فصل طالب من «تقنية الدوادمي» بدعوى معاكسة فتيات وإهمال الصلاة

[=* عيوبي مزايا *=]

فصل طالب من «تقنية الدوادمي» بدعوى معاكسة فتيات وإهمال الصلاة
الرياض - عبدالعزيز القرعاوي الحياة - 17/06/08//

فصلت الكلية التقنية في الدوادمي الطالب جهاد ...... منذ نحو أسبوع، لارتكابه مخالفات خارج أسوارها، وهو ما جعل الطالب يرسل خطاب تظلم إلى محافظ المؤسسة العامة للتدريب التقني والمهني. وذكر وكيل الكلية لشؤون الطلاب عائض الحربي لـ «الحياة»، أن الطالب ارتكب ملاحظات سلوكية عدة، منها معاكسة فتيات في حديقة عامة، والتدخين وترك أحد فروض الصلاة، والمشي وقتها في الأسواق. وعلى رغم إقرار الحربي بأن جميع هذه الملاحظات وقعت خارج الكلية، إلا أنه شدد على أن من حقها معاقبته عليها «لأنه أحد منسوبي الكلية ويمثلها، وحين تم القبض عليه تحدث واصفاً نفسه بأنه طالب في الكلية التقنية في الدوادمي»، مؤكداً أن الكلية شكّلت لجنة لتقصي الحقائق مع الطالب، واعترف بقيامه بتلك الأمور، وبأن هيئة الأمر بالمعروف والنهي عن المنكر ألقت القبض عليه من أجل قضايا متنوعة. واعتبر أن أنظمة ولوائح المؤسسة العامة، تجيز اتخاذ عقوبات متنوعة بحق الطلاب، الذين تسجل عليهم ملاحظات سلوكية.
وروى الطالب جهاد المصري الذي يدرس في قسم الالكترونيات لـ «الحياة» قصة فصله، قائلاً: «كنت متوجهاً إلى الكلية لطلب إعادة اختبار تغيبت عنه، إلا أنني فوجئت برفض المسؤولين ذلك».
وأضاف أن مسؤولين في الكلية استدعوه وحققوا معه في قضايا ليست للكلية علاقة بها، وطالبوه بالتوقيع على إقرار بما ذكره، مشيراً إلى أنه تفاجأ بفصله «أحضرت للكلية ورقة إخلاء طرف من الشرطة كانت طلبتها مني، تؤكد انتهاء قضيتي فيها، لكن لم يتم الالتفات إليها، وتم فصلي وحرماني من دخول اختبارات الفصل الثاني».
وأكد المصري أنه أرسل خطاب تظلم إلى محافظ المؤسسة العامة للتدريب التقني والمهني، شرح فيه قضيته وطالبه بإعادته لإكمال دراسته.
يذكر أن المادة الخامسة من اللائحة التأديبية للمتدربين في الكليات التقنية، توضح أنه في حال توصية مجلس الكلية بفصل طالب لفصل دراسي أو نهائياً، فإنه على المجلس التوقيع على قرار التوصية، على أن يعتمد توقيع العقوبة نهائياً من نائب المحافظ للتعليم والتدريب، أو من يقوم مقامه.

[=* عيوبي مزايا *=]

خير وين حنا فيه والله لو بيفصلون كل واحد يغازل كان نص الطلاب لقيتهم بالشارع :mad:

<قسم بالله قفلت معي من هالخبر>

[مستجدة]

خير وين حنا فيه والله لو بيفصلون كل واحد يغازل كان نص الطلاب لقيتهم بالشارع :mad:

<قسم بالله قفلت معي من هالخبر>


BAD BOOOY

وش ذا الحتسي اللي جالسه أسمعه ؟؟!!!

أجل وش نآي عليه يا بعدي ؟؟


ترى برفع عليك قضية ( ودك )


طبعاً بتسألني وش معنى هالقضية ؟

أنا أقولك ..

معنـاها أنك ما سويت شي بس جالس تقول وودي أسوي .. ولاّ تفكرر تسوي ,,


أسحب كلامك قبل ما أجزم:mad:

[=* عيوبي مزايا *=]

BAD BOOOY

وش ذا الحتسي اللي جالسه أسمعه ؟؟!!!

أجل وش نآي عليه يا بعدي ؟؟


ترى برفع عليك قضية ( ودك )


طبعاً بتسألني وش معنى هالقضية ؟

أنا أقولك ..

معنـاها أنك ما سويت شي بس جالس تقول وودي أسوي .. ولاّ تفكرر تسوي ,,


أسحب كلامك قبل ما أجزم

تعالي يالغلا ...
احنا الحين في مرحله جامعيه يعني نتكلم بالمنطق:).

يعني اذا الواحد غلط يعاقب , هذي مااختلفنا عليها لاكن المشكله يعاقب بعكس فعلته يعني مثلا انتي غلطتي على صديقتك نجي انا ونقول اطلعي برا المنتدى http://smilies.sofrayt.com/%5E/4/eek2.gif ، مالها شغل.

اللي ابي اوصله من رفضي للموضوع انه غلط بس مو يفصل من الكليه يعني يسجن يجلد .

اتمنى وصلتك الفكره

[مستجدة]

نعم نعم عزيزي الكريم

وصلت هذاهي تطق الباب ..


إذا كآن هكـآآ

أخذت برآءه :d

[αzzαм вιη αв∂υℓαzιz]

أنا معك ياباد بوي

يعني لو أن المسألة كذا ونتكلم كلام واقعي فيه بنات يتحرشون بالشباب( وهذي واقعه حقيقيه


لايمكن لأحد نكرانها ) طيب ليش ماتفصل البنت هما المسأله نظام ؟؟؟؟؟؟؟


وأضاف أن مسؤولين في الكلية استدعوه وحققوا معه في قضايا ليست للكلية علاقة بها،


زادووووووووووو الطين بلــه

يعني معليش وش دخلهم هما القضايا ليس لها علاقة بالكلية ليش؟؟؟؟؟؟


أقسم بالله بتنفقع مرارتي من هالخبر ......

تحيــــــــــــــــــــــــــــــــــــاتـــــــي

[ندوش]

قرار غريب جداً

[مختلف جدا]

هههههههههههههههههههه
ههههههههههههه

مابقي الا يحطون كاميرا على راسه هههههههه

[=* عيوبي مزايا *=]

طيب ليش ماتفصل البنت هما المسأله نظام ؟؟؟؟؟؟؟

ههههههههههههههههه

تخيل بويه تدخل البيت الصبح وترحو لأبوها وتذب عليه ملفها الاخضر وتقوله فصلوني التقنيه http://smilies.sofrayt.com/%5E/c0/biglaugh.gif.

الله لايهينك شف لي وظيفه سكيورتي ولا لموزينhttp://smilies.sofrayt.com/%5E/c0/rofl.gif.

[متدرب]

اول شي هو ارتكب جريمة المعكسات خارج الكلية ليش يفصل ؟

ثاني شي انت مالك اي علاقه بسلوكى خارج اسوار الكليه

ثالث شي ليش مايفصلون طلابنا حقين الرياض الي متبطحين عند جامعة سلطان للبنات بس

مالومهم بــنات جامعة سلطان يحسبون انفسهم بــ أوروبا هم ولبسهم وعدم التحشم

[αzzαм вιη αв∂υℓαzιz]

ثاني شي انت مالك اي علاقه بسلوكى خارج اسوار الكليه


وش عذرهم أنك أحد طلابهم وانك مرايا تعكس النظام عندهم ( عليهم عذر )



ثالث شي ليش مايفصلون طلابنا حقين الرياض الي متبطحين عند جامعة سلطان للبنات



بعدين لاتعمم بكلامك على كل الطلاب لأني ماقد تبطحت ولا لو أتبطح


كان علوم وعلووووووووووووووم ... ( كل يوم 50 سيارة إسعاف على الأقل تشيل في هالبني تدري ليه ؟؟؟ لأنه مغمى عليهم من جمالي ...) ( ماشاء الله علي تففففففف )


تحيـــــــــــــــــــــــــــــاتــــي .

[Control System]

وروى الطالب جهاد المصري الذي يدرس في قسم الالكترونيات

وفضيحتاااااااااااااااااااه

يستااااااهل اللى يشوه سمعت قسمنا


يا شباب .. لو هالشخص تحرش بأختكم .. كان طالبتو بإنه يغرب عن البلاد ويجلد ويدخل السجن

الكلية عملت الشئ الصح وهذا من حق الكلية لان الطالب جالس يتكلم ويقول انا طالب في الكلية التقنية بالدوادمي

وهذا تشويه سمعه المنشئة الحكومية وتشويه لسمعت طلاب الكلية


الكلية مالها شغل بالاحكام الشرعيه مثل الجلد و السجن

الكلية مالها شغل إلا بسلوك الطالب فقط


الكلية تطلب شهادة حسن سيرة و سلوك عند القبول بالكلية <<< وش السبب ؟؟


بالنسبه للأخوان اللى اعتراضو على تصرف الكلية .. او ذكروا بأن الطالب مظلوم وانه مايستاهل اللى صار

اتمنى انه يحط نفسه مكان أخ او اب البنت اللى تحرش فيها هالطالب !!
ويقول وش يتمني العقوبة اللى تصير عليه ؟
او ماراح يطلب معاقبته ويقول مسكين هالطالب خلوه يعيش حياته كمراهق ؟؟


شكراً اخوى

الحمدلله في احد غير الهيئة و الشرطة تدافع عن أعراضنا وشرفنا

[αzzαм вιη αв∂υℓαzιz]

انا معك أخوي كنترول أن في جهة آخرى تدافع عن أعراضنا أصلآ كل شخص مسلم مطالب بالدفاع عن عرض أخته المسلمة شي طبيعي .....


لاكن السؤال يبقى ..


ليش بالذات هالطالب اللي تم التشهير به وفصله يعني مهوب أول طالب ولاأتوقع آخر طالب؟؟؟


تحيـــــــــــــــاتــــــي .

[Control System]

ليش بالذات هالطالب اللي تم التشهير به وفصله يعني مهوب أول طالب ولاأتوقع آخر طالب؟؟؟

لأنهم صادوه والطالب بنفسه أعترف بجريمته !! <<< هذا ماذكر بالخبر ان الطالب اعترف وافتخر باللى يسويه

رح اعترف بجرائمك .. وشف وش راح يسوون فيك ؟؟

[حياتي كذا]

أنا في إعتقادي إن العقوية مبالغ فيها جداً . . فكلنا نرتكب أخطاء ولسنا معصومين من الخطأ . . رب العبـاد يقبل التوبه فما بالك بنحن كبشر ألا نسامح ونغفر لمن أخطأ ؟

لا أعلم ولكن يفترض أن تكون العقوبة بطريقة أخرى غير ذلك . . حتى بالشرع لم تحدد تلك العقوبة كجزاء لفعلته وفي تصوري أنه كان قرار غير صائب من الكلية بفصله من الكلية وأنا لا أعلم حيثيات القضيه لعل هنالك أمر لا نعلم عنه . . فإن كان فصله كان بسبب تلك التصرفات الغير لائقة فأنا أعتبر أنه حكم قاسي جداً . .


أتمنى أن يعـاد لمقاعـد الدراسـه أسوةً بغيره من الطلاب فحاله لن يكون أحسن من ذي قبل بالتأكيد وقد يجر قرار الكلية الطالب لحياة أخرى قد تجعله شخصاً سلبياً في المجتمع . .


في نهاية المطاف . . قد يكون للمسؤولين وجهة نظر أخرى تختلف عن تلك اللتي نعتقد بها . .


مودتـي ..

[Me$ho]

بصراحة الخبر ينرفز :mad:

يعني وش دخلكم فيه هو برا ماغازل جوا الكليه !! :confused:
وبعدين وش هالوقاحة يجون حقين التقنية ويحققون معه في امور خارج الكلية !! :mad:

...

انا ما ابرر اخطائه بس وش دخل التقنييية :mad:

والشئ الثاني كان هذا يطبق صدق
ياليت يطبقووونه على باقي الطلاب موب بس هالضعيف ;)


بس انا اتوقع انه مرقم بنت العميد :D

[HaMaD]

سلام عليكم
الحين الواحد اذا قلنا يعاكس
فيه هيئة تأمر بالمعروف و تنهى عن المنكر
هي المسئوله عنه
لو قلنا ما صلى فيه برضو هيئه و قبل كذا الله يحاسبه

انا ماني مع الطالب في تصرفه ابد
لكن استغرب تصرف الكليه المفروض تنصحه بهالشي
طيب دخن داخل سور الكليه تفاهم معه و عاقبه
اما تفصله عشانه جالس يعاكس برى الكليه صراحه شي غريب
المفروض تبلغ الجهات المختصه و اذا اظطر الأمر تسجل ملاحظه عليه
ولا اتوقع فيه بنات داخل سور الكليه عشان نقول والله الكليه مسئوله
حاجه غريبه

[قطيم]

المشكله انك تعلق على مشكلة وتأتي بأكبر مشكلة

يعني لاحظ ردود بعض الاخوان وخاصة كاتب الموضوع

خير وين حنا فيه والله لو بيفصلون كل واحد يغازل كان نص الطلاب لقيتهم بالشارع :mad:

<قسم بالله قفلت معي من هالخبر>

صح انك معصب وشي ينرفز ما يصلح انك تتهم جميع الطلاب بأنهم

ولا يهون ابو الشباب


ثالث شي ليش مايفصلون طلابنا حقين الرياض الي متبطحين عند جامعة سلطان للبنات بس



تذكروا قول الله تعالى : يَا أَيُّهَا الَّذِينَ آمَنُوا اجْتَنِبُوا كَثِيراً مِّنَ الظَّنِّ إِنَّ بَعْضَ الظَّنِّ إِثْمٌ وَلاَ تَجَسَّسُوا وَلاَ يَغْتَب بَّعْضُكُم بَعْضاً أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتاً فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ )) الأية

هذي ناحية

الناحية الثانية

نعم المتدرب اعترف واقر ولكن اذا كان النظام هكذا

معناة ان كلية التقنية بالرياض مسؤولة عن عشرة الآف طالب من سلوكيات واخلاقيات خارج الكلية

وهذا شي مستحيل وش طبيعي راح يكون رد المسؤولين بالكلية .. وش علينا منه ؟؟ محنب مكلفين فيه ؟؟

اذا الحال على الكلية التقنية بالدوادمي

هل هي مسؤولة جميع المتدربين بالكلية ؟؟؟؟

واذا كانت مسؤولة فأنها مجبورة على متابعة الطالب من الاستياقظ حتى النوم لتكون على بينة من امر الطالب وسلوكياته واخلاقة

ولكن السؤال هل كلية التقنية بالدوادمي طبقت النظام على جميع المتدربين ام لا ؟؟؟

لأنهم صادوه والطالب بنفسه أعترف بجريمته !! <<< هذا ماذكر بالخبر ان الطالب اعترف وافتخر باللى يسويه

رح اعترف بجرائمك .. وشف وش راح يسوون فيك ؟؟


وبالنسبة للأخ الذي يقول بأن هو من أعترف يا عزيزي انت لو تتهم اتهام بسيط ويسلط عليك الضوء من الشرطة والهيئة والكلية صدقني راح تعطيهم الخيط والمخيط

[TAM BOY]

اول شي هو ارتكب جريمة المعكسات خارج الكلية ليش يفصل ؟

ثاني شي انت مالك اي علاقه بسلوكى خارج اسوار الكليه

ثالث شي ليش مايفصلون طلابنا حقين الرياض الي متبطحين عند جامعة سلطان للبنات بس

مالومهم بــنات جامعة سلطان يحسبون انفسهم بــ أوروبا هم ولبسهم وعدم التحشم

أخوي رجاء لا تعم

[متدرب]

الطــــــــــالب طـــــــلع مــــــــصرى الجـــــــنسية وعـــــــــــيبا بس تجى تــــــاكل من خـــيرنا
وتغـــــــــازل بعـــــــــــد والله قــــــــــــــــــــــــــــــــهر لا وبـــدوادمى عنـــــد اهل الكرم والطيب
انا الصـــــراحه انصــــــدمت من هــــــــــ الاجـــانب ذولى الي مــــــــايستحون

[الحربيه]

مراحب... اعجبني هالمقال هههه وربي يستاهل خخخخخ<<< نذله خخخ هو صح يستاهل بس مو فصل يعني يحرمونه ترم اوكي اما دراسه كلها فهذي مصيبه.... بس بجد اعجبوني خخخ

[a7La bEnT]

سلمولي عالاداره اللي فصلو هالشاب وقولولهم يسترون مدرباتهم ومتدرباتهم موظفاتهم اول بعدين يفصلووون عيال خلق الله <---- عجوز



وان كان هالقرار حلو بس لو هم كل قراراتهم على سنع ومسوين اشيا الزم من هاذا يكون احسن



~ودمتم ب ود ~

a7La bEnT

[yazeed]

مشكور اخوي على هذا الموضوع

لاكن عندي تعليق

ايش دخل الامور الاخلاقيه في الامور التعليميه

اجل مع احترامي لهذا الاسلوب لو مسكوه مطلع

وحده كان فصلوه وقالوا مايتوظف ابدأ

مو معقوله هذا الله يعينه بلعكس ممكن هذا التصرف

ينقلب على نفسيه الطالب الله يسر امره

[برنسيسه التقنيه]

صح الطالب اخطاء بس مو الى هذي الدرجه يفصلونه لان كذا دمرو مستقبله وهذا مايجوز لان الخطاء الي سواه كان خارج حدود الكليه 00000000والمفروض المسئول عن هذا الشي االهيئه مو الكليه0000

[رايـق 24 سـاعـه]

والله من الدجه


ليش يفصلون الطالب بما انه خارج الحرم الجامعي محد له دخل

وثانياً طلاب تقنية الرياض يقول العضو (متدرب متشارك) انهم متسدحين عند جامعة الامير سلطان للبنات وش هاذا الكلام ترانا كبار على هاذي الحركات الكليه الثانيه سوت كذا وانا سوينا كذا


تقبلووووووووووووووو مروووووووووووووووووووري

[سلطون]

والله يستاهل لانه اعترف بالخطاء وقال انا من كلية التقنيه بالدوادمي

يعني يشهر بالكليه طيب لو سكتو عليه الكليه بيقولون الناس ليش ماطبقو عليه شهادة حسن السيره والسلوك

هو لو قال ماني طالب كان افضل احسن مايقول اني طالب

والله يستهال فصل رد له ولامثاله

[كيف الحال]

اذا الشخص قليل ادب يستاهل ويتحمل خطاءه

ونتمنى يكون بالسعوديه بشكل عام ( نظام تشهير )

عشان المتخلفين والمراهقين يقضبون ارضهم

هالطالب هذا ماحترم الله سبحانه وتعالى بالبدايه بتركه للصلاه

ثانيا ماحترم خلق الله واعراض الناس ويغازل فلانه وعلانه

تمنيت ان الاداره تفصله والهيئه تجلده والشرطه تسجنه حتى يكون عبره لغيره

[=* عيوبي مزايا *=]

اتمنى من الجميع عدم الخروج عن الموضوع ،،،



لكي تعم الفائده فقط:)

[غرور نجد]

معقوله مره خفت لهالدرجه متشددين انا حسبتهم لما جو يفصلوني بس تهديد اثريه صدق:eek: ..

انا مرتين يمسكون علي مخالفات وكلها وانا مدري
الاولى: اني جايبه جوال كاميرا وهم مابعد يصدرون قرار بمنع جوالات الكامرا لاني بالمسائي وبالبدايه كان مسموح والمشكله انا الي علمت عن نفسي وكنت مطلعته طول الوقت وجتني مسؤولة الامن بالكليه وتهاوشت معاي وانا تحديتها ورحت لمديرة القسم وتورطت واخذته ومارجعته الا لما قنعتها اني ما ادري ...

والثاني : نطيت انا وصديقاتي من الشباك للبلاكونه حقت الكليه لكنها تطل على الساحه الداخليه للكليه يعني مو على الشارع وما توقعت انو ممنوع دايم اشوف البنات فيها خاصه البلاكونه داخل المبنى مو على برا

والمصيبه انو نرقص والشباك حق المديره قبالنا وكفشتنا

لما جت ماكان في غيري بالبلكونه والبنات قبلي دخلو وانا كنت لما دخلت جالسه انط بدخل

ومسكتني الله لايوريكم مسخرتني انا والبنات تقولي تبين تموتين يالهبله:mad:

وانا ساكته بس لما طلعوا ملفاتنا وقالوا فصل ساعتها انجنيت وجلست اصيح وبعدها وافقت ماتفصلنا اشان معدلي عالي الحمد الله...:(

وانتهت السالفه بتوقيع تعهد ولله الحمد وبعدها تاكدت انهم بالحيل متشدين ولا يلعبون:eek:


سوري لاني طلعت عن سياق الموضوع لكن لكي اكون عبره لمن يعتبر اهجدوا يابنات..:p

[الحربيه]

بقوه منتي صاحيه ...بجد زين يسوون فيكم يالله يقضبونكم
مااقول الا الاشراف في قلوبنا وبس

[غرور نجد]

بقوه منتي صاحيه ...بجد زين يسوون فيكم يالله يقضبونكم
مااقول الا الاشراف في قلوبنا وبسالحربيه مافهمت كلامك وش تقصدين (مااقول الا الاشراف)

اذا قصدك الشرف انا ماسويت شي غلط من هالناحيه

:mad: ياريت تفسرين كلامك

[الصفحة: 1]

!



حركات قسم الأشراف .. ما يخلونها

[لولو]

كليات اخر زمن تلاقي المشرفبن هما يغازلوا ويعملوا عمايل ,,

الله لايبلانا .. وربكم فوق الكل ,,,

تحياتي ,,