البكالوريوس الموازي ياشباب الرياض

[ليتني مادرست كلية]

السلام عليكم ورحمة الله وبركاته

ياشباب الرياض حنا اخوانكم في مناطق بعيده عن الرياض وصعبه الواحد يسافر عشان سؤال ويرد

اي واحد منكم يقدر يروح للكلية التقنية ويسألهم هالاسئلة بتخلي كثيرين يرتاحون من التفكير ويخليهم يركزون ويعرفون الي لهم والي عليهم


انتم عارفين التسجيل مابقاله شي وينتهي وحنا هنا اخوان ونفيد بعض بالي نقدر عليه

هي كم سؤال

كم مدة الدراسه ؟ وكم تكاليفها وهل تشملها مكرمه الملك ؟ ووش مسمى حامل بكالوريوس التقنية ؟

هالاسئلة ماهي مني جمعتها من المنتديات الي يسالون عنها وانا من ضمنهم



نورونا ياشباب الرياض

من بيروح لهم ويسال لنا جزاه الله خير؟

[INTERNATIONAL]

مدة الدراسة تكون سنتين , بنظام الفصل الثلثي

تكاليفها , في قسم الحاسب البكالوريوس 79 ساعة * 800 قيمة الساعة الواحدة = 63200 ريال

بالنسبة لمكرمة الملك , فالغالب إنه ما تشملها بس ماني متأكد
لأنه السبب أن الكليات التقنية غير تابعة لوزارة التعليم العالي كالجامعات و قد تكون المكرمة لهم فقط

مسمى حامل البكالوريوس [ مهندس تقني ] بحسب ما قال وكيل الكلية لشؤون الطلاب


و إن شاء الله يجي إللي يفيدك أكثر

[ليتني مادرست كلية]

يعطيك العافيه

بس باقي هل تشملها المكرمه او لا ؟
ننتظر من يفيدنا
مشكور

[ليتني مادرست كلية]

لو نفتك من كثر المشاهدات وندخل بالجد افضل
الموضوع مو ترفيهي عشان تشاهد وتطلع !!

[المايستروا]

اخوي ياهلابك


بالنسبه وش التخصص اللي تبيه ؟


بالنسبه لتخصصي التقنية الادارية - تسويق


مافي بكالوريس ...


وبالنسبه لسؤالك تشمل مكرمة الملك انا بقولك من الحين ما تشششمل ومتاكد من هالخبريه


وياليت تزودنا بتخصصك علشان ننشد لك ..

احترامي


ومنها للاعلى

[درع الحفر]

نصب وآحٍ ـتيآلٍ ...

63200 ... خٍ ـيرُ آنِ شآءٍ الله ...

هذآ .. وآنآ خٍ ـآرجٍ آلريآضُ .. لو آجيُ للريآضُ .. تطلع آلمصآريفٍ .. 100000 ..

آموتٍ جٍ ـوعُ .. ولآ آدخلهآ .. ~

نصب وآحٍ ـتيآلٍ ..

[TuRrKE]

ايضا سؤال مهم اللي هو عن اختبار القبول كيف وضعه بالضبط للي قد مر عليه كم سؤال بالضبط وكم سؤال عن التخصص لأنه مكتوب اسئله من حقيبه ما درسته بالدبلوم وصعبه تجلس تراجع شي درسته بثلاث سنين فياليت اللي عنده خبر يفيدنا

[Max]

ايضا سؤال مهم اللي هو عن اختبار القبول كيف وضعه بالضبط للي قد مر عليه كم سؤال بالضبط وكم سؤال عن التخصص لأنه مكتوب اسئله من حقيبه ما درسته بالدبلوم وصعبه تجلس تراجع شي درسته بثلاث سنين فياليت اللي عنده خبر يفيدنا





هلافيك
بالنسبة للاختبار القبول ان شاء الله سهل بس يحتاج تراجع الاشياء الاساسية
ويعتمد على بعض الفهم بالتخصص ،،
مجموع الاسئلة بيكون 100 سؤال :
التخصص 50 سؤال + انجليزي 25 + رياضيات 25
موفق ان شاء الله
تحياتي لك

[Max]

هلافيك
بالنسبة للاختبار القبول ان شاء الله سهل بس يحتاج تراجع الاشياء الاساسية
ويعتمد على بعض الفهم بالتخصص ،،
مجموع الاسئلة بيكون 100 سؤال :
التخصص 50 سؤال + انجليزي 25 + رياضيات 25
موفق ان شاء الله
تحياتي لك

أعتذر عن الخطأ الغير مقصود ،،
مجموع الاسئلة بيكون 70 سؤال :
التخصص 50 سؤال + انجليزي 10 + رياضيات 10
على الفكره الاختبار عبارة عن اختيارات
اتمنى لك التوفيق
تحياتي

[ليتني مادرست كلية]

مشكورين ياشباب

اصلا حتى لو تشملها المكرمه مادخلتها دام المسمى بعد التخرج مهندس تقني والشركات ماهي معترفه فينا ويفضلون الجامعات الثانية

انا ناقص اضيع من عمري كم سنه زي الدبلوم

[الميتوكندريا]

السلام عليكم
استفسار
الرسوم 6000 تشمل الدراسه في الكلية حتى التخرج ولا كل ترم 6000 وهل تدفع كاش ولا تقاصيط
وشكرا

[القائد المظفر]

ياشباب أنا اللي أعرفه ان الكليات التقنية شاملتها مكرمة الملك
أما بالنسبة لمرحلة الباكلوريوس فما أدري
الله يعين الشباب اللي يبي يكمل لاكن الطموح توقف من يوم طلعو كلية المدربين التقنين واحذفو تخصص الشبكات والبرمجيات من الكلية لاحول ولا قوة الا بالله (ابوعمــــر)

[Max]

الله يعين الشباب اللي يبي يكمل لاكن الطموح توقف من يوم طلعو كلية المدربين التقنين واحذفو تخصص الشبكات والبرمجيات من الكلية لاحول ولا قوة الا بالله (ابوعمــــر)

شاكرلك يابو عمر
بالنسبة للكلية المدربين التقنيين ..
التخصص الوحيد للحاسب هو مطور تطبيقات
والمقصود خريجي تخصص برمجيات فقط !
تحياتي لك