كلية تقنية أم كلية حالة نفسيه وكل يوم مشكلة أكبر من اللي قبل

[ولد محمد]

السلام عليكم ورحمة الله وبركاته
ياناس أنا كيف متحمل الوضع هذا
جاني خبر اليوم أن كلية التقنية ما تنزل المكافئات الا بعد ثلاث شهور للطلاب المستجدين
يعني بعد عيد الأضحى
لا ومن بنك العربي ييعني ما تقدر تصرف إلا من بنك العربي فقط ياربي وش هذي الحاله
والله ميهي حاله موت قهر سيارة ما عندي
لا بعد قبل فتره يقولون أخروا المكافئة 6 شهور ولا أعطوهم إلا أربعة شهور بس
يعني باقي شهرين وين راحت
الله أعلم

وقفوا كلية لا مستقبل لها
كلية لا مكافئات زي الناس
كلية لاجداول زي الناس ليش فاتحينها الحكومه ومزعجينا ليش ما يسكرونها ويحطون فلوسهم في جيبهم

[=* عيوبي مزايا *=]

اخوي اسمحلي أنت غلطان ،،،

فالكلية على مافيها من مشاكل لكن أنت كل اللي قلته مو كليتنا الوحيده اللي تسويه ،،،

اوضحلك الحين ،،،


يعني المستجدين في كل الجامعات تتأخر من 3 أشهر الى 4 أشهر عشان يعرفون الطلاب اللي بستمرورن ولا لا ،،،

وقضية الجداول ،،،

فالمستجد برضوا في كل الجامعات له جدول موحد لابيستطيع التعديل فيه لأنه يمشي عالخطه الدراسية،،،

يعني التأخير اللي صاير واللخبطه للطلاب السمسترات المتقدمه ،،

فأن لا أرى لك الحق بأن تنتقد الكلية لأن حقك جايك من هظم الحقوق،،،

ولك ودي

BAD BOOOY

[Control System]

كلامك كل ابوه مغلوووط بصراحه

مثل ماقال اخوى

المكافاة تتاخر حتى يشوفون من اللى راح يستمر او لا
وحتى يصدرون لكم بطاقات صراف خاصه بكم

وبعدين خلها تتاخر ثلاث شهور
علشان تجيك ثلاث الالاف مره وحده :D


بعدين من اللى قال لك البنك العربي ؟؟ :confused:
اللى تقصده بنك الرياض
والحين بنك الرياض صرافاته اكثر من صرافات بنك الراجحي خخخخخخ
ولاتزعل ياقلبي
اول ماتنزل مكافاتك اسحبها وحطها في اى حساب ثاني لك وخلصنا
بس اهم شئ انت لاتعصب انتا ياعسل :p !!!!!

وسالفه الست الشهور كانت لظروفها لانه الكليه ااول مره تطبق نظام المكافاة تنزل في حسابات الطلاب في بنك الرياض ولانه قبلها كانو يعطونا شيكات ونروح نصرفها وبنفس الوقت مرت خلال فتره الصيف ومن عاده الكلية سابقاً ان المكافاه تنقطع خلال فتره الصيف

ولما داومنا في رمضان عطونا مكافاه اربع شهور وبعد العيد مباشر عطونا مكافاه شهرين

يعني ماطارت الشهرين ياحبيبي هههااي

وبعدين لو تلف الكليات والجامعات كلها مثل جداول الكلية التقنية ماراح تحصل
يكفي انه قليل يكون عندك فراغ
وفوق ذلك تقدر تحول ودي مع اى مدرس

وللمعلوميه اسوء الجداول للطلاب تحصلها في الجامعات مثل الملك سعود وغيرها

يعني تداوم الصباح لحد الضحي وبعدين فراغ للساعه 1 الظهر وتستمر للمغرب << احلى جدول


احمد ربك انت داخل كلية الدلع
واذا الكلية مو عاجبتك ومتضايق منها

ياخي اتركهاااا ورح لجامعة اكسفورد

ترا في ناس يتمنون الفرصه ويحلمون انهم يكونون مكانك

ياليت ماتحرم غيرك من الدراسه اذا انت مو جااااد

[صلوحكا]

ولو.... وانا والله اني كنت ادرس في الكلية التقنية في قسم البكالوريوس (الترم الرابع على ما اظن) , فقد تأخرت المكافئات 6 اشهر حتى يأسنا ان هناك مكافئات لنا .

[ولد محمد]

كنترول سيستم باد بودي لا أحد يزعل مني
بس تروا حالتي النفسيه صعبة الظروف خلتني أكتب كذا

[Administrator]

وسع صدرك وانا خوك ... تراك في كلية التقنية ... يعنى شئ عااادي ...

بس يمكن علشاانك ..

مستجد يامالك تشوووف .. العجايب !!!

على العموم الله يسهل اموركـ ...

[لي الفخر إني أكاديمي]

اخوي ولد محمد

روووق وانا اخوك اشوفك بادي بقوة صدقني اذا كنت تنظر لهالامور بهالشكل ماراح تكمل ولا ترم بالكلية عموما لابد من وجود متعثرات كثيرة سواء بالكلية التقنية اوغيرها هذي سنة الحياة لو ماكان هناك صعوبات كان اي واحد اخذ الشهادة وصار جامعي

وزي ماقالولك الشباب الكلية التقنية ازين من غيرها بكثير

[eqla3]

لو يخلون الواحد يعدل الجدول بمزاجه عن طريقة النت زي هالعالم ويفكونا من هالمستنفخين

الي يحسسك انه وزير التقنيه <- اهم شي وزير التقنيه

وعلى فكره ترا ما راح يعطونك المكافأه كامله لانكم ما داومتوا في اول شهر هههههه <- - نظامهم ضعيييف

[511]

والله ياخوي انت خاش عرض

بتعدل في الجدول وانت اول ترم لك

ممنوع انك تعدل اول ترم