هنا ..اكتب أي سؤال ما تعرفه عن (دوائر كهربية1) وبـنساعدكـ فيه

[سر القمر]

السلام عليكم ..

ألاحظ كثرت اللي يشتكون من مادة ( دوائر كهربية 1) ..

واللي يخليها صعبة هي انكـ تسمع كلام الناس وتبدأ تخاف من المادة .. وتتركها ولا تذاكرها ..

لذلك حطيت هذا الموضوع , من أجل مساعدتكم في أي مسألة ما تعرف طريقة حلها ..

بس حدد لي رقم الصفحة بالمذكرة + رقم المثال .. أو أكتب لي المسألة حتى لو من خارج المذكرة .. أو تريد تعريف لشيء معين ..

وبإذن الله بساعدك فيها .. وبوضحها لكـ ..

بـحاول أحط لكم بعض نماذج الاختبارات الشهرية .. وبعض الأشياء الصغيرة لكن أهميتها كبيرة ..

وأغلب الأشياء اللي يشتكون منها :

تحليل الدوائر بالطرق الثلاث (حلقي-عقدي-تراكب)
وكذلك إيجاد التيارات لدائرة مركبة معقدة
وبعض مسائل الكهرباء الساكنة

أتمنى منكم عدم الخوف من هذه المادة .. لأنك إذا نجحت فيها .. بتعرف انها مادة درجة صعوبتها عادية .. يعني أي شخص يقدر يمشي فيها .. بس كلام الناس هو اللي يضيع الطالب ..

بانتظار :
شكاويكم .. اسئلتكم .. طلباتكم .. اقتراحاتكم بخصوص (دوائر كهربائية-1)


وبالتوفيق

[المنفهق]

الله يعافيك على خدمتكم للشباب

وصراحة دوائر 1 على خبري سهلة لكن حسب المدرس

[msaad]

اقول عساك سالم انت مااقصرت بس عندك مدرسها ابو نفس هو اللي رافع ضغطي

[سر القمر]

ههههههههههههههه ..

يا رجال تحمل ... مستحيل يجي ترم بدون مهندس قلق .. لازم ينشب لك واحد ويخرب عليك الترم كله..

بس تحمل وش تسوي

[جروح روح]

الله يعين ويسهل ..

[سر القمر]

آمــيــن :)

[ابو حمد التميمي]

حسبي الله عليك يابدر العوفي
كان السبب في رسوبي

[سر القمر]

حسبي الله عليك يابدر العوفي
كان السبب في رسوبي

.. لا حول ولا قوة إلا بالله ..

هذي المشكلة إذا طحت في شخص ما يفهمك أو يحب يرسب الطلاب ..

ياخي ليت المؤسسة تسوي دورات للمهندسين "كيفية توصيل المعلومة للطالب" ..

لأن فيه ناس ما عندها هذي المهارة ..

أبو حمد .. الله يوفقك يا رب وييسر لك ..

[top speed]

يعطيك العافية سر القمر وعساك على القوة .وبما اني درست

الدوائر عندي اسئلة عن الامتحانات الشهرية و النهائي

وبنزلها قريب اتمنى تفيد الشباب واتمنى بعد اذنك طبعآ اساعدك ببعض الاسئلة

وفية عندي ملاحضة للطلاب اذا طبقت صح اضمنلك النجاح وبمعدل { أ وهي حفظ جميع

القوانين مايتعدن 7 قوانين بسيطة اوم والقدرة وكيتشوف للجهد والتيار وقاعد توزيع

الجهد والتيار والشي الثاني الممارسة حل دوائر كثيرة توالي او توازي او كلهما

ولاتنسى الغياب على حوالي 10 درجات وهذي راح تفيدك كثير سوا كانت ساعدتك

في نجاحك بالمادة او رفع معدل المقرر والله يوفقكم ..

[سر القمر]

يعطيك ألف عافية أخوي توب سبيد ..
ما تقصر والله .. وبالفعل الأشياء اللي حددتها هي الأشياء المهمة جدا في الدوائر ..
بنتظار إبداعك أخوي .. وشكرا ..

[مستقبلي طموحي]

اخوي الله يعطيك العافية انا اتخالف معك في انه مصعبين المادة بسبب السمعة اصلا السمعة ما وصلت الا بسبب المدرسين الفاشلين الي يكتبلك مسألة او مسألتين بعدين في الاختبار يجبلك مسألة لف ودوران مشكلتهم ما يكثرو تمارين المادة مثل ما قلت سهلة لكن بعض المدرسين مصعبينها

[الموازي 2009]

بسم الله الرحمن الرحيم

اخي الكريم سر القمر

السلام عليكم ورحمة الله وبركاته

اتمنى انك تساعدني بحل مسألتين تعبت في محاولة حلها والمشكله ماحلها الدكتور وبيحيبها في الاختبار
الأولى موجودة في صفحة 128 السؤال السابع فقرة ب الشكل 3 ( القدرة المفقودة)

والثانية صفحة 138 مثال 8-2 التحليل العقدي

طبعاً هي في كتاب الدوائر الكهربائية - 1


وجزاك الله الف خير وفرج عنك كرب الدنيا والأخرة

[ابو التوت]

ياشباب والله الدوائر واحد سخيييفه
تطبيق قوانين وتركيز بس ,, وحل مسائل بعد ,,
والله انا اول ترم لي وجبت فيها (أ+) ,,

بعدين ماعليكم من الناس اللي يسولفون يقولون صعبه ولا شي
اللي يقول صعبه صعبه عليه موب عليك,,
والله لافيها لاذكاء ولا شي يبيلها تركيز بالدائره المرسومه وبس وحفظ القوانين ,,

[عبدالرحمن العنزي]

يا اخوان انا الحمد الله ماواجهة مشكله في الماده دوائر 1و2 ولله الحمد والمنه عديتهن وبمرتبة الشرف يأخوان اول شي اذا كنت تبي تعديها بقولكم ومن واقع تجربتي اول شي احط في بالي ان هالماده اذا ما اخذ فيها ممتاز مايعتبر اني ناجح فيها حتى لو جيد جدا مرتفع انا كذا حطية طموح ولازم اوصل له بكل الطرق نعم واجهة مهندسيين ولاكن انا اللي صرت افهم له مو لازم هو يفهم لي وحاولة قدر الامكان اني افهمه ونجحة هذه الفكره

ثانيا لابد من المذاكره ليست اليوميه ممكن فيها من الصعوبه لاكن لو كل يومين ساعه تذاكر اللي اخذته انا اشوف انها ممتازه واهم شي فيها حفظ القوانين وخاصة قانون اووم اللي قليل من الدروس ماتواجهة انا وياه

هالقانون اللي بعض الطلاب يواجهون فيه صعوبه بصراحه ماادري ليه لحدة الان ؟

بصراحه حاب اشكركم على هذا الجهود الرائع

واتمنى التوفيق لاخواني الطلاب تقبلوا تحياتي