الإنتاج الكيميائي أفضل تخصص في الكلية وأفضل من بكلوريوس جامعة الملك سعود

[توبة نصوح]

السلام عليكم ورحمة الله وبركاته
بسم الله الرحمن الرحيم
اللهم صل على محمد وعلى آله وصحبه أجمعين

كيفكم يا أعضائنا الكرام..
اليوم انا رحت للكلية التقنية بالرياض الساعة التاسعه لإنه كان بيلقون كلمة علينا وتعريف بالكلية

بعد ما نتهت الكلمه جاء مسؤول على ما أظن أنه دكتور ماله إلا فتره بسيطة جاء من خارج المملكة


المهم أنه قال لنا كلام عن تخصص التقنية الكيميائية وقال من أفضل التخصصات بعد الطب والهندسة

يعني تخيلوا دبلوم تقنية كيميائية أفضل من بكلوريوس هندسة صدق او لا تصدق هذا كلام السؤول

أما في وقتنا الحاظر لقد أجزم المسؤول أن تخصص الأنتاج الكيميائي أفضل من تخصص
الحاسب الآلي في جامعة الملك سعود

هل تصدقون ؟؟؟

الحمد لله إني أنقبلت في هذه الكلية وفي هذا التخصص بالذات

أنا كان في نيتي أجيب معدل وأحول دعم فني حاسب آلي

لاكن بعد ما سمعت كلام المسؤول قلت الحمد لله على كل حال نكمل في الكيميائية

والله يوفق الجميع

[HaMaD]

الله يوفقك ان شاء الله
و ان شاء الله خيره فيما اخترت
شوف بالنسبه لتخصص الحاسب
اي واحد يقدر يكتسبه
سوا من خبره او دراسه في معهد
والخبره لها عامل دور
فممكن تحصل شخص كميائي ملم بالحاسب
و هذا عيب في تخصص الحاسب انك ما تعرف غير الحاسب
يعني اللي يدرس حاسب لازم يكون متفوق وباحث في عدة امور تخص الحاسب
والله يوفق الجميع

[دلــــــووعه]

وعليكم السلام ورحمة الله وبركاته

الله يــــــــوفقكـــــــ يارب
وعقبال ماتتخرج
يارب ويكون معدلك 5 في عين العدوووو ......

[إبراهيم]

السلام عليكم ورحمة الله وبركاته

انا تخصصي انتاج كيميائي السنة 2

والله وانا خوك انا سمعت كثير عن التخصص يقولون انه افضل من بعض التخصصات اللي في جامعه الملك سعود

بس يبيلك انك تشد حيلك وجيب معدل يعني اقل شي 4.5 من 5

ولامانع انك تاخذ دورة انجليزي تقوي فيها نفسك

اما المدرسين فهم زي العسل وخصوصا مدرس الكيمياء العامه : محمد السلامه

[رايـق 24 سـاعـه]

هههههههههههههههههههههههههههههههههههه الله يوفقك الى متى يلعبون على الطلاب انا يوم سجلت قالوا تخصصك احسن من تخصص جامعة الملك سعود وانكم افضل من الطلاب المبتعثين هل هاذا يعقل ؟؟؟؟؟؟؟؟؟؟


وتقبلووووووووووووووووووووووووووا مرووووووووووووووووووووووووووووري

[توبة نصوح]

أضحك والا ما تضحك بتنجح من جامعة الملك سعود تخصص حاسب آلي معدلك 2 من 5
صدقني ممكن تصير باطل

ياناس الدولة محتاجه أكثر من 2000000 تقني متخصص في الكيمياء
مليونين تقني صدق أو لا تصدق

سابك أرامكوا شركة الكهرباء .................................................. ...........إلخ

[ابو الكيمياء]

يابن الحلالالال خلها على ربك

هذاني متخرج من 6 شهور ولا توظفت

صح قسم كويس بس ياكثر كلامهم وفي الاخير ماشفنا شي

يعني لاتأمل واجد وتنصدم في الاخير

والانجليزي مهم جداً لان الشركات محتاجة هـ الشي والكلية ماراح تعطيك انجليزي قوي يفيدك

[روميو الرياض]

يابن الحلالالال خلها على ربك

هذاني متخرج من 6 شهور ولا توظفت

صح قسم كويس بس ياكثر كلامهم وفي الاخير ماشفنا شي

يعني لاتأمل واجد وتنصدم في الاخير

والانجليزي مهم جداً لان الشركات محتاجة هـ الشي والكلية ماراح تعطيك انجليزي قوي يفيدك
هذا يدل على أن معدلك مو زين

[Control System]

كلامه صح

وهو ارسل رساله للطلاب الفاهمين والشطار يااخوى

حنا دوله بترول واغلب مهندسي البترول اجانب والان بدءت السعوده بشكل كبير في مجالات الهندسه والقطاع الخاص

ولاننسي المدن الجديده مثل مدينه الملك عبدالله الاقتصاديه وغيرهاً

والشركات تزداد دوماً

والفرص الوظيفيه بالنسبه للتخصص راح تزداد اكثر واكثر لكن اهم شئ المعدل

انا اعرف واحد خريج انتاج كيميائي معدله 4 من 5 والان هو موظف في شركة للدهانات ومرتبه 7 الالاف وهو دبلوم وانا جالس يفكر يكمل البكالوريس

الاهم تجيب معدل عالي ياغالي وبالتوفيق

[حيدر]

الله يوفق الجميع

[معماري انيق]

من الي لاعب على مخك وقال ان تخصص انتاج كيميائي افضل تخصص ؟؟؟؟


مستحيل الهندسه المعماريه والمساحيه والمدنيه والطب اقوى ولها مستقبل ووضائف كثير اما بالحكومي او اهلي


ممكن يصل الراتب الى 10000 اذا كان شهادتك دبلوم عالي بالله قلي اذا تخرجت وين بتتوضف ؟؟


وش يكون مجال عملك ؟


انا اقدر افتح لي مكتب هندسي يظم المدني والمساح والمعماري وهل انت تقدر تفتح غير عملك الاصلي


صعبه صحيح ان ما فيه بكارليوس معماري لكن اقدر اخش بالابتعاث

المهم ما اخرج عن محور حديثنا


التخصص ما له مستقبل الا اذا جبت ماستر ولك شهادات خبره ممكن تتوضف في ارامكو او بالمستشفيات

او شركات الادويه



وبتوفيق ان شاء الله

[حب محمد]

بسم الله الرحمن الرحيم

السلام عليكم

أنا والحمد لله خريج الكلية (انتاج كيميائي)

وأنا الآن موظف في شركة في الشرقية

خلصت التطبيق وبعدها توظفت مباشراً

بس معدلك حلو (راتب حلو )

معدلك لك عليه (راتب ضعيف ) أو تدور وظيفة

واذا معدلك لك عليه يبون خبره

وبالتوفيق للللللللللجميع

[طالب طموح]

والله مدري من وين تطلع هالأخبآر :d
,,
مره وأحد نأط علينا ويقول كيميآء أحسن :21: , ومره وأحد نأط علينأ ويقول لا ! إلكترونيآت أحسن :p
ومره وأحد يشطح يقوول مأفي شيء زين بالكلية :d
.... وووووو :26:
,,

أخوي ,, توبة نصوح , :88:

بغض النظر عن التخصص المطلوب بسوق العمل ,! ;)

أي شركة خآصه أو أهلية أو حكومية , مأ في أمل تحط وظآآيف لـ تخصص وأحد فقط ,! ;)

يعني , أكيد بتنزل مثلآ ,, 10 وظآيف لتخصص الكيمياء , و 10 وظآيف لتخصص الإلكترونيآت

وأيضآ وظآيف للحآسب الآلي وووووو ..... :)

واأهم شيء ,, الأرزأق بيد آلله سبحآنه :h1:
,,

يمكن كلامك صحيح , ليش لأ ;)

لأن هالوقت بـ يبنون مدينة الملك عبدالله الإقتصآدية ,, و بيكون بعد بالرياض , مركز الملك عبدالله المآلي :39:

طبعًا كل هذا غير , سآبك وأرأمكو وغيرهـ وووووووو ....

وبيحتاجون وظآآيف كثيررة للإلكترونيات والكيمياآئيين والحآسب الآآلي ووووو .... ;)

,,

يعني المستقبل مضمون إن شآء الله :h1: :39:

بس أهم شيء توكل ع الله سبحأنه , وجب معدل زين :39:

,,

بس تذكر ! ;) , الأرزاق بيد آلله سبحانه :o
,,

أحس كلامي وأجد :d ,, بس مآعليه , يمكن يكون نقطه تحول لأحد أعضآء المنتدى :d
,,
بالتوووفيييق يآآآرب :h1:
:88:

[ابوالليل]

اللي بيتخرج من الكيماء الله يوفقه

< محفر من دفعه 1428

بس سمعت ان فيه وظايف في الرياض في محطات البنزين :d

صديق عبي عشره ههههههههههههههههههههههه

الله يعينا على هالقسم بس

[زيــآدِ]

يجيب الله مطر واعتقد كلام الدكتور فقط لرفع المعنويات ولكن اذا تخرجت وجيت تدور وظيفة تبي تعرف هل هو افضل قسم او لا واتمنى لك التوفيق والنجاح...