هل هناك اجازه للطلاب؟

[bo-mussaed]

السلام عليكم ياخوان

عندي استفسار بالنسبه للدوره المكثفه اللي بتبدا الاسبوع الجاي

الـ5 شهور بتكون متواصله بدون اجازه

زي ما انتوا عارفين ان فيه اجازه منتصف الفصل الدراسي الثاني
واللي تصادف نهاية الفصل الثاني للكليه
طيب طلاب الدوره لهم نصيب من الاجازه؟

[دبلوم فله]

عليكم السلام ورحمة الله وبركاته ,,

يالغالي الدوره ما لها علاقه في الدوامات الرسميه , لانها لها نظام خاص فيها , انا خريج الدوره الاولى واليوم اختبرت نهائي , الاجازه الوحيده الي اخذناها هي اجازة الملك عبدالله يوم رجع لنا بالسلامه ,

و أي أستفسار انا بالخدمه ,,

بالتوفيق

[bo-mussaed]

طيب بشرنا ياخوي كيف كان اختبارك وكيف طبيعة الاسئلة

[دبلوم فله]

بما أني أنسان ثرثار و انت سألتني فـ خلني اعطيك العلم كامل من طق طق إلى السلام عليكم , أنت تستفيد وانا بعد أثرثر و استانس :d


شف يالغالي ,, نظام الدوره ,, السبت والاحد والاثنين والثلاثاء ,, دراسه كل يوم ثلاث محاضرات ,, ويوم الاربعاء ما فيه دراسه مجرد أختبار < هذا نظامهم الاسبوعي ,,

وطبعا كل هالاختبارات في الاخير يجمعونها و يكون مجموعها من المعدل النهائي 20%

عندك الحضور و الغياب عليه 20%

وعندك المشاركه في الفصل 20%


والفآينل عليه 40%

الاختبار يالغالي كان 160 سؤال ,, و مدته 4 ساعات و مستواه يعني متوسط , لكن لو اجتهدت شوي بالدوره وفهمت القرامر و حظورك ممتاز ,, فـ ما يحتاج تذاكر للأختبار النهائي لأنك بتحله وانت مغمض :d

21 سؤال استماع ,,

و تقريبا 80 سؤال قرامر ,,

والباقيه كلمات جديده و قطعه عليها اسئله ,, وسلامتك

و بالنسبه للدوام لطلاب الرياض ,, أول أسبوع أتوقع بيضغطون عليكم ويخلونكم تدامون من 4 إلى 11 ,, لكن بعد فتره الدوام بيصير قصير تعرف ربعنا أهل الدجه :d

ويخلونكم تداومون من 4 إلى 9 ,,

ونصيحه حاول تتعلم و تطور لغتك وتتفرغ لها هالفتره لانها راح تفيدك جدا في مستقبلك ,,


الله يوفقك يالغالي و أي سؤال انا في الخدمه ,,

و أسمع تراني بعد أحتاجك بشغله ,, أحنا قالوا لنا الوثائق الاسبوع الجاي ,, بس وانا أخوك مدري اجيهم الصباح والا العصر ,,

أنت بس عطني خبر متى دوامكم ولك احلى بووسه يا حلو :d


شوكرن

[bo-mussaed]

مير اني مححتاج هالبوسه:d

سلمك الله انا بالدمام ومالي شغل بالرياض فاا الله يعينك>>طلع منه:d

طيب االحين ماراح تقدم عالابتعاث ولا شلون؟
وكيف البعثه تقول الاولويه للدوره والتقديم بدا والدورة ما انتهت
ياخي بهم نجاسه:24:

[دبلوم فله]

البوسه بالحفظ و الصون لين ما اشوفك يا زين :d

واذا على البعثه اسمع هالسالفه :p

انا حضرت اجتماع لأدارة الابتعاث و كلية المدربين مع خريجين برنامج اللغه بالرياض قبل اسبوع بالضبط وليتني ما حضرت
,,

مسؤول كلية المدربين اعتذر عن الاجتماع لانه كان معزوم على الفطور مع زوجته وما حصل وقت :d



ورئيس لجنة الابتعاث جاء بعد ساعه من بداية الاجتماع ونفسه في خشمه , صراحه كنت بقوله خلاص ما يحتاج ارجع بتيكم و آسفيين اننا تخرجنا وثقلنا عليك :d


المهم يا حلو

جاء غثنا بكم كلمه وقال لنا عدد الي نحتاجهم للأبتعاث على مستوى المملكه ومن الكليات التقنية و المعاهد العليا و معهدي الجبيل وينبع و اخيرا كليات لولو كاتي < يعني كليات البنات

مجموعهم كلهم 1200 مبتعث و مبتعثه فقط < يا خراااشي هو بس كده :eek:

ويأخذونهم على دفعات لمدة 4 سنوات < جتكم نيله ع كل تقديمه :(

يعني أحتمال مثلا من تقنية الرياض 10 الآف متقدم ياخذون منهم 10 < هذا على أكثر تقدير أن ما كانوا أقل < آمآل 9990 يروحوا فين يروحي :21:


والمضحك المبكي في الاجتماع يقولنا ان كلية الباحه الي تقدموا منهم أكثر من 5 الآف خريج تدري كم أخذوا ؟؟

أنسان واحد فقط و 499 كرشوهم يا حبيبي ههههههههههههههههه :d < يبني آسكت قرفتنا جاتك مصيبه متنيله :p


لااا وهالانسان المسكين لما يرجع من الابتعاث لازم يخدم طول حياته العمليه والعلميه والاجتماعيه في المؤسسه < يبقى كده رووحي يا مؤسسه ربنا يبهذلك :22:


ادري اني غثيتك بالسواليف هذه بس عاد لازم اوصلك الصوره بكل امانه و حاول انك تسامحني :d ,,





ولا تتحطم فيه اخبار زينه للدوره ,,

دورة اللغة الانجليزيه هذه تحسب لك درجتين في الخدمه المدنيه , يعني لما تاخذها و تتوظف تصير زي الي متوظف قبلك بسنيتن , على طول تكون على المرتبه السادسه الدرجه السادسه , ومعتمده من معهد عالي امريكي و من المؤسسه , راح تفيدك كثير بأذن الله


و حبتين :89:

[bo-mussaed]

امااااااااااااا يعني نفقد الامل بالبعثه:24::21: