انظر الى الظلم بـ ام عينه

[الغريب]

السلام عليكم ورحمة الله وبركاتة

موضوعى بختصار شديد من دون مقدمات

يحكي عن حالي وعن حال بعض زملائي

من بداية الدراسة 11 /10 1429 الى 4 /11 1429 يعنى انقطاع اربعة اسابيع

مادة تخصصية لم يحضر مدرس المادة الينا من تلك الفترة انا لست مديره او مراقب عليه الله الي

يبي يحاسبه يعنى فيه رب راح يحاسبه على اهماله

لكن المشكلة باول حضور لك المفروض تقول ( كل عام وانتم بخير )

ماتقول اختباركم المحاضرة القادمة ( ظلم عينى عينك )

بالله وش رايكم !!!!!

الكتاب ما انشرح منه ولا صفحة !!!!


طبعا احتفظ باسمه واسم المادة عشان ماينفهم قصدى غلط ويفهمها بعض الاخوان تصفية حسابات

[امير بكلمته]

ما اقول الا انك تتفاهمون معاه واذا ما نفع العميد موجود يعني يبغى يمشي كلامه عليكم

فيه من هو اكبر منه العميد والله اكبر من كل شي.

الله يعينك بس

[مبارك العيسى]

مثــل

كلام اخوي أميــر

فيـه من أكبـر منـه
والافضل تكون الشعبـه كاملـه في نفس الموقف موب واحد او اثنيـن احسن لكم

شاكر لكم

[السنايدي]

وعليكم السلام ورحمة الله وبركاته

هــلا وغــلا

بأخوي الغريب

إذا الكلام هذا صحيح فأنا أنصحك بأن تكلم المتدربين في شعبتك لهذه المادة وتتفقون

جميعاً أن تذهبوا إلى مكتب وكيل الكلية للتدريب بالمبنى الرئيسي (a) عند المهندس/ فهد الزمامي

وتخبرونه بقصتكم وتعلمونه اسم محاضر هذه المادة ورقم شعبتكم لإني متأكد بأن الوكيل هو المسئول

الأول في حل قضايا تأخر المدرّبين (المحاضرين) عن محاضراتهم ومتدربيهم وصدقني راح يوقف معكم

إذا رحتوا له على شكل مجموعة واحدة وتخلون شخص واحد يتكلم عنكم بالنيابة ليشرح للوكيل..

أما العميد فما أتوقع أنه يقدر يسوي لكم شيء غير توجيكم لمكتب الوكيل هذا وهو يتخذ الإجراء المناسب

ومثل ما قيل : ( ما ضاع حق ما وراه مطالب )

أتمنى إني قدرت أفيدك في الشيء هذا والله يعينكم ويوفقكم

تقبـل مـروري المتـواضع

السنــآيدي -مصدر في الكلية

[ودود0]

اقول يالغريب وش المادة
والله ان فية مادة ماجانا مدرس فيها الى اليوم

[ابونهار]

عادي وسع صدرك بس صدقني راح ينجحكم اكيد يعني لأنه يعرف غلطه



انا درست انقليزي عامه والمدرس ماجا الا بعد 6 اسبوع وشرح درسين ونجحنا والحمدلله هههههههههههههههههههه


بس والله رهيب معطيني ج

[=* عيوبي مزايا *=]

والله ذكرتني بمدرس لغه عربيه ماحظر الا بمحاظرتين ونجنا كلنا

[Control System]

ذكرتني بمدرس مايخاف الله

مدرس فيزياء عملي

جانا في آخر اربع اسابيع من الترم

وفي المحاضره الوحده يعطينا اربع تجارب

ويقول العيب مو فيني العيب في الكلية

وشؤون الطلاب يقولون مدرسكم اسمه فلان الفلاني روحو دوروه خخخ


لكن ابشرك الحمدلله ثلاث اربع الشعبه رسبووو :p


ومثل ماقال اخوى السنايدي

ماضع حق وراه مطالب

ولاتصيرون مثلنا

كان يروح منا طالبين فقط لشؤون المتدربين

المفروض تروح الشعبه كلهااا