وش سالفه المواقف ؟؟ وش ناويين يسوون ؟؟

[Control System]

السلام عليكم


هلا فيكم اخواني وربعي و زملائي وبقيه الجمع الغفير <<< اخلص :p


اخوكم انا اللى جالس اكلمكم الان

ساحب سيفون على الصيف وماخذ لى صيفي من زود الدفاره

المهم ومالكم بالطويله

ان المواقف بالكلية بيسوون فيها شئ

والله يستر

بدو يحفرون في الارض ويحطووون عمدان و شينكوو


والظاهر ان نيتهم شيينه

نبي واحد ذيباً امعط

يجيب لنا خبرهم تكفووون

[امير بكلمته]

والله يا خوك علمي علمك

الظاهر انها بتكون دورين وتحت قبو

وين جيان على غفله >>>هع

[αzzαм вιη αв∂υℓαzιz]

في الحقيقيه ياحبيبي أنا عندي علم وسمعته أكثر من مره وأكثر من شخص يقولون بيحطون المواقف كم دووووور يعني 1,2,3 الله أعلم بس أنا سمعت أنهم بيحطوون كم دووور وهذا خبر أكيد من الشخص اللي قالي الخبر وهو متأكد مرررره ( على كلامه ) ........


تحيــــــــــــــــــــــــــــاتــي

[..الطمـ فتى مكة ـوح..]

ياحظكم عندكم مواقف

حنا عالرصيف نوقف والله حالتنا حالة

والشارع زحمة

الله يكون في عوننا

وتقبل مروري

[αzzαм вιη αв∂υℓαzιz]

أخوي هامور ترا الحاله وحده خلها على ربك ................



تحيـــــــــــــــــــــاتــي

[دايم الغربة]

السلام عليكم ورحمة الله

أنا شخصياً وأعوذ بالله من كلمة أنا ..

أتوقع ...

أتوقع ......
اتوقعععععععععععععععععععععععععع

يسوون مضمار لممارسة تخصص تقنية ركوب الهجن

الترم الصيفي تجريبيا

تمهيدا لاعتمااااااد التخصص الجديد من معاليه

نظرا لحاجة سووووووق العمل :19:

والله أعلم

[[ع]ـآلمي.الـ[خ]ـآص]

هههههههههههههه حلوه دايم الغربه الله يرجك


والله أشوف ومدري وش السالفه ، ماندري عن تقليعاتهم

[المرقاب]

مشكورين
بالعكس اتمنا انهم يحطود مواقف دورين او اكثر وسبب قلة المواقف واهم شي الشمس
تطلع من الكلية والسيارة ماودك تركب فيها ولكن الزمن حدك
وشكرا لكم

[كيف الحال]

وعليكم السلام

شكلهم يدورون نفط

لاترجي شي ورى هالكليه

اخر شي يفكرون فيه المواقف

[Control System]

اقول لكم عواميد و شينكو

تقولين لى ادوار

وين عايشين حنااا


بالبطحااااء ؟؟؟

الظاهر انهم ناويين يخصصون هالحوش لتقنية الإبل و المواشي خخخ

او ناويين يستثمرون المواقف ويخلونها بفلووس ههههه علشان نوقف على طريق الملك عبدالله هههههااي

[511]

الترم الجاي راح تنصدمون صدقونى وقولو ابو 511 ماقلها


1 تغيير في الدراسة

2 تغيير في المواقف

3 تغيير في المناهج


وشكرا

[αzzαм вιη αв∂υℓαzιz]

2 تغيير في المواقف



أهم شي ي ي ي ي ي ي ي ي ي ي ........



تحيــــــــــــــــــــــاتــي

[السنايدي]

وعليـكم السـلام ورحمـة اللـه وبركاتـه

هــلا وغــلا أخـوي

Control System

بالنسبة لاستفسارك عن المواقف الشمالية لكلية التقنية بالرياض فخذ العلم مني

بناء على توجيهات وموافقة معالي محافظ المؤسسة العامة للتدريب التقني الدكتور علي الغفيص

في وضع خطة تنفذها إدارة المشاريع بالكلية التقنية بالرياض بوضع مظلات مواقف المباني الشمالية

للمتدربين والمدربين وأيضاً هنالك خطة لوضع مظلات على جميع مواقف الكلية ككل تشمل المباني

الشمالية والشرقية والجنوبية والغربية لسد ظلال الشمس والمطر وتهيئة مناخ مناسب لسيارات المتدربين

هذا والله أعلم،،،

السنـايـدي ــ مصدر في الكلية

[الهنـــــوف]

إيه زين يوسعون لكم المواقف:p

عشان ماتوقفون بمواقـفـنا:12:

[αzzαм вιη αв∂υℓαzιz]

بالنسبة لاستفسارك عن المواقف الشمالية لكلية التقنية بالرياض فخذ العلم مني

بناء على توجيهات وموافقة معالي محافظ المؤسسة العامة للتدريب التقني الدكتور علي الغفيص

في وضع خطة تنفذها إدارة المشاريع بالكلية التقنية بالرياض بوضع مظلات مواقف المباني الشمالية

للمتدربين والمدربين وأيضاً هنالك خطة لوضع مظلات على جميع مواقف الكلية ككل تشمل المباني

الشمالية والشرقية والجنوبية والغربية لسد ظلال الشمس والمطر وتهيئة مناخ مناسب لسيارات المتدربين

هذا والله أعلم،،،

السنـايـدي ــ مصدر في الكلية


الله يسمــــــــــــع منـــــــــــــــك .......

ياشيخ تجيب الشماسه حقت السياره ..تظلل السياره ... ( تجيب بيز من بيتكم )...

مافيـــــــــــه فايده الدركسوووووون نااااااااااااااااااااااااااااار...........




إيه زين يوسعون لكم المواقف

عشان ماتوقفون بمواقـفـنا


شكل السوااااق كل يوم يتأخر عليك شكله يوقف في آخر الدنيا ........



تحيــــــــــــــــــــــــــــاتــي

[Control System]

مشكور اخوى السنايدي

والظاهر هذا اللى راح يحصل

بس عساهم يخلصون منها قبل بداية الدراسة


اخوى 511

1 تغيير في الدراسة

2 تغيير في المواقف

3 تغيير في المناهج

تغيير في الدراسة وهذا شئ اكيد لكن المناهج ماراح يكون فيها تغيير بالنسبه للمضمون

لانهم قبل سنه غيروها

والمواقف راح تتغير لكن ماندري هل الى الاحسن ام لا

[بنت الجيران]

عشان ماتوقفون بمواقـفـنا

هههههههههههههههههههههههههههه دباسه حلوه

حرام خليهم يدخلون والله انهم مساكين

اشكالهم ترحم وهم يدورون موقف لسياراتهم

[كيف الحال]

511 يقالك جايب شي جديد

كل ترم يغيرون المناهج والكتب نستلمها بعد شهرين من الدراسه وبعد الاختبارات الشهريه هههههههههه

[αzzαм вιη αв∂υℓαzιz]

اشكالهم ترحم وهم يدورون موقف لسياراتهم



تكفين يابنت الجيران توسطي لنا عند دباسه عشان نوقف في مواقفكم .......

الحمدلله أنتي شفتي أشكالنا ورحمتينا ........


بليززززززززززززززززززززززز توسطي ي ي ي ي ي ي ي ..........



تحيــــــــــــــــــــــــاتــي

[الهنـــــوف]

شكل السوااااق كل يوم يتأخر عليك شكله يوقف في آخر الدنيا ........





هههه لا يجي بدري ويوقف عند الباب بعد :rolleyes:
بس قصدي الصباح وخاصه اذا جيت متأخره 9 أو10 القاكم موقفين عندنا
وتتهاوشون مع البواب(ابو علي) على المواقف:23:
ودايمن اقول وش يبون ذولا ؟:mad:

[الهنـــــوف]

هههههههههههههههههههههههههههه دباسه حلوه

حرام خليهم يدخلون والله انهم مساكين

اشكالهم ترحم وهم يدورون موقف لسياراتهم

لايوقفون عندنا ولا شيء
خلاص بيظبطون المواقف حقتهم
وماراح نشوف خششهم :17:

[Control System]

لايوقفون عندنا ولا شيء
خلاص بيظبطون المواقف حقتهم
وماراح نشوف خششهم


الحمدلله انى في المبني الرئيسي ولا اعرف مبني 18 وطقته من سنه هههههههاااي

[Abdullah Al-Hussain]

هذي عباره عن مواقف مظلله فيها اكثر من دور

وهي تعتبر من ضمن المرحله الثالثه

وبالاضافه للمواقف راح يكون هناك ثلاث مباني لتقنية الكهرباء

ونقل الادارة في مبنى آخر والمبنى الرئيسي يمكن يكون للحاسب والالكترونيات فقط

وتغييرات كثيره بطرحها قريب ان شاء الله بالصور التوضيحيه

[αzzαм вιη αв∂υℓαzιz]

ونقل الادارة في مبنى آخر والمبنى الرئيسي يمكن يكون للحاسب والالكترونيات فقط


ياحلوين خلوهم يجددووون مبنى الحاسب أنا أتحراله يوم يطيح علينا ؟؟؟؟؟؟؟؟؟





تحيـــــــــــــــــــــــاتــي

[بنت الجيران]

ياحلوين خلوهم يجددووون مبنى الحاسب أنا أتحراله يوم يطيح علينا ؟؟؟؟؟؟؟؟؟

ههههههههههههههههههههههههههه الله يكون بعونكم بس

[عبـآدي]

ههههههههههههههههههههههههههههههههههههههههههههههههه


مهآبيل انتو يحطون لكن مضلات ولا ياخذون منكم شي!!!!!!!!!!!!!!!!!!!

تخيلو بس ادوار ومظلات ولا شمس ولا شي ينعن ام الفله بس بدري عليك ياعميد الكليه كااااااااااااك

[بوزايد]

سلامات مواقف ادوار مسوين فيها الراشد على غفله
انا اتوقع بيسون مطاعم يعني يمكن 90% خخخخخ

[LBa your heart]

أجل بيسوون مواقف دورين ؟؟ حنا مبتلشين بطوول المسافة من آخر المواقف

للمبنى نعنبوا ابليسهم نزلت 5 كيلو وانا ناقص انزل زيادة بخخخخخخخخخخخخ

بس يمدحوون مواااقف جامعة سلطان كل ماامر واشوفهم مظلات وحركات انقهر

ودي ااوقف عندهم بس ظنك بيلحقني شي خخخخخخخخخ

عالعموم تطمنوا من مصادر خاصة تؤكد إن الحفريات اللي بالمواقف إنهم ناويين

يحطوون ملاهي عشان الطلاب اللي عنده اووف بين المحاظرات يقدر يجي يوسع

صدره ويضيع وقت ههههههههه


ماقوول إلا ياصبر الأرض عليكم .. الا مافي اخبار عن المكافأت ؟؟

[Control System]

الخوووووف انهم يقلبوون المواقف الى مباااني


مشكورين اخواني وكلها شهر ونعرف السالفه

[عبدالله الحارثي]

ان شااء اللهــ انيــ جاايكمــ...
السنه الجاايهــ بالبكاالريووســ..
واللهــ يستــــــــــر بســ..
يعطيكــ العاااااااافيهــــــــــ

[Administrator]

والله حفلة كلية التقنية الرياااض .. هههههه


الله يعين

[عبدالله الحارثي]

وش صاآاآر عليــكمـــ بالمواآاآقـــــفــ..
أعطووونا آخــر التجديداآتــ اللي عندكمــ بالرياآاآض

[Supra- Man]

اخر التطورات

السكورتيه توهم يستوعبون ان 9000 طالب مايمديهم يدخلون من بوابه ويطلعون من بوابه ثانيه


فطبيعي لازم يخلون كل بوابه فيها مدخل ومخرج




المشكله يا اخ عبدالله ماهي في المواقف المشكله في تنظيم الدخول والخروج


المواقف تحتاج الى 4 بوابات بالقليل على شان تحافظ على مستوى التدفق << وش عنده بدا يتفلسف

وبعدين السكرتيه وش هدفهم من الحياه غير يقولون ممنوع ؟










فيه واحد قال نكته وقال بيحطون مظلات

اقولك ليه لانهم بينقلون الاداره الى المباني الجديده وطبعا يحتاجون مظلات (:



تخييييل ان 10 الى 15 ساعه يبغالك من اشاره مدرسه الامير سلمان الين ماتحصل موقف


والله لايبليك ويصير عندك محاضره الساعه 7 ونص شرط ان فيه احد داعي عليك واحتمال تجيك امراض الضغط والسكر والجدري والتشنجات العصبيه والقولون والبواسير والزكمه
الله لايبلانا



راجعو نفسكم ياكليه

[الكــNــG]

ياريت يحطون مظلات الحين في شتى تهون الشمس
اما في الصيف الله يستر بس علينا وعلى مواترنا
والله يعين الي مراتبهم جلد