رجاءً الي يعرف معلومات عن الدورة المكثفه للانجليزي

[مناور الحربي]

السلام عليكم ورحمة الله وبركاته

صباحكم / مسائكم اخواني مليئ بالمحبة والبهجه

حبيت استفسر منكم عن الدورة المكثفه هذي . . .
سمعت ان هالدوره 5 شهور وسمعت انها 8 ساعات باليوم ،،
يعني اكنك تدرس بكليه او مدرسه موب مثل المعاهد ثلاث ساعات في اليوم . .!

وهل يوجد فراغات بين المحاضرات وكذا ، وكم تكون مدتها ؟

وبالنسبه لو درست شهر فيها يعطوني شهاده على هالشهر
والله تكون براسي اسأله كثير ويوم اني اجي اكتب الموضوع كل ابوها تطير من مخي

و سؤال اخير بالنسبة للي درسو كيف وجدو فائدتها قوية ام لابئس بها ؟


الوكاد يارجال اي معلومه تعرفها عن هالدوره ياليت تقطها بهالموضوع
شكري لكم مقدماً :h1::88:

[حلم انسان]

للاسف .. ما ادري عنها

ولا درست فيهـــا


كل اللي اعرفه ان الدورة مكثفة لمدة خمسة اشهر
وهـ الدورة تأهلك لدخولك لبرنامج كلية اعداد المدربين او الابتعاث الخارجي


وان شاء الله الاخوان اللي دخلو الدورة راح يفيدونك

[وكلت امري لربي]

يلا كويس موضوعك

اناكمان ودي اعرف معلومات عنها والله
ان شاء الله الرجال ماراح يقصرون معنا

بـ إنتظاركم !

[Control System]

ينقل للقسم المناسب

[كل هذا !]

هلا آخوي عليكم السلام ورحمه الله وبركآته

يبدا الدوام الساعة 11.40 الى 5.40


لازم تكمل 5 شهور علشان الشهاده ولو فصلت بعد شهر مايعطونك شهاده

[d7oom]

شباب

انا ابي اسجل في الدورة المكثفه كيف طريقة القديم ومتى ؟

لاني انا الحين اطبق وابي اكمل !

[سلطانوف]

شف اخوي
الدوره تنتهي تقريبا بشهر رمضان على ما اعتقد
وهي مفيده جدا للي يبي يتعلم

ولكن للمعلوميه عقدهم مع الشركه كان لمدة سنه فقط يعني دفعتين والحين الدفعه الثانيه تدرس واذكر كان المشرف يقول اذا الرنامج صار ناجح وحقق اللي يبغونه راح يمددونه او انه يلغونه

يعني فيه احتمال انه يلغونه

هذا اللي عندي واذا تبي اي معلومه عن الدوره ان شاء الله افيدك

[d7oom]

الدورة هذي موقعها وين

تحملني ترى والله ماعندي معلومات عنها

[قموز]

مقر اللغة الانجليزية في كل من :-
كلية الاتصالات والمعلومات بالرياض
كلية الاتصالات والإلكترونيات بجدة
الكلية التقنية بالأحساء
الكلية التقنية بالدمام

[كل هذا !]

لا عادي اخوي حنا هنا نتعاون

+ الكلية التقنيه بالرياض

[emad net]

في هذا الاقتباس رديت على واحد وفيه أهم الاسئلة وان شاء الله تفيدك


بسم الله الرحمن الرحيم
السلام عليكم ورحمه الله وبركاته
وعليكم السلام ورحمه الله وبركاته

اخواني حبيت اسئل اللحين شهاده الدورة المكثفة للغة الإنجليزية
تدرس الانجليزيه الي اي مستوى
وتبداء من اي مستوى !!
المستوى مو واضح لكن بشكل عام المستوى شبه متوسط بين المبتدى و المتوسط

كم عدد الساعات يوميآ
من الساعة 8 الى 2.30 الظهر هذا نظام دورة اللغة الانكليزية المكثف في جدة باقي المدن يختلف الدوام الصباحي بساعة فقط

وكيف طريقه تقسيم .. الحصص
يا طويل العمر التقسيم غريب ويتلخبط لكن باختصار 5 محاضرات تقريبا كتابة وقراءة واستماع وتحدث وقواعد وتطبيق زي المسرح أو واقعي ( يعني تتكلموا مع بعض ومحادثات في الحياة اليومية ) وهذي المحاضرة تكون مرتين في الاسبوع تقريا

وكم شهر ادرس لو دخلت!
5 أشهر مدة الدراسة

لاني ابي ادخل دوره مكثفه في المعهد البريطاني
لكن قلت ابي اشوف الدوره اذا اوكيه ماله داعي ارمي قروشي لـ معاهد مدري عنها
بس الله يعين انتظر لين الفصل الجاي :26:

شوف اخوي الدورة الاولى خلصت وكانت تجارب ومليانة تخبطات وهبل ومدرسين يروحوا ومدرسين جدد يجوا ... !!
وحاليا في هذي الفترة اخوي الدورة الثانة شغالين يدرسوا وحسب ما يقولوا انه اذا نجحت بيستمر البرنامج واذا ما مشي ونجح بتكون اخر دورة الدورة الثانية الحالية أنا والله حبيت انبه على هذي النقطة لانه مو واضح يكون فيه تقديم بعد رمضان أو لا للدروة الانكليزي

وهل القبول عليه اختبار وفيه مفاضله او على المعدل !!!

اذا معدلك فوق 4 القبول باذن الله في جيبك واذا 4.50 ما بتنقبل دعووبة :89:
دام معدلك فوق 4 ان شاء الله مقبول بنسبة 100 %


و أي شئ ثاني ان شاء الله نفيدك

بالتوفيق

[فيصل الفقيه]

مسيكم بالخير ياشباب ... والله حتا انا مخي الحس مع هذي الدوه المكثفه .المكثفه . المكثفه ..
ابلشونا فيها .. وحنا ودنا نسجل ونتعلم .. ولاكن وين الي يمد لك يد العون ... ويعين ويعاون ..
هذولي ..؟ مانقوال الا الله يهديهم .. ويبارك فيهم .. يعني يوم بدأت الدوره اعلانوها في جريده عكاظ ..
والحين نسائل ونتصل ونبغا نعرف اي معلومه ... ولكن لاااااااااااااااااااااااا حيييييييييييييييياه لمن تنااااااااااااااادي ؟؟؟
الله كون ون في عون الجميع وخاصه الي بسجلون في المكثفه .. المكثفه .. المكثفه .. والله انهم كثفو اللحسه ..ههههه ... تحياتي للجميع .. في امان الله .

[مائدرش]

انا تخرجت الترم الثاني من السنة هذه

ولي 3 شهور شبه عاطل

دخلت دورة انجليزي في المعهد البريطاني لمدة ^ اسابيع

بانتظار رمضان عشان نقدم على دورة اللغة


نتمنى اننا نستفيد منهاا

[ممدوح البلوي]

وعليك السلام

ياطويل العمر
الدورة 5 شهور 6 ساعات يوميا مقسمه الى 3 محاضرات يعني 30 ساعه في الاسبوع

بين كل محاضرة بريك مدته 10 دقايق

بالنسبه لكليه الاتصالات الي بالرياض
اول 3 اسابيع نداوم من الساعه 4:00 الى 8:40 تقريبا
وبعدها غيرو النظام
صرنا ندوام من 1:الظهر الى الساعه 6:35
موفقين خير

[بدر الزامل]

متى يفتحوووووون التقديييييييييم ابلشوونا والله بهالمكثفه

[صقر فيفاء]

وعليكم السلام و رحمة الله وبركاتة ..

موفقين يا شباب ..
و هذه الصفحة ايضا مفيدة و فيها طلاب من الدورة الأولى و الثانية و ايضا الثالثة "الجديدة"

http://profile.ak.fbcdn.net/hprofile-ak-snc4/276397_136503359753313_573003_n.jpg


facebook.com/tvtc.gov (http://www.facebook.com/tvtc.gov)

تجمع طلاب الدورة المكثفة اللغة الأنجليزية "طلاب الكلية التقنية"

[»•° ٱلجَرح ٱرحَم °•«]

احبابي تكفوووون واللي يرحم والديكم اللي متاكد من الوقت في كلية الاتصالات بالرياض متااااكد بسسس

يقولنا الدوام من متى لمتى تراني متورط والله ومابي احد يجي ويذب كلام واتورط بعدين لان المساله في عقود وحركتات ههههههههههههه


ابي الدوام يبدا متى وينتهي متى تكفوووووون

[ذوّاق]

الدورة بسيطة ومفيدة جدا جدا ..

صحيح انها طولت .. يقطع بليسها عيت تخلص ^^

لكن الحمد لله أهم شي الفايدة ..

شباب الحضور هو أهم شي في الموضوع ..

غياب اليوم بنسبة مئوية واحدة ..

يعني باختصار معدلك ٨٤٪ تغيب خمس أيام يصيرمعدلك ٧٩٪

حد الحرمان من الشهادة ٢١ يوم .. الله يكفينا واياكم شرة ^^

المكافآت مرررة تتأخر .. باقيلنا ٥٠٠ ما بعد نزلت ^^

وعدونا بمكرمة الملك وعطونا سيفووون ..

لكن أرجع وأقول أهم شي الفايدة ..

وبالتوفيق للجميع ..