استفسار عن برنامج الابتعاث

[YASSER]

سمعت ان هنا ك برنامج
للابتعاث للحاصلين على الدبلوم بكليات التقنية والصحية

وسيبدأ التقديم في الثاني من رجب هل من تأكيد على هذا الكلام وما هو المعدل المطلوب للقبول
ووهل البرنامج مستمر للسنوات القادمه ولكم مني جزيل الشكر

اخوكمyasser

[=* عيوبي مزايا *=]

والله ياخوك أنا بعد سمعت والاكييد أنه فيه بس التفاصيل ماعندي خبر .

[الـفـيـلـسـوف]

مع الأسف وأنا أخوك ماعندي علم

لكن ان شاء الله ان جاني خبر عنها ابأعلمك

[TAM BOY]

تفضلوا يا تقنين
هذا خبر في جريدة الوطن

http://www.erf3.com/up/upfiles/1wQ71758.jpg (http://www.erf3.com/up/)



وهذا الرابط للي حاب يتأكد أكثر
http://www.alwatan.com.sa/news/newsdetail.asp?id=51544&issueno=2765

أخوكم / TAM BOY
:)

[HaMaD]

ما قصرت تام صراحه خبريه تفررررح
عساها تستمر لين نتخرج و نقدم و ننقبل
و اتمنى التوفيق للجميع
والله يكتب اللي فيه الخير

[Control System]

اوما يرجعون لشهادة الثانوي

ياخي ليش الشروط التعجيزية هذى ؟؟؟

خلاص انا دخلت الكلية وجبت شهادة الدبلوم ,, ليش هالتخلف ؟ وشوله ترجع للثانوية بعد ماانتهت مرحلتها

اقول ماتبون تشوفون شهادة الابتدائية بس ؟؟ ترانى جايب فيها العيييد


طيب ماذكرو شئ عن طلاب المعاهد ؟؟؟



شكراً اخوى تااام بوي

[YASSER]

الله يعطيكم العافيه

بس الله يجعل هذا البرنامج يستمر الى السنوات القادمه للي باقي على تخرجهم

هو انهم السنه الجايه بيغيرون رايهم بس وش نقووول الى الآن وحنا نرجع الى الخلف

والشكوى الى الله

[TAM BOY]

العفو يا شباب

[بـنت الدعم الفني]

طيب والبنات:mad:

[TAM BOY]

طيب والبنات:mad:

لا تعصبين

ما تدرين يمكن البرنامج يشمل البنات (مع محرم)

لأن فيه واحد أعرفه تخرج من الثانوي بنسبه 67%

وأخته قدمت ماجستير وكان هو محرمها

وانقبل هو وأخته حتى هو ضموه لبرنامج الإبتعاث


مو غريبه تطلعين بعثه و تاخذين عايلتكم كلها
:D

[مستجدة]

أيه صح والبنات :mad:

كل شي للأولاد كل كل كل أبو الأشيائات للأولاد

واحنا يا حبيباتي يا احنا نحزززن :(


أمـّـا الدول الصين والهند

أحسن شي ألمانيا .. لو خيروني بختار ألمانـيا << وش زينها

آه بس متى بيفكرون فينا :( << مافيه فيس يصيح ..؟


على طآري الفيسات أنا أقترح على المدير يحط فيسات بصراح تفآجأت يوم شفت الفيسات شوويه

حتى ما فيه أهم الفيسات >> يصيح / يشاهق / ميت / بيقتل نفسه / شاد شعره

<< نحتاجم كثيررر

..


<< تحب تهذرر :p

قولو يآآآرب أروح بعثه << حلمي الأزلي .. وكل ما أقول لأمي تقول جملتها المعهوده

(( مع زوجك إن شا الله ))

مدري ذا الزوج بيلبّيلي كل طلباتي !!!!


كل ما أقول شي زوجك زوجك .. بالأخير بتزوج واحد بيقول لي أمي تقول زوجتك بتسوي وزوجتك .....


ونطلع كل واحد مأمّـل ع الثاني .. << سيناريو


<< ما ودك تشيلين قشك وعلى براا ..


:D << لو فيه فيس قاعد بـيروح كان حطيته <<برااااااااااا



..

[قطيم]

البرنامج الخامس يشمل بعثة البنات للمطابخ

[O r l a n d o]

ان شالله يستمر على مانتخرج .. :)

[حياتي كذا]

أتمنى يكون الشرط الأساسي الكل عارفه


يشترط حصول طالب الإبتعاث على حق التقديم حصوله على معدل 80% وأعلى في الشهادة الثانوية !!


أعتقد أنه قرار مجحف في حق طلاب الدبلوم فأغلب طلاب الدبلوم لو كانوا قد حصلوا على معدل أعلى من 80% لم نراهم حاملين للدبلوم . . وماذنب الطالب الحاصل على معدل ممتاز في الدبلوم ولكن نسبته الثانوية كانت متدنيه ؟؟



أنا الحمدلله قد تخطيت النسبه المطلوبه للتقديم ولكن ما مصير أولئك اللذي لم يحصلوا على معدل أعلى من 80% ؟؟


يا رب توفق كل طالب وطالبه وتحقق أحلامهم . .

[Me$ho]

للااا صراحة ماقصروو

وش هالشروط؟؟

اتوقع لو واحد نسبتة فوق 80% ماجاء للتقنية !!

وبعدين ليش ينظر للثانوي !! ((فيس معصب))

[broken heart]

احسن شي انهم بيعتمدون درجة الثنوي

ومن ناحية البنات هم ماحددو الابتعاث لذكور فقط قالو لي درسو بالتقنيه
وفيه ضوابط ثانيه للبنات عامه سواءً كانت طالبة تقنيه او جامعه او ثانويه

وبس

[عبود]

بصراحة خبر وايد حلو
واتوقع انه يشمل البنات
مثل البكاليورس

[عبود]

للااا صراحة ماقصروو

وش هالشروط؟؟

اتوقع لو واحد نسبتة فوق 80% ماجاء للتقنية !!

وبعدين ليش ينظر للثانوي !! ((فيس معصب))
موب صحيح بعدين اعرف ناس نسبهم 90-95-98وداخلين التقنية
انا بصراحة مدري ليش دايم ينقصون من قدر التقنية