الا لان السوق يحتاجه ويطلبه

وابتعد عن كلام الناس الي يقولك ادخل الحاسب ولا تصير مهبول والي يقول ابتعد عن الاقسام الفلانيه

لانك انت بنفسك انت الشخص الوحيد الي يقدر يقيم نفسه ويعرف مؤؤهلاته

لو لا سمح الله ماتوفقت بالقسم الي تبيه بأي ظرف كان

خلص التسجيل او انقبلت بقسم ثاني او ماحلفك الحظ فيه

لاتيأس !!

وخل ببالك انك راح توصل للقسم الفلاني بأي طريقه كانت حتى لو كلفك الامر تقفل على غرفتك الباب وماتطلع ترم كامل عشان تحول للقسم

لان مهم جداً بانك تكون حاب القسم وقادر تبدع فيه

صحيح على مايقولون العمر راح لكن مو مهم تتخرج بسنتين او سنتين ونص

المهم انك تتخرج وانت محقق كل طموحك ومبدع في مجالك وتحس انك قدمت شي في الكليه

انا مثلا ( درست سنتين بقسم ماحبه ابد وكان باقيلي ترم واحد فقط للتخرج ومع ذلك ماكملت لان هذا القسم مو طموحي والحمدلله حولت لقسم الحاسب والآن في الترم الثالث )

ماقول اني قدوه لاني ممكن تأخرت في الانتقال من قسم لقسم ولكن الحمدلله اني نقلت وحققت جزء من طموحاتي !

اخواننا الي نسبهم قليله وكل الابواب تقفلت في وجيهم

فيه امل وامل كبير بأذن الله

اما التسجيل احتياط او التسجيل في الفصل الثاني او التسجيل بالموازي ترم واحد وتبدع فيه وبعدها تقدر تحول صباحي وببلاش وتستلم مكافاءه

الحمدلله كل شي متوفر لكن يبغالها جهد بسيط وتفرغ منك انت او انتي حتى توصل لمبتغاك

الطلاب الجدد والمستجدين

مهم جداً بأن يكون الترم الاول تاخذ فيه نسبه عاليه او معدل عالي

حتى تقدر تواصل طريقك بكل راحه ( مو راحه يعني تنام وتسحب ! لا .. تشد حيلك ولكن مرتاح بأن عندك رصيد مثل مايقولون بالبنك )

اذا واجهتك عقبه في الطريق اما من مدرس متسلط او من طالب بغيض او اي ظرف كان

اجعل هذا الامر هو طريقك للتحدي !! ياناا ياهالمدرس الخايس << مع احترامي لكن لشد الهمه والعزيمه بالانسان http://www.c-rct.com/vb/images/smilies/biggrin.gif


كلمات بسيطه وبانتظار مشاركاتكم اما بالتوجيه او النصح او الارشاد او غيرها

ولي عوده بأذن الله لكن النوم سلطان :14:

[ms_mahawy]

مشكــــــــــــــــــــــــــــــــور
ويعطيك الف الف الف عافيه


واسمحولي ترى بزعجكم بالاسئله ..
لاني طالبه جديده وقبلوني جامعة الرياض كلية التربيه رياض اطفال وانا مو عاجبني القسم
وانا نسبتي المركبه زينه::
ومو عاجبني القسم ..
ونفسي ادخل كلية التقنيه محاسبه ..

وابغى خطوات التسجيل بكلية التقنيه بالتفصيل ..
لان بكرة الاحد 9/8/1429
لاااازم ارسل ملفي للجامعه والا بروح علي القبول ))

السؤال ::
عادي اسجل بنسخه من بشهادتي الاصليه لان النسخه الاصليه
بتكون مع جامعة الرياض ؟؟

وبعدين اذا تأكد قبولي اسحب ملفي!!

[كيف الحال]

الله يعافيك

قسمك حلو وفيه احلى من الاطفال http://www.5foq.com/vb/images/smilies/CE_DP_Stealer.gif

التسجيل بالكليه التقنيه يفتح ان شاء الله بتاريخ 15-8

يعني السبت الجاي ان شاء الله

اما التسجيل بالشهاده الاصليه ولالا

ويمكن لمن ترغب التقدم في اليوم الأول فقط من فترة تثبيت القبول بصور الشهادات للتأكد من استحقاقها لتثبيت القبول ثم استكمال تثبيت القبول بأصول الشهادات بعد خلال فترة تثبيت القبول المعلنة.

مثل ماهو موجود هنا

http://gt.gotevot.edu.sa/reg-menu.html

الله يوفقك ان شاء الله

[دانة السعودية]

السؤال ::
عادي اسجل بنسخه من بشهادتي الاصليه لان النسخه الاصليه
بتكون مع جامعة الرياض ؟؟


اختي احسك مافهمتي علي يوم ارد عليك بموضعك الي نزلتيه من فترة


كليتنا ماتقبلك إلا بشهادتك الأصل
وقلتلك إذا طلع قبولك باالتقنية روحي لكلية المعلمات واسحبي ملفك وإذا سحبتية اكيد راح تكون الاصل معك

باالنسبة للتقديم في الكلية ترا التقديم باالنت ثم بعد كذا يطلعون اسماء المقبولات بنفس الموقع

إذا طلع اسمك معهم روحي للجامعة واسحبي ملفك <<<اتمنى انك فهمتي

تكفين إذا مافهمتي قولي ترا والله عادي

اي سؤال اي استفسار ترا انا مستعدة

[M2m]

انا بسالك اخوي
تعرف عن النظام الموازي حطيت موضوع ولا احد فادني

او عطوني ارقام اقدر اكلمهم واتفاهم معم
لان كل الارقام الي بالموقع ماحد يرد عليها

[ms_mahawy]

الله يعافيك

قسمك حلو وفيه احلى من الاطفال http://www.5foq.com/vb/images/smilies/CE_DP_Stealer.gif

التسجيل بالكليه التقنيه يفتح ان شاء الله بتاريخ 15-8

يعني السبت الجاي ان شاء الله

اما التسجيل بالشهاده الاصليه ولالا



مثل ماهو موجود هنا

http://gt.gotevot.edu.sa/reg-menu.html

الله يوفقك ان شاء الله



مشكــــــــــــــــــــــــــور اخوي
ويعطيك الف الف الف عافيه
والله يوسع صدرك مثل ماوسعت صدري
:o:o

[ms_mahawy]

اختي احسك مافهمتي علي يوم ارد عليك بموضعك الي نزلتيه من فترة


كليتنا ماتقبلك إلا بشهادتك الأصل
وقلتلك إذا طلع قبولك باالتقنية روحي لكلية المعلمات واسحبي ملفك وإذا سحبتية اكيد راح تكون الاصل معك

باالنسبة للتقديم في الكلية ترا التقديم باالنت ثم بعد كذا يطلعون اسماء المقبولات بنفس الموقع

إذا طلع اسمك معهم روحي للجامعة واسحبي ملفك <<<اتمنى انك فهمتي

تكفين إذا مافهمتي قولي ترا والله عادي

اي سؤال اي استفسار ترا انا مستعدة



لا انا فاهمــــــــــــــــــه
بس التردد والخوف اربكني

وكل خوفي اني اسحب ملفي واتورط ...

طيب::
((( اذا طلع اسمي مع المقبولات بعد القبول الالكتروني
اكون خلاص مقبوله يعني اكيـــــــــــد ))؟؟؟

ويعطيـــــــــــــــــــك الف الف الف عافيه
وانــــــــا تراني مزعجه استحملوني
:o:o

[دانة السعودية]

((( اذا طلع اسمي مع المقبولات بعد القبول الالكتروني
اكون خلاص مقبوله يعني اكيـــــــــــد ))؟؟؟


ايه اكيد مقبولة حنا العام كذا وانا مااتكلم عن نفسي في ثلاث بنات معي الحين ونفس قصتي ولا صار لهم شي

