متى نبدأ الدوره المكثفه

[محمد العتيبي]

السلام عليكم ورحمة الله وبركاته...

اتمنى من الشباب يفيدونا

انا طالب مستجد بالبكالوريس والحين انتهى الاسبوع الاول والجدول مانزل ولا حتى الارقام الاكاديميه والله ماعرفنا للكليه قالوا تاريخ3\3بتنزل الجداول


افيدنوا الله يجزاكم خير

[كمال]

هلا اخوي محمد والله انا نفس الشيء طالب مستجد لكن رحت لهم قسم الانجليزي يوم السبت وقالي تنزل على الموقع يوم الاثنينن اوالثلاثاء او تدق على الرقم ودقيت يوم الاثنين قال تنزل بكره او بعده على الموقع واليوم دخلت ما حصلت ولا اي اعلان او اي شيء مع العلم انه قال الدراسة تبدا السبت الله المستعان ما عاد اعرف متى راح ينزل الجدول اذا تعرف احد من اصدقائك بالله دق عليه واستفسر منهم اذا فيه احد اخذ جدول الدوره المكثفه او لا انتظرك ردك

[العميد]

مرحبا أخوي محمد

شوف العام حنا نفس الحاله كل شوي بعد يومين بعد ثلاثه أيام

ومانزل جدول تقريبا إلا بعد شهر من الدراسة

[abojari]

لاتراجعونهم الا بعد اسبوعين خذوا الكلام مني والله صارت معي ومع كل الدفعات

[المدوناتي]

اهم شي ياشباب الدوره المكثفه تذكروا نجاحك في الدوره يعني انك مقبول في البكالريوس
يعني الدوره شرط لتكملة البكالريوس لكن ترى الدوره مو صعبه مستواه متوسط واذا لغتك حلوه راح تكون جدا سهله عليك . الله يوفقكم وبنسبة للجداول الترم الي فات حنا مابدينا الا بعد شهر
حتى اتذكر اول ما بدوا اعلنوا على موقع الكلية بالرياض بداية الدراسة

[محمد العتيبي]

الله يعطيكم العافيه ويسر امركم

بس وشلون ناخذ الرقم الاكاديمي ننتظر بعد ؟؟؟؟؟؟؟؟؟؟؟؟؟؟؟؟

[شَــغَــبْ]

السلام عليكم ،،

حبيت أنقل لكم خبر نزول الجداول ،،

اليوم كنت متواجد بالكلية وأخذت الجدول ،،

أيضا هناك اجتماع تعريفي للمستجدين بالدورة ،، سيكون غدا الأحد الساعة 11 صباحا ..

لكن ما أتذكر مكان الاجتماع وتقدروا تتأكدوا عن طريق الاعلان الملصق بقسم اللغة الانكليزية بمبنى 17 الدور الثالث ..

وحسب كلام أحد المنسقين : بداية الدراسة ستكون يوم الاثنين

وبالتوفيق للجميــع ..