ابغا شوركم عليا الله يسعدكمـ:)

[a.m.b]

السلام عليكم ورحمة الله وبركاته



انا دوبي مسجله وبالصدفه لقيت المنتدى دا وبصراحه انا سجلت تجميل دحين بس لسا ماطلعت النتايج ف جده حاااابه استشيركم مادامكم دارسين وعارفين النظام..


دحين انا انقبلت ف جامعة عبدالعزيز عادي انتظام بس حبيت التجميل قلت اسحب اوراقي من الجامعه وادخل سنتين المعهد بعدين ادخل الجامعه !! ايش تقولولي ادخل الجامعه ع طوول وماادخل االمعهد دا ولا كيف؟؟ يعني دراستو تستحق افضلها ع الجامعه ؟؟ لانو مو اكيد بعدين يدخلوني ف الجامعه بعدين اخاف يعدي ع شهادتي اكتر من 3 سنين!!



والي ف جده ياريت تزيدني ف المعلومات من ناحية المبنى والبس والشرح والتعامل!!




وجزاكم الله خير حابه تردوووووووولي بسرعه لاني محتاجه :_ ^^

[despair]

وعليكم السلام ورحمه الله وبركاته

شوفي حبيبتي بدام ان قبلتك الجامعه وانتظام واذا كان قسمك حلو ليش تتركينه ادخلي الجامعه افضل لك والتجميل لاحقه عليه :) اذا تحبينه

اذا حابه خذي دورات تجميل بالاجازات او اذا انتي من النوع اللي يحب يدخل العصر خلال ايام الدراسه نوادي او دورات زياده ادخلي مسائي بكليه التقنيه تجميل

فتكون حصلتي على الجامعه و حصلتي عالتجميل :)

ولا تنسي تستخيري وتشوفي اللي ترتاحي له اكثر وموفقه ان شاء الله

[a.m.b]

مشكوووره مها الله يسعدك انتي الوحيده الي رديتي وانا الحمدلله استخير للين دحين والله يختارلي الي في خير يارب..

بس لو ابغا مسائي كيف ؟ وفتح التسجيل؟ وبرسوم؟ وازا برسوم بكم؟ وكيف اسجل مسائي وشهادتي الاصل ف الجامعه يعني عادي يرضو بصوره من الشهاده؟<<<++ اشكرك يجزاكي الجنه يارب



وياريت اي وحده تدخل تردلي برأيهاآ.. :)

[despair]

العفو ولايهمك البنات ماراح يقصرو معك اصبري عليهم شوي

المسائي بالضبط متى راح يكون التقديم عليه مدري بس قريت انو برمضان مو متاكده

ومافيه رسوم كان برسوم بس الحين صار اعفاء عليه

والمسائي ماياخذ الشهاده الاصل ياخذ نسخه وعادي تدرسي الاثنين اذا كنت تقدري توفقي بينهم

وحبيت اضيف ان التسجيل بالمسائي مو عن طريق النت لازم انتي تروحي وتسجلي حالك :)

[a.m.b]

الله يبشرك بالجنه يارب ماره انبسط انو عادي صووره من الشهاده

امممم طيب ازا انتي تجميل كيف تشوفي دراستو يمديني اوفق؟

وانتو تدرسو بالعربي ولا انقلش المواد؟

والله انبسط لمن رديتي كل ماره اسوي تحديث للصفحه من يوم ماكتبت الموضوع عشين اشوف الردود ههههههههه تسلمي قلبوووو :)

[a.m.b]

ونسيت اسالك كمان << تمااااااااااعه ههههههه
عشين ماره وحده تجاوبي المسااائي كيف دوامو يعني من كم لكم!! واازا احد جرب المسائي ياريت يقولي كيف حلو ولا يكون طفش !! :) وشكرا

[despair]

الله يبشرك بالجنه يارب ماره انبسط انو عادي صووره من الشهاده

امممم طيب ازا انتي تجميل كيف تشوفي دراستو يمديني اوفق؟

وانتو تدرسو بالعربي ولا انقلش المواد؟

والله انبسط لمن رديتي كل ماره اسوي تحديث للصفحه من يوم ماكتبت الموضوع عشين اشوف الردود ههههههههه تسلمي قلبوووو :)

شوفي اول ترم يعد دسم لكن مو ذيك الدسامه :d

يعني المواد اللي ندرسها 7 مواد

ثقافه اسلاميه > جدا جدا سهله ومعروفه اشياء معيوده يعني
انقلش<< وبعد بسيط يعني مو صعب ولا سهل متوسط للي يحس ما يحب الانقلش
حاسب << راح تاخي عن الاوفيس
- ولو انك دارسه بمعهد ثاني حاسب او انقلش ومعك شهاده تقدري تعادلي الماده وما تدرسينها
كيمياء << شوفي هو يعتبر سهل بدون معادلات لكن اللي درستنا اعطتنا المعادلات وصار فيه شويه صعوبه
احياء<< مو ذيك الصعوبه للي يحب الحفظ :65:
اساسيات << مره سهل اعده

وبس هذي هي المواد اللي ندرسها

وجبت لك الموعد الاكيد للتقديم على الموازي
من السبت إلى الأربعاء 1-5 /9 /1430هـ - 22-26 /8 /2009م
بدء التقديم للتدريب الموازي ( المسائي ) بمقر الكليات والمعاهد العليا التقنية للبنات


وفتره داومهم من 3 وربع العصر تبدا المحاضرات الى 7 ونص اتوقع ويعتمد على محاضراتك