استفسااااااار مهم جدااا (ارجو المساعده)

[سالم محمد]

سلام عليكم ورحمة الله وباركاته
اخواني ابي اسالكم سوال
انا قفلت في وجهي الدنيا
وماقبلني شي
نسبتي 82 وقدرات 65 تحصيلي 63
ابي اعرف التقنيه تقبلني لاني ماقدمت الترم الاول
و فيه تقديم الفصل الثاني <<< اهم شي :(

[مختلف جدا]

موازي اكيد بيقبلونك <<بفلووس طبعا

الصبااحي فيه كلية المتدربين بس مدري عن شروطهم

ننتظر احد من الشباب اللي يدرسون فيها يفيدونك

[سالم محمد]

وش كلية المتدربين انا مالي فاهم شي احد يفديني ياليه

[ابومهند]

تقبلك ونص وليه ماتقبلك ..

انا نسبتي 75 وقبلوني ..

لاكن السؤال انت تبي قسم معين ولا اي شي ..

لأنهم يقولون هاذي الأقسام الي عندنا اختارلك واحد ..

وبالنسبه للترم الثاني ايه فيه تقديم طبعا ..

بالتوفيق ..

[معماري انيق]

هلا بيك اخوي اكيد راح يقبلونك انا نسبتي كانت 93% وقبلوني براحه


وانا من خريج معهد المراقبين الفنيين لا تفكر اني بالثانويه العامه



قدم بالترم الثاني والله يوفقك

[سالم محمد]

ابو مهند

معماري انيق

يعطيكم الف الف عافيه والله يوفقكم


الي عنده شي يزيد مانقول لا

[مهاجر من أجل العيش]

يقبلونك با الراحة اعرف واحد من الشباب أقل منك وصار يختار التخصص الي يبيه اهم شي شد حيلك وجيب المعدل الي يرفع الراس والله يوفقك

[السنايدي]

الأخ سالم محمد

وعليكم السلام ورحمة الله وبركاته

بالنسبة للقبول في تقنية الرياض فنسبتك لا بأس بها حسب الإعلان اللي ينزلونه في موقع الكلية

يعني خلال فترة التسجيل أول شيء تسجل بياناتك في موقع المؤسسة العامة للتدريب التقني والمهني

بشرط تطابق شروط القبول وأحب أقولك أن الكلية تقبلك بنسبتك الثانوية بدون نسبة اختبار القياس

شروط القبول في الكلية

1- أن يكون سعودي الجنسية.
2- أن يكون حاصلاً على أحد المؤهلات التالية أو ما يعادلها.
­ - شهادة إتمام الدراسة الثانوية العامة (العلوم الطبيعية والعلوم التقنية) ويقبل خريجو الثانوية العامة (الأدبي) والثانوية التجارية في قسم التقنية الادارية.
­ - شهادة إتمام الدراسة بالمعاهد المهنية الصناعية (عشر فترات تدريبية).
3- أن لا يقل تقديره العام عن (جيد).
4- أن يكون حسن السيرة والسلوك.
5- أن يكون لائقاً طبياً.
6- أن يكون متفرغاً تفرغاً كلياً للدراسة.
7- أن يجتاز اختبارات القبول، والمقابلة الشخصية، وأي متطلبات أو شروط أخرى تحددها الأقسام.
8- ألا يكون قد مضى على حصوله على المؤهل المطلوب للقبول أكثر من ثلاث سنوات، ويشترط في من تجاوز ذلك أن يكون مرشحاً من جهة حكومية أو قطاع خاص، وأن يجتاز امتحاناً تحريرياً في المواد التخصصية.
9- أن لا يكون قد صدر بحقه قرار فصل من أي جهة تعليمية.

موفق أخوي