المساعد الشخصي الرقمي

مشاهدة النسخة كاملة : # دعـوه للتجمهر .. ادخل وشاركنا وانشر #

Control System
10-13-08, 08:54 PM
السلام عليكم


الموضوع اللى له مقدمه طويله راح يكون ملل وماراح يحصل اى تفاعل

والمقدمه بحد ذاته غير مرغوبه في عصر السرعه :)

لذلك راح ادخل على طووول بالموضوع

كلنا نعاني من تأخر المكافأت و عدم تعديل الجداول !!

ويمكن هالمشكلتين من أكبر المشاكل الحاليه الموجوده بين الطلاب

بالإضافه الى مشكلة المواقف !!

انا عندى أقتراح واتمنى الجميع يساندني

وهالشئ مو علشاني ياعزيزي

هالشئ علشانك انت يامتدرب في الكلية التقنية



يوم السبت القادم

الساعه العاشره صباحاً نبي نتجمهر قدام مكتب العميد



ونبي احتجاج قوي زي اللى حصل العام



وراح نتكلم عن اهم ثلاث مشاكل نعاني منها في الوقت الحالي



# أولاً : ... المكافأة << حتى لو نزلت هاليومين .. نبي نطالب بنزولها بشكل انتظامي !!

# ثانياً : ... تعديل الجداول << طلاب الثانوية ياشباب يعدلون جدولهم وهم مدرسه وليست كلية !!

# ثالثاً : ... المواقف << المواقف راح تظهر مشكلتها في اول يوم دراسي وتذكرو كلامي !!



مانبي ردود و كلام في المنتدي وبس

نبي الكل يوقف معانا ويشارك

والكل ينشر و يدعوو للتجمهر هذا وياليت مانشوف اتكاليه من أحد


ويوم السبت قررب وهو اول يوم دراسي

ابي كلنا بصوووت واحد ووقفه رجال

والكل يدعو للتجمهر


السبت الساعه العاشره صباحاً هو انسب وقت للجميع

الساعه العاشره هو منتصف الدوام و العميد أكيد راح يكون موجود في مكتبه

والساعه العاشره راح يكون فيه مراجعين كثير للعميد ويمكن تكون هناك شخصيات هامه في اول يوم دراسي


اتمنى من الجميع المشاركه و الدعوه والنشر



اخووكم اول الحاضرين للتجمهر .. كنترول سسيتم :cool:
Self Control
10-13-08, 09:24 PM
وعليكم السلام ورحمة الله وبركاته

هلا اخـوي ,, يعني افهم من كلامك تبون تسوون إضراب :D

حبيبي هالشيء مو عندنا ,, قسم بالله اللي اخواننا في الله

تسوي كذا يستلعنون عليك ,, بس ما فيه مانـع ان الواحد يعبر

عن اللي يعانيـه ويآخذ حقه وزي ما يقولوا في الإتحاد قوه

يعني بس يكون فيه تجمـع ومطالبه اكيـد بيكون فيه حل

هم وش عليهم مواقفهم مظلله وراوتبهم تمشي وماعندهم قلق

بس اخاف يكون فيه تجمع ولا يدرون عنك انك مسوي احتجاج على الوضع :D

وبعدين لازم واحـد يتكلم -------> عشان يلقطونـه ههههههههه ويعاقبونه لحاله

هذا إذا ما عطوكم تعهدات ,, اخويانا اقولك قلق ,, يعني لا تعبر ولا تعترض ولا تحتج

يعطيك العافيه ,, وان شاء الله يصير شيء ويعدل حالهم التعبان !!!!
Control System
10-13-08, 11:27 PM
اخوى سيلف انا زعلان على ردك هذا

لانك وبصراحه ماتدري عن اللى صار العام الماضي

تجمهر مايقارب من الـ80 الى الـ 100 متدرب قدام مكتب العميد

و كان في آخر اسبوع دوام في شهر رمضان يوم الاثنين والناس تفكر بالاجازة و العشر الاواخر

وكانت المكافآة منقطعه لها ست شهور تقريباً

الشباب ماقصرو و تجمهرو قبل صلاة الظهر امام مكتب العميد واحرجوه بالاسئلة وتوعدو بالصحافه ومكتب المحافظ وبعد صلاة العصر نزلت مكافأة اربع اشهر

كل هذا حصل بعد احتجاج دام اقل من نص ساعه قدام مكتب العميد !!!!!


وبعدين ياخوي ليتك تفرق بين كلمه (اضراب) و ( احتجاج او تجمهر )

لانه في اختلاف كبير بالمعني


وبعدين حنا ناس راضيين بوضعنا السابق
مانبيهم يحطون لنا مظلات
لانه ثلاث ارباعنا يوقف سيارته تحت الشمس عند باب بيتهم !!!!

بس من اول الصيف حوطو المواقف اللى بين المجمع الاول و الثاني ولاندري وش ناويين عليه

وراح تشوف الازدحام والمشاكل في اول يوم دراسي بسبب عدم وجود مواقف للطلاب

خصوصاً طلاب المجمع الاول


اخوى سيلف .. ردك هذا راح يحبط الجميع لانك فهمت الموضوع بشكل خاطئ !!
واتمنى انك ماتزعل من كلامي

لكن أتمنى اشوف ردود تشجيعيه من البقيه



# برايفت لاخوى سيلف (( محد يقدر يمنعك من حقك و محد راح يستغلك وانت تطالب بحقوقك .. حنا تحت رآيه ال سعود وقبل كل شئ حنا دوله اسلاميه تطبق شرع الله وكتابه وسنة نبيه ))



اخوكـ كـنترول سستم
511
10-13-08, 11:40 PM
السلام عليكم ورحمة الله وبركاته

اخوي كنترول سستم والله انك صادق

معاكم عطلة ثلاث شهور ما امداكم تظبطون المواقف

والله لو تشفون الفوضى والزحمة السبت راح يكون اقبال شديد على المواقف مبانى 17 و 18

لعدم جاهزية المواقف التى بجانب الكهرباء وغيرها

اما بالنسبه للمكافاة فا انا ليس لدى تعليق
Control System
10-13-08, 11:51 PM
السلام عليكم ورحمة الله وبركاته

اخوي كنترول سستم والله انك صادق

معاكم عطلة ثلاث شهور ما امداكم تظبطون المواقف

والله لو تشفون الفوضى والزحمة السبت راح يكون اقبال شديد على المواقف مبانى 17 و 18

لعدم جاهزية المواقف التى بجانب الكهرباء وغيرها

اما بالنسبه للمكافاة فا انا ليس لدى تعليق

شرفني مرورك الكريم اخوى 511

فعلاً المواقف راح ننتظر مشكلتها يوم السبت

والله يعين

الواحد جالس بالمحاضره وقلبه على سيارته

احد حكها احد صدمها احد سوى بالسياره شئ

هذا اذا حصل موقف لسيارته

ومن ناحيه المكافآه .. مثل ماقلت ياغالي ...... لا تعليق
Self Control
10-14-08, 12:17 AM
مرحبا ,,

اخوي كنترول ,, ياريت ما تزعل انا اتكلم بشكل منطقي وصريح

وبصرآحـه انا مادري عن التجمهر اللي صار السنه اللي رآحتـ

يعني بعدي اول سنه بكالوريوس بالكليه هذي !!

لو كنت ذكرت ما حصل العام اللي مضى وأنه جاب نتيجه

ممكن ماقلت الكلام اللي قبل شوي ,, حلووو

وبعدين انا اقول إضراب ,, ممكن تصير ليش لا

يعني مايكون فيه حضور للمحاضرات إذا ما تم تعديل جداول الطلاب

وخصوصاً اللي جداولهم يعانون من فراغ كبير بين المحاضرات ..

اتمنى تكون الصوره واضحه لك ..

والسلام عليكم ...
Control System
10-14-08, 01:13 AM
اخوى سيلف الإضطراب صعب اننا نتفق عليه هذا اولاً
ثانيا الاضراب راح يضرنا كطلاب وماراح يوصل رسالتنا للمسؤولين ابداً

التجمهر و الاحتجاج هو اسرع طريقه لايصال كلامنا وماراح ننضر ابداً اذا احتجينا بأسلوب راقي


وانا آسف انى ماذكرت اللى حصل العام بس تقدر تسئل عن اللى حصل وكيف خلال سويعات نزلت مكافاة اربع شهور مره وحده في حساباتنا لأول

اول مكافاة نزلت في بطاقات الصراف هي كانت مكافاة اربع الالاف ونزلت خلال سويعات من الاحتجاج


صدقوني يااخوان الاحتجاج راح يجيب نتيجه المهم ننشر الخبر بين الطلاب ولانتكل على احد !!
بن شعطوط
10-14-08, 01:34 AM
السلام عليكم

عساكم عل القوة

توني مكلم العيال اللي معي في الشعبه

وقلت لهم عن التجمهر قالو لي خلاص

الوعد يوم السبت الساعه عشره

قدام مكتب العميد

نحنو في انتظركم
بوزايد
10-14-08, 01:36 AM
يعطيكم العافية شباب
اخوي كنترول اشكرك على موضوعك واحنا لازم نكون على يد وحده ونتفق
على فكرة الحين كل الطلاب اللي في الجامعات عندنا صار عندهم حقوق وانتخابات
واللي ينتخبونه هو اللي يمثلهم عند الادارة واي شي يبونه على طول يوصل للادارة
وحبيت اوصيكم على شي ياشباب دام هي خاربه خاربه وطبعا هذا حق من حقوقنا
موضوع السكن ياشباب
حسبي الله عليهم بهدلونا والله خلونا نفر من مكتب لمكتب واسعار الشقق الله لا يوريكم
لازم يكون لنا سكن حالنا حال اي جامعه بالسعودية او بالعالم كله او زي كلية الجبيل
وعساكم عالقوة
وجدان
10-14-08, 01:42 AM
الله يعينكم
زيزوم
10-14-08, 02:55 AM
معك معك معك ياخوووي راح نساندك
مشكله
10-14-08, 04:19 AM
كلنا معـــك ولو تبي نجيب لافتات نجيب

ونحط فيها فليسقط العميد:D

وانا بكلم كل اللي معي بالشعبه والساعه 10 عندي محاضره بس بسحب عليها

بس نبي تجمهر يبيض الوجه ياعيال وصدقوني راح يكون في صحفيين بعد
الهنـــــوف
10-14-08, 05:15 AM
^
^

:eek: :eek: :eek:
لالا لاتسويهاا

كنترول سيستم .. موفق :p
المخلفي
10-14-08, 05:40 AM
سجل اسمي راح اكون اول واحد في الموقع :39:

<<<<<<<<<<<<< يبي يجيب معه عجرااااااا:mad:
اسير الليل
10-14-08, 07:50 AM
ان شاء الله امر عليكم ..خخخ


فكره حلوه
برفسور
10-14-08, 10:52 AM
خلاص انا معكم
ღ لــبــيـهـ ღ
10-14-08, 11:11 AM
كـنترول ماتتصور قد أيش أنا متحمسه للتجمهركم >> وش دخلك
ياليـت تسوون زيهم يالبنات << أفكار تـخريبـيه خخخ

تـــــــــــــــكفون لا تـنسون تنزلون كل شيء صار من طق طق للسلاااام عليكم ..
وخلوا مجموعه منكم تـصور ونزلولوا النا كول ماحـدث هنـاك ..
بالتوفيق .. شباب لاحد يـتأخر ع الموعد ..
أنظبطوا وألتزموا الصمت << وش الفايده خخخ
الحربيه
10-14-08, 12:40 PM
والله هذا الزين منتم سهلين بتجيبون عيد العميد انتم
ايه شباب مثل ماقالت اللي قبلي لاتنسون تصورون الاحداث لاننا حيل متحمسين لمظاهرتكم <<<مو مظاهره هوشه الظاهر
صدق فله الله يعينكم وبوفقكم
الهنـــــوف
10-14-08, 12:44 PM
كـنترول ماتتصور قد أيش أنا متحمسه للتجمهركم >> وش دخلك
ياليـت تسوون زيهم يالبنات << أفكار تـخريبـيه خخخ

تـــــــــــــــكفون لا تـنسون تنزلون كل شيء صار من طق طق للسلاااام عليكم ..
وخلوا مجموعه منكم تـصور ونزلولوا النا كول ماحـدث هنـاك ..
بالتوفيق .. شباب لاحد يـتأخر ع الموعد ..
أنظبطوا وألتزموا الصمت << وش الفايده خخخ

صادقه لبيهـ
ايه والله علمونا وش يصير معكم وحطواا صور :cool:
Control System
10-14-08, 01:27 PM
مشكورين على تفاعلكم ياشباب

# اخوى بوزايد مشكلة السكن هي مشكلة عند البعض
لكن مشكلة المكافأة و تعديل الجداول و المواقف هي مشاكل تعم الجميع !!!
Roo7 allh 7seBk
10-14-08, 03:18 PM
هلا بأخوي كنتـرول

موضوع مهم

ولازم الجميع يوقف هالوقفه ويطالب بحقـوقه

وأنا أأيد هذي الفكره اذا ماصار فيها مشادّات

مجموعه وحده هدف واحد كلمـة وحده "بدون فلسفه في اشياء ثانيه"

ان شاء الله على الموعـد ياكنتـرول

السـاعة 10 صباحاً يوم السبـت القـادم

وهذا التجمهر لازم يوصل اكبرعدد ممكن من المتدربيـن


وهذي رسـاله للأعضاء : اذا كنت تعرف اشخاص متدربين في الكلية

ارسل لهم رساله جماعيـه عن الوقت والمكان ..



http://up106.arabsh.com/s/sqh7wha6om.jpg

الوعـد قدّام . .
ودود0
10-14-08, 04:13 PM
السلام عليكم ورحمة الله وبركاته
اخوي كنترول مشكور والوعد يوم السبت الساعة عشرة
إبراهيم
10-14-08, 04:52 PM
اوكي الوعد الساعه 10 بس انا المصور خخخخخخخخخ
Control System
10-14-08, 05:18 PM
مشكورين على تفاعلكم

وان شاء الله انكم قول و فعل

الوعد يوم السبت الجاي ان شاء الله
بن شعطوط
10-14-08, 06:44 PM
شباب تفكون لا احد ينسى مووعد

يوم السبت
Control System
10-14-08, 07:00 PM
شباب تفكون لا احد ينسى مووعد

يوم السبت

:o إن شاء الله

والشباب راح يبيضون الوجه
*& w11w &*
10-14-08, 08:22 PM
كفووو يعيال ابو متعب احشروهم الي ماعندهم ضميـــــــــــــــــر ,.,.
<<<<< حبيت يكون دوري فيه دافع تحفيزي,.,.,

,.,. على القووووووووووه ,.,.
المنفهق
10-14-08, 08:55 PM
والله كلامكم عين العقل

اولا المكافئة مو معقولة هالتأخير
والله فشيلة الواحد عمره 23 ويقول لابوه عطن
صراحة انا بديت اقلل مشاويري عشان ما اصرف بنزين واقول لابي ابعبي
خليت الطلعات مع ربعي عشان صراحة مو معقولة رجال اطول من ابوه يقول عطني 50 ريال ابطلع
الحل الوحيد المطالبة
واقول لجميع المتدربين اي مدرس يطلب منكم مذكرات ارفضوا وقولو ما عطونا مكافئة
تبوننا نقول لابائنا نبي 20 ريال نشري مذكرة وين نحط وجيهنا تبوننا نسرق او وش نسوي


ومن ناحية المواقف انا لو كنت معي بطاقة اقدر ادخل لكن غيري من الطلاب معاناة يعني ما يبغوننا نوقف بالوسط عند الرصيف ولا نوقف عند بيوت المدربين

طيب وين نوقف ولا نجي بلمزين من بيوتنا

طيب ليه ما يشرون الارض اللي بجنب الكلية وتحط مواقف
ثانيا ليعهخ على الاقل ما يفتحون باب خلف المبنى القديم ويخلوننا نوقف ورا
انا مرة تأخرة على المحاضرة ولا لقيت موقف قلت مالي الا اوقف ورا واقفز مع السور تقل سروق وهي كله باب ما اقول باب بل باب مقفول بس يفتح

ومن ناحية الجداول نحن نطالب بوضع الجداول بالانتر نت ونضبطه حنا
وممكن تمسك هالمهمة لطلاب عاديين وماهم مقصرين

اخير اقول السكن لابد للمطالبة به ايضا صحيح انا اهلي ساكنين عن الكلية ربع ساعة لكن نعرف ناس يدرسون بكلاريوس من جميع المدن من حقهم توفير سكن

اعذرون على الاطالة لكن شي بالقلب
والساعة 10 انا موجود
abdullah alb7eri
10-14-08, 08:57 PM
الا الله يوفقنا جميع وانا راح اكون أول شخص وبالمناسبه انا اعرف شخص صحفي في جريدة (الحياة) وش رأيكم اكلمه يجي ويشوف بعينه تكفون لا تفشلوني احضروا _يعطيك العافيه اخوي كنترول
Control System
10-14-08, 10:59 PM
يعطيكم العافيه على ردودكم


اخوى المنفهق ... جبتها على الجرح والله !!
روبن هود
10-15-08, 04:52 AM
وش رايكم نطفي الكهرب حق الكلية :p :D

وبعدين قولوا لهم نبغى كريسبي كريم في الكلية :p

مو بوفيّه خربوطي تسكيته :D
Control System
10-15-08, 01:47 PM
كلن على همه سرى يا روبن هود :p
إبراهيم
10-15-08, 05:03 PM
والله انه صادق روبن هود نبغى بوفيه جيد موهب ذا اذا اكلت منه تسممت من بكرا
Control System
10-15-08, 05:24 PM
والله انه صادق روبن هود نبغى بوفيه جيد موهب ذا اذا اكلت منه تسممت من بكرا


:confused: :confused: دايما اكل منها

متى صار التسمم ؟؟؟؟؟
mr.Pc
10-15-08, 05:31 PM
وش رايكم نطفي الكهرب حق الكلية

وبعدين قولوا لهم نبغى كريسبي كريم في الكلية

مو بوفيّه خربوطي تسكيته


عشان من ثاني يوم تطير المكافأة وتطالبون بتأخر المكافأة


ياأخوان نحمد ربنا على النعمه الي احنا فيها
الحربيه
10-15-08, 11:00 PM
ياربي بس متئ يجي يوم السبت الساعه عشر
الله يقويكم ...
*& w11w &*
10-15-08, 11:07 PM
ايه وانتي الصادقه يالحربيه نفسي اشوفهم حاشرين العميد خخخخخخخخخخخخ,.,
تكفووووووون صورور (((( وخاصه العميد))) هههههههه,.,.

لاتنســـــــــــــــــــــــون السبت الساعه عشر
Control System
10-16-08, 01:20 AM
عاشووو البنات

يبونا في وجهه المدفع

فيكم خير سوو زيناا خخخخخ
الهنـــــوف
10-16-08, 04:03 AM
^
^
فينا خير إن شاء الله :o
احنا ماشفنا منهم شيء الا المكاأفاه تتاأخر شهر بس :rolleyes:
ومصيرها تنزل ماراح نتخرج ان شاء الله الا وماخذين حقوقنا كلها :15:
نسوي تجمهر عشان هالسبب ..
حنا نحب نتفرج هالتجمهر بس مانحب نتجمهر خخخخخخخ :D
*& w11w &*
10-16-08, 05:29 AM
احنا ماشفنا منهم شيء الا المكاأفاه تتاأخر شهر بس
ومصيرها تنزل ماراح نتخرج ان شاء الله الا وماخذين حقوقنا كلها
نسوي تجمهر عشان هالسبب ..

والله ودي نتجمهر عندنا مشاكل من قال مافيه يحليلكم انتم ماتقدرون تعدلون حنا اصلا مانقدر نجيب جداولنا الا من الكليه كنا بالابتدائي ننقل الجدول من االجدار والله خلو عنكم والمكافات كل اربع شهور مره (بالسنه حسنه) ياحلينا وحنا ساكتين لا والبوفيه يالله عندنا سندويتش ب6 ريال وكلها خس ودي اشوف الي مسويها ؟؟؟؟؟ سوري خرجنا خارج النص....
عاشووو البنات

يبونا في وجهه المدفع



هههههههههههههههههه بالعكس على القوووووووووووه شبااااااااااااااااااااب,.,
روبن هود
10-16-08, 06:36 AM
والله انه صادق روبن هود نبغى بوفيه جيد موهب ذا اذا اكلت منه تسممت من بكرا

بصراحه ما أذكر اني تسممت :p بس أكلهم مايعجبني :D

أقول بس بلا تجمهر ومظاهرات وخرابيط :D

الساعة 10 يمدحون المملكة والا الفيصلية ابرك من مقابل هذولا :p
مشكله
10-16-08, 07:28 AM
أقول بس بلا تجمهر ومظاهرات وخرابيط

الساعة 10 يمدحون المملكة والا الفيصلية ابرك من مقابل هذولا

طيب انت رح للملكه وحنا بنروح نتجمهر

اذا ماتبي تجي معنا لاتطيح من عزيمة الشباب << داخلين حرب
روبن هود
10-16-08, 07:38 AM
يالغالي أبغاكم توسعون صدوركم :rolleyes:

أتوقع ان فيه مشكله عندهم وان شاء الله تنحل والا مو معقوله يتأخرون بالمكافآت كذا بدون سبب ..

الوعد عند دبنهامز في المملكة :p
Control System
10-16-08, 02:02 PM
بصراحه ما أذكر اني تسممت بس أكلهم مايعجبني

أقول بس بلا تجمهر ومظاهرات وخرابيط

الساعة 10 يمدحون المملكة والا الفيصلية ابرك من مقابل هذولا

تراها نعمه وبصراحه انا مرتاح للبوفيه الموجوده حالياً مقارنه باللى قبلها !!

وبعدين ياخوى اذا انت خايف .. مو مشكلة لاتجئ بس لاتحطم من عزيمه الشباب وشكراً ..!!


يالغالي أبغاكم توسعون صدوركم

أتوقع ان فيه مشكله عندهم وان شاء الله تنحل والا مو معقوله يتأخرون بالمكافآت كذا بدون سبب ..

الوعد عند دبنهامز في المملكة

ياغالي المشكلة هي إهمال منهم وتكاسل

والدليل اللى حدث العام
كانو ناويين ينزلون المكافات بعد العيد لكن لما احتجينا نزلوها بعد كم ساعه
وهذا اكبر دليل انهم قادرين ينزلونها

ياغالي العالم تطور والحين قادرين ينزلون المكافات بضغطه زر

ودبناهمز راح نلحقك بعد ماتنزل المكافاه ان شاء الله
الهنـــــوف
10-16-08, 02:29 PM
والله ودي نتجمهر عندنا مشاكل من قال مافيه يحليلكم انتم ماتقدرون تعدلون حنا اصلا مانقدر نجيب جداولنا الا من الكليه كنا بالابتدائي ننقل الجدول من االجدار والله خلو عنكم والمكافات كل اربع شهور مره (بالسنه حسنه) ياحلينا وحنا ساكتين لا والبوفيه يالله عندنا سندويتش ب6 ريال وكلها خس ودي اشوف الي مسويها ؟؟؟؟؟ سوري خرجنا خارج النص....

,.,
ماقد تاخرت مكفاأتنا 4 شهور :confused:
والكافتريا ياملحه .:: اشتقت لليتل سيزر وكروسان سعد الدين وفلافل هاشم وووووهـ بس .:rolleyes:
وسالفه الجداول بسيطه ماتأخذ دقيقتين وانتي تكتبينها
وربي احس شعور غريب وحلوو وأنا اكتبها >> زودتهااا هههههههه:D
تضل هالاأسباب غير مقنعه انو نتجمهر ..
التقنيه في قلوبنا ..:39:
Control System
10-16-08, 03:00 PM
ماقد تاخرت مكفاأتنا 4 شهور
والكافتريا ياملحه .:: اشتقت لليتل سيزر وكروسان سعد الدين وفلافل هاشم وووووهـ بس .
وسالفه الجداول بسيطه ماتأخذ دقيقتين وانتي تكتبينها
وربي احس شعور غريب وحلوو وأنا اكتبها >> زودتهااا هههههههه
تضل هالاأسباب غير مقنعه انو نتجمهر ..
التقنيه في قلوبنا ..

ليتل سيزر .. كروسان .. سعد الدين .. فلافل هاشم ........... مالهم حق والله ... وين ماك عن هالمجموعة الطيبه هههااي

ردك كذاا http://www.c-rct.com/vb/images/smilies/thumb_yello.gif http://www.c-rct.com/vb/images/smilies/thumb_yello.gif http://www.c-rct.com/vb/images/smilies/thumb_yello.gif http://www.c-rct.com/vb/images/smilies/thumb_yello.gif

احس ردك كل وطنيه مدري ليش هههه
روبن هود
10-16-08, 05:25 PM
ودبناهمز راح نلحقك بعد ماتنزل المكافاه ان شاء الله

أجل نتقضى على حسابكـ :p

وبعدين ياخوى اذا انت خايف .. مو مشكلة لاتجئ بس لاتحطم من عزيمه الشباب وشكراً ..!!

أخاف من ايش تكفى :D

اللي مايجي يعني يعتبر خواف :rolleyes:

ما أحس انها تاصل اننا نتجمهر وكذا ^_^

حطوا لوحات زي اللي بالمظاهرات نبغى يصير أكشن بالكلية :D

طيب لو تنزل المكافآت بكرهـ بالليل بتسوون مظاهرات يوم السبت :p
Control System
10-16-08, 05:30 PM
أخاف من ايش تكفى

اللي مايجي يعني يعتبر خواف

ما أحس انها تاصل اننا نتجمهر وكذا ^_^

حطوا لوحات زي اللي بالمظاهرات نبغى يصير أكشن بالكلية

طيب لو تنزل المكافآت بكرهـ بالليل بتسوون مظاهرات يوم السبت

دامك تقول ماتوصل لكذا
اجل ليش تبي اكشن ؟

بعدين حنا راح نتجمهر مو من اجل المكافات وبس

برضو في مشاكل ثانيه

مثل الجداول و المواقف
روبن هود
10-16-08, 05:42 PM
دامك تقول ماتوصل لكذا
اجل ليش تبي اكشن ؟
يعني تغيير جو ^_^

بعدين حنا راح نتجمهر مو من اجل المكافات وبس

برضو في مشاكل ثانيه

مثل الجداول و المواقف

الله يكون في العون :(

ما أتوقع بيعطون أحد وجه :p
Control System
10-16-08, 09:02 PM
الله يكون في العون

ما أتوقع بيعطون أحد وجه

حنا بنطلب حقنا ومحد بيقدر ردنا بإذن الله

وبتشوف !!!
*& w11w &*
10-16-08, 11:21 PM
ماقد تاخرت مكفاأتنا 4 شهور
والكافتريا ياملحه .:: اشتقت لليتل سيزر وكروسان سعد الدين وفلافل هاشم وووووهـ بس .
وسالفه الجداول بسيطه ماتأخذ دقيقتين وانتي تكتبينها
وربي احس شعور غريب وحلوو وأنا اكتبها >> زودتهااا هههههههه
تضل هالاأسباب غير مقنعه انو نتجمهر ..
التقنيه في قلوبنا ..




المكافاءه تتاخرت عندنا للمستجدين مانزلوها الى الشهر الرابع من الدراسه اما الجداول مدري كيف تنبصطين وانتي تنقلينها راس ذي طالع ولا يدها من جنبك ولا وحده تكتب على ظهر الثانيه وكل يوم تتغير الجداول ونروح ننقل مره ثانيه وين التقنيه مدري ...؟؟؟؟؟؟؟وبعدين البوفيه الناس اذواق اذ عجبك انا ماعجبني,.,
Control System
10-16-08, 11:46 PM
المكافاءه تتاخرت عندنا للمستجدين مانزلوها الى الشهر الرابع من الدراسه اما الجداول مدري كيف تنبصطين وانتي تنقلينها راس ذي طالع ولا يدها من جنبك ولا وحده تكتب على ظهر الثانيه وكل يوم تتغير الجداول ونروح ننقل مره ثانيه وين التقنيه مدري ...؟؟؟؟؟؟؟وبعدين البوفيه الناس اذواق اذ عجبك انا ماعجبني,.,

تأخر المكافاه للمستجدين موجوده حتى في جامعه الملك سعود للمعلوميه

والسبب انه ينظرون للطلاب اللى يبغي يدرس ويستمر مو يدرس شهرين ويسحب !!! ومعاها مكافاة شهرين
سفير الكلية
10-17-08, 12:08 AM
بسم الله الرحمن الرحيم

قرأت موضوعك يا كنترول سستيم وبصراحة أعجبني كثير كثير .
وانا عن نفسي أقولك (سأكون ثاني المتجمهرين عند مكتب عميد الكلية ونطالب بثلاث الأشياء اللي ذكرتها ).
وأنا عن نفسي أناشد متدربين الكلية أنهم يتجمهرون الساعة العاشرة صباحا بمشيئة الله عند مكتب العميد لأن فعلا راح يكون أنسب وقت .


تقبلوا تحياتي....
سفير الكلية.
Control System
10-17-08, 12:37 AM
شكراً اخوى سفير

ردك اثلج صدري

بإذن الله موعدنا يوم السبت واتمنى نشر الخبر للجميع
Laian89
10-17-08, 03:02 AM
السلام عليكم ورحمة الله و بركاته


موفقين اخواني لان هذي حقوقكم و لازم تطالبون فيها
الهنـــــوف
10-17-08, 04:05 AM
المكافاءه تتاخرت عندنا للمستجدين مانزلوها الى الشهر الرابع من الدراسه اما الجداول مدري كيف تنبصطين وانتي تنقلينها راس ذي طالع ولا يدها من جنبك ولا وحده تكتب على ظهر الثانيه وكل يوم تتغير الجداول ونروح ننقل مره ثانيه وين التقنيه مدري ...؟؟؟؟؟؟؟وبعدين البوفيه الناس اذواق اذ عجبك انا ماعجبني,.,


حلووو اجل جمعتي 40000
يمكن على قوله Control System :19: :19:

ومن ناحيه الجدول ..
طيب اصبري لين تخف الزحمه والا انقلي كل جدول بيومه لين مايخلص الاسبوع
هههههه شكلو صايرلك موقف عند الجداول
خلاص انا بتكفل وانقش لك جدولك و ارسله ع الخاص
لأجل عين تكرم مدينه :17:
طيب قولي اللي نفسك فيه فطور ونتجمهر عشاانو:D

:Control System أعذرني حست الموضوع :30:
Control System
10-17-08, 04:32 AM
حلووو اجل جمعتي 40000

:eek: :eek: :eek: :eek:

:Control System أعذرني حست الموضوع

منوره الموضوع يالتقنية :p
الهنـــــوف
10-17-08, 04:38 AM
^
^
ههههههههههههههههههههههههههههههههههههههه صفر زياده هههههههههههههههههههههههههههههههههههههههههههه
:D:D:D
Control System
10-17-08, 04:43 AM
^
^
ههههههههههههههههههههههههههههههههههههههه صفر زياده هههههههههههههههههههههههههههههههههههههههههههه
:D:D:D

<<<< خطير :p :p


اذكرو ربكم :20: :20:
سيحانه
10-17-08, 04:53 AM
وانا معك W11wبس احمد ربي باقيلي هالترم واخلص وافتك من خسهم وطعميتهم اللي كلها طحنيه ,,,,,,,<<<<<بيقولون مهمها الا بطنها
Control System
10-17-08, 04:58 AM
وانا معك W11wبس احمد ربي باقيلي هالترم واخلص وافتك من خسهم وطعميتهم اللي كلها طحنيه ,,,,,,,<<<<<بيقولون مهمها الا بطنها

اول مشاركه وتتكلم عن بطنها :p

انا اشهد انه ماهمك إلا بطنك :D





ما شاء الله لا اله الا الله ;)
*& w11w &*
10-17-08, 05:55 AM
تأخر المكافاه للمستجدين موجوده حتى في جامعه الملك سعود للمعلوميه

والسبب انه ينظرون للطلاب اللى يبغي يدرس ويستمر مو يدرس شهرين ويسحب !!! ومعاها مكافاة شهرين
مشكور كنترول سيستم على التوضيح وانا كنت اقول من شاف اولها عاف تاليها,.,

حلووو اجل جمعتي 40000



هههههههه من جنبها عطونا بس حقت شهر واحد 990 بعدين قامو يقسطون علينا ,.,

طيب اصبري لين تخف الزحمه والا انقلي كل جدول بيومه لين مايخلص الاسبوع
هههههه شكلو صايرلك موقف عند الجداول


والله انا النظر لك عليه لازم اكون قدام واذ جيت قدام الجدول كان فوق ولا زم ارجع شوي عشان اشوفه وبعدين البنات وراي وش اقول ارجعو ورى بنقل بعدين تعالو ههههههههههههههههه

احسني توهقت :confused:
خلاص انا بتكفل وانقش لك جدولك و ارسله ع الخاص
لأجل عين تكرم مدينه

تسلمين ياقلبي ماتقصرين والله ماابي اتعبك معي هم الجدول فيني فيني ,.,


وانا معك W11wبس احمد ربي باقيلي هالترم واخلص وافتك من خسهم وطعميتهم اللي كلها طحنيه
انتي:39::39:ما بقى لك شي الله يوفقكـ,.,
[QUOTE]:Control System أعذرني حست الموضوع[/QUOTE

والله انا بعد احس كنترول وده يمسكنا مع شوشنا ويحذفنا ههههههههههههههههههههه:D
ღ لــبــيـهـ ღ
10-17-08, 01:47 PM
أقـتـباااس :: والله انا بعد احس كنترول وده يمسكنا مع شوشنا ويحذفنا ههههههههههههههههههههه ..

الله لا يلوم كنترول حريم وتجمعن وياااااااااوك من سوالفكن تعالن بسوي موضوع بعنوان
{ أيش الهرجه } وسولفن لين تشبعن << سمله عليكي اما أنتي خخخخ
هنوف ودبليوا تعالن الى ..... ايه وش رايكن نقول للاداره يحطون قسم
سوالف حريم كان قسم لتلقين الصفحات في يوم صاكه الطعشات خخخخ ..
كنترول شت الهنوف ودبليوا ..
الله يوفقكم لا تنسون التجمهر .. << تسلك علشان مايشوتونها ..:D :p
Control System
10-17-08, 02:00 PM
جيت من الصلاة ودخلت المنتدي على طول

وادخل هالموضوع إلا واحصل بلاشر منسدح على ارضية الموضوع :D

إلا وذاك الكونسيلر اللى مرمي على احد الردود


الله يهديكن ضفن بلاويكن

تكلمو ماقلنا شئ .. كلامكم يحلي الموضوع .. بس لاترمون قشكم عندنا

بعدين أهلنا يقولون اننا متزوجين مسيار في المنتدي :p
الهنـــــوف
10-17-08, 02:03 PM
أقـتـباااس :: والله انا بعد احس كنترول وده يمسكنا مع شوشنا ويحذفنا ههههههههههههههههههههه ..

الله لا يلوم كنترول حريم وتجمعن وياااااااااوك من سوالفكن تعالن بسوي موضوع بعنوان
{ أيش الهرجه } وسولفن لين تشبعن << سمله عليكي اما أنتي خخخخ
هنوف ودبليوا تعالن الى ..... ايه وش رايكن نقول للاداره يحطون قسم
سوالف حريم كان قسم لتلقين الصفحات في يوم صاكه الطعشات خخخخ ..
كنترول شت الهنوف ودبليوا ..
الله يوفقكم لا تنسون التجمهر .. << تسلك علشان مايشوتونها ..:D :p


الله وناااصه لبيهـ متى ينزل الموضوع :D
حتى فكره القسم حلووه عشان عندي لكم سالفه بقولها ماابي الشباب يقرونها :15:
عشان من جد حسنا موضوع الرجال :p
آمين يارب الله يوفقك انت وربعك بالتجمهر >>> بتحسن العلاقه ههههههه :D
Control System
10-17-08, 02:06 PM
الله وناااصه لبيهـ متى ينزل الموضوع
حتى فكره القسم حلووه عشان عندي لكم سالفه بقولها ماابي الشباب يقرونها
عشان من جد حسنا موضوع الرجال
آمين يارب الله يوفقك انت وربعك بالتجمهر >>> بتحسن العلاقه ههههههه

من فتره وانا اشوف ردودك واقول من ذي البنت ياناس ؟؟ :confused:

ولما شفت توقعيك عرفت انك دباسه الخبله ماغيرك :D
الهنـــــوف
10-17-08, 02:08 PM
جيت من الصلاة ودخلت المنتدي على طول

وادخل هالموضوع إلا واحصل بلاشر منسدح على ارضية الموضوع :D

إلا وذاك الكونسيلر اللى مرمي على احد الردود


الله يهديكن ضفن بلاويكن

تكلمو ماقلنا شئ .. كلامكم يحلي الموضوع .. بس لاترمون قشكم عندنا

بعدين أهلنا يقولون اننا متزوجين مسيار في المنتدي :p

يوووه انت جيت :confused:
كونسيلر من علمك ... طيب اتحداك ليه ينحط ووين ؟ ههههه :D
وش يقولون أهلك :eek::eek:
الهنـــــوف
10-17-08, 02:09 PM
من فتره وانا اشوف ردودك واقول من ذي البنت ياناس ؟؟ :confused:

ولما شفت توقعيك عرفت انك دباسه الخبله ماغيرك :D

خبله :eek:
بليز اسحب كلمتك :cool:
Control System
10-17-08, 02:12 PM
يوووه انت جيت
كونسيلر من علمك ... طيب اتحداك ليه ينحط ووين ؟ ههههه
وش يقولون أهلك

كونسيلر مو هذا اللى يخفي العيوب :rolleyes: :rolleyes:


خبله
بليز اسحب كلمتك


طيب سحبتها


مرجوجه ;)
الهنـــــوف
10-17-08, 02:19 PM
كونسيلر مو هذا اللى يخفي العيوب :rolleyes: :rolleyes:

طيب سحبتها

مرجوجه ;)

شلوون طيب تعرف غريبه :eek: انا علبالي كلمه وسامعهاا >>>كفشتك تشتغل بسيفورا والا ماك:D

مرجوجه ..خلاص هذي اهون شووي :rolleyes:
Control System
10-17-08, 02:21 PM
شلوون طيب تعرف غريبه :eek: انا علبالي كلمه وسامعهاا >>>كفشتك تشتغل بسيفورا والا ماك:D

مرجوجه ..خلاص هذي اهون شووي :rolleyes:

هي جت على الكونسيلر بس :p

بـوه شدو بلاشر قلوس جليتر واي لاينر و الاستيون البلياج وشو بعد ياربي ؟؟ تصدقين نسيت الباقي خخخخ :15:

خلاص اجل بناديك دباسه المرجوجه :20: :20: :20:
ღ لــبــيـهـ ღ
10-17-08, 05:05 PM
هنوفـه أبشري بسدح الموضع بـسدحـه أنشالله يوم السـبت تروحون لدوامكـن وأنا أروق وأنزل الموضوع من دون أزعاج يعني المنتدى بـيصير فاضي ونأأأأأسه ..

كنترول أجل مرتاع من موضوعك كيـف قلب سوالف حريــم ..
وشدوا وقلوس وكونسيلر واشياء والله شكلك تفكر في تجـاره نسـائيه ..<<عرفت تخـتار من ناحية الربح ..[ :39:
Control System
10-17-08, 05:14 PM
هنوفـه أبشري بسدح الموضع بـسدحـه أنشالله يوم السـبت تروحون لدوامكـن وأنا أروق وأنزل الموضوع من دون أزعاج يعني المنتدى بـيصير فاضي ونأأأأأسه ..

كنترول أجل مرتاع من موضوعك كيـف قلب سوالف حريــم ..
وشدوا وقلوس وكونسيلر واشياء والله شكلك تفكر في تجـاره نسـائيه ..<<عرفت تخـتار من ناحية الربح ..[ :39:


يلا لبيه نفتح لنا مشروع ميك اب وخرابيطووو ونوظف خريجات المعهد العالي التقني للبنات :39: :39: :39: :39:
اسير الليل
10-17-08, 05:44 PM
((((((((((((10))))))))))))
الهنـــــوف
10-17-08, 06:06 PM
هي جت على الكونسيلر بس :p

بـوه شدو بلاشر قلوس جليتر واي لاينر و الاستيون البلياج وشو بعد ياربي ؟؟ تصدقين نسيت الباقي خخخخ :15:

خلاص اجل بناديك دباسه المرجوجه :20: :20: :20:

لا مانسيت شيء ماشاء الله كل شيء قلته :confused:
أجل لاصار عندكم عروض ونزل شيء جديد علمنا :15:

دباسه المرجوجه :mad: خير ان شاء الله
ذكرتني بوحده كنت اسولف انا وياه أقولها يعجبني إسم تميم و عبد العزيز :p
قالت والله أجل بناديك ام عبد العزبز وصارت تناديني :21: واللي يسمعها يحسبني معرسه ومعيله :12:
الهنـــــوف
10-17-08, 06:11 PM
هنوفـه أبشري بسدح الموضع بـسدحـه أنشالله يوم السـبت تروحون لدوامكـن وأنا أروق وأنزل الموضوع من دون أزعاج يعني المنتدى بـيصير فاضي ونأأأأأسه ..

كنترول أجل مرتاع من موضوعك كيـف قلب سوالف حريــم ..
وشدوا وقلوس وكونسيلر واشياء والله شكلك تفكر في تجـاره نسـائيه ..<<عرفت تخـتار من ناحية الربح ..[ :39:

وينك انتي لاتروحوون وتخلونن احوس بالموضوع لحالي :( :30:
بإنتظار الموضوع حقنا:16:
ღ لــبــيـهـ ღ
10-17-08, 06:24 PM
أآآفـا علـيتس تولـمي بس يوم السبت المغرب تفتحين المنتدى تلقين أيش الهرجه مسدح بقـسم الحريم << ع كيفها فتـحت قـسم ..

الاحوسـي على كيف ابوك وامك بعد .. أنا بروح أكل وأتقهوى علشان أفكـر وش نـسوي بقسمـنا الجديد ونظبطه ونـسوي لـنا سـتايل بـناتي ..
بس بشرط ماتـشاركن لين تـجيـبن الي فطـور من الكليه ياسلاام أنـتن تسولفن وتفطرن وأنا أزين بموضوع الحريــم ..
بحط تذاكر دخول .. << كل يوم تتغير هذي التذاكر حـسب حاجـتي << قـسم أستغلالـيه ..
Control System
10-17-08, 06:29 PM
ذكرتني بوحده كنت اسولف انا وياه أقولها يعجبني إسم تميم و عبد العزيز
قالت والله أجل بناديك ام عبد العزبز وصارت تناديني واللي يسمعها يحسبني معرسه ومعيله

منوره الموضوع يا ام عبدالعزيز

يتربي تميم بعزك ان شاء الله



بس بشرط ماتـشاركن لين تـجيـبن الي فطـور من الكليه ياسلاام أنـتن تسولفن وتفطرن وأنا أزين بموضوع الحريــم ..
بحط تذاكر دخول .. << كل يوم تتغير هذي التذاكر حـسب حاجـتي << قـسم أستغلالـيه ..

فاتتني هالفكره ولا كان خليت هالموضوع الدخول بفلووس <<< ناوي يطفر البنات
الهنـــــوف
10-17-08, 06:54 PM
منوره الموضوع يا ام عبدالعزيز

يتربي تميم بعزك ان شاء الله



بالله وش أرد ؟ :12::12:
يعني تستهبل والا تعاند ؟ :23:
أكرهك :mad:
Control System
10-17-08, 07:11 PM
بالله وش أرد ؟ :12::12:
يعني تستهبل والا تعاند ؟ :23:
أكرهك :mad:

وش دعوه يا ام عزوز

وش قلنا حنا ؟ :confused: :confused:

تكرهيني ؟ وش دعوه انا راعي البوفيه حقتكم علشان تكرهيني يا راعيه الخس :p
ودود0
10-18-08, 12:19 AM
الموعد ياشباب بكرة
O r l a n d o
10-18-08, 12:40 AM
مآتبون فزعه من كلية التقنيه الخرج :d



موفقين ..
eqla3
10-18-08, 06:37 AM
لو ما عدلو جدولي اليوم راح اسحب الملف والله تعبت وانا رايح جاي ومن كلمة النظام معطل

<- تكفى حسيت انه فاتحين الكليه عشانك


وبالتوفيق لاخوننا المتجمهرين اليوم :d
Control System
10-18-08, 12:39 PM
العميد ماداوم اليوم :mad:
وكيل الكلية غير موجود :mad:
مكتب المحاسبه قفلو مكتبهم قبل الساعه 10
:confused:
شؤون الطلاب يقولون مالنا دخل :confused:
O r l a n d o
10-18-08, 12:40 PM
وش صار ؟؟؟؟
مشكله
10-18-08, 12:42 PM
طيب وش رايكم بكرى الساعه 10 ؟؟؟؟
منقهر من شئ
10-18-08, 12:43 PM
افا والله ......
Control System
10-18-08, 12:45 PM
طيب وش رايكم بكرى الساعه 10 ؟؟؟؟

الحل بأقرب فرصه يكون مكتب العميد مفتوح

واظن المكتب راح يكون مقفل طول الاسبوع هذا
مشكله
10-18-08, 12:47 PM
اووووووكي بس لازم يكون في تجمهر

اليوم جيت الساعه 10 وطالعت من بعيد وماشفت احد صراحه تحطمت
المخلفي
10-18-08, 02:12 PM
وانا مثلك
eqla3
10-18-08, 02:54 PM
مكتب العميد وين فيه ياشباب
الهنـــــوف
10-18-08, 05:28 PM
العميد ماداوم اليوم :mad:
وكيل الكلية غير موجود :mad:
مكتب المحاسبه قفلو مكتبهم قبل الساعه 10
:confused:
شؤون الطلاب يقولون مالنا دخل :confused:

الحظ معي دايم الدوم عايب
ليته بلحظه معي يصيب
شكله يعاندني ولاهو بتايب
:D:D
السنايدي
10-18-08, 06:22 PM
السـلام عليـكم ورحمـة اللـه وبركاتـه

أخواني المتدربين اسمحوا لي أن اكتب لكم وعلى رأسكم أخوي صاحب الموضوع

Control System

لا أخفي عليكم أنني معكم في طرح قضايا مشاكلكم الثلاث

1/ مشكلة تعديل الجداول

2/ مشكلة تأخر المكافآت.

3/ مشكلة المواقف.

فقد شاهدت شخصياً اليوم السبت وربما قابلت وجهاً لوجه من أراد التجمهر

وقد وجدت فقط أربعة متدربين

لابسين ثياب غير مرتدين زيّ الكلية ووجدت أنهم كتبوا خطاب موجّه للعميد

موضحين فيه معاناة المتدربين في تلك المشاكل التي ذكرها أخوي Control System

فبدايتي منذ أن وضع هذا الموضوع لم أرد التدخل أو الرد لإن هذا الشيء من حقكم كمتدربين

هذه الكلية وأنتم أولى من طرح مشاكلكم قبل أن يطرحها غيركم

وقد أعجبتني فكرة التجمهر كما حصل أمام ناظري في العام الماضي مع العميد السابق الدكتور ناصر الصالح

فاليوم تفاجأت وأنا أترقب حضور أكثركم من أيد فكرة التجمهر من الساعة 9 إلى الساعة 11

إلا أنني لم أتفاجأ إلا بأربعة متدربين لم ينتظروا أكثر من نصف ساعة ثم انصرفوا..!!

أين الحماس ؟؟؟

أين مجموعة اتحاد التجمع ؟؟؟

أين القائلون : ( سوف أحضر * أنا معكم * الوعد هناك...ألخ )

فأنتم كما تعلمون بمشكلتكم الأولى (تعديل الجداول) سأطرح بعض الأسباب في عدم

حلها من حيث التعديل والحذف والتغيير في الشعب...ألخ.

بالنسبة للمستجدين فالنظام لا يسمح لهم بتعديل أو تغيير المواد المطروحة لهم

وإذا أرادوا النقل من تخصص إلى تخصص آخر أو من قسم إلى آخر فيجب عليه أن يعدي

الترم الأول بمعدل لا يقل عن جيد (3 من 5) أو لا يحمل أي مادة عامة أو تخصصية في الترم الأول

حسب الشروط المتبعة في نظام الكلية

أما المتدربين المستمرين فيحق لهم تعديل وحذف ونقل المواد حسب توفر الشعب والوقت المناسب

وينحصر وقتهم فقط في الأسبوع الأول والثاني من بداية الفصل التدريبي الجديد ويمكنهم أيضاً

التنسيق المباشر مع المدرّبين (المدرسين) لمن أراد التغيير من شعبة إلى شعبة أخرى

وللمعلومية هنالك عطل في نظام التسجيل والتعديل المتصل بمركز الحاسب الآلي عند جميع الأقسام

ومكاتب التسجيل منذ يوم الأربعاء الماضي ولا زالت جارية حل المشاكل الفنية في أعطالها

**************

المشكلة الثانية ( تأخر المكافآت )

نحمد الله أن هالأيام لم يكن هنالك تأخر أكثر من شهر في الأشهر الماضية من بعد نظام

الصراف الآلي وهي تنزل أول بأول لكن أعتقد تأخرها في شهر رمضان هو من البنك وتعارضه

مع إجازة العيد لإدخالها في حسابات المتدربين والله أعلم،،، يعني المشكلة أنحلت بإذن الله

والأخوان اللي في مكتب الشؤون المالية مسكرين مكتبهم وأتوقعهم ما راح يستقبلون أحد

طوال الأسبوع هذا

لإن جميع موظفيهم في مركز الحاسب يسعون جاهدين في تخليص تحويلات رصيد المتدربين

في حساباتهم بأسرع وقت ممكن فأنتم كما تعلمون

إحصائية المتدربين لهذا العام في الكلية التقنية بالرياض بلغ حوالي 10.000 متدرب

يعني يبغالهم جهد مضاعف ولا تلومونهم إذا تأخروا في تأخيرها.

***************

المشكلة الثالثة ( المواقف )

أخواني أعتقد أنكم لاحظتم المشاريع التي يتم إنجازها في ساحة المواقف المباني الشمالية

في المجمع الثاني التابع لكلية التقنية وفي أحد مواضيع المنتدى أنه سيتم إنشاء مشروع

مواقف ومباني جديدة في هذه المساحة وهذه المساحة مآخذه حيز كبير من مواقفكم في الترم الماضي

وأنا أتوقع أن الحالة هذه ستستمر لمدة سنتين حتى يتم إنشاء مواقف القبو ومباني كلية

فندقة السياحة والسفر ومبنى الإدارة الجديد في السنوات القادمة بإذن الله

والحل هنا هو التبكير في الحضور لتحجزون مواقفكم يعني ما في اليد حيله ومالكم إلا نظام

حراج بن قاسم عند حجز أماكن البسطات في المثل القائل : ( من سبق لبق )

وأبشركم أنا شخصياً كلمت إدارة الأمن يفتحون المواقف الخلفية للمبنى الرئيسي لمتدربين أقسام

التقنية الكهربائية والتقنية الإلكترونية وتقنية الحاسب الآلي حتى يخف الضغط على المواقف

وأتوقع إللي منكم في أحد هذه الأقسام وموقف بالخلف شاف المواقف المفتوحة
8
8
8
طبعاً كل الكلام الذي كتبته أتوقع نسبة 70% سيقوله لكم العميد شفهياً في حالة مواجهته لكم

هذا والله أعلم،،،

دعواتي لكم بالتوفيق وفي تحقيق مرادكم

أخوكم السنـآيدي ـ مصدر في الكلية