مستجدة في الدعم الفني ..

[سمو الفقيرة]

السلام عليكم و رحمة الله و بركـــآتـــهـ


مـــــــرحـــبا أخواني و اخواتي اعضاء المنتدى..

اتمنى اكون اخت خفيفة على الجميع

انا طالبة مستجده ..القسم دعم فني.. و عندي كم استفسار و اتمنى القى جوابــه عندكم عشان استفيد و افيد غيري...

1-بعد الدبلوم ...هل اقدر اكمل و آخذ البكالوريوس في أي جامعة ثانيه و لا لازم من كلية اعداد المدربات اللي لسا ما فتحوها....

2- هل التخصص صعب ...ولا سهل مثل ما سمعت...

3-كيف المعلمات و الاداره ...هل فيه ناس تظلم ...او هذا مجرد اشاعات..

4-بالنسبه للمتخرجات او الطالبات ..اللي عندها معلومات يعني...

هل الفرص الوظيفيه فعلا موجوده ...يعني التخصص فعلا مطلوب ولا مجرد كلام مواقع.؟؟؟؟

هل اقدر اتوظف في الجامعه نفسها يعني مثل المعيده اذا جبت معدل كويس


5- مشددين على جوالات الكاميرا ولا بس خرابيط<<<اهم شئ ؟؟؟



شــــــــــــكرآ للجميع

[n9n9]

هلا فيك منورتنا ..

وان شالله متدربات القسم بيفيدونك

بس الجوال ممنوع ويتم مصادرته وماتخذينه الا باخر الترم ..


موفقه يارب

[طالبه من طلاب المعهد]

شوفي قلبي كان ودي اساعدك وافيدك بس للاسف مثلك مستجده
بس انا استفسرت كثيــــــر
وان شاء الله كل شي تمام..
لاتخافين
القسم على ماسمعت سهل
والبكالريوس على ماااعتقد يقولون تقدرين بس تبدين من جديد
والفرص الوظيفيه يقولون فيه و ربك معك يسهل ..


وبالتوفيق للجميع

[HMôôSA]

1-بعد الدبلوم ...هل اقدر اكمل و آخذ البكالوريوس في أي جامعة ثانيه و لا لازم من كلية اعداد المدربات اللي لسا ما فتحوها....



تقدرين في جامعات أهليه
أو كلية أعداد المدربات


2- هل التخصص صعب ...ولا سهل مثل ما سمعت...



مافيه شئ سهل على حسب مذاكرتك وجهدك
أول مستول سهل
وبعدها كل شوي تزيد الصعوبه



3-كيف المعلمات و الاداره ...هل فيه ناس تظلم ...او هذا مجرد اشاعات..




المدربات عسل وحبوبات
ولا مافيه ظلم أن شاء الله


هل الفرص الوظيفيه فعلا موجوده ...يعني التخصص فعلا مطلوب ولا مجرد كلام مواقع.؟؟؟؟

الوظائف العلم عند الله والي يكتبه بيصير
بس الخريجات العام ثنتين من صديقاتي توظفوا
بالمكان الي طبقوا فيه

هل اقدر اتوظف في الجامعه نفسها يعني مثل المعيده اذا جبت معدل كويس

أذا قصدك تتوظفين بالتقنيه نعم تقدرين تقدمين للمسابقه الوظيفيه وهم يختارون الأفضل

والجوال مثل ماقالت n9n9 نعم متشددين

[abobdr7]

شوفي اختي بالنسبة للتخصص دلـــــــــــــع .... سهل او صعب على حسب دراستك

هذا للى افيدك به .....

[أوراق الخريف]

وعليكم السلام ورحمة الله وبركاته.....
هلا أختي سمو الفقيره وأنا مثلك مستجده في الدعم الفني بس بغيت اسألك داومتي السبت والأحد لأنهم قالوا الجداول اليوم ؟؟!!!
من باب الميانه عشان حنا دعم واحد:89:اقصد قسم واحد مرتاحه للتخصص أو لا وتقبلي مروري:)

[طالبه من طلاب المعهد]

على ان السوال مو لي
بس لاني مستجده مثلكم!!!!!!!!!!!!!!>>>>ملقوفه >>خخخخخخخخ
مدري احس القسم حلو ويريح والكل يمدحه

[المستبدهـ]

1- حبيت أقولك إذا تبين تكملين بعد الدبلوم هالله الله بـ المعدّل اللي يبيّض الوجه ..

وإن شاء الله بتفتح كلية إعداد المدربات وبتكون أفضل مكان نكمل فيه بعد الدبلوم لأنها تابعه للتقنية طبعاً ..

2- تخصص الدعم الفني زيه زي أي تخصص أنتي بنفسك ممكن تخلينه صعب وبنفسك تخلينه سهل ..

طبعاً أنتي عآرفه قصدي إذا حبيتي تخصصك وأبدعتي وأجتهدتي فيه مارح تلقين الصعوبة بإذن الله..

3- الاستاذات يتغيرون ومانقدر نقولك استاذات الدعم الفني يجننوون .. اللهم وحدهـ إذا حظك حلوو ودرّستكـ خاصة من مستوى أول بيكون عندك أساسيات روعه ..

وهي الأستاذهـ الفآضله الغآليه على قلبي // كوثر الوهيب :)

ولا تهون استاذهـ // وفاء :)

والبآقي فيهم الخير والبركه.. بس أهم شي تصير علآقتك طيبه ومحترمه بين الاستاذات..

عشان يحترمونك ويحبونك ويقدمون لك زي ما أنتي تقدمين لهم من تعاون وإخلاص وحُب واجتهاد للمادهـ ..

والظلم الاكاديمي لا يخلو في أي كليه أو جامعة .. لأن مو كل الاستاذات عندهم ضمير ..

في كل مكان مو بس بالتقنية ..

الفرص الوظيفية //

هذا الشي رزق من الله .. اللي ربي كاتبه لك بيصير ..

بس أحب أقولك شغله أن تخصصنا جديد على والبنات لسىّ ما تخرج غير دفعتين .. فهذا الشي بيشفع لنا إن شاء الله ..

وإذا جبتي معدّل كآمل يوظفونك على طول في المعهد نفسه .. :)

زي ما سوو في حفل تخرج الدفعه 1و2 بنت من المحاسبه ما شا الله معدلها 5

طبعاًَ أعطوها مكافأه مآدري بالضبط كم .. و وظفوها على طول في المعهد .. :)

وزي ما قلت لك تبين وظيفه سنعه وبأقرب فرصه بعد التخرج ما عليك إلاّ انك تحافظين على معدّلك يكون في القمّه ..

آخر شي الجوالات مشددين عليها كل يوم تقريباً يكون فيه تفتيش عند باب المبنى ..

اشتري لك جوال من غير كام وريحي رآسك .. خاصة انهم يكتبونك تعهد إذا معك جوال كام..

أتمنى أفدتك وأفدت جميع المستجدات في تخصصي ..

وأتمنى لكم كل التوفيق :)

وأهم شي التفاني والإخلاص في طلب العلم .. ;)

وإذا حبيتي تخصصك صدقيني بيحبك .. (f)

حظاً موفقاً

[سمو الفقيرة]

مــــرحبآ فيكم كلكم

ألــــف ألــــــــــــف ألـــــــــــف شـــكر لكم كلكم

أنا اشهد انكم ما قصرتو و تبيضون الوجه...

كأني ارتحت شوي

تـــحياتي لكم كلكم

[سمو الفقيرة]

أوراق الخريف

داومت السبت فقط...وقالو لنا الجداول يوم الاثنين ...بس سحبت عليهم

قلت بكره رايحين رايحين و ناخذ الجدول و نحضر اللقاء مره وحده...

...
وبالنسبه للقسم ...ما اخبي عليك..

قبلوني في جامعة الاميرة نوره و في جامعة الأمير سلطان كلها حاسب آلي...

بس اخترت التقنية من بينهم...ليش ما أدري

وان شاء الله ما أنـــدم...

دعواتي لكم اخواتي