يعني السالفة مضمونة

[كيف الحال]

دانه

شكررا على الاضافه

ومثل ماقلتي التسجيل مبدأي مايحتاج الا تسجيل اشياء روتينيه

ولا جاء الجد اسحبي حتى صك البيت ووديه للكليه :p


M2m

النظام الموازي فيه ثلاث تخصصات الي هي :

تقنية الحاسب
- دعم فني

التقنيه الاداريه
- محاسبة مالية
- اداره مكتبيه

التقنيه الالكترونيه
- الكترونيات صناعية وتحكم

هذي التخصصات المتوفره حالياً

تروح للكليه التقنيه ولمبناء الخدمه الاجتماعيه

وتسئلهم وتستفسر اكثر واكثر

انا مره كنت بقدم على الموازي ورحت لخدمة المجتمع وكان كل شي ميسر

طبعا كل قسم له مبلغ معين

وكل ترم له مبلغ معين

وكل ماده لها مبلغ معين خخخخخ

يعني مثلا بأخذ مادة تطبيقات الحاسب سعرها 220 ومادة الالكترونيات سعرها 180 وماده كذا سعرها كذا

هذا الي فهمته من الكتيب الي عطوني اياه

ولكن المبلغ مايتعدى بالترم الواحد 4000 ريال

ومثل ماقريت بموقعهم الحالي بأن على كل ساعه معتمده تدفع 250 ريال يعني الظاهر الغوا نظام كل ماده سعر

على العموم تقدر تستفيد اكثر من الموقع http://www.ccsct.edu.sa

وهنا ارقام الاتصال http://www.ccsct.edu.sa/pageplus.php?id=14

والله يوفقك

[ms_mahawy]

ايه اكيد مقبولة حنا العام كذا وانا مااتكلم عن نفسي في ثلاث بنات معي الحين ونفس قصتي ولا صار لهم شي

يعني السالفة مضمونة


مشكــــــــــــــــــوره
ويعطيـــــك الف الف الف عافيه
وماقصرتـــي
:):)

[ms_mahawy]

دانه

شكررا على الاضافه

ومثل ماقلتي التسجيل مبدأي مايحتاج الا تسجيل اشياء روتينيه

ولا جاء الجد اسحبي حتى صك البيت ووديه للكليه :p


M2m


اسحب صك بيتناااا ليش مااسحبه ....
خخخخخخخ
:39::39:

[n9n9]

حتى لو ماطلع اسمك لاتيأسين يرسلون مسجات قبل الدراسه اذا لقو مقاعد متوفره :)

[αzzαм вιη αв∂υℓαzιz]

الله يعطيك العافية أخوي كيف الحال ع الموضوووووع .....





تحيـــــــــــــــــــــاتـــي

[المحتااااره]

السلام عليكم

ولا عليكم امر ,,, عندي سؤال عن الكشف الطبي

الحين اذا طلع اسمي ورحت بالاوراق حقت القبول

لازم يكون معي الكشف الطبي (النسخه اللي موجوده في الموقع)

مختوم من المستشفى واخلص الاجراءات

أو لازم استنى لين ياخذون اوراقي ويقبلوني بعدين اسوي الكشف ؟؟؟

ويعطيك العافيه اخوي كيف الحال على الموضوع

[الهنـــــوف]

وعليكم السلام محتاره

انا عن نفسي ورقه الكشف ماجبته :rolleyes:
ولا سألوا عنها:)

[n9n9]

لاتشيلين همها اصلا اذا رحتي لهم قالو لاتجيبينها الا على بداية الدراسه ولاعاد يسالون عنها بعدين

[المحتااااره]

صدق وانامزعجه اهلي ابي اخلصها من الحين

...كان معي وقت رحت ولا اخليتها بعد التسجيل

مشكورين خواتي.. يامال العافيه:)

[ms_mahawy]

كلية التقنيه السنه هذي يتعاملون بالنسب ::
المركبه .. والا .. التراكمي بس ..
؟؟؟؟؟؟؟؟؟

[دانة السعودية]

كلية التقنيه السنه هذي يتعاملون بالنسب ::
المركبه .. والا .. التراكمي بس ..
؟؟؟؟؟؟؟؟؟


سؤالك فيه صعوبة شوي هههههههه

عن نفسي والله مادري

[ms_mahawy]

سؤالك فيه صعوبة شوي هههههههه

عن نفسي والله مادري



خخخخخخخخخخخخخخ

خلاص بوضح لـكــــــــم ::

التراكمي هووو :::

نسبة ثاني ثانوي + نسبة ثالث ثانوي = تراكمي


المركبه هي :::

التراكمي + القدرات + التحصيلي = نسبه مركبه


:d:d

[كيف الحال]

ms_mahawy

التقنيه ماتعتمد على القدرات ابد

فاتوقع انه تراكمي بس

حسب السنين الي راحت ماكانوا يعتمدون الا على نسبة الثانويه

[ms_mahawy]

ms_mahawy

التقنيه ماتعتمد على القدرات ابد

فاتوقع انه تراكمي بس

حسب السنين الي راحت ماكانوا يعتمدون الا على نسبة الثانويه

شكـــــــــــــرا
ماقصرت
:):)

[ms_mahawy]

سؤااااال ::
:20::20:

للي يدخلون بفلوس نظامها زي نظام الجامعات...
مثلا اذا جبت معدل عالي الترم الاول ادخل الترم الثاني عاااادي بدون فلوس ؟؟

[دانة السعودية]

للي يدخلون بفلوس نظامها زي نظام الجامعات...
مثلا اذا جبت معدل عالي الترم الاول ادخل الترم الثاني عاااادي بدون فلوس ؟؟


والله مادري

بس بغيت اقولك ترا الي بفلوس نظامهم ليلي يعني يبدأ من العصر

[كيف الحال]

للي يدخلون بفلوس نظامها زي نظام الجامعات...
مثلا اذا جبت معدل عالي الترم الاول ادخل الترم الثاني عاااادي بدون فلوس ؟؟

ايه معدل 3 او 3 ونص

ومثل ماقالت الاخت دانه

بأن النظام ليلي

من 4 العصر الى 10 الليل

على حسب كلام اخوياي

يقولون فله وافضل من الصبح بكثير وفيه مساعدات لان اغلب الي يدرسون بهالوقت يكونون موظفين الصبح فيكون فيه مراعاة لهم

بالنسبه للبنات مدري

[ms_mahawy]

ايه معدل 3 او 3 ونص

ومثل ماقالت الاخت دانه

بأن النظام ليلي

من 4 العصر الى 10 الليل

على حسب كلام اخوياي

يقولون فله وافضل من الصبح بكثير وفيه مساعدات لان اغلب الي يدرسون بهالوقت يكونون موظفين الصبح فيكون فيه مراعاة لهم

بالنسبه للبنات مدري




مشكـــــــــــــــور
يعطيك العافيه
:):)

[ms_mahawy]

سلااااام

سؤااال ::

بطلب التقديم نحط نسبة ثالث والا التراكمي ؟؟؟

[ms_mahawy]

متى اعلان النتائج ؟؟
ومتى المقابله ؟؟
:):)

[دانة السعودية]

مادري والله متى الاعلان بس العام تأخرو مانزلوها

ومافيه مقابلة


وإن شاء الله تنقبلين

باالتوفيق

[ms_mahawy]

مادري والله متى الاعلان بس العام تأخرو مانزلوها

ومافيه مقابلة


وإن شاء الله تنقبلين

باالتوفيق





مشكـــــــــــــــــــــــــــــــــــــــورة
والله يسمع منك يابعدي ..:)

[n9n9]

بعد اسبوع ان شالله يطلعونها وتأخرو العام يوم اويومين يعني انتظروها الاحد ولاالاثنين الجاي

:)

[عزيزه 15]

وربي كل شوي داخله النت من الخوف أشوف النتائج نزلت ولا لسا

N9n9 تقصدين الأحد الي بكره ولا الأسبوع الجاي ردو تكفون؟

أنا الحين باقي ساعه وأروح لأختبار القبول معهد الأداره الله يعين

بس ماودي الأ التقنيه لان صديقاتي فيها من العام والسنه هذي بعد

الأخت داخلتها تبي الوناسه :39:

[عزيزه 15]

بنات ردو علي الاحد الي بكره ولا الاسبوع الجاي

[n9n9]

اي بكره ان شالله


والله يوفقك

[ms_mahawy]

؟؟


انا قبلوني احتياط ...

متى اخر موعد لاعلان نتايج الاحتياط ؟؟


ووووو


متى يبدا التسجيل المسائي ومتى ينتهي؟؟؟

[اعلامي]

سؤال
انا مقدم على الكليه عن طريق الموقع

لكن انا متعدي ست سنوات بعد الثانوي هل يقبلوني ؟؟؟؟؟؟

[الزيزفون]

ضرورررري بالله عليكم
ومن له خبره
((الدبلـــوم المــــوازي)) لو جبت معدل عالي
في أمكانيه يتحول الترم اللي بعده انتظااام ( صباحي )

[كيف الحال]

اعلامي

الله اعلم بس ان شاء الله يقبلونك لو الترم الثاني

الزيزفون

ايه نعم

اذا جبت معدل 3 او 3 ونص تحول الصبح عادي

والله يوفقك

[الزيزفون]

التحويل صباحي يعني بدون رسوم ويصرفولي مكافأه

[الهنـــــوف]

التحويل صباحي يعني بدون رسوم ويصرفولي مكافأه

انا ماقد سمعت ان اذا جبتي معدل حلو بالمسائي يحولونك انتظام مسائي ويصرفون لك مكافأه
اتوقع الصباحي شي و الموازي شي ثاني:15:

[الزيزفون]

طيب غريبه سمعت من كثير
أن في أمكانيه لو جبت معدل عالي
أنتظم وبنفس الوقت تصرفلي مكافأه
وتنلغي الرسوم
بالله أفيدوني هالكلام صحيح ولابس كلام منتديات ..؟؟؟

[بنت تصميم ونعم]

شبه صحيح مو 100%

[كيف الحال]

الزيزفون الا متاكد 100% تصير طالب عادي مثلك مثل غيرك

هالكلام سواه خويي قبل سنه تقريبا

وله ترمين الحين معنا انتظام وتصرفله مكافأه

[الهنـــــوف]

الزيزفون الا متاكد 100% تصير طالب عادي مثلك مثل غيرك

هالكلام سواه خويي قبل سنه تقريبا

وله ترمين الحين معنا انتظام وتصرفله مكافأه


يمكن عند الاولاد بس :rolleyes:

[كيف الحال]

امم عاد ماعرفش البنات عندك والعيال عندي

الا على الطاري

الزيزفون ولد ولا بنت هههههه

[ms_mahawy]

انا قبلوني احتياط ...

متى اخر موعد لاعلان نتايج الاحتياط ؟؟


ووووو


متى يبدا التسجيل المسائي ومتى ينتهي؟؟؟

[الهنـــــوف]

امم عاد ماعرفش البنات عندك والعيال عندي

الا على الطاري

الزيزفون ولد ولا بنت هههههه

:19: :19::19: زيزفزن ياليت تجاوبين او تجاوب

[كيف الحال]

ms_mahawy

الاحتياط دايم يعلنون عنهم اذا بدأ الترم وشافوا فيه بنات ماجو يقدمون اوراقهم

يعني اصبري وان شاء الله بتفرج او بالترم الثاني


اما المسائي اممم اتوقع الى مايبدا الترم او مع بدايه الترم وخلال اسبوع من الدراسه

لاني انا جربت اقدم قبل سنه موازي وكان وقت تسليم الجداول يعني اول اسبوع

[(*خطاك ضيع غلاك*)]

