طلب نتائج طلاب البكالوريوس على الإنترنت

[INTERNATIONAL]

السلام عليكم و رحمة الله

أنا أكتب هذا الموضوع بسبب كثرة معاناة طلاب البكالوريوس في الحصول على درجاتهم

و هذه هي الكلية قد أصدرت درجات طلاب الدبلوم و طلاب الدورة المكثفة على الإنترنت
و على موقعها الرسمي www.rct.edu.sa

و لكن أين طلاب البكالوريوس من هذا .. هل يجب أن أذهب إلى الرياض من أجل أن أعرف درجاتي ؟
أو أن ألتصق بسماعة الهاتف آملاً أن يجيبني أحدهم ؟

أو أبقى حتى يبدأ الترم الجديد , فأُصدم بما أُصدم , و أكون في الإجازة خائفاً قلقاً


في النهاية أرجو أن نتفق على حلول لهذه المشكلة :

فمثلاً , أنا قمت بإرسال رسالة للكلية عن طريق موقعها , و أتمنى من الجميع اتخاذ هذه الخطوة كبداية

* الدخول لموقع الكلية www.rct.edu.sa
* النزول إلى آخر الصفحة
* ترك ملاحظة للموقع عن طريق الموقع الخاص بهذا ( اسمك , بريدك , ملاحظتك )

قد لا نستفيد منها الآن و لكنها للفترات القادمة , و من له حلول أخرى فليتفضل

و شكراً لكم

[طالب خير]

أولا الله يعينا وياك وان شاء الله النجاح فالنا وياك

ثانيا باين عليك انك من خارج مدينة الرياض وبودي اني استفسر منك يالغالي

1/ كيف البكالوريوس صعب ام سهل
2/ هل وجدت سكن قريب من الكلية ام لا
3/ هل اقدر انزل ساعات كثيره علشان تقل الأترام

[abojari]

طلاب البكالوريوس والله العظيم مظلووووووووووووومين لاكن ما معنا الا الصبر


(وش وداك له)

[cool-3la-6ool]

الله يكون بعونا والله احنا اكثر الطلاب المطهدين بالكليه

90 % مننا متغرب وفوق كذا مكافئه تتأخر نتائج تتأخر دكاتره اعوذ بالله

لكن مالنا الا الصبر وبالأجر ان شالله يالله يارب يخرجني بخير

[المشاكس]

كليه معففففففففنه والله

نظام رجعي ولا حاصل في اي كليه ولا جامعه في العالم

لكن وش نقول في الجهيمي المتخلف اللي مايدري وين ربي حاطه ومسوي عميد كليه حتى جداول ماتطلع في النت لازم تسافر الرياض تستلم جدولك

حسبنا الله عليك يا الجهيمي

الله لا يسامحك

[INTERNATIONAL]

أخوي طالب خير

البكالوريوس بشكل عام أصعب من الدبلوم . الدبلوم تقدر تسميه دلع
بس أنا متأكد إنه لو تاخذ كل درس في وقته و تراجع المدرسين في كل شيء ما تفهمه راح يصير سهل

بالنسبة للسكن موجود مساكن عزاب على بعد 10 كيلو و ما شابهها و الرياض بدأت تقلب
شوارع سريعة يعني ممكن توصل الكلية بإشارة وحدة في طريقك
بس مشكلة الرياض الزحمة

أما إضافة الساعات فنحن يالله نقدر نحذف فما بالك بالإضافة أعتقد الحل الوحيد عشان تخلص
بدري هو الترم الصيفي

[ودود0]

اخوي والله محد يطالع في الموقع ولا في ملاحظانتا ولكن هم كذا مع طلاب البكالوريوس دايما اهانة وملعنة والدين انت شوف ابسط مثال تعامل الدكاترة معنا
اسمع مثال (((((((((واحد يقول انت ذوي الاحتياجات الخاصة ))))))))))))))

[INTERNATIONAL]

و الله صرنا بالفعل أصحاب احتياجات خاصة

على العموم أنا سعيت بما قدرت عليه !!!

[أبو مهند]

الى جميع الاخوة هنا

لا ينفع التذمر من نظام الكلية بالموقع
ما لم يتم تقديم ورقة فيها اكثر المتطلبات
وتقديمها الى العميد ..

لا ينفع سب اي شخص مهما كان ما قدم لاننا لسنا قليلن
او اطفال نحن لنا ثقلنا ولا بد ان نكون بالثقل المراد

اعلم ويعلم الجميع كم نحن نعاني من سوء خدمات كبرى في الكلية
والتي عكست الاخفاق الحاصل لكل التعليم والتدريب

ولكن لا حول ولا قوة الا بالله

[Self Control]

نعيش ونحلم احلام اليقظه مع هذه الكليـة

حسبي الله على العميـد والمحافظ وعقبال

ما يحطون من يستحق هذه الكرآسي التي

يجلسون عليها وما يقدروا معنى جلوسهم

كل شيء قريب بإذن الله ,, المرحلة الثانيه

من التغييرات ,,, وبالتوفيق للجميع يارب

[ابوالوليد العماري]

يقول المثل ارضا بقردك لايجيك اقرد منه

[Eyeshot]

ياناس
والله حالتنا ماهي حالة
من أول وأنا اتصل
بس ماحد معطينا وجه

وش ذنب المغترب يتعلق لهالدرجة الناس تأجز وهي عارفة اش لها واش عليها
واحنا كل من سأل عن النتيجة وقلناله مانزلت قال شكله منكسف من نتيجته
ترى إحنا يالبكالريوس مو من كثرتنا مقارنة بالدبلوم عشان ماتنزلونها بموقع المؤسسة

[Self Control]

لا هي صعبه كثير انهم ينزلواا نتائج البكالوريوس

ويمكن انهم يتعبون عشان يرصدونها

حسبي الله عليهم :)

[كتالوني]

يا جماعه الخير انا ارسلت رسايل كثير على موقع الكلية لكن ولا ابن امه يرد

قسم بالله قمه الاهانة لنا

[الكاسح ماسح]

ابي اسال ممكن

[Max]

يشباب أرسلت قبل كذا ,,

وجاني رد يقول أن قاعدة البيانات للبكالوريوس مفصول
عن الدبلوم ؟


بصراحه مااتوقع في جديد ,,
خصوصا بعد توقف البكالوريوس وافتتاح الكلية الجديده .

[طالب بكالوريس مكروف]

احد يقولنا طيب النتايج طعلت علشان نرووح ناخذهااا

[INTERNATIONAL]

تبغى النتائج روح لها في الكلية يوم السبت تلقاها

مرمية على الطاولة

[Max]

ابي اسال ممكن

تفضل أسئل الجميع في الخدمه

[طالب بكالوريس مكروف]

هههههههههههه

يعني مثل الترم اللي راح

مرميه على الطاوله كننا ياشيخ مقدمين على البنك السعودي للتسليف

[Max]

يشباب اذا نزلت النتيجه يوم السبت واحد يبلغنا
نشوف احد يستلمها .

[INTERNATIONAL]

هههههه

و الله إنك صادق , كأنه بنك تسليف , على العموم علينا العوض نحن طلاب البكالوريوس و خصوصاً قسم الحاسب

=================

max

ترى 100% راح تكون النتائج نازلة يوم السبت , لأنه راح يبدأ في نفس اليوم تسجيل الصيفي
و ما يصير يتسجل الصيفي قبل معرفة النتائج

[طالب بكالوريس مكروف]

ايو الله الله يعين بس ونعدي هالبكالوريس على خير


اخوي ماكس اكيد انها راح تنزل السبت زي ماقال اخوي انتر ناشينول

لان الترم الصيفي تسجيله يبداء السبت

وبالتوفيق للجميع

[Max]

الله يعطيكم العافيه أخواني
ان شاء الله النتائج طيبه
بالتوفيق للجميع