اخبار منسق مكتب الجداول

[HE SH AM]

السلام عليكم ورحمة الله وبركاته
اقتراح مني يا اخواني اعضاء منتدى الكليه انه يكون هاذا الموضوع خاص
لااخبار مكتب تسجيل الجداول واعني بذالك انه هل هو موجود في مكتبه اومتى يجي وش يقول ومدى قبول التعديل في الجدول اي اخبار تخص الجدول والمواد المنزله وامكانيه طابعه الجدول من عنده لانه الصارحه انا جدولي محيوس موهوب طبيعي
يعني ياجامعه الخير الي يروح يعلمنا عشان ما نروح ولا نلقى شي ولا نستفيد اذا الاخ موجود منسق الجداول على كذا ما نروح كلنا زي كل ترم
انشاء الله بدايه خير وتوفيق لنا ولكم اجمعين والله ييسر وتدمتم:39:

[=* عيوبي مزايا *=]

حلو واذا شفت فيه تفاعل راح اثبته للأستفاده ...

ونصيحه أخوية لاترووح بكير لأن الموظف يداوم على كيفة ،،،

الا اذا تغير شيئ ...

[=* عيوبي مزايا *=]

للأسف مكتب تنسيق الجداول يرفظ تعديل الجداول ،،،

مع أنه حق من حقوق الطالب ،،

[HE SH AM]

طيب اخوي انت رحت ولقيته متى والساعه كم هل اروح بكره واحصله
وش قالك بالضبط والله انا ياخوك متخوف من هل الموضوع

[αzzαм вιη αв∂υℓαzιz]

أنا مانزل جدولي إلى الأن ويقول حق الجداول تعال يوم الثلاثاء أو الأربعاء

والمشكلة عيني عينك يدخلون عليه الطلاب وعيني عينك يضبط جداولهم وأقوله

طيب جدولي يقول عندك تعارض في المواد العام ( يعني مانزل لي مواد عامة )

وفي الأخير يوم نشبت فيه سحب علي أنا وحدود 13 طالب في هالحدود


تدرون ليـــــــش ؟؟ ( لأن المسألة شغل واسطات )

لاكن ماأقول إلا حسبي الله ونعم الوكيل ,,


تحيــــــــــــــــــــــــاتــي

[كيف الحال]

يقولون فيه منسق جديد

راح ذاك ابو مسج الي يلصق ورقه كاتب ممنوع الازعاج

وهو جالس داخل يدردش بالشات !

[عاشقك ZIZOoO]

السلام عليكم ورحمته وبركاته
كيف الحال شباب ؟؟
انا بقول الذي في قلبي في المكتب De303 الذي يوجد فيه منسق الجداول وهو لا منسق ولا شي انا ذهبت اليوم السبت اول الدوام وابغى اضيف ماