الى متى مكاااااافأت البنات :(

[n9n9]

السلام عليكم

بكتب لكم كل اللي في قلبي


صراحه انا مالي مستوى واحد في هالكليه رحت لمسوتى ثاني الحمدلله ..


في قلبي اشياء وابي اطلعها :

اولاً / متى عطونا بطآقات الصراف ويوم عطوناها صارت فاضيه وكل يوم نسالهم يقولون ماندري انتي شيكي اضاهر يبونا نقعد عند الصرآف ليل ونهار !!

ثانياً / النتائج ومادراك مالنتايج !! يوم كنا بالاختبارات رازين في كل زاويه من الكليه
((للحصول على النتائج الرجاء الدخول على هذا الرابط التالي ))
وعطلنا حمدلله وجلسنا اسبوع عادي كل الناس اسبوع بعد مايعطلون وجلسنا اسبوعين قلنا يالله احتمال يصححون والاسبوع الثالث وطلعت نتائج الاولاد وطلعت معاهد البنات بس في مناطق ثانيه الامنطقة الرياض والاسبع الرابع والخامس وماندري من نسال ولاشنسوي انا صدفه عرفت من صديقتي راحت تاخذ بطاقتها قالت انهم رازين ورقه عند الباب وان النتايج طلعت وكاتبين استلموها من القبول والتسجيل ..

يعني بلاهي هذي معامله !! احنا شلون ندري ان النتايج طلعت مغير قاعدين نحدث بذا الرابط ليل ونهار..

وقضينا من هم هالنتايج جانا هم المكافأت الي مادري شقول صراحه صرفلونا شهر 2 و3 مع بعض وبعدين صرفولنا شهر اربعه بلحاله وكل هذا قبل الاخبتارات بإسبوع ..


والحين احنا اليوم التاريخ 27 / 7 ماستلمنا مكافأه من شهر 4 ويوم نستلم مكافأة شهر اربعه كان التاريخ 5/6

يعني وش هالظلم ياناس !!!

وادخل الاقي الاولاد ينتظرون شهر 9 واحنا تونا مادخلناه!! وش فرقنا عن الاولاد ليه يسووون فينا كذا !!

هذا واحنا اقل منهم في العدد ..




في الاخير .. ابي اعرف متى بينزلونها !!!!!!!!!!!!!!!!!!!!!!
!!حسبي الله ونعم الوكيل على كل ظالم !!

[αzzαм вιη αв∂υℓαzιz]

الله يعييييييييييييييييييييييينكم ..............



الصبر مفتاااااااااااااح الفرررررررررررررج ...........



تحيـــــــــــــــــــــــــــاتـــــــــي

[n9n9]

صبرنا والصبر مل منا :(

[وجدان]

الله يعينكم

[a7La bEnT]

الله يصبرنا اختي N9N9 مالنا الا الصبر :(


انا كملت عندهم تقريبا سنه مانزلي ولامكافاءه بسبه ان البطاقه دخلت بالصراف ولا طلعت ... تعرفين يحولونه على البنك اللي في باريس <<< تتطنز ;)



ايه اقصد بنك "الخياس" :17:ماقد وقفت عند صراف من صرافاتهم ولقيته يشتغل مثل العالم والناس الا القاااه اوف لاين ولا بس اذا مو مكتوب اوف لاين تدخلتي بطاقتك يبلعهاااا


بس اقوولك على فووكره:39: "مالك الا تدينين واذا طلعت المكافاءه تسديدين دينتس" <--- اقووول طسي انتي و فكرتك

<---- هاذا بالنسبه للمكافائتهم :D


اما بالنسبه للنتايج وما ادراك ما النتايج :D
ف انا اقترح انه تمرح عندهم للسنه اللي بعدها نرفع ضغطهم و نستانس قال ايش /// \\\ قال يوم شهادات مابقى الا نلبس الفستان الوردي الفاتح ابو اكمام ونروح ناخذ شهاداتنا ونعطيهم كيكه مكتوب عليه "مبروك النجاح" ونوزع على الابلات ورد و اجيب وحده من بنات خالتي معي عشان تسلم معي:29:


الناس تطورو و وصلو السما وهذولا يوم شهادات:32: ،،، الجامعات الباقيه بعد يومين من اختبارك يطلعون انتي ناجحه بالماده او لا ..... وهاذولا صارلنا شهرين ماطلعوو انتي ناجحه او لا ... ولا بعد اسمها التقنيه من وين تقنيه ... بس ما اقووول الا متى اتخرج منهااا و افتكـ

تقبلي مروري


:27:

[αzzαм вιη αв∂υℓαzιz]

أوف أوف أوف أوف أوف أوف.........



لهاالدرجه ... بصراحه الله يعينكم ويصبركم على بلواكم ......



تحيـــــــــــــــــــــــاتـــي

[مستجدة]

" دعـآني الشوق "


هذآ القليل من الكثيرررر ...



N9n9

والله كلأآمك كل حرف فيه درّه .. تسلمي حبيبتي ..


أحسّ طلعتي حرتي شوي ..



كمآن أحلى وحده يسلم تمّك ..


بس ولا يهمك لما رحت آخذ نتيجتي لبست الفستآن الورردي هههههههههه


..


رددووو يا بنآآت ( يا ليل ما أطوووووولـك )


..




حسبُـآ الله ونِعم الوكيل ..

[n9n9]

مشكوره ع المرور اختي بس والله شي متعب :(

[A N G E L]

ماقصرتي والله ياصديقتي << تبي تعلم بالغصب انها صديقتها خخخ

من جد والله ليش مستهترين فينا لهالدرجه قسم بالله ذبحونا
سكتنا وسكتنا وصبرنا بس لين متى !!

بصراحه كليه مثل هالكليه ماعمري شفت لانظام لا احترام لا تقدير

اقول

الله لنا .. ويعينا على ماا ابتلانا

[n9n9]

:(



:(


:(

[[ع]ـآلمي.الـ[خ]ـآص]

أختي n9n9


أنتوا تتأخر عليكم المكافأة

حنا مررره خير شر مافيه مكآفأة < يدرس مسآئي تقنية :32:


وغير كذ1 رسوم على كل ساعه 250 ريآل عاد احسبي ههههههههه


ربي يوفق الجميع

[المصممة mo0ony]

الله يعين الجميع


بس ما صارت حاله

انا من سمعت طاري ان المكافئه بتنزل فكيت الجيب <<< مسويه فيها كريمه لا تكذبين انتي موني



والحين بلشت لامكافئه ولا شي

...


ومن ناحيه النتايج للحين ما عندي نيه اروح اخذها


اذا جاء الترم الجاي مره وحده والا البس الفستان الزهر من الصبح <<< افلقوني اقوم

يازين المساده والمكيف على الصبح





ورددو ياااااااااااااااااااااااالــــــــــــــــــــــــ ــــــــيـــــــــــــــــــــــــــــل

مـــــــــــــــااااااااااااااااااااااااأطــــــــ ــــــــــــــــــــولــــــــــــــــك


...


وعلى فكره تراهم ناوين يحطون باصات الترم الجاي


فرددوا ياليل بنغمه ثانيه تكون احسن


لانه بيتخرجون عيال عيالنا وهم مانزلوا مكافئه ولا نتايج ولا حطوا باصات <<<< تقنيه شيبان

[αzzαм вιη αв∂υℓαzιz]

ومن ناحيه النتايج للحين ما عندي نيه اروح اخذها


بالله عليك إثرك راعيت طويله...........



الله يعينك ويعيننا ............



تحيــــــــــــــــــــاتـــي

[كيف الحال]

الله يعينك

تعالوا اعطيكم من مكافئتي بس لاتجي اكثر من 900 بنت ترى الي معي كله 900

توكم الله يصلحكم تشتكون

حنا جلسنا خمسطعش سنه مكافئتنا يجمعونها لنا اذكر قبل سنه نزلتلنا مكافئه 7 شهور

ومابدوا ينتظمون الا الترم الي راح والي قبله

اما قبل كان مهازل × مهازل

واول ماينزل خبر بالجريده ان فيه تأخير من بكره يعلقون على الجدار تعالوا الملعب واستلموا مكافئتكم :d

[المصممة mo0ony]

بالله عليك إثرك راعيت طويله...........



الله يعينك ويعيننا ............


ايه مطوله


ياعني ثاني اسبوع من الدراسه ان شاء الله


بروح اشوف الجدول والنتيجه


اوفر وقت

[αzzαм вιη αв∂υℓαzιz]

ايه مطوله


ياعني ثاني اسبوع من الدراسه ان شاء الله


بروح اشوف الجدول والنتيجه


اوفر وقت


أجل كبر ي الوساااااااااااااااااااااااااااده وأحلى نووووووووووووومه ........


تحيــــــــــــــــــــــاتــي

[*أحلام ورديه*]

مرحبااااااااااااااااا للجميع ... :D
حبيبااااتي لازم نسوووووي حملهـ لا لتاخير المكافااات .. :cool:
والله لوو اننا نطر منهم .. يمنووون علينا والا وشو .. هذا حقنا .. حسبي الله

اما النتااااائج والله اهلي يحسبووون اني اكذب عليهم راسبه والا شئ الله لا يقدر كل يووم اقووول ما طلعت وهي طلعت وخلصت بس مالي مزاااج اخذها .. عارفهـ مثل وجهي< اكيد حلوهـ خخخ:39:

ازعجوووونا بالرابط لا وليتهم حطوو الرابط بموقع الموسسه او شئ .. كتبناااها كتاااابه الله لايفشلنا بس .... القبول والتسجيل القبول والتسجيل القبول والتسجيل .. ازعجونا فيهم .. لا واذا رحنالهم .. الاخلااااق احياانا تكووون مره حلووووهـ .. للامانه ما اظلمهم كلهم بس تجيهم حالات ..

والله صدق ياليييييييييييييييييييييييييييييييييل ما اطووووووووووووووووووولك

[n9n9]

حسبي الله عليهم اليوم 1 شعبان وشيكت ومانزل شي



الله على الظاآآآآآآآآآآآآلم




شهر 5 وشهر 6 وشهر 7 وشهر 8 بعد


:(

[روحي ولاموت امي]

الله يكون في عونكم حبيباتي العضوات

والله تكسرون الخاطر

قلبي معكم ,, لكن مكافأتي مالكم شغل فيها

وتقبلوا تحياتي

وتراني امزح

فدى مكافأتي اللي تبيها

[n9n9]

8

8

ليش انتي وين تدرسين!!

[الهنـــــوف]

ايه والله متى تنزل ؟؟
عشان اسدد ديوني:30::30:

[αzzαм вιη αв∂υℓαzιz]

شهر 5 وشهر 6 وشهر 7 وشهر 8 بعد



ايه والله متى تنزل ؟؟
عشان اسدد ديوني



اللـه يكوووووووووووووووون في عونكـــــــــــــــــــــم .......



تحيــــــــــــــــــــــــــــاتــي

[بنت الجيران]

اقول انا مسويه ابعزم اهلي بمطعم والظاهر مافيه عزيمه

والله لو نطلبهم الجنه

انا ودي بس نحرم الموظفين من رواتبهم شهر بس ونشوف وش يسون

قسم بالله يطلعن بشوشهن من القهر << لاحد يسمعك

الله يعيننا بس قسم بالله حاله ماصارت مكافاة نفرح به << اهئ اهئ

[كيف الحال]

انا ودي بس نحرم الموظفين من رواتبهم شهر بس ونشوف وش يسون

مايحتاج شهر

قولي يتأخر 5 ساعات بس

[αzzαм вιη αв∂υℓαzιz]

في الحقيقه الله يكووووووووووووووون بعونكممممممممممممم ...........




يعني لا نتائج ولا مكافأااااااااااااااات ..........



والله شي يرفع الضغط والمراره ويقهرررررررررررررررررر ...........



الله يكوووووووووووووووون بعونكممممممممممممم .........



الله يلووووووووووم اللي يلووووووووووومكم .......



تحيـــــــــــــــــــــــــــاتــي

[دانة السعودية]

شهر 5 وشهر 6 وشهر 7 وشهر 8 بعد


اقول اختي شكلك غلطانة لان فيه مكافأة استلمناها بأيام الاختبارات بس مادري اي شهر اتوقع حقت شهر ستة


تراني مادري وش اخذنا وش مااخذنا حسبي الله عليهم الي حاسبة باالاشهر تقولي

[الهنـــــوف]

^
^
^
وانا بعد اقول زيك
يعني بس 7 و8

[*أحلام ورديه*]

خووووواتي الظاهر من شهر خمسهـ ما استلمناااها .. لان استلمنا 2 و3 و4 بس ..
يعني 3 مكااافات فقط لاغير ..
بعدين حتى لو استلمنا حقت خمسهـ ما في مانع ينزلونها مره ثااانيه بدل تاخير ..
موافقين زيادهـ الخير خيرين .. << طسي بس ..

بس والله مثلكم مو متاكدهـ .. بس يلااااا يااااااااااااااااااااااااااارب خلاااااص ابغى مكافاتي ههههههه


بالتووووفيق للجميـــــــــــع..

[00سواها قلبي00]

اووووووووووووه جبتيها ع الجرح بصراحه كليه عدم
قالو ايش تقنيه بصراحه اسمها ظلم لا وابي اعرف
الاداريات اللحين يعطونهم دوره قبل الوظيفه بطولة اللسان وقله الادب
من زمان وانا نفسي اعرف ادارة خايسه وكليه عدم>>>>>>>>>>>>>الله يصبرنا

[αzzαм вιη αв∂υℓαzιz]

الاداريات اللحين يعطونهم دوره قبل الوظيفه بطولة اللسان وقله الادب





ههههههههههههههههههههههههههههههههه



الله يعينكم بصراحه دورات جديده ......



بس لاتخافين عندنا وعندكم خير==== يعني الحال من بعضه ...........


تحيــــــــــــــــــــــــــاتــي

[00سواها قلبي00]

ههههههههههههه من جد الاخلاق شي عندهم والمخالفات
كاننا سيارات ومرور >>>>>>>>>>اللبس والعبايه يحسبوننا بزران كبرنا والله000000000

[n9n9]

الاخت الي تسال عن اي شهر عطونا

انا متاكده وحاسبه بالتواريخ متى عطونا ..


اخر مكافأه كانت شهر 4




الله يصبرنا ..


هذا شعبان ينتصف !!!

[دانة السعودية]

الاداريات اللحين يعطونهم دوره قبل الوظيفه بطولة اللسان وقله الادب


ايوووووووووووه والله جبتيها على الجرح

آآآآآآآآآآآآآآه بس لاتقلبين المواجع

انا مااقهرني إلا موظفات القبول والتسجيل ودي افهم باالظبط وش هاالدورة الي متخرجين منها حقت بطولة اللسان وقلة الادب شكلهم ماخذين إمتياز<<وخصوصاً ذيك الي يسمونها مديرتهم

بإذن الله بس خليني اتخرج واجي اسدح قصتي الأليمة معها اخاف اقول القصة وتقراها وتعرفني وتحقد عاد هي خلقة حاقدة من دون شي وإن الله قدر اني ادبر لي احد اعرفة واقدم شكوى واشوف وش يصير معها بعدين

[00سواها قلبي00]

ههههههههههههه ياعمري علينا مااااسي منها
هالحقيرة والا ايام الاختبارات مسوووين اوقفي ع جنب ع اللبس او البطاقه
نجاااااااااااااااسه فيهم الله لايسامحهم يطيرووون معلوماتنا بصراخهم000000000

[n9n9]

يهايطون مدري ع ايش


احس تاخرت المكافأه بسبتهم

[00سواها قلبي00]

لا ابشركم وبعد جهد ومعاناه نزلوا المكافاءه
1980 مابغوا الله ياخذ عمرهم000000000

[دانة السعودية]

الله مير يبشرتس باالخير سواها قلبي

[αzzαм вιη αв∂υℓαzιz]

لا ابشركم وبعد جهد ومعاناه نزلوا المكافاءه
1980 مابغوا الله ياخذ عمرهم000000000






http://www.ojqji.net/up_vb/11063/68c07cb330.gif




تحيــــــــــــــــــــــــــــــاتــي

[*أحلام ورديه*]

اللي متاكدهـ انها نزلت ترد الله يووووفقها ياااارب ..

مال خلق ارووح اشيك عليها وما نزل شئ .. :D
هاه ردوووووووووووووا تكفووووووووووووووووووون .....!!!!

[بنت الجيران]

الله يبشرك بالخير والله فرحتيني بس صدق نبي احد يشيك :confused:

تراني مليت من كثر مااقوف عند الصرافه << الي يشوفه يقول رصيده ملايييين:D

[الهنـــــوف]

مبرووووووووووووك لكل الصبايا الامورات:):)

الله يبشرك بالخير سوااآآها قلبي:p

[n9n9]

زين حمدلله

هذي حقت شهر 5 و 6


الله يبشركم بالخير والله يعطيهم العافيه

[وجدان]

احنا اخذنا حقت 7 http://www.cheesebuerger.de/images/more/bigs/a084.gif

[*أحلام ورديه*]

كيف اخذتوووا حقت 7 .. وليه مو بنفس الكليه احنا .. والا وش الساااالفهـ ...

حددي انتي اي مستووى واي قسم .. تكفين لا تقهرينا..

[n9n9]

احلام لاتضيقين صدرك

وجدان مو بفرع الرياض


حسبي الله عليهم حاقرين الرياض اخر شي في كل شي :(

[*أحلام ورديه*]

ههههههههههههههههه والله اننا ننرحم ونضحكـ بعد والله لو اننا نطر منهم ..
والله العظيم حااااااااااالهـ ..

ياشيخه منة الله ولا منة خلقهـ بس ..

[00سواها قلبي00]

لا صدق انا صارفه مستحيل اقووول شي ويكووون مو صح والله يبركلكم فيها
مليونين شكلها <<<<<<<<<<<<هههههههههههه

[دانة السعودية]

انا توني اصرف اليوم الظهر

بس طلعت المكافأة 2800

اتوقع تأخرت باالصرف ونزلت وحدة ثانية غير هذيك الي قبل فترة

يعني نزلو تقريباً الف

او تسع مية


روحو شيكو

[برنسيسه التقنيه]

يابنات انا متاكدة ان الي نزلوة حق شهر 5و6و7اكيد

[الحربيه]

لحضه لحضه وش 2800 انا مانزل لي الا 1900 بس ...<<وكاشخه فيها بعد خخخ
باللهي وش زودهم عنئ ماينزلون لنا مثلا مثل غيرنا....

[دانة السعودية]

الحربية روحي شيكي لاني انا توني اسحب يمكن صاروا متراكمين علي عشان كذا طلعت 2800

[بنت تصميم ونعم]

ياقلبو مشكورين ع خبر وينور الله طريقكم يقولوا آآآآآآآآآآآآآآمين


يعطيكم العافيه من جد توني افتح عيوني ع خبر

[n9n9]

حبيباتي نزلو 1980 قبل فترة يمكن من اسبوعين وهذي حقت شهر 5 وشهر 6


واليوم نزلو شهر 7

990


ياحبيلهم ماتاخرو هالمره :)

[الحربيه]

ابشرك رحت ورفست الاله وطلع لي مكافئتي<<< اللعن ابو الدفاشه

[الهنـــــوف]

^
^
^
^
ههههههه :D

[00سواها قلبي00]

الله يبشركم بالخير وناااااااااسه
من بكرة عند الصراف000000000

[=* عيوبي مزايا *=]

وادخل الاقي الاولاد ينتظرون شهر 9 واحنا تونا مادخلناه!! وش فرقنا عن الاولاد ليه يسووون فينا كذا !!

الله يتممها علينا

<<<< يبي يرفع ظغطها ههههههه

[n9n9]

8

8

هذا اول الحين حمدلله إستلمنا كامل حقوقنا :)

[الهنـــــوف]

^
^
^
ايـه والله
يأآآحـبيلهم:)

[Control System]

مبروك المكافآة


لاتصرفونها


وراكم عييييييد :)

[كارينا]

قبل كنت متحمسه ادخل بس الحين بعد ماسمعت كلامكم قل الحماس
يعني معقوله كذا

[دانة السعودية]

قبل كنت متحمسه ادخل بس الحين بعد ماسمعت كلامكم قل الحماس
يعني معقوله كذا


هذا الجانب السلبي في كليتنا العزيزة


بس اكيد ماراح ننسى الجانب الأيجابي

من ناحية ان الاستاذات مامر على إلا الآن اي احد موش مضبوط


مناهجهم معقولة

اسئلة الاختبارات موب ذيك الصعبة الي مرة
ولاذيك السهلة الي مرة




هذا الي اقدر اقوله لك

اتمنى اني افدتك

[الهنـــــوف]

قبل كنت متحمسه ادخل بس الحين بعد ماسمعت كلامكم قل الحماس
يعني معقوله كذا

كارينا
شدعوه حنا بس نفضفض والا التقنيه:39:

وان شاء الله انقبلتي عندنا

[*أحلام ورديه*]

كارينا .. المشكلهـ بس احيانا تكووون بالمكافاااات .. والامووور الباااقيهـ .. اشياااء ثانويهـ
ومثل ما قالوا فضفضهـ لا اقل ولا اكثر ..
بس تبغين الصرااحهـ .. ترى كليتنا افضل من الكليات الباااقياات بامووور كثيرهـ
والله يووووفقكـ يااااارب ..

[فتى المحاسبة]

الله يعينكم بس اللي اعرف اتصل على رقم خدمة العملاء للبنك ويعطونك الاكيد

وهذا رقم البنك 8001242225


اللي اعرفه انه يوم 25/8/1429


انزلت مكافاة الشباب


يمكن الله يرزقكم وتكونون معنا




فتـــى المحاسبه

[الحربيه]

كارينا لاياحبي لك ادخلي التقنيه وانتي مغمضه تراهاا احسن من غيرهااا والمكافات اللي يشتكوون الطلاب منها ارحم من الكليات الثانيه يعني خوذي عندك؛
كليه الاداب بالرياض المسماه جامعه البنات مايستلمونها الا بعد اربع شهور
وياليتها زي العالم بصرافه لا تعالي وخوذي مكافاتك بيدك كنك عامل اجنبي
ولا ينافخوون بعد كنها مطلعتها من جيبهااا لا التقنيه وربي ارحم بكثييير

ادخلي وانت مستخيره وان شاء الله تنقبليني بعون اللي ماتنام عينه




الحربيه.....

[n9n9]

رجعت المشكله:(

[الهنـــــوف]

أبشتري لبس للعيد :( :(

[المصممة mo0ony]

ان شاء الله التاخير خير

[n9n9]

يارب تصبرنا بس

[أ.م..بنت القصيم]

الله يعينكم والله..

انا الحين بالمستوى الخامس يعني الحين اتدرب (اطبق)

وياما عانينا منهم .. نتايجنا اول مستوى طلعت قبل نهاية المستوى الثاني بشهر تقريبا :d

والمكافأت انواع المذله :( .. تقل جالسين نتشحدهم عند بيباان المساجد ..

والحين نحتري 10 متى تنزل بس ... هذا والمفروض يزيدوننا عشاننا نطبق .. بس الحين اقول ياليت ينزلون حقنا بعدين نفكر بالزياده خخخ

الله لنا بس .. وعلى قولتكم تسلفوا لين ربكم يحلها ...

الله يعوضنا بس ..

[mr.gn6]

تدرون ايش المصيبه
.
الحين كل المكفاءه رحت ديوون
.
وش الحل
.

[المصممة mo0ony]

والله شكل اخرتنا ديون



الله يخذ بليسهم ينزلونها ويفكونا

[ابونهار]

الحين الى يسمعك يقول مره حنا فالينها

انا درست صيفي حلو عطلنا في 26\8 تدرين متى نزلت النتايج في 28 رمضان وانا كل يوم عند الجهاز انتظر نتيجتي اخر شي كرهت ام النتايج تدرين متى اشيك على النتيجه اذا بدا الترم الى بعده عشان اصير متأكد مليون في الميه انها النتايج طلعت والله ارتفع ضغطي.

على العموم الله يعينكم تصبرو كل الموضوع مو مطول تخرجون وتفتكون :)

[الحربيه]

بجد زهق .. اختبارات وطفره ماتجي لازم شي يلطف جو الاختبارات
اخلصو عليناء نبيها

[n9n9]

يارب يفرحونا بعد الامتحانات ع الاقل:(

[منى الروح]

آمييييييييييييييييين

[M!ss Bebo]

مااتوقع ينزلونها الا في اجازة العيد اوقبلها بنقطه اوبعد الاجازه....

الصبر الصبرر :)

[نايف]

المشكلة الاداراة الماليه يقول انا مالي في مكافئتكم ..


اذا هو ماله فيها اجل مين انا :p

[وجدان]

ياليت ينزلونها فلوسي خلصت

[منى الروح]

كلنا فلسنا :(

[مدلعة واستاهل]

ههههههههههـ

بقولك شي انا وحدة من زميلاتي سحبت بطاقتها الصراف ...

وجلست المستوى الأول والثاني بدون بطاقة ...

وبعدين قالوا لها روحي البنك مالنا دخل ... والبنك يقولها لا لازم من الكلية!!


وآخر شي لطعوها سبعة شهور بعدين عطوها شيك

واظن لين الحين وهي بدون بطاقة ...


مانقول الا الله لنا

[الهنـــــوف]

خلااااااااااااااااااص نزلت ;)

[وجدان]

:d:):d:):d:):d:)

[بنوتة]

خلااااااااااااااااااص نزلت ;)

لو سمحتي متى انزلت المكافاة وحقت اي شهر

[شوق]

اكيييييييد انزلت ولا كلام

[برنسيسه]

كللووووووووووووووووووووووش..

[المشاكس]

اللحين البنات ينطلقون على الاسوااااااااااق

[المصممة mo0ony]

على البركه نزلت <<<< توها تدري << بدري

بس كم


لانهم طفرونا

[وجدان]

المشاكس اكيد ببنطلق للأسواق

احنا نزلت شهر شوال

[المشاكس]

:d

انطلق معكم ولا مايجي