][ استفســار ][

[O r l a n d o]

صباح الخير ياحلوين :cool:


كيفكم ..


لاهنتم انا عندي كم سؤال ابي اجابه عليها اذا ممكن << اموت ع الادب :D


سؤالي الاول ,,


كلية تقنيه الرياض فيها بكالوريس محاسبه ولا لا ..؟؟؟


واذا كان مافيه متى راح يفتحون ؟؟

السؤال الثاني :)

ابي جامعه في السعوديه تعادل شهادتي واخذ البكالوريس في سنتين ..


واذا مافيه فيه احد يعطيني اسم جامعه براا السعوديه في مصر - الاردن - امريكا - استراليـا ..


ومشكورين مقدمـاا ..


:D

[Turky-TM]

أخوي ,,, ليتني همك

أتمنى أني اساعدك لاكن والله ماعندي معلومات ,,

أن شاء الله يجاوبوا أسألتك الشباب ,,,


موفق أخوي ,,
لك تحياتي ,,

[O r l a n d o]

^
^

مآقصرت اخوي ,.,


في انتظـار الاخـوان .. : )

[cool-3la-6ool]

ما أعتقد ان فيه بكالوريس محاسبه

تقدر تتأكد من موقع المؤسسه قسم الباكلوريس مو مسجلين اقسام اداريه

[Control System]

كلية تقنيه الرياض فيها بكالوريس محاسبه ولا لا ..؟؟؟

لالالالا مافيه و لا راح يكون فيه بكالوريس محاسبه ولا بعد عشر سنين في الكلية التقنية !!!


ابي جامعه في السعوديه تعادل شهادتي واخذ البكالوريس في سنتين ..

مااظن في جامعة تعادل شهادة الدبلوم كامله
يعني اغلب الجامعات تبي تلزمك انك تدرس كم ساعة بالدبلوم وبعدين تدخل على البكالوريس


واذا مافيه فيه احد يعطيني اسم جامعه براا السعوديه في مصر - الاردن - امريكا - استراليـا ..

على مااظن في مكاتب متخصصة بالشئ هذا .. تقدر تروح و تسئل


اتمنى انى اكون قدرت افيدك

[=* عيوبي مزايا *=]

ابي جامعه في السعوديه تعادل شهادتي واخذ البكالوريس في سنتين ..

كليه اليمامه يالغلا

[حياتي كذا]

يالغالي عارف شعـورك والله يعينك . .


اللي أقدر أفيدك فيه من ناحية استراليا . . جامعة ساوث أستراليا تعادل للكليات التقنية و الجامعات اللي تعادل كثيره بس انا اتكلم على اللي قدمت عليهم من قبل . . جامعة كيترن ما تعادل الكثير

قدمت على ساوث استراليا قبل فتره بواسطة مكتب IDP وعادلوا لي 60 ساعه من الدبلوم كامل من أصل 73 ساعه . . طبعاً المعادلة تتم على حسب درجتك بالمادة اللي بيعادلونها لك . .


وحاول تروح لكلية اليمامه تسئل وتشوف وتقول لنا شنو صار معاك علشان الطلاب يستفيدون
يمكن تفرج هم أحد أخوانك الضايعين . .


ملاحظه * مكتب الـ IDP لا يأخذ أجور التقديم فالتقديم مجـاني عن طريقهم . . ويوجد فرعهم بالخبـر في مبنى البرج الفضي على شارع الأمير فيصل بن فهد ( شارع البيبسي سابقاً ) تقاطع شارع الملك عبدالعزيز . . وهناك فرع آخر في دولة البحرين . . روح لهم راح يفيدونك كثير


أنا نفس حالتك . . حصلت لي جامعه تعادل لي في دولة البحرين ولكن المشكله ان الوزاره رافضه الإعتراف فيها مع تأكيد عميـد الجامعه على الإعتراف فيها لاحقاً وغضيت النظر عنها حتى يعترفون فيها . .



أي سؤال ثاني أنا حاضر أخوي . .

[HaMaD]

الكليه بالرياض ما فيه بكالوريس محاسبه
لكن انا رايح لمبنى المؤسسه بالغرابي بداية السنه و قالوا خلال سنوات من المحتمل يكون فيه
طبعا لاحظ محمتل يعني لاتضمن شي
والملك سعود تعادل لك سنه واحده على كلام واحد من العيال خريج محاسبه من التقنيه
لكن اذا تبي نصيحه
رح انت و اسأل الجامعات بنفسك
ربما تغيرت الانظمه
ولقيت ما يسرك ان شاء الله

[ندوش]

الله يوفقك اخوي

[السنايدي]

صباح النور والسرور أخوي ليتني همـك

بالنسبة لاستفساراتك أتمنى إني أقدر أفيدك حسب علاقتي المباشرة بالمسئولين

كلية تقنيه الرياض فيها بكالوريس محاسبه ولا لا ..؟؟؟

لا يوجد بكالوريوس محاسبة للأسف حالياً بتقنية الرياض.

واذا كان مافيه متى راح يفتحون ؟؟

من المحتمل أن يطرح

برنامج البكالوريس ككل للأقسام الإدارية (محاسبة+إدارة مكتبية+تسويق)

خلال الثلاث السنوات القادمة بإذن الله معتمدة من المؤسسة العامة للتدريب التقني والمهني

وستشمل أولاً الكلية التقنية بالرياض ثم إذا نجح البرنامج سيتم تطبيقه على باقي الكليات التقنية بالمملكة

السؤال الثاني

ابي جامعه في السعوديه تعادل شهادتي واخذ البكالوريس في سنتين ..

بالنسبة للجامعة هنالك كلية اليمامة بالرياض على طريق القصيم قد طرح برنامج

للبكالوريس المخصص لأقسام التقنية الإدارية يعادلون لك ساعات الدبلوم

ولكن هنالك شروط للتسجيل في البرنامج يجب على المتقدم أن يكون مؤهلاً

لقبول شروط التسجيل لكن للأسف ما قدرت أتأكد منها لكن إذا أردت الإعلان عن

هذا البرنامج يمكنك التوجه إلى المبنى الرئيسي للكلية وستجدها على البوابة الداخلية للمبنى

إعلانات عن برنامج البكالوريس بكلية اليمامة...

وهنالك أيضاً جامعة الباحة الأهلية قد سبق وتم نشر إعلان عن معادلة شهادة الدبلوم

لتؤهل إلى درجة البكالوريوس وهي معتمدة من وزارة التعليم العالي والمؤسسة العامة للتدريب التقني والمهني

وهذه صورة للبروشور المعلن سابقاً قبل ستة أشهر تقريباً...

http://up.stop55.com/upfiles/OnL88445.jpg

أتمنى إني قدرت أفيدك بالمعلومة إللي عندي

تقبـل مـروري المتـواضع

السنـايـدي

[O r l a n d o]

مشكورين وماقصرتم .. لكل اللي مر على الموضوع ...


وبالنسبه لكلية اليمامه .. انا كلمتهم وقالو نعادلك بس 14 ساعه .. << يعني نفس الملك عبدالعزيز .. حرام والله ادرس واخر شي يعادلون 14 ساعه ..


وبالنسبه لكلية الباحه الاهليه .. كلمتهم ويقلون تدرس 3 سنوات وتاخذ البكالوريس ..


البكالوريس عندهم 5 سنوات .. يعني عادلو سنتين من شهادتي << حلو ..

السنه عندهم ب 20 الف ..


وراح اراسل الجامعه اللي في استراليا واشوف ..


مشكورين مره ثانيه ..