طيب انا بسأل ...
انا انقبلت احتياط
وعندي واسطه قوبه بالكليه..
السؤال//
متى ارسل اوراقي بالبريد؟
وش ارسل يعني بس اصل شهادة الثانويه وشهادة حسن سيره وسلوك والواصطه هع
ويمدي الحين ولا راح علي؟؟
لانهم ما كتبو موعد محدد؟؟؟
اتمنى القى جواب سريع
لان ضروفي صعبة هاليومين بدخل بكرى سس

[كيف الحال]

متى ارسل اوراقي بالبريد؟
وش ارسل يعني بس اصل شهادة الثانويه وشهادة حسن سيره وسلوك والواصطه هع
ويمدي الحين ولا راح علي؟؟
لانهم ما كتبو موعد محدد؟؟؟

دام عندك واسطه امورك ماشيه بأذن الله لان كل دكتور له كم مقعد بالكليه

انا طبعا دخلت بواسطه قدمت اوراقي باول يوم بتوزيع الجداول وكان مسكر التسجيل من زمان خخخخخخخ

بس مدري الحين يمكن شددوا ولا شي

مثل ماقلت شهادتك وسيره وسلوك ومدري يطلبون كشف طبي ولالا ويعطونك هناك استماره تسجيل تكتب فيها الي تبيه

بس تاكد قبل من واسطتك واسئله ودامه بيتوسطلك اكيد يعرف الانظمه اكثر

[n9n9]

يااااا بنات


ترى انظمتنا غير الاولاد انتبهو

[ms_mahawy]

يااااا بنات


ترى انظمتنا غير الاولاد انتبهو



طيب الله يعاافيك حطي لنا الانظمه كلهاااا
ومشكوره
:):)

[(*خطاك ضيع غلاك*)]

طيب انا بنت ومانيب عافتن شيء
ارسل وانتظر ولا اروح بنفسي؟؟
وبعدين الواسطات مابعد بدت يعني ارسل واخلي الواسطه يكلمهم؟؟
تكفون فهموووون تراي دبشه
واذا ان شاء الله انقبلت على خير
اللبس عندكم مفتوح ولا لازم ابيض واسود؟؟؟
انا ما اعرف احد هنا كلهم بسعود والامام ...
فهمون كل شيء بالتفصيل
وكم سنه 4سنوات ولا سنتين؟؟؟؟
موب انا اللي مسجله خالتي سجلت لي كنت مسافره؟؟؟؟

[n9n9]

8
8

اذا مقبوله واسمك مكتوب عنده مرشحه روحي لاتجلسين


وان شالله لمايقبلونك مو لازم ابيض واسود البلايز الوانها ع كيفك بس اهم شي كمها مو قصير

والتنوره سوداء وماتكون قصيره


والدراسه سنتين ونصف تدريب

[عزيزه 15]

سؤال للبنات الي العام أنقبلوا ترم ثاني يوم كتبو لك مرشحه
تروحون لهم على طول قبل الترم الأول و تعطونهم أصل الثانويه
ولا تروحون لهم قبل بداية الترم الثاني

[n9n9]

8

8

قبل الترم الاول

[عزيزه 15]

مشكوووه يا N9N9 دايم ما تقصرين أنشاء الله تنجحين
بكلية التقنيه بمعدل عالي

[مستجدة]

Hi

صبآيآ


كيفكووون


وكيف أول يوم رمضآآن .. !


أحب أهنيكم وأهني N9N9 بالأخص .. وربي فآقدتك ..


وكوووليآآتكم .. وبصرآآحه فكرة هالموضوع رووعه .. مشكورين رآعين الفكرهـ ..


..



وعندي سؤآل ..



هل هل هل باللإمكآن أني أنتقل من التقنية اللي بالرياض إلى تقنية بمدينة ثآنية(يوجد فيها التقنية للبنات) !!!


هذآ السؤال خطر على بآلي وأشغلني .. مع أنـي مآرح أترك الرياض من غير شر ..


بس حبيت أسأل إذا وحده مثلاً نقلت من مدينة لـ مدينة هل تقدر أنها تنقل !! ..




اللي عندهآ إجآبه ترفع أصبعهآ << هههههههههه


فتكوو بعآآفية !!

[n9n9]

هلا والله مستجده

احلى ولكم باك وحشتينا مره


وكل عام وانتي بخير والشهر عليك مبارك


بخصوص سؤالك بجاوبك باللي اقدر عليه

بصراحه معاي العام وحده كانت معاناوهي بتتزوج .. الله يوفقها .. وبتروح للاحساء المهم راحت وسالتهم وقالو عادي بس اهم شي تجبين لهم شي يثبت انك بتسكنين هناك: صك البيت مثلا او عقد ايجار


والله يوفقك حبيبتي حبيت افيدك باللي عندك

[مستجدة]

هلا والله N9N9

ينعآد علينــآ بالصحة والعآفية ..

مشكورة حبيبتي ع الإجآبة ..


والله يوفق الجميع ..



" صيآماً مقبولاً .. وإفطاراً شهياً .. "



:)

[طمووحه]

السلام عليكم ورحمة الله وبركاته


انا اول مره اشارك في هذا المنتدى الرائع وحبيت

استفسر فقط عن رأيكم في قسم التسويق

لأنهم توهم قابلين اخوي فيه وما كان يرغب فيه

وبصراحه مانعرف عن القسم شي الا شي بسيط

قريته في المنتدى فودي انكم مشكورين تساعدوني

هل هو زين ولا لا يعني مستقبله كويس.... وان شاءالله

راح يتوظف على طول بعد التخرج؟؟



معليش طولت عليكم بس مالي الا الله ثم انتو


في امااااااان الله

[مسيرة الجاكل]

اهلاوسهلا اختي
][®][^][®][طمووحه][®][^][®][


اولااا مبرووك على قبوول اخووك في كلية التقنية قسم تسوويق ممتع وشيق من الدراسة مع انه غير تخصصي انا بس حبيت اطرح ردي والمساعدة لخوكي راح اعطيك عن موضيع التسوويق من ناحية المستقبل مستحيل اي قطاع خاااص تعمل من دون تسويق واذا كان رغبة اخوك في تخصص اخرى فهوو يستطيع التحويل في الترم الاول اذا وجد مقعد لان البعض يسحب ملفه من الكلية والبعض يريد التحويل الى تخصص اخرى وان لم يستطيع فاعنده الترم الثاني وان يحصل على معدل اعلى من 3.5من 5 ليضمن التحوويل هذا الي عندي من العلم يااختي ونشالله الاخوان مايقصرو معاكي

بتووفيق انتي واخوووك


اخووك/مسيرة الجاكل

[طمووحه]

هلا اخوي (مسيرة الجاكل)


جزاك الله خير على الرد والله يبارك فيك
طمنتني شوي والله يكتب إلي فيه الخير

وبتوفيق للجميع ان شاء الله

:)

[عزيزه 15]

السلام عليكم

أنا صديقتي قبلوها المعهد التقني للبنات بالرياض وهي تبي تروح لهم
يوم السبت بس موعارفه الأ أنها بحي صلاح الدين شمال الرياض بس
لوسمحتمت أبغى أعرف وش الشارع الي هي فيه؟؟؟؟؟

[كيف الحال]

هلا بك

بطريق الملك عبدالله

خلف الممشى حق الحوامل

[عزيزه 15]

8
8
8
مشكوووور أخوي

[n9n9]

بعد تقاطع صحارى على طريق الملك عبدالله تروح ع طول واول لفه يمين فيه لوحه كبيره الكليه التقنيه بالرياض وفيها سهم ع اليمين تروحين يمين وبعدين ع طول واخر الشارع بيجيك شارع يوديك يمين او يسار روحي يسار وتجيك الكليه ع المين ادخلي مع البوابه الغربيه قدام مطعم صب واي


والله يوفقها