خبل براس جبل
04-19-11, 02:13 AM
اول يوم دراسي
طبـعاً كما تعرفون طلعت من الثانوي = مدرسه .. يعني خلاص انا الانسان الكبير واللي ما احد له دخل فيـني ولا احد يكلمني وادخل واطلع وادرس زي ما ابغى < مفهومي اللي يدخل جامعه او كليه مثل كذا
المهم اسأل يمين ويسـآر الشعب ها وش رايكم وين نروح أي جامعه أي مكان اللي يقول بجلس في البيت سنه اللي يقول بتوظف واللي يقول بيروح الجامعه الفلانيه من الدجه طبعاً < كلنا نسبنا رايحـه فيها .. ويجي ولد جيرانا اسمـه
مشيليـخ يقولي ها وش رايك في تقديم في كليه التقنيه نروح نقدم قلت قدام .. انت وين ماتروح انا معك .
المهم رحنآ نقدم قالو صلحو ملفاتكم وحطو التخصص اللي تبونه قال مشيليخ اسمع ترى الحين يقولون الحاسب فيها وظايف وانها مطلوبه وش رايك ندخلها قلت قدام انا معك أي شي تبي تدخله انا معك <: يدربي براسه مايدري وش الطبخه
وسألني الموظف ها يا خبل وش تبي أي قسم .. قلت ابد مثل مشيليخ قال وش مثل مشيليخ شلخـو راسك شكلك ماتدري وين ربي حاطك قلت ابد طال عمرك مشيليخ ولد جيرانا كان عندك تو ابي نفسه وش اسمه هذاك الشي اللي دخله
قال انت تستهبل وخذ ملفك وتوكل على الله اخذت ملفي وقلت لـ مشيليخ ترى اعطاني ملفي قالي مع السلامه
قال ليه انت نسبتك حلوه <: علشان اني أعلى منه بطقـه ونص
قالي تعال انا بحاول فيه راح وماقصر بعد شحذه وطلبه قبلوني .
رجعت لم امي قلت لها ابشرك قبلتني كليـة رضاء الوالدين قالت وش الكليه هذي اول مره اسمع فيها قلت مدري هي اسمها كذا يقولها مشيليخ قالت على البركه ياوليدي <: ياحليلها امي عجيز اهم شي عندها لاتنام الصباح في البيت
قبـل لا نبدأ اول يوم دراسي . رحنـآ انا ومشيليخ نشتري طبعاً حركات للكليه سروال وفنيله < جنز وقميـص
بس علشان خبل ومشيليخ مايعرفون وش الجنز ولا عمرهم اشترو مثله < تطورت منفوحه
المهم كل ما لبسـت جنز يقولي مشيليخ عيب هذا الجنز لا تلبسه وكل مالبس هو جنز اقوله كآنك دنجآبي = بنجابي
حق الهـنود قميص يوصل لركبـته والجنـز اوسع شي في الحياه
طبعاً ما اشترينا ملابس الكليه الا بعد جهـد جهيـد وياليـتها تجمل . بعد ماخلصنا سألني مشيليخ قال خبل وش ناخذ سبـته ولا ناخذ سجاده <: طبعاً ايام الثانوي لازم شي نحط فيه الكتب سبته ولا سجاده < طلعت فاهم شي قلت لا يا مشيليخ كبرنا عن الحركات هذي نصير نشيل الكتب بيدينا ما ناخذ شي عيب قال براسك الي تشوفه
رجعت البيت وانتظر اول يوم لي في الكليه ما قدرت انام طول الليل وانا افكر وش رح يصير بكره ..
يتبــع >>> اول يوم دراســي <<<
طبـعاً كما تعرفون طلعت من الثانوي = مدرسه .. يعني خلاص انا الانسان الكبير واللي ما احد له دخل فيـني ولا احد يكلمني وادخل واطلع وادرس زي ما ابغى < مفهومي اللي يدخل جامعه او كليه مثل كذا
المهم اسأل يمين ويسـآر الشعب ها وش رايكم وين نروح أي جامعه أي مكان اللي يقول بجلس في البيت سنه اللي يقول بتوظف واللي يقول بيروح الجامعه الفلانيه من الدجه طبعاً < كلنا نسبنا رايحـه فيها .. ويجي ولد جيرانا اسمـه
مشيليـخ يقولي ها وش رايك في تقديم في كليه التقنيه نروح نقدم قلت قدام .. انت وين ماتروح انا معك .
المهم رحنآ نقدم قالو صلحو ملفاتكم وحطو التخصص اللي تبونه قال مشيليخ اسمع ترى الحين يقولون الحاسب فيها وظايف وانها مطلوبه وش رايك ندخلها قلت قدام انا معك أي شي تبي تدخله انا معك <: يدربي براسه مايدري وش الطبخه
وسألني الموظف ها يا خبل وش تبي أي قسم .. قلت ابد مثل مشيليخ قال وش مثل مشيليخ شلخـو راسك شكلك ماتدري وين ربي حاطك قلت ابد طال عمرك مشيليخ ولد جيرانا كان عندك تو ابي نفسه وش اسمه هذاك الشي اللي دخله
قال انت تستهبل وخذ ملفك وتوكل على الله اخذت ملفي وقلت لـ مشيليخ ترى اعطاني ملفي قالي مع السلامه
قال ليه انت نسبتك حلوه <: علشان اني أعلى منه بطقـه ونص
قالي تعال انا بحاول فيه راح وماقصر بعد شحذه وطلبه قبلوني .
رجعت لم امي قلت لها ابشرك قبلتني كليـة رضاء الوالدين قالت وش الكليه هذي اول مره اسمع فيها قلت مدري هي اسمها كذا يقولها مشيليخ قالت على البركه ياوليدي <: ياحليلها امي عجيز اهم شي عندها لاتنام الصباح في البيت
قبـل لا نبدأ اول يوم دراسي . رحنـآ انا ومشيليخ نشتري طبعاً حركات للكليه سروال وفنيله < جنز وقميـص
بس علشان خبل ومشيليخ مايعرفون وش الجنز ولا عمرهم اشترو مثله < تطورت منفوحه
المهم كل ما لبسـت جنز يقولي مشيليخ عيب هذا الجنز لا تلبسه وكل مالبس هو جنز اقوله كآنك دنجآبي = بنجابي
حق الهـنود قميص يوصل لركبـته والجنـز اوسع شي في الحياه
طبعاً ما اشترينا ملابس الكليه الا بعد جهـد جهيـد وياليـتها تجمل . بعد ماخلصنا سألني مشيليخ قال خبل وش ناخذ سبـته ولا ناخذ سجاده <: طبعاً ايام الثانوي لازم شي نحط فيه الكتب سبته ولا سجاده < طلعت فاهم شي قلت لا يا مشيليخ كبرنا عن الحركات هذي نصير نشيل الكتب بيدينا ما ناخذ شي عيب قال براسك الي تشوفه
رجعت البيت وانتظر اول يوم لي في الكليه ما قدرت انام طول الليل وانا افكر وش رح يصير بكره ..
يتبــع >>> اول يوم دراســي <<<