عاجل .. الموضوع مايحتمل التاخير .. :)

[خالد]

السلام عليكم ..




كيف حالكم يا اخوان ان شاء الله تكونو با احسن حال :)





انا نويت اسجل في الكليه التقنيه او بمعنى اصح انحديت عليها .. :(




وبما اني من خارج الرياض فا الكليه اللي ان بدخلها ان شاء الله .. فيها تخصصين ( لاني خريج ادبي :( )




التخصصات المتوفره لي هي .. اداره مستودعات ,, وتسويق ..




يا اخوان من خلال تجربتكم ومعارفكم ايهم افضل ؟؟





انا ماعندي مشكله بالدراسه بالعكس متحمس كثير .. وعندي طموح بس فيه ناس قالو لي لاتتعب نفسك لن هالتخصصين مالها مستقبل :(







طيب اقدر اجيب معدل في الدبلوم واكمل بعده جامعه في هالتخصصين ؟؟









وفيه سوال آخر .. الحين اقدر اسجل في الكليه التقنيه وفي نفس الوقت اسجل في معهد صحي اهلي ؟؟ ولا لازم وحده بس ..











وجزاكم الله الف خير .. وياليت تفيدونا بما عندكم .. ولا خاب من استشار ,,







لاهنتو جميع ..

[=* عيوبي مزايا *=]

ياهلا والله منور اخوي خالد.

نبدا بالاجوبه على استفساراتك

انا نويت اسجل في الكليه التقنيه او بمعنى اصح انحديت عليها

طيب ياخي راعي شعورنا شوي :D

مستودعات ,, وتسويق ..

يا اخوان من خلال تجربتكم ومعارفكم ايهم افضل ؟؟

تسويق طبعا.


انا ماعندي مشكله بالدراسه بالعكس متحمس كثير .. وعندي طموح بس فيه ناس قالو لي لاتتعب نفسك لن هالتخصصين مالها مستقبل

حلو الواحد يكون عنده هالطموح ، بس تدري وش مشكلتنا أنا نسمع لفلان وعلان وتلاقي كلامهم غير صحيح في أكثر الاحيان تقدر تسميهم < محبطين>. اذا عندك رغبه ادخل والدرس وسو اللي عليك وربي بيوفقك , وحط ببالك الارزاق بيد الله مو بيدي ولا بيدك انت عشان كذا استخر وتوكل على الله والله مايخيب اللي يتوكل عليه.

طيب اقدر اجيب معدل في الدبلوم واكمل بعده جامعه في هالتخصصين ؟؟

للأسف لا ولاكن بنفس الكليه احتمال يفتحون بكالوريوس وأذا كان فيه ابتعاث فأنا مأدري عن هالنقطه.


وفيه سوال آخر .. الحين اقدر اسجل في الكليه التقنيه وفي نفس الوقت اسجل في معهد صحي اهلي ؟؟ ولا لازم وحده بس ..

على حد علمي يالغالي تقدر بالراحه ، لأنه اهلي مو حكومي .

وأنشاء الله قدرت اوضح لك بعض الاستفسارات .

ومن كل قلبي الله يوفقك :)

[Control System]

اولاً اتمنى لك كل التوفيق

بالنسبه للتخصصات

فالتسويق مجاله اوسع بكثير من مستودعات اللى يعتبر تخصصه محصور

انا مجموعة شباب خريجين تسويق وهم الان موظفين في بنوك ورواتبهم عسسل


وبعدين من ناحية مافي وظايف .. انا بقول لك حاجه

" الحكووومة مستحيل تفتح كليات وتدرس الطلاب وتعطيهم مكافأت وفي النهايه يصيرون عاطلييين ويأذون المجتمع ويسببون مشاكل للجميع "

الوظيفه .. تبي انسان مجتهد و طموح و يفضل اللى معدله عالى

لان الطالب اللى معدله يدل على انه طالب مجتهد وطموح وراح ينجح أكيد في عمله

انت شد حيلك وجيب معدل حلوو .. ووظيفتك عندى !!




وفيه سوال آخر .. الحين اقدر اسجل في الكليه التقنيه وفي نفس الوقت اسجل في معهد صحي اهلي ؟؟ ولا لازم وحده بس ..

اتوقع هالشئ هذا غير ممكن

لان من شروط القبول في الكلية " ان يكون متفرغاً كلياً للدراسة "


بالتوفيق يالغالي

[Abdullah Al-Hussain]

مثل ماذكروا لك اخواني باد وكنترول ( التسويق مجالاته اكثر )

والشخص اذا كان طموح مهما كان تخصصه يثبت نفسه

ودائماً احرص انك تدخل القسم المحبب لك

اتمنى لك التوفيق

[TAM BOY]

طيب أخوي خالد فيه تخصصات ثانية للشرعي

مثل : إدارة مكتبية و محاسبة ما فكرت فيها؟

وبالنسبة للبكالوريس فيه عندك كلية اليمامة الأهلية يعادلون لك شهادتك وتكمل عندهم

[خالد]

هلا والله بالدوافير :)



اول شي اشكر لكم هالتفاعل الطيب و والله اني ماتتوقعت اني احصل هالردود قلت ان كثرت رد واحد :d



وياباد بوي .. انا ما اقصد انحديت عليها من باب التعالي لاوالله .. بس بما اني في محافظه حفر الباطن ومافي اي جامعات وكليات الا التقنيه اظطريت استخدم هالمفرده :)



ويمكن لان عندي طموح بالدراسه في الجامعات لكن ظروفي ماتسمح لي بالخروج من نطاق حفر الباطن :)




طيب يا اخوان عندي كم سؤال وتحملوني شوي .. انا خريج شريعه ونسبتي 86 .. والقدرات 76 .. ماهي نسبه القبول ؟؟ ومتى التقديم ؟؟ وهل هو عن طريق الانترنت ؟ !





اذا كان عن طريق النت ياليت تزودونا بالموقع اللي يتم عن طريقه التقديم ..






ويا تام بوي .. الكليه اللي عندنا مافيها الا هالتخصصين ..




ويعطيكم العافيه جميع على هالتفاعل الطيب .. وعزالله اني اول ماشفت ردودكم قلت من كل قلبي الله يوفقكم ..

[عبـآدي]

هلا بك <<جاك الدافور الكبير هع هع

<<ينصحك نصح هالكبره انك تدخل تسويق <<ترى القسم حلو وفيه متعه بالدراسه <<ان شالله خريج ذا الترم من قسم تسويق

<<اخبر يوم اسجل انا ماكانوا يعترفون بالقدرات

بس يبون الثانويه العامه

يس التقديم عن طريق موقع الكليه نفسه (:


<<تعال اقرب بقولك شي بس لاتعلم احد <<نسبتي كانت 78 وقبلوني وهم مايشوفون الدرب خخخخخخخ

اتمنى تكون المعلومه وصلت

[خالد]

هلا عبادي ...




الله يعطيك العافيه ,, وان شاء الله بدخل التسويق والباقي على الله ... :)




طيب ياشباب مجال التوظيف في التسويق وين بالظبط في البنوك ولا فيه قطاعات غيره ..






والله يكتب اللي فيه الخير لكم ولي ..

[عبـآدي]

هلا بك اخوي

الله يعافيك

بنوك - شركات - مستشفيات << عموما كل القطاعات الخاص تحتاج تسويق ومبيعات

[Control System]

بنوك - شركات - مستشفيات << عموما كل القطاعات الخاص تحتاج تسويق ومبيعات

عبااادي تبي تعقد الرجال

توه متخرج من الثانوي .. صعبه على مفهوم تسويق و مبيعات :) ( احترامي لك خالد بس هالكلمه يبي لك وقت حتى تفهمها بالشكل الصحيح )


طبعاً

اى وظيفه مكتبه .. بإذن الله لك امل فيها

سواء بنوك او غيرها

تسويق يدخل ايضاً في مسماه .. علاقات عامه على مااظن

يعني الوظائف كثيره لكن وين اللى يجيب معدل ويشد حيله

ولاتنسي تضيف لشهادة التسويق .. دورات حاسب و انجليزي

لانها راح تفييييييدك كثيررر وتسرع بعملية حصولك على وظيفة بإذن الله

[متدرب]

انا تخصصي تــــــسويق وشفــهم يـــتصلون عليـــنا لانـــنا نــــبى نتـــــــــخرج

النقطة الثانيه مين قالك ان فيه ادارة مستودعات

الاقسام

#محاسبه

#تسويق

# ادارة مكتبية


والادارة المكتبية انحش عنها لانك بتصير سكرتير وان تمت الترقيه صرت مدير مكتب

وصدقنى يا غالى من ناحية الدراسة راح تتكيف على طول لانها يبيلها فقط مجهود 50 %

مو مثل الجامعات الله لايوفقهم خلونا نتعب وندرس واخر شي طردونا

[خالد]

شكرا لكل من عطر متصفحي بردهـ ..



وياليت تعطونا موعد التسجيل في الكليه .. ووين بالضبط التسجيل ( الموقع )



لان فيه واحد لحس مخي يقول التسجيل ملفات !!


واغلب الناس يقولون عن طريق النت ؟!

[لكل مجتهد نصيب]

تخصص التسويق افضل بكثير
ولا فيه مقارنة بين التخصصين


التسويق مجاله البنوك وشركات التأمين .. طبعا مجال غير محصور

[تايه الخطوهـ]

انا عندي نقطه علي اللى قال انك ما تقدر تكمل جامعه
اللى وانا اخوك تقدر تكمل بس يشرطون عليك يكون نفس تخصصك موجود عند الجامعه اللى بتروحـ لها
وبيعادلون لك الدرجات حقاتك وعاد لزم يخصمون منك ترمـ ع الاقل

تقبل مروري

[الهاوي]

الله يعطيكم العااافيه ومشكووور
على هذ1 التعليق الحلوو :)
بس ودي اسأل يااشبااب المحاسبة مالة مجال توظيفي اكبر من التسويق
مع اني اعرف نااس في ادارة المكتبية ومحاسبة تووظفوا بس ام مجال التسويق الله اعلم مادري هو مرغووب ولا لا :confused:



وشكرا على الموضوع والرد للستاذ خالد وناشالله موفق في الدراسة وفي اعمال الخير انشالله

وانا انصحك ترى في الدخول الكلية......... وشــــكراا

[الهاوي]

الله يعطيكم العااافيه ومشكووور ياخوواني
على هذ1 التعليق الحلوو :)
بس ودي اسأل يااشبااب المحاسبة مالة مجال توظيفي اكبر من التسويق
مع اني اعرف نااس في ادارة المكتبية ومحاسبة تووظفوا بس ام مجال التسويق الله اعلم مادري هو مرغووب ولا لا :confused:
وياليت تخبروني عن الجامعات التي تقبل التخصص محاسبة وادارة المكتبيةبعد الدبلوم ؟؟


وشكرا على الموضوع والرد للستاذ خالد وناشالله موفق في الدراسة وفي اعمال الخير انشالله

وانا انصحك في الدخول الكلية......... وشــــكراا