لطلاب البكالوريوس

[khaled676]

السلام عليكم كيفكم اخواني

حبيت استفسر بما أن الكلية ماحطو جداولنا في الموقع وأنا وأكثر طلاب البكالوريوس خارج الرياض

من فيكم راح الكلية وهل اخذتو جداولكم وكيفها في ضغط ولا لا ومن ناحية تعديل الجدول هل هم متسامحين وبسرعة يعدلونها ولا في تعقيد ويبيلها يومين ثلاثة

وآخر سؤال متى يبدون يعطون محاضرات لأني ودي أحضر يوم السبت 14/10 بس خايف يبدون هالأسبوع

[العميد]

لاتخاف كلنا مثلك ماراح نداوم إلا في 14

ونتمى من اللي بيروح الكليه يسأل عن النظام الثلثي بالنسبه لطلاب البكالوريوس

[TOOP]

يا شباب قسم الحاسب بدوا ينزلون الجداول للبكالورويس والا لا؟؟؟؟؟؟؟؟
وهل فيه تعديل والا لا؟؟؟؟؟؟؟؟
ومتى نداوم لان اغلبنا من برى الرياض ما بنرجع غير الثلاثاء عشان نعدل الجداول واسالو اذا فية دوام عشان امشي اليوم والا بكرة

[mr.nasser]

حي الله الشباب
اليوم الصباح رحت لم مكتب حق الجدوال يقول مانزلت خطة الباكلوريس على النظام حق الكليه
قلت طيب متى تنزل لنا الخطة
قال اذا نزلت الخطة
معناتها مايدرون متى تنزل لنا الخطة
والله اني منقهر لاني جاي من السفر علشانهم واخرتها كذا

لكن ياشباب تطمنوا اذا استجد شيء على هذا الموضوع ابعطيكم خبر
في نفس هذا الموضوع

خلكم عند اهلكم وانبسطوا الله يسعدنا وياكم

فمان الله

[TOOP]

مستر ناصر الله يعطيك العافية بس نزل جدول والا لا ومتى ينزل

[mr.nasser]

يالغالي كيف تنزل الجداول والخطة الخاصة للباكالوريس للنظام الثلثي مانزلت
ماتنزل الجداول الا اذا نزلت الخطة

واذا نزلت الجداول اعطيكم خبر

[khaled676]

الله يجزاك خير اخوي ناصر

ونحن بإنتظارك ان شاء الله اذا صار شيء لاتنسانا وأنا أخوك ماودي أمشي 1000 كيلو بدون فايدة

[رفيع الشان]

اليوم أنا رحت أبي أقل شئ الكتب اللي مقررة ولا وصلت وكيف بالجداول ؟؟؟!!!!!!!!



للإحاطة الدراسة الفعلية يوم السبت القادم 14

[INTERNATIONAL]

يعطيك العافية يا ناصر

بس ما عرفت بخصوص الجداول للقديمين مو المستجدين , لأني أظن أن الطلبة القدامى غير تابعين للنظام الثلثي

فياريت تعطينا خبر إن نزلت جداول البكالوريوس للطلبة القدامى

[khaled676]

شباب أنا مخلص الدورة المكثفة الترم الماضي والحمد لله عديت

فما أدري هل أعتبر من الطلاب القدامى أو مستجد .؟

[TOOP]

هاااااااااه شباب صباح الخير وش صار معكم بشرونا

[بوس بوس]

شف وانا اخووك
انا رحت أمس المساء لهم ابي الجدول على كلامهم لنا آخر رمضان وما لقيت بالكلية أحد

قالوا لي رح لحقين التسجيل بخدمة المجتمع وسألتهم عن الجدول قالوا لي ما نزل شي يوم الثلاثاء ان شاء الله تعال وصرت الاغيهم شوي ليش ما تحطوا اعلان لأن اغلب اللي بيدرسون من برى الرياض والا موظفين خافوا الله فينا

قال احنا ما لنا دخل بالموقع قلت طيب يا اخي اكتب اعلان من برى باب الكليه عشان ما اشوف وجيهكم ولا ادخل قال هاذي برضوا نسينا لكن تعال خذ جدولك الثلاثاء والسبت داوم

قلت له أكيد
قال لي أكيد

وحسبي الله عليهم عذبونا بالنتائج يبون يعذبونا بالجداول بعد

واذا جد شيء الثلاثاء انا رايح استفسر لك ولو حبيت شي يا هلا بك على الخاص

تحياتي

[رمضان]

شف وانا اخووك
انا رحت أمس المساء لهم ابي الجدول على كلامهم لنا آخر رمضان وما لقيت بالكلية أحد

قالوا لي رح لحقين التسجيل بخدمة المجتمع وسألتهم عن الجدول قالوا لي ما نزل شي يوم الثلاثاء ان شاء الله تعال وصرت الاغيهم شوي ليش ما تحطوا اعلان لأن اغلب اللي بيدرسون من برى الرياض والا موظفين خافوا الله فينا

قال احنا ما لنا دخل بالموقع قلت طيب يا اخي اكتب اعلان من برى باب الكليه عشان ما اشوف وجيهكم ولا ادخل قال هاذي برضوا نسينا لكن تعال خذ جدولك الثلاثاء والسبت داوم

قلت له أكيد
قال لي أكيد

وحسبي الله عليهم عذبونا بالنتائج يبون يعذبونا بالجداول بعد

واذا جد شيء الثلاثاء انا رايح استفسر لك ولو حبيت شي يا هلا بك على الخاص

تحياتي

انت مستجد ولا مستمر؟

[TOOP]

بوس بوس وش قسمك لو سمحت

[mr.nasser]

يعطيك العافية يا ناصر

بس ما عرفت بخصوص الجداول للقديمين مو المستجدين , لأني أظن أن الطلبة القدامى غير تابعين للنظام الثلثي

فياريت تعطينا خبر إن نزلت جداول البكالوريوس للطلبة القدامى


حياك الله اخوي
انا طال عمرك من الطلاب القدامى
لكن الحين نظامهم السنه ذي القديم والمستجد كلهم يمشون على خطة وحدة بالنظام الثلثي

الله يعين ويسهل الامر
بانتظار انها تصدر الجداول ونشوف وش ينزل لنا من مواد وكم ساعه

[TOOP]

اخوي ناصر وش قالو لك اليوم

[بوس بوس]

انت مستجد ولا مستمر؟

انا مستجد قسم انتاج

وكان مع اخوي مستجد قسم حاسب

هذا اللي رود لي وله نفس الكلام

[ناصر الصالح]

ياخوي انا جيتهم قالولي يوم الاثنين تنزل بس ما اتوقع كلامهم صحيح الجداول مهي نازلة ليوم السبت كليتنا ونعرفهم زين

[khaled676]

في ناس اعرفهم راحو لهم اليوم وقالو لهم تعالو الأحد الجاي لأن ماجاهم شي عن الجداول

[TOOP]

انا عندي كلام اكيد ان الجداول يوم الثلاثاء المصدر واحد من الطلاب في الرياض

[جريح الايام]

السلام عليكم ياشباب

انا اليوم الاحد رحت الكلية وسألت عن الجداول قالو لي يوم الثلاثاء ان شاء الله

اخواني الي من برى الرياض لا يجون الا يوم السبت <<<<اجازة مني

مع العلم اني من الطلاب القدامى

[TOOP]

طيب كيف التعديل الي يوم ايش والا كمان مافي تعديل

[أسير الورد]

السلام عليكم

توني جاي من الكليه اليوم الاثنين صباحا ً

لايوجد شئ عن الجداول

بس نتائج الترم الصيفي وصلت

اما بالنسبه للجداول سألت نفس الموظف قالي نصيا ً

لسى مافي شي جانا
سالته يعني نجي الاسبوع الجاي ولا البعده
قالي يمكن اسبوع ويمكن اسبوعين ويمكن يوم او يومين الله اعلم
بس الاكيد تعال الاسبوع الجاي وشيك لاتجي الاسبوع هذا
يعني مثل ماقالوا الاخوان حتى لو نزلت الجداول يوم الثلاثاء
عشان تجي على المضمون تعال الاسبوع الجاي
واتوقع البدايه الفعليه الاسبوع الجاي بالنسبه للحذف والاضافه

تحياتي لكم

[جريح الايام]

اسير الود

كلام من ذهب

توني الان راجع من الكليه قال لي المهندس عبداللطيف السليمان الجداول يوم السبت واحتمال مو اكيد

يعنى لا تجوووووووووووون يالي برا الرياض

[مختلف جدا]

ههههههههههه

والله شكل هالجداول بتصير مثل المكافآت

[khaled676]

والله ياشباب شكلي أبنهار لاجداول وضغط دراسة وكملوها بعد بالتقويم المستمر الي مهما سويت يرجع موضوعك للمدرس أو الدكتور يعني يمكن يمشيك ويمكن لا

[GanGsTeR]

الله يعطيكم العافيه شباب

وياليت الى توصله الخطه الجديده يعطينا خبر

[TOOP]

يعيال ما صارت كلية ذي والله قهر

[أسير الورد]

الله يعطيكم العافيه شباب

وياليت الى توصله الخطه الجديده يعطينا خبر

الله يعافيك يالغالي

لكن ..

الخطه الجديده نزلت الله يسلمك

موجوده في موضوع بنفس القسم حقنا بالمنتدى

تقدر تتاكد بنفسك

دمت بود

[ودود0]

شباب البكالوريوس الحاسب نزلت جداولكم والا لا ردوا تكفووووووون

[br0ken rlz]

شباب البكالوريوس الحاسب نزلت جداولكم والا لا ردوا تكفووووووون

أخوي مانزل لنا شي حتى الآن
الجداول يوم السبت 14 بكره إن شاء الله
الكلية التقنية بالرياض .:.:. توزيع الجداول للمقبولين في البكالوريوس
http://www.rct.edu.sa/?p152

[INTERNATIONAL]

هــا بشروا

نزلت جداول البكالوريوس ( الصباحي ) الحاسب ولا لسه كمان ؟

[mr.nasser]

هــا بشروا

نزلت جداول البكالوريوس ( الصباحي ) الحاسب ولا لسه كمان ؟


يالغالي قال لنا حق الجداول تعالوا يوم الثلاثاء

وماندري وش يبي يكون نهايتها كل يوم بكرى بعده .................:14:............!

[abojari]

السلام عليكم ورحمة الله وبركاته
بالنسبة للجداول نزلت لتخصص الكهرباء اليوم لاكن بقيت التخصصات الله واعلم

[أسير الورد]

يوم الثلاثاء ان شاء الله

[INTERNATIONAL]

لا تنسونا من نتائج اليوم

إن كان فيه جداول أو لا ؟

[القريشي]

السلام عليكم ورحمه الله وبركاته
يا اخـ khaled676 ابي استفسر منك ولا عليك امر الدورة المكثفه هي من ضمن السمستر السته ولا لا.

[zwwz]

اليوم اغلب الشباب اخذوا جداولهم

بقي اكثر من 12 واحد من البكالوريس يقول النظام عطلان تعال بكرة

[مآزن]

يا للاسف مالقيت لي جدول جاهز .. !!

وش عطل النظام ؟؟

و إلا انا مكتوب علي الشقا ؟؟

[محمد مهدي]

اليوم اغلب الشباب اخذوا جداولهم

بقي اكثر من 12 واحد من البكالوريس يقول النظان عطلان تعال بكرة



هل بكالوريوس الحاسب اخذوا الجداول

نجي بكرة ولا يوم السبت

شكرااا

[INTERNATIONAL]

طيب يا شباب
فيه أحد يقدر ياخذ جدول غيره , يعني أقدر أوصي أحد في الرياض ياخذ لي جدولي ؟
ولا المسألة مشدد فيها ...

[ودود0]

اذا قسمك حاسب فهم مشددين السنة ذي لكن التحصصصات الثانية ما ادري

[INTERNATIONAL]

اذا قسمك حاسب فهم مشددين السنة ذي لكن التحصصصات الثانية ما ادري
أنا قسمي حاسب الله يستر

طيب و الحل

أخاف أجي السبت يقول لي إنت غايب 14 يوم و تكتب تعهد أو تنفصل و من الأشياء هذي

[محمد مهدي]

أنا قسمي حاسب الله يستر

طيب و الحل

أخاف أجي السبت يقول لي إنت غايب 14 يوم و تكتب تعهد أو تنفصل و من الأشياء هذي



لا تخاف انا طالب قديم في الكلية

ورحت اول يوم دراسة يوم السبت 7 شوال قالي الاستاذ عبداللطيف السليمان ان اول اسبوع مافي جداول , والاسبوع الثاني بعض الاقسام مثل الكهرباء وزعت يوم الاحد او الاثنين والحاسب ما وزعوا والطلاب المتواجدين في الرياض ما قصروا متابعين بأستمرار . لكن نبي الطلاب الي راحوا اليوم ( الثلاثاء ) هل عطوهم الجداول

[zwwz]

اخوي محمد مهدي اليوم في طلاب اخذو الجداول من البكالوريس

تعال خذها بكرها افضل لك

[أسير الورد]

اخوي محمد مهدي اليوم في طلاب اخذو الجداول من البكالوريس

تعال خذها بكرها افضل لك

كلام سليم

وموعد تسليم الجداول من 8 ونص وحتى 11 ونص فقط !!

ولا في حذف مواد فقط اضافه حسب قيود النظام الجديد

[جريح الايام]

صحيح كلام الاخوان

البكالوريوس اليوم استلمنا الجداول لقسم الحاسب الالي

واذا تعرف احد ياخذ لك الجدول ما فيه مشكلة انا اخذت جدول اثنين من الشباب واضفت لهم مواد وما قالو شئ

والله يوفق الجميع....

[INTERNATIONAL]

اليوم آخر يوم للتعديل زي ما سمعت

بس ما أدري كيف طريقتهم في التعديل , هل تروح تضارب زي العادة أم بطريقة الصيفي
تكتب إللي تبغاه و تحطه في صندوق

[أسير الورد]

مثل الصيفي تقريبا ً

تصور الجدول وتكتب المواد اللي بتضيفها والوقت المقترح

وهم يشوفون انسب وقت لو عارض جدولك او ماكان في بنفس الوقت المطلوب

وينزلونها لك

[طالب بكالوريس مكروف]

السسسلام عليكم اخوي دواء الاسير احب اصحح لك بعض المعلومات لك وللاخوان

اول شي انا رحت يوم السبت اللي راح لاستلم جدوللي وقالي المهندس عبدالطيف السلمان ان الجدوال راح تنزل الثلاثاء ان شاءالله وكنت بروح يوم الثلاثاء ولعلها راحت علي نومه ورحت اليوم اللي هو يوم الاربعاء وببقولكم وش سويت بالضبط

طبعا انا اخذت جدولي اول شي شكل الجدول مختلف عن السابق (( مثل حق الدورة المكثفه)) وشففت المواد اللي نازلت لي تخيلو ياشباب مانزل لي الا 3 مواد بس اللي هي:

1- شبكات الحاسب
2- هندسة البرمجيات
3- الأحصاء والاحتمالات

عموما انا انصدمت بجدولي هذا اللي هو على حسب كلام المهندس انه جاي من نفس المؤسسة

المهم جيت بضيف مواد(( الحذف ممنوع)) واضفت لي كم ماده طبعا طريقة الاضافة انك تكتب المواد عللى الجدول حقك وتحطه في كرتون جمب المهندس مافيه انك تصور الجدول مثل السابق ..جامع فيه الجداول حقت الطلاب كللها وطلب مننا الحضور يوم السبت لاستلام الجدول الجديد لنا وبالنسبه لاضافة المواد حسب امكانية الشعب وعدم وجود التعارض


يوم خلصت من شغلي واحد من الشباب من برى الرياض موصيني اني اضبط له جدوله
المهم كلمت المهندس اني ابي جدوله فرض رفضاا باتاً وحاولت ففيه كثير لاكن للاسف
ماعطاني جدول خويي ولا حتى نتيجته الفصل الصيفي يقول يلزم حضووره
فا انا استغرب منك يا اخوي اسير انك تقول اني ضبطت لاخوياي جداولهم معققوله ؟!

طبعا ياشباب اخر تعديل للجداول اللي هو اليوم الاربعاء

واتمنى اني ماطولت علليكم بالكلام وبالتوفيق للجميع

[جريح الايام]

السلام عليكم ورحمه الله وبركاته

اخي طالب بكالوريس مكروف (http://www.c-rct.com/vb/member.php?u=1293) ما ادري وش اقول لك بس والله اني انا شخصيا ماخذ نتيجة الصيفي لاثنين من الشباب ومسلمني اياها المهندس عبداللطيف بنفسة

واخذت جداولهم يوم الثلاثاء من موظف اخر كان موجود معه وعدلت لهم الجداول باضافة مواد

لكن ما اقول والله ماعندهم نظاااام ما ادري نلقاها من الجداول والا المواقف والا المكافات والا الدكاترة

لكن لنا ولكم الله واتمنى التوفيق للجميع..