اترك جامعة الملك سعود واحول للتقنيه ولا سعود افضل ابي نصيحتكم

[الزيزفون]

السلام عليكم

أنا طالبه بجامعة الملك سعود لغه عربيه < مو طموحي العربي مع اني ادبي
الا اني اتمنى انجليزي أوادارة اعمال طبعا انا انقبلت السنه اللي راحت واعتذرت ترمين
متتاليين بسبب ظروف بس بداية السنه درست تقريبا شهر مرررره تعبت وتبهذلت يعني
ماتقبلت الوضع نهائياً
هنا السؤال
تنصحوني اترك جامعة سعود واحول للتقنيه ولا سعود افضل ..؟

[المحتااااره]

اختي الزيزفون

السلام عليكم

اللي حبيت أقوله إن ماأحد بيقدر يفيدك في هالموضوع إلا نفسك

لأن تخصصك يتعلق بمستقبلك انتي

استخيري الله << والله بيوجهك للي فيه الخير

بس انا اتمنى من الطالبات اللي درسوا في كلية التقنيه

يعلمونك بالمميزات والعيوب في الكليه وانتي قرري

الله يوفقك يارب:)

[الزيزفون]

مشكوره اختي المحتاره على كلامك
أنا معك في ان مستقبلي بيدي بس اللي اقصده بكلامي سؤالي
عن مستقبلها الوظيفي كيف وعيوبها ومميزاتها زي ماقلتي يعني
أنا خوفي اني اطلع من سعود وبعدين القى مثلا التقنيه فاشله
ودي اطلع من سعود وانا واثقه ان التقنيه كويسه ..

[متدرب]

شي طيب ان الانسان يسئل قبل اتخاذ القرار
ولكن قبل كل شي لازم انه يكون مقتنع بتصرفة
فية طلاب كثير يا اختى خرجو من الجامعات
واتجهو الى الكليات التقنية والدليل على ذلك
اني اقابل عدد كبير منهم في الكلية التقنيه
جميعهم خرجو من جامعة الملك سعود
انا ما احفرزك بالخروج لا هذا مستقبلك
لكن تذكري ان الاقسام الادبية فرص الوظفية فيها قليل
اما الكليات التقنية فا العلم عند الله فهي تعطي الدبلوم
والمتفوقين يتم تعينهم بعد التخرج مباشرة هذ الي اعرفه


ودمتم بحفظ الله ورعاية

[ملكة الكلمات]

أهلا أختي الزيزفون................

الله يوفقك سواء جلستي في سعود ولا حولتي للتقنيه .....

لكن للأدبي في التقنيه يشترطون النسبه 85 فما فوق .............

و ما فيه إلا محاسبه وتجميل و تصميم بالنسبه للأدبي ......

فكري في الثلاثه هذي وشوفي هل أنتي بتقدرين تتقبلينها ؟؟؟

المدربات أخلاق ( أتكلم عن اللي درسوني ) لكن ما أدري عن اللي يدرسون المحاسبه أو التجميل أو التصميم ........يعني ما فيه دكتورة ترسب مثل الجامعات ..........

و المواد ما فيها شيء سهل ...كمان ما فيها شيء صعب ....

شدة حيل و أول بأول ............راح يكون معدلك خمسه بإذن الله .........

الله يوفق الجميع .............


دمتم بود ،،،

[المصممة mo0ony]

اختي الزيزفون والمحتاره


انتم تبغون مميزات الدراسه


بالمعهد التقني

بس لو بحثتوا بالمنتدى فيه كثير قبلكم سأل

حاولوا تبحثون واذا حابين معلومات زياده حنا حاضرين

وحنا ماندري ايش المعلومات اللي تبونها بالضبط

[αzzαм вιη αв∂υℓαzιz]

أختي الزيزفوووون .......





http://www.lovely0smile.com/vcard/images/036.jpg





تحيـــــــــــــــــــــــــاتــي

[[ع]ـآلمي.الـ[خ]ـآص]

أستخيري ربك بهالأمور ..


شي رآئع وجميل من الشخص انه قبل مايتخذ القرآر يسأل المُجربين بالموضوع نفسه

فأنا ارى كليه التقنيه كلية رآئده من خلال المستقبل الرآئع بعدها خاصةً بالأقسام الإداريه



اخوك عالمي الخاص

[كيف الحال]

الجامعه اعرف ناس كثير فيها ومنهم اخوي

تعب وقلق واستهزاء بالطالب وعدم مبلاة مشاعر الطالب

لدرجه الدكتور يأمرك مثل السواق الي عنده وبعضهم يستحقرك ويحس ان فلان بن فلان وانت ولد البطه السوداء !!

طبعا اسمع كلام ولا ادري عن هالشي ولا درست

اما التقنيه فالمدرسين والمدرسات غير

المدرسين شغلهم معنا تمام

والمدرسات مثل مانقرا بالمنتدى انهم تمام

اما المستقبل فكل شي بيد الله

فيه ملايين الناس الي تخرجوا من جامعه ومانقبلوا وفيه ملايين انقبلوا وتوظفوا

وفيه ملايين تخرجوا من التقنيه ومانقبلوا وفيه ملايين انقبلوا

الموضوع كله بيد الله ومتى ماكان التوفيق حليفك راح تلقين كل شي ميسسرلك

[00سواها قلبي00]

انا انقبلت العام مثلك بسعود واستخرت بتقنيه والحمد لله اللحين ادرس ومرتاحه
حتى الاستاذات الله يجزاهم خير عادلين ويعطونك حقك يعني مافيه ظلم زي بعض الجامعات
الله يوفقك اختي وصدقيني قوي صلتك بربك وماراح تخسرين بتتوظفين انشاء الله بس حطي املك بالله واستخيري00

[حمادي]

شوفوا انا بصراحة ماادري وش طبخة التقنية لكن انا معكم ان الي يدرس بسعود نهايته المصحة النفسية لان الاساتذه والاستاذات عيال كلب يعني مايخافون الله ويلعبون بحسبة درجاتك ويحبطونك والي تبين المهم انك تدخلين قسم تحبينه والي ماتحبينه لو تقعدين العمر كله تدرسين مارح تفلحين دوري مصلحتك واتوقع التقنية بتكون كويسه لان كلية البنات التقنية جديدة يعني الاستاذات مابعد اخذوا كورس بالحقاره والله يوفقنا وياك

[بنت الجيران]

هلا والله فيك اختي

شوفي اول شي انصحك تستخيرين قبل كل شي وتشوفين ميولك وطموحك
وانا اكلمك عن نفسي انا ميولي محاسبه وانقبلت محاسبه بجامعه سعود وكل شي ماشي زي التمام
بس ماحبيت اكمل معهم فسجلت بالتقنيه صراحه اهم شي فيها راحه والي اشوفه ان المدربات

افضل معامله من الدكتورات عندكم بالجامعه صراحه تعامل جامعه سعوود زفت في زفت

ومااقولك ان التقنيه كامله بكل شي بس شي احسن من شي

وبعد كل هذا القرار بيدك وشوفي الي يريحك

الله يوفقك وين ماكنتي ويرزقك الي يريحك

خالص دعواتي لك

اختــــكـــ// بنت ،،،الجيران

[الحربيه]

مراحب خيتوووو.... نصيحه محبه سعود انحااااااااااااشي منها لانها من عميدتها لاستاذتها وقاحه وقله حيئ اسئلي مجرب عنها... اقولك تجربتي عنها... سجلت ونسبتي كانت92% وقبلوني جغرافيا.. وقالو لي تحولين جيت للعميده قالت بالحررررررررررف الواحد معك وااااسطه قلت لا قالت اجل خلك علئ قسمك... وندبت حضي وكملت فيها نص ترم وقلت يالله اروح لكليه الاداب وماادراك ماكليه الاداب سجلت شريعه ودرست بنص الترم والناس تختبر هذااا طبعا من تاثير الواسطه خخخ درست وكملت فيها بجد وربي مااخلي وقت الا ادرس فيه... بس ياليتني مادرست حملت مادتين وقالو لي تكونين باقيه تخيلووووووووو.... انسحبت ومليت... قلت مالي الا جلسه البيت وفجئه بدون سابق انذار يجيني خبر عن التقنيه ولا عطيتها وجه <<< من زود الثقه هههه المهم قالو سجلي وسجلت وانقبلت ولله الحمد
والله احسن كليه شفتها بحياتي واستاذات راقيات بالتعامل مو الحنش اللي اول خخخخ اخلاق وطيبه ودين يعني اذا تعبتي بالدراسه يعطونك علئ قد تعبك ... الله يوفقك وان شاء الله تتوفقين فيها وتاخذين عبره مني

[م.معماري]

استخيري ربك