طالب مستجد يبحث عن المساعده !!

[قمردين]

السلام عليكم ورحمة الله وبركاتة

شخباركم عساكم بخير وعافيه

اخواني انا طالب جديد بالكلية التقنية بالرياض قسم الاداره تخصص محاسبه

وطلبو مني اجي تاريخ 9 /10 ولذالك سجلت بمنتداكم واتمنى افيدكم وتستفيدون مني


وعندي بعض الاسئله اتمنى الاجابه عليها

س/ البس المطلوب وش بالضبط بالتفصيل يعني مثال البنطلون الي اجي فيه جنز ولا عادي والتشرت وش نوعه بعد وياليت ترفقون صور لني ماعرف لها الاشياء ومن وين اشتريهم هل لهم مكان مخصص ولا كيف ياليت يكون فيه توضيح كافي وحتى بعد الكبات هل هي ممنوعه ولا عادي مسموح فيها ؟ :confused: :confused:


س/ وياليت تفيدوني بطريقة النظام يعني الروتين اليومي كيف كم محاظره وكم مدة المحظرات ويبدى الدوام متى وينتهي متى وانا عارف انها حسب الجدول بس الاغلبيه يعني كيف طريقة دوامهم وشكرآآ؟؟ :27:

[king909]

وعليكم السلام ورخمة الله وبركاتة
بخير ولله الحمد
انا مثلك مستجد بس اعرف انهم يلبسون بنطلون عادي اسود وتيشيرت ابيض
تلاقيها في سنتر بوينت او ديبنهامز والكاب ممنوع
ارجوا اني افدك اخوي
تقبل مروري

[Control System]

اخوى اللبس النظامي كالتالي :

بنطلون اسود ساده , لا يكون ضيق !!
قميص أبيض ساده , بدون رسومات وكتابات


يكون هناك استثناءات مثل :

الجينز الاسود يمشي حاله بس لا يكون ضيق .
اللون يجب ان يكون اسود , لكن تقدر تلبس رصاصي غامق او كحلي غامق .
يستثني أيضاً انك تلبس تي شيرت لكن لاتنسي يكون ابيض ساده !!!

الكاب مسموح طالما لا يوجد فيها كتابات او رسوم .

الآيس كاب أيضاً مسموح طالما لا يوجد فيه كتابات او رسوم .

الجزمه " وانتم بكرامه " يكون لونها اسود
ويمشي معك الحال بجزمه سبورت , المهم يكون لونها أسود .


بالتوفيق يالغالي , اتمنى لك التوفيق و اي سؤال انا حاضر

[قمردين]

مشكورين وماقصرتو بس ناقص الدوام كيف طريقته

[وطني لو قطع الجوع بطني]

^

الـدوام يا حبيبي .. على حسب جدولك


يعني ادعي ربك يكون جدولك 1-2 إلى 5-6 >> هنا تطلع على اذان الظهــر ..


المحاظرات الي بعد الــ 5-6 > .. هذي دايمــــــا الشعب يعاني منهــــا ..



احترامي ..

[SHARP]

الترم الي راح

عندي 1-2 و 7-8 و 11-12

فرررراغات ويوم كله للكلية وتخيل يصير عندك بكره اختبار

[سـ ع ـود]

وعليكم السلام ورحمة الله وبركاته...

حياك الله أخوي واتمنى لك التوفيق والنجاح ...

اخوي كنترول ما قصر ... من ناحية اللبس الرسمي

ولكن بحسب خبرتي واللي اشوفه قدام عيني ..

والله بعض المرات اخذ لي اكثر من شهر وانا اداوم بلبس غير اللبس المحدد

سواء ً ثوب او تشيرت غير ملون او ابيض عليه رسومات .. والبنطلون كذلك مهوب

مثل المطلوب .. وتمشي الأمور .. لذلك ريح نفسك ولا تاخذ الأمور بهذيك الصعوبه

قد يواجهك المسؤول عن اللبس .. ويسجل اسمك ويقولك تعال بكره لابس رسمي

واحذف المخالفه .. وعلى كذا :):):)

وبما إني تخصص محاسبة .. بقولك شيء ما اتوقع قاله احد غيري

[ قسم بالله سهله ] بس شد حيلك ولا تغيب :) ... حتى لو إنك مو فاهم على الشرح

أو المدرس .. لا تغيب .. وترى الشرح بين الزملاء افضل من الشرح من المدرس لأن التفكير

يكون متقارب وتوصل لك المعلومه بسرعه ... والمهم هو الحظووور لا تغيب

بالتوفيق أخوي ...


ومن ناحية الدوام ما أدري والله لأن نظام التعليم متغير ..؟؟ صاير ثلثي ع قولتهم

[التميمي506]

والله الشبااب ما قصرو معك بالرد ما خلو ولا شئ كل شئ شرحووه لك بس ع العمووم مثل ما قال اخووي الي قبلي سعود لا تدقق واجد بالبس وتصير مرررره ملتزم كأنك مصري<< بيخربك ترا :)
يعني يوم بزي رسمي و10 ايام بأي لبس يريحك سواء لبس الطلعات العادي الي هو جينز واي تيشيرت او الزي السعودي الثوب والشماغ ...
وبالنسبه لدوام عاد انت وحظك على حسب جدولك اصلا دوام الكليه تبدأ محاضراتها
من 7ونص صباحا الى الساعه 10 ليلا
يعني يحتروون وقت محاضراتك ;)
وبالنسبه للمحاسبه والله لا تشيل همها لانها اسهل والله من السهل ولا احد يلعب عليك ويقول صعبه ومثل ما قالك اخوي سعود انتبه مع المدرس وحاول تفهم قد ما تقدر واهم شئ حاول لا تفوت المحاضرات عشان التحضير وعشان المحاضرات وفهم الدرس لا يفوتك وخل الطلعات بعد الكليه وكلها 3 فصول يعني سنه ونص وانت متخرج ومرتاح طبعا السنه والنص غير الفصل التطبيقي
والله يارب يعيينك ويوفقك في حيااتك الدراسيه ..... واي مسااعده تطلبها مني انا حاضر وموجوود لك تقدر تراسلني ع الخاص باي درس او ماده ما فهمتها ولا راح نقصر معك ان شااء الله...
تقبل مرووري....

[قمردين]

الله يخليكم ويوفقكم شلتو هم ها الكليه من صدري ومشكووورين على ها المعلومات

ودمتم بوود :)

[S T E E L Y]

والله ياحبيبي انا وجهة نظري ان في بداية الفصل الدراسي لازم تلتزم بالزي الرسمي

اللي هو " قميص ابيض " وليس تي شيرت و " بنطلون اسود " علشان ماتلفت نظر المدرس ويحقد عليك ويحط اسمك بالبلاك ليست وخليك بالـ سيف سايد , و مالهم محلات معينة ولا لها ماركة معينة

وبعد اسبوع او اثنين البس اللي تبغاه بس ياليت يكون قريب من الزي الرسمي

*** بس لا تحاول انك تثير غضب المدرس بلبسك ***