استفسار صغنون

[مآوديَ اكـبرّ~]

السلام عليكم
كيفكم ياصبايا وشو مسوين ؟

اول شي مرره عجبتوني وحبيتكم :88:
وياليت تقبلوني صديقه لكم


الله يسعدكم ..

عندي كم سؤال

قسم التجميل كم يقبلون نسبه للادبي؟

ومتى راح يكون التسجيل ؟

والبنات الي بهالقسم مرتاحين فيه يعني تنصحوني ادخل له

انا استشرت كثيير واغلبهم مانصحوني فيه يقولون تبغين خذي دورات وخلصنا
ويقولون بعد ماله مستقبل

انا عاجبني لكن متردده خوفوني من كلامهم

وانا من يوم كان عمري 11 سنه والى الان اعشق شي اسمه مكياج
واستمتع فيه مره

ابغا نصيحتكم يسعدكم :)

[n9n9]

هلا والله وغلا بك اختي واحنا بعد اسعدتينا بشوفتك وتواجدك معنا

بجاوبك باللي اعرفه ..


قسم التجميل كم يقبلون نسبه للادبي؟

القبول حسب المتقدمات والمجال للنسب الاعلى الى حين انتهاءالمقاعد
انتي سجلي وربي بيوفقك


ومتى راح يكون التسجيل ؟

دائما من كل سنه بشهر 8 والتسجيل للفصلين الاول والثاني مع بعض وعلى حسب نسبتك يحددون لك باي فصل بتدرسين.


......


وان شالله بنات التجميل مومقصرين وبيفيدونك عن القسم واهم شي لاتسمعين لكلام الناس اهم شي انتي وميولك ورغبتك وفيه فرق بين الدورات والدراسه 4 اترام ونصف تدريب :)

والله يوفقك يارب

[مآوديَ اكـبرّ~]

نو نو

تسلميييين ياقلبي

يسعدك ~

اذا الله كاتب لي راح ادخل

لكن كم يقبلون نسبه اخر حد؟ <<<< كم آخر آخر كم

[n9n9]

الله يسلمك حبوبهـ

السنه هذي اخر نسبه قبلو تقريبا 81 الى 82 %


بس ماندري وش يصير بالسنه الجايه لانو على حسب البنات المتقدمات نسبهم



وموفقه يارب

[despair]

السلام عليكم
كيفكم ياصبايا وشو مسوين ؟


وعليكم السلام
الحمدلله تمام انتي كيفك :rolleyes:


اول شي مرره عجبتوني وحبيتكم :88:
وياليت تقبلوني صديقه لكم


هذا من ذوقك يا قلبي
ولايهمك عدي نفسك وحده منا :15:



قسم التجميل كم يقبلون نسبه للادبي؟
ومتى راح يكون التسجيل ؟


امممممم احس على حسب المتقدمين
يعني لو نسبهم مرتفعه وعددهم كثار راح يوقفون على نسب عاليه
والحين انا مستوى اول ماقبلوني الا الترم الثاني
حطوني الترم الاول احتياط وقبلوني الترم الثاني ونسبتي كانت 84 وشي :d



والبنات الي بهالقسم مرتاحين فيه يعني تنصحوني ادخل له
انا استشرت كثيير واغلبهم مانصحوني فيه يقولون تبغين خذي دورات وخلصنا
ويقولون بعد ماله مستقبل
انا عاجبني لكن متردده خوفوني من كلامهم
وانا من يوم كان عمري 11 سنه والى الان اعشق شي اسمه مكياج
واستمتع فيه مره
ابغا نصيحتكم يسعدكم :)


شوفي بقولها لك بصراحه عن نفسي كنت متحمسه لكن للاسف المحيط اللي حولي هبط من معنوياتي
يعني اللي يجي يقولك ايش دخلك القسم الحمدلله خلصت الاقسام واللي يقولك الحمدلله تجميل وش بتكوني بعد ماتخلصي وانو اخرتها بتشتغلي بمشغل ويجلسون يرمون عليك من الحكي اللي يجيب الهم والصياح :24:

ليين بعدين حطيت عقلي براسي <<متعوب عليها :89:

وفكرت بوضعي انو انا كنت بقسم فاشل جدا جدا لا استمتع بدراستي ولا استفيد منها بحياتي وغير كذا متعبه الدراسه وتجيب المرض قلت يا بنت اسحبي ملفك منه وروحي للتجميل

اقلها التجميل تستفيدين منه لنفسك هذا اولا ولو انك ماتبي تجلسي تقدري تفتحي مشاريع خاصه فييك او تشتغلي بمراكز تكوني مدربه

بس مااكذب عليك الى الان يرمزن علي بعض الناس حكي :rolleyes:
بس تعودت وصرت اطنش بدامي مقتنعه وغير كذا


لكن نصيحه لك اذا اللي حواليك اقسامهم شي ومن النوع اللي يرمون عليك وانتي من النوع اللي يتعب نفسياً او مايتحمل حكي الناس وعارفه نفسك ماتتحملينه لاتدخلينه

وعن نفسي كنت كذا لكن تصدقين كلامهم بدا يعطيني مناعه شوي وخلاني اتحمل رمي الناس للحكي :p يعني فادني
وبقولك انا مرتاحه الحين بالقسم الا اللهم مرات اتضايق من رمي الناس للحكي لكن بديت اتأقلم واطنش :rolleyes: ومن ناحية دراسه مره حلو وسهله جدا

عاد انتي استخيري وشوفي حالك من النوع اللي يتحمل ولا يهمه كلام الناس اهم شي اللي يعجبه ويبيه ادخليه ولا عليك :65:

[مآوديَ اكـبرّ~]

نو نو

تسلمييين ياحياااتي

الله يوفقك ~

[Supra- Man]

الله يوفق الجميييييع

[مآوديَ اكـبرّ~]

مهاوي

الله يقويك ~

انا بالنسبه لي ما اهتم مره لكلام الناس مدام اني مااسوي شي حرام وخصوصا اذا كنت مقتنعه

وكلام الناس ما يخلص

والله يكتب الي فيه الخير

بالتوفيق ..

[despair]

بدامك كذا

اجل ادخليه وانتي مغمضه وماعلييك

وان شاء الله راح تستمتعي فييه و تنبسطي

وموفقه ان شاء الله

[حـٍـ_ـہلا الـ_ٍكــ_ٍونہ]

والبنات الي بهالقسم مرتاحين فيه يعني تنصحوني ادخل له

مرااااااااحب ماودي اكبر
انا بقولك قصتي من دخلت هاالقسم الا الحين
اممممممممم انا ببدايه مستوى اول مررررره كاره القسم ودخلت فيه
لان مافيه احد قبلني قلت اجرب احسن من الجلسه باالبيت ولا خصوصا كانت دراستنا كلها نظري يعني مافيه شي يحمس وبعدها الحمدلله خلصت هاالمستوى ورحت لمستوى ثاني شوي شوي حبيت القسم وتأقلمت معه وحسيت بحماس مره كان حلو مستوى ثاني والحمدلله انا الحين مستوى ثالث واحس اني مرتاااحه فيه وان القسم هاذا فله وحلو وتحسين بمتعه وانتي باالعملي :39:
نصيحه مني لاتسمعين كلام احد اذا انتي مقتنعه ادخليه استخيري والله يكتب لك الي فيه الخير
واذا على الكلام ماعليك من احد انابعد كنت اسمع كلام بايخ بس اطنش والحين يوم وصلت لهاالمستوى(3) صار فيه تشجيع عكس اول مادخلته
باالتوفيق:39:
احس اني طولت بكلامي <<:89::89:
تقبلي مروري :22:
دمتي بكل ود

[مآوديَ اكـبرّ~]

مهاوي تسلمي رفعتي معنوياتي


حلا الكون الله يوفقك حمستيني وع الاقل احسن من جلسة البيت صادقه

يـسـعـدكم ~
طيب بالنسبه للمواد وشو استفدتوا ؟

وفيه مادةانجلش؟

[حـٍـ_ـہلا الـ_ٍكــ_ٍونہ]

طيب بالنسبه للمواد وشو استفدتوا ؟

وفيه مادةانجلش؟



اممممم المواد بمستوى اول كنا ناخذ عن الشعر وكل مايختص فيه والبشره والاظافر والمواد الكيميائيه من ناحيه نظريه يعني مااحس اني استفد كثيير لانه موتطبيق (عملي) كان حفظ وبس ومستوى ثاني كان عملي وفيه نظري بس اسهل بكثير من مستوى اول لانه تطبيق ومستوى ثالث الي الحين ادرسه حلو وسهل وصعب في نفس الوقت يبيلك تركززززززين لاننا نشتغل بمواد كميائيه (صبغات) يعني ايت غلطه يروح الشعر<<<<<عاد تروحين فيها:15:
اما باالنسبه للانقلش عندنا خذناه مستوى اول وثاني والحين ثالث بس كلها ماتتعلق بتخصصنا <<قهر :mad: بس اكيد السنوات الجايه بيحطون منهج انقلش لتخصص التجميل

[مآوديَ اكـبرّ~]

حلو

انصحكم تتدربون على كشة الباربيات :d
هههههههه

الله يوفقك ..

[تكفيني الذكرى]

الله قسم يجنننن انا اللحين خريجه دعم فني ولو تتحلي الفرصه مرة ثاانيه ادرس تجميل بس خلاص راحت علينا ..
المستوى الراح كان لي مستوى رابع اشوف معامل التجميل تجنن والبنات يصلحون تسريحات على صديقاتهم واااو توكلي على الله دام ذي رغبتك والله يوفقك يااارب على اقل تدرسين شي تحبينه ولك رغبه فيه وصدقيني راح تمشين فيه دام ذي رغبتك ..

[soso same]

ماودي اكبر

انا نسبتي كانت 91 وبليالله قبلوني تجميل :(:(

مستوى اول كله دراسه حتى مواده مو صعبه مره انجلش حاسب كيميا واحياء واساسيات

والحين مستوى ثاني تعلمنا التسريحات والقص والتلفيف والسشوار هو ممتع بس تعب شوي

يعني اذا انتي ميولك هلقسم رح تبدعين فيه

تقبل تحياتي وبلتوفيق انشالله

[حـٍـ_ـہلا الـ_ٍكــ_ٍونہ]

حلو

انصحكم تتدربون على كشة الباربيات :d
هههههههه

الله يوفقك ..



ههههههههههههههههههههههههههههههههههههه
انا الحين نتدرب على كشه الملكان ارحمها
احس بيجي يوم بتتكلم من الي نسويه فيها<<<يمه تخيلي تتكلم عاد وجه بدون ملامح بس كشه :eek: