؟؟؟؟؟؟؟؟؟؟؟؟

[كارينا]

انا من خريجات العام الفات ونسبتي 81%
ابي اعرف كل شيء عن كليه التقنيه
لاني ان شاء الله ناويه اسجل فيها
فاياليت تقولون لي ايش الحلو فيها وايش مستقبلها
وايش المطلوب مني اسويه
ومشكورين على مساعدتكم لي سلف

[ندوش]

هلا يالغاليه بفيدك قدر استطاعتي لاني من متدربات هذهي الكليه ..


اول شي التخصصات ..

1/ قسم الدعم الفني للخريجات العلمي فقط

2 / قسم المحاسبه

3/ قسم تصميم وانتاج الملابس

4/ قسم التجميل

هذهي الاقسام المتاحه وسمعت انهم بيفتحون السنه القادمه قسم التصوير الفوتجرافي والله اعلم

وبصراحه الحلو فيها دراستها حلوه ومناهجها حلوه ومفهومه وفوق هذا كله مدربات معاملتهم وتدريبهم يجنن بمعنى الكلمه

طبعا هي دراستها سنتين ونصف سنتين دراسه والنصف فصل تدريبي بحسب تخصصك ..


والمطلوب منك عزيزتي تسوينه انك تتابعين الموقع هذا


http://gt.gotevot.edu.sa/

وراح تنزل فيه تاريخ التسجيل انا سمعت انه بشهر 8 ..

بس انتي تابعي الموقع ..

واذا نزلت المواعيد سجلي عن طريق الموقع وان شالله يحالفك الحظ ويقبلونك ولاتخافين لو ماطلع اسمك لان في ناس يعتذرون ومايدرسون يقومون يكلمون على الي سجلو عندهم يعني انتي حطي اسمك ورقمك عندهم واتكلي ع ربك ..

في من صحباتي كلموها قبل مايبدى الفصل الثاني يعني ماتدرين الا وهم مرسلين لك مسج



ومعليش ع الاطاله

واي سؤال انا حاظره


وبالتوفيق عزيزتي

[Control System]

ما شاء الله عليه ندوش ماقصر معاك

لكن نسبه 81 % ؟؟؟

انا سمعت انه وقفو السنه الماضيه على 90

بالتوفييييق

[ندوش]

انا متدربه يعني بنت :)


اي يوقف على 90 بس في احتياط ويقبلون اقل في حال عدم تواجد الي نسبهم 90 وفوق





وقسم التجميل وانتاج الملابس قبل 80 ومافوق ..


انتي سجلي واتكلي على ربك

[كارينا]

اوكي فيها مكافاه >>>> همها الفلوس
ويعني التسجيل بالنت
طيب ليش التحطيم نسبتي حرام والله حلوه

[كارينا]

بس ممكن تقولون لي كل قسم وايش مستقبله
او تعطوني خلفيه عن الاقسام بالتفصيل
لانه موقعهم فاضي مافيه شيء
واسفه على الاطاله وثقاله الدم
تحياتي

[ندوش]

اي عندهم مكافأه 1000 ريال و10 ريال لصندوق الطالبه يعني كلها 990 ريال ..

والتسجيل بالنت وبشهر 8 ان شالله .. ونسبتك حلوه ماقلنا فيها شي بلعكس قاعده اشجعك تسجلين لانك بتنقبلين ان شالله

وعن مستقبل الأقسام كل قسم ومستقبله واضح ياعزيزتي من مجال التخصص حقه

يعني دعم فني >> صيانة الأجهزه هذا اللي اعرفه عنه

والمحاسبه طبعا قسمي بعطيك فكره عنه اكثر :)

محاسبه يعني بالمعاملات الماليه ومستقبل هالتخصص اكثر شي بالبنوك
و طبعا المستوى الاول مبادىء وبعدين تتخصصين اكثر

وقسم التصميم وانتاج الملابس طبعا عرفته من صاحبتي :) هو في مادة خياطه وتشتغلين ع الماكينه لانو قبل ماتصممين لازم تعرفين تخيطين وبعدين المستويات الاعلى يبدا التصميم

وقسم التجميل توه فاتح اول مستوى الترم هذا فمادري بالضبط عنه كل اللي اعرفه انهم ياخذون مادة كيمياء


ومعليش ع الاطاله بس حبيت افيدك

[مستجدة]

هلا والله فيكـ أختـ/ كــارينا


أنـا بصرآحة ما ودي أحطمكـ.. بس لا تأملّين على الفصل الأول .. يعني حطي ببالك أنهم ممكن

ما يقبلونكـ .. بس نقول إن شا الله ع الفصل الثاني ..

بتقولين لي ليش ...

أنا أقولكـ..

كلية التقنية للبنات مالها فاتحه سنتين .. يعني لسّى الناس ما عرفوها ..

حتى أنـا الحين لما أحد يسألني وين تدرسين وأقول بالتقنية يقولون هذي مو حقة عيال ؟؟

فـ الناس لسّى ما تعرفت عليهاا ..

الزبده من كلامي .. أن وحتى هم ما تعرفوا عليهاا وكثيررر بنات ما يدرون عن هالكلية ..

شوفي النسب اللي يقدمون عليهاا على أنها دبلومـ..

تلقين بنات 98% << طبعاً بتنصدمين .. بتقولين هذي أبواب الجامعات فاتحتلها ..

الفصل الأول السنة اللي رآحت وقفوا على 89% ..

الفصل الثاني مادري صراحة لوين وقفوا ..

أنـا أقولك هـ الكلام عشان تكون عندك منــآعه لأن أشين شي تتوقعين شي وتنصدمين بعدم وقوعه!!

لازم تحطين ببالكـ .. أنهم مارح يقبلونك الفصل الأول نهآآئي .. وأدعي ربك يقبلونك الفصل الثاني..

ولا تستهيني بالأقسام الثانية ( خياطة/تجميل).. ترى يقدمون ناس نسبهم بالتسعين ..!!

وإذا لا سمح الله ما انقبلتي بالفصلين .. وفعلاً راغبه بالتقنية.. فيه "الموازي" يعني اللي بفلوس ..


أعتذر عن الإطالة .. بس حبيت أوضّح لك هالنقطه لأنها مهمه ..


وعشان تعرفين أن القبول مو سهل ..!!

وأي خدمه أو استفسار أسألينا .. و ندووش قآمت بالواجب ..

وهلا فيك مرره ثآنية بيننا :)

[كارينا]

مع احترامي لهم انا لو بدفع فلوس دفعت للجامعات >>> قعيطيه
بس والله حرام
ليش هالتحطيم
طيب اي قسم تتوقعون يقبلوني
وهل التجميل له مستقبل

[كارينا]

ندوش
على اي اساس قلتي يقبلوني
ممكن اتعرف عليك بالمسن

[كارينا]

مستجده حطمتيني

[Control System]

ما شاء الله .. كل هالردود بيووم واحد


شفتوو يا شباب كيف تفاعل البنات مع بعضهم !!

ياليت حنا زي كذااا


كارينا .. الكلية جديدة .. وتخصصاتها أيضاُ مطلوبه في سوق العمل بكثرررره

ان شاء الله تتوفقين وتكوني معانا في المنتدي الترم الجاي

بس اهم شئ تفكرين بتخصص انتى ترغبينه

ومن ناحية المكافاة .. تطمني .. ماراح تشمينها اول ترم إلا في نهايته


ولاتنسين ان الدراسة في الكليات التقنية عموماً .. اسهل من السهوله



بالتوفيق

[كارينا]

مشتشكره لكم
بس لليييز ادعو لي وهل قسم الحاسب الالي مناسب لي وبيقبلوني فيع
او الاداره الكتبيه هذولاء حاطتهم في بالي
طيب ممكن اعرف الشروط بالتسجيل ؟؟؟
وفيه امتحان قدرات والا لااااا
لاتقولون لي فيه ترى اتحطم :confused:

[Abdullah Al-Hussain]

لا يوجد اختبار في التقديم

اتمنى انك استفدتي من المعلومات المطروحه

واتمنى لك التوفيق وقبولك في الكلية

ومن سار على الدرب وصل

واشكر ندوش على المعلومات الكافيه

والموضوع اخذ حقه