راي عام

[طلال الزبني]

شباب انا فكرت اشتري ايفون ومدري ابي ارخص جهاز وابي اركب فية شريحة موبايلي تنصحوني بموبايلي او stcمدري والله
احس ايفون 4 او 4sاو ايفون 3
عطوني معلومات كافية ووافية عن الايفون وكل مايتعلق بالايفون والي يعرف ايفون يبي يبيعة بسعر من 700الى 800ريال يقول لي انا بروح لمحلات الجوالات وابي استفسر بس يمانيين نصابين يقول لك هذا وهذا وهو العكس

[فلسفة مشاعر]

أخوي طلال مـآ انصحك , تـآخذ اي فون , ~
بالوقت الح ـآلي , اصصصبر, عليه , فترهـ ,
بينزل , 4 جي اس ,~
والشششرآيح كلهـآ واحد ,~
,,,

لاكن ,عني انـآ لو بششتري بششتري جلكسي اس تو



مودتي , وتقديري لك ,ْ

[طلال الزبني]

ياعمي نفذ صبري كل يوم اقول بكرة بكرة والحين يوم قررت احترت لان ماعندي خلفية عن الايفون
والقروش الي معي عى قد حالي وايفون 4جي اس هذا الي يقولون عنة ايفون5 انا بروح بعد شوي وبشوف اسعارهن بس لاتبخلون علي لاتقولو اني رحت واشتريت ماراح اشتري اليوم احتمال من بكرة وورى بس ابي اسعار رخيصة

[شطرطون]

مسستحيل تحصصصل اي فون بالسعر اللي قلته 700 او 800 :)
الا اذا كان القديم اي فون 2 هذا اذا حصلته
ولا بتحصل واحد معدوم
لا تستعجل جمع دراهمك واشتر لك واحد جديد اضمن لك وانت بكيفك

[كيميائي طموح]

اشتر ايفون وتوكل على الله

[omar.19]

يالغالي , انا استخدم ايفون ٤ وصراحه معي زي الحلاوة


ومن ناحية ايفون 4s ترى لسه مانزل عندنا .. لسه موقع أبل قبل امس معلن عنه

يعني مامداه يوصلنا , ويبغاله شهر تقريبا اذا ماكان اكثر

وسعره بيكون غالي شوي , يعني بحدود ال 3000 إلى 4000

وسعر الايفون 4 الحين بجرير ب 2439 , 16 جيجا

ومانصحك تاخذ مستعمل , الا لما تفحصه كويس وتتاكد انه سليم

وترى مافي مثل الايفون , انا للحين ماقتنعت بجوال بعد الآيفون


موفق :)

[طلال الزبني]

ابي ايفون ممتاز لو مستخدم 3 او 4 او 2 بس ابي الي تقدر تنزل علية برامج وزي كذا
رفع ضغطي الواتساب بجوالي
بس بسال هل فية رقم بيبي زي البلاك بيري او لا

[omar.19]

ابي ايفون ممتاز لو مستخدم 3 او 4 او 2 بس ابي الي تقدر تنزل علية برامج وزي كذا
رفع ضغطي الواتساب بجوالي
بس بسال هل فية رقم بيبي زي البلاك بيري او لا


نصيحتي لك اصبر وجمع لك حبتين , واشتري 4

وكلها تنزل عليها برامج

وعلي طاري رقم زي البلاك بيري , لا مافيه بس في برامج كثيرة زي كذا يعني محادثات و و و .. إلخ


موفق :)

[RAKAN]

بالنسبه وجهة نظري إذا بتشتري وبتدفع ودمنك صبرت مثل ما قلت كم شهر اصبر كم يوم وجمع ياغالي كم ريال وطق واحد جديد أحسلك لأن الأيفون مشكلته لو شريت مستعمل وأنت ما تدري عنه بيتعبك ومثل ما قلت اليمنيين بالمحلات ما تضمن منهم أحد كل واحد يبي يمشي اللي عنده ولو بتاخذ مستعمل صدقني تتعب على بال ما تحصل نظيف..
وبالنسبه للشرائح أنا افضل موبايلي لأن تقدر تشتكر بباقة النت 100ميقا كل شهر ب25 ريال وين ما رحت تكون شغاله معاك
لكن الأتصالات ماكو إلا 1 قيقا بـ100ريال وكل شهر

والواتس أب وغيره من البرامج ما تلزم طال عمرك رقم نفس الببي

أنت اصبر وطق جديد ياجعلني افداك يالأمير

وتحياتي لك

[n9n9]

ينقل للقسم المناسب

[طلال الزبني]

رحت للمحلات ولقيت الايفون ب2300 يقولون الجديد
والجالكسي لقيتة فوق ال1000 ريال
والبلاك بيري لقيتة بمستعمل مطور 450 الى 550
فقلت ابيع اجهازي ال ان 78 واشغل جهازي القديم ان 95 فكرت اني اقفل رقم واترك رقم شغال

[طلال الزبني]

فكرت ابيع ال ان 78 وان95 وازيدهن 1700 واشتري ايفون فور جي اس الجديد