ماقصرت والله يأستاذ صالح

[=* عيوبي مزايا *=]

هاي شباب :).

هاه بشرو شو صار معكم في اختبار الانجليزي التخصصيه 2.

بالنسبه لي اختبار متوسط يميل للسهوله ، عالعموم ماقصر الاستاذ/ صالح البديوي.

<نستنى آرائكم >

وبالتوفيق للجميع

[αzzαм вιη αв∂υℓαzιz]

أنا ماأختبرت E2 لاكن الأستاذ :صالح البديوي تنصح به .


تحيـــــــــــــــــــاتــــــي

[TAM BOY]

والله إساتذة الإنجليزي بصراحه كلهم ممتازين

وأولهم د.عبدالعزيز أبانمي و إستاذ صالح البديوي

[مختلف جدا]

حنا يدرسنا واحد اسمه ثامر المحبوب <جاي من الكلية الحربية..

رهيييب جدااااا

بس والله حاقد عليه شوي هههههههههههههههه


اقول باد..

جاكم سؤال السيرة الذاتية؟

[=* عيوبي مزايا *=]

اقول باد..

جاكم سؤال السيرة الذاتية؟

أكيد ياخي اهم شيئ فالمنهج والحمد لله حليتها صح

[مختلف جدا]

اي اهم شي في المنهج..

ماهي في المنهج اصلا

مدري من وين جابوها.. لكن الحمد لله سهله مافيه شي صعب


طيب

جاكم سؤال اكتبوا مواصفات جهازك اللي بتشتريه ؟

<<يمكن نفس اسئلتنا لان اللي مسويها المحبوب والبديوي

[=* عيوبي مزايا *=]

اي اهم شي في المنهج..

ماهي في المنهج اصلا

وش دعوه افتح صفحه 159 فالكتاب

مدري من وين جابوها.. لكن الحمد لله سهله مافيه شي صعب


طيب

جاكم سؤال اكتبوا مواصفات جهازك اللي بتشتريه ؟

<<يمكن نفس اسئلتنا لان اللي مسويها المحبوب والبديوي

لا ماجاء هالسؤال . ياريته جانا سهل مره

[مختلف جدا]

الكتاب مادرسنا منه الا الوحدة الاولى والثانية والثالثة وطمرنا للسادسة بس

واخذنا المذكرة كاملة

يمكن مسوين عندنا تخفيضات بالموازي :)

[=* عيوبي مزايا *=]

الكتاب مادرسنا منه الا الوحدة الاولى والثانية والثالثة وطمرنا للسادسة بس

واخذنا المذكرة كاملة

حتى حنا نفش السيئ<<< دايم يقولها البديوي:D

لاكن زياده السيره الذاتيه

[الـفـيـلـسـوف]

انا بالنسبة لي صراحة الاسئلة حلوة مافيها ذيك الصعوبة

والاستاد صالح البديوي ماقصر معنا يتمنى كل واحد يجيب درجة حلوة


لكن الحمد لله اننا افتكينا من هم الاختبارات اوووووف :(


تحيااااتي

[good boy]

افيدونا وش القصة استادصالح استاد صالح

انا باسجل المادة الترم الجاي تنصحون فيه وليشششششششششش

يعني وش فيه شي كويس

مساعدة ياشباب

[Azoz1]

اصراحه انا انصحك فيه اخوياي يمدحونه بس انا درسني المحبوب وختd+والله قهر

[good boy]

ياشباب معلومات عن الأستاااااااااذذذذذذذذذذذذذذذذذذذذذذ

توصون فيه ووش يتميز فيه الاستاذ صالح عن غيره من مدرسينن الاانقلش

الهههههههههههلب فديتكم

[قطيم]

للأمانة الاستاذ صالح البديوي نعم الرجل نعم الاستاذ نعم الاخ

الحقيقه لا يشق عليه غبار

انسان مرح تتقبل المحاظرة بشكل رحب عكس الباقين الي تحتري من تخلص

انسان يعطي كل ذي حق حقه

يخليك على بينه من اول محاظرة

ترا كيت وكيت وكيت

يعلمك اوقات الاختبارات من اول محاظرة عشان ما يجيب لك عنصر المفاجأة

يركز على الحضور والتأخير تعتبر ركيزة لديه

وطول الترم الي راح يعني ما فيه ملاحظة الا وحدة

عطانا اختبار فيه قطعه الله يهديك قالب الانقليزي التخصص عام جايب قطعه سواليف

يعني انا دعم فني ومادتي تخصصية جبلي شي عن الكمبيوتر

وكذلك اخطئ بالنهائي نفس الغلطه كررها وجاب قطعه عن المسلمين ويوسف وسلمى مدري خديجة

انصحك فيه

رجل ونعم الرجل

[good boy]

Gmc -قطيم أشكركم على المرور بس وش سالفت خديجه

العيال قايلين القطعه الي جت عن وشلون استشاري في الكمبيوتر انت متاكد

[الـفـيـلـسـوف]

وانا خوك يا قود بوي الاستاد صالح البديوي

والله بدون مجاملة مدرس يعطيك حقك وزود يعني اذا كنت خايف انك تحمل المادة فهاذا انسه

بس بشرط انك تسوي اللي عليك من حضور وتأديه الواجبات (معنا ماهنى زود واجبات)

واجتهد على اللي تقدر عليه وابشر بعزك


يعني لاتهمل وتقول ابغى A+ ومن ناحية اختبارات هو مايقصر صراحة يعني تحس ان يبغى يعطي


الطلاب درجات حلوة باللي يقدر عليه ويعطي اختبار تحسيني


وفي شي مهم انا اقدره صراحة في الاستاد صالح هو انه في المحاظرة يعطيك معلومات ويتكلم عن

اشياء وامور تستفيد منه في حياتك اليومية والعملية مستقبلا

يعني اعطيك مثال هو طلب منا ان كل واحد يسوي (عرض)يعني يطلع ويجيب معه اي موضوع

ويتكلم امام الطلاب طبعا الموضوع اخياري اللي يبي يسوي واللي مايبي يسوي براحته

هذا العرض يعودك اولا على الجراءة وعلى اخيار المواضيع المفيدة لانه راح يفيدك في عملك

في المستقبل وامور كثيرة تستفيد منها بغض النظر عن الدراسة

اتمنى ان اكون وضحت لك وعطيتك معلومات عن الاستاد صالح البديوي

واي شي تطلبه زيادة او استفسار انا حاضر


تحيااااتي لك

[good boy]

شكرا يا الفيلسوف على هالمعلومات

وننتضر راي الشباب الباقين

هاه وينكم

[امير بكلمته]

بصراحه اسئلته نص ونص

بس والله والله ما توقعنها من الأستاذ صالح

توقعتها من المالكي أو واحد غثيث مثله

[Jciiio]

شف ياقوود بوي انا اول مره اشارك واعتقد مشاركتي بسبب حبي لهذا الشخص المحبوب مرح بمعنى الكلمه وانسان متفهم واذا طلبت منه شي ويقدر عليه مايردك ومن ناحيه الغياب اذا كثرت غياباتك يعطيك شهادة تقدير بانك حطمت الرقم القياسي:d

وبعدين انا اشوف فيه عيب واحد انه ياخذ المحاضره كامله ولكن هو يقول اذا كان عندنك شغل او اختبار تقدر تستاذن بالعربي تبي مدرس انجليزي رح لصالح البديوي وبس <<<بيكبر راس الاستاذ:D

[HaMaD]

الحقيقه كان اخر اختبار لي هالماده
والحمد لله كان ختامها مسك
و بدون مجاملات الاستاذ صالح البديوي
اخ قبل لا يكون استاذ
انسان مرح تتقبل شرحه و كلامه
يعرف كيف يوصل لك المعلومه
حاجتين من حاجات كثيره عجبتني في طريقة تدريسه للماده
الاولى انه يعطي كل حق حقه وزياده يعني بالاختبار اللي من عشرين درجه يصحح لك من 25
زياده على ذلك اختبار تحسين الدرجه بنهاية الترم
والشي الثاني انك تكون على بينه بجميع اوقات الاختبار و كل شي عن الماده من اول محاضره
و هو صراحه يدرسك لسببين
عشان تجيب درجه حلوه
وعشان تفهم و تعتمد على نفسك في حاجات كثير و ابسط مثال العرض اللي كنا نسويه عن حاجات مالها دخل بالمقرر
استاذ صالح و نعم الرجل لاتفكر تدرس عند غيره

[good boy]

مشكور مشكور ياحماد

والشباب كلهم والشابات كلهم

يعطيكم الف عافيه

[كيف الحال]

شباب البديوي يدرس بس ماده 2 ولا واحد ؟

لان التخصصيه واحد ساحبها معي من الترم الاول وللحين ماخذتها ههههه

فاذا فيه مدرس زين يدرس التخصصيه واحد ياليت تبلغوني

لاني درست عند النفيعي البثر وماقصر معنا راسب مع علامة الشرف زود على كذا المحاضره تطفش لدرجة كنت ناوي اشتري سرير الي ينفخ عشان لاجيت محاضرته نمت

[good boy]

لا مايدرس تخصصيه 1

وبعدين لعنبو شيطانك فيه أحد يرسب في تخصصيه 1

ماده كلها سواليف في سواليف

رعاك المولى

[كيف الحال]

يارجال الماده مب تافهه الا مويييييييييييييييييييييه

لكن الله لايوريك بمدرسن حسبي الله عليه

صكني حرمان وانا عندي عذر لان ببدايه الترم درسنا عند مدرس ثاني وفجاءه نقلونا وخبصه وحوسه

مع العلم ان عندنا عذر

ورحت اشتكيته وجبت ورقه من الوكيل الموسى

والظاهر الرجال حقد علي وسقطني

اجل ماده يقول هاردوير وسوفت وير وماوس وكيبورد ارسب فيها :(