بنات التصميمـ عندي استفسآآآآآآآآر الله يخليكمـ ؟

[امون99]

مســــآآء \ صبـــآآح آلخيـــــــر

كيف آحوالكــــن مع ذآ الصيفيه ؟؟

الوكـــــــآد اني ابغى اسئل عن هالتخصص لاني ناويه اخش فيه بس انا خايفه من شي آلا وهو (البآترون) << هذا الشي مااطيقه احسه يحوس الدنيا
سؤالي : هل ترسمون باترون كثير ؟؟

وثاني سؤال :
الخياطه .. تخيطون كثير ؟؟ << والله مدري وش احس فيه خخخخخخخخخ

يعني بالعربي وش تدرسون وياليت بالتفصيل .. لاني انا عاجبتني فكرة التصميم بس ماابغى اخيط وارسم باترون وهالشغلات :mad::mad: هع هع

وبـــــس .. مشكووووورين مقدما .. :88::88:

[بنت تصميم ونعم]

اهلين
في رسم باترون وخياطه قد شعر راسك

واذا دخلتي علشان فكره التصميم بس انا اقولك غيري تخصصك افضل
منجد
ويعطيك العافيه

[امون99]

بنت تصميم ونعم ... مشكوووووره ياقلبي عالرد دام انه تقولين فيه اجل بصرف النظر عنه والله المستعان ...

[امون99]

بنت تصميم .. الحين رحت اشوف الموقع تبع المعهد يقولو مافي تخصص تصميم وتجميل في الرياض ؟؟؟؟؟؟؟؟؟؟؟؟؟ بس دعم فني ومحاسبه !!!!
انتي بالرياض؟

[بنت تصميم ونعم]

ايه انا بالرياض

[طفشتوني]

أموون..

بصراحه..الباترونات..من بعيد تخوووف..وكنت كارهه هالقسم


لكن لما تعمقة فيه حسيت بروووعته..

ولاتضيع الفرصه..

مادااام أنتي لك هوايه فالتصميم..لازم تتعبي لحد ماتكووني قاعده وأساس قوي لك بالمجال..


صدقيني راح تستمتعي..


وجهة نظر وحده أنجبرت عليها..

لكن حبته بجنوووووووووووون..



تحيااااااااااتي..

[ضامية عشق]

اموووووون لا تترددي ابدا الدراسه سهله جدا بس شوية تركيز أنا اموت بشيء اسمه خياطه وباترونات طبعا انا من منطقة الاحساء في الشرقيه وهالتخصص مو موجود مابعد يفتح اضطريت اني اسجل بنجران وتم قبولي معنى مافيه احد من اهلي بنجران ولا نعرف احد واقنعت اهلي ووافقو لانهم عارفين هوايتي والحين ساكنه بشقه مفروشه اذا عندك ميول لتخصص غامري وادخليه وصدقيني بتحبينه بجنون

[رينيلا]

اهلين اختي امون ...
بنسبة لتخصص التصميم هو بين قوسين خياطة واغلب شغلنا عملي هو حلو الى حد ما لكن حسب المتدربة الي درسك ,ام بنسبة للبترونات تتعبين اول مرة لكن بعدين تتعودين يصير الوضع عندك عادي ,انا مابي اخوفك بس 90%نخيط والباقي مواد نظري ,وعلى فكره التخصص يبغاله صبر
انا شخصيا بغيت اموت في مستوى اول بس الحمدلله عدا بسلام ...
الله يوفقك وتشوفين الوضع بنفسك ...

[NICE GIRL]

سؤالي : هل ترسمون باترون كثير ؟؟



اما رسم باتروون كثير خاصه في مستوى 2 مااجه اطفال

وفيه قوانين

وانا انصحك لا تدخلينه طلبات وقرف وتعب واخر ناس تعطلين بالكليه

وتع اخر درجه

وانا بالرياض

[نوره]

من الاخر اذا انتي تحبين الخياطه بتتيسر اموركـ

واذا العكس مثلي بتتوهقين وتكرهين الدعوه ..

[السديم]

حرام عليكم شوي شوي ع البنت
بالنسبه لي
أنا رايحه لمستوى لثاني..
كنت أكره الخياطه بغيت أرسب فيه يوم كنت بسادس
ويوم دخلت فيه
كانوا يقولون صعب وماينجح غير قليل
بس جربته
وربي ما أكذب عليك
لو يخيروني بين قسم التصميم وقسم ثاني
مراح أختار إلا التصميم
ليه؟؟
لأنه ممتع ورهيب وفكرت بالمسقبل وزياده ع ذلك
أهلي شجعوني
وصار في بالي مشروع وبيشاركون فيه صديقاتي إن شاء الله يااااارب
ع أنه طلباته كثيره ولازم ماكينه ورسم باترونات
وربي ما أكذب عليك ممتع هذا طبعآ بالنسبه لي..
وإذا متردده عليك بالأستخاره أفضلك
نصيحه من بدايتها
ماكان سمعتي كلام البنات كان أستخرتي وجربي هالقسم

ونصيحه ثانيه..
في ماده أسمها تقنيات اللي هو المعمل
الأستاذه إذا مشيتي أول بأول صدقيني راح يسهل عليك
وإذا غبتي يوم راح تندمين علشان كذا لاتغيبين في محاضراته
محاضرتها يوم في الأسبوع.. و4 ساعات بس صدقيني الوقت يروح وماتحسين فيه..
وباقي المواد سهله مثل الثقافه الأسلاميه والأنجليزي والرياضيات والحاسب للمعلوميه تراهم يساعدون ويسهلون الأسئله..
إلا التام إذا ذاكرتي أول بأول راح يكون سهل وفيه عملي بس قليل ..
وإن شالله أقتنعني بكلامي..

[السديم]

أما المواد الحديده ماجربناها
يمكن ناخذها معنا بمستوى ثاني..

هذا اللي سمعته من المنتدى...
والله ولي التوفيق

[n9n9]

يغلق الموضوع
واي استفسار لبنات التصميم يوجد في هالرابط
http://www.c-rct.com/vb/showthread.php?t=7420 (http://www.c-rct.com/vb/showthread.php?t=7420)
تحياتي للجميع


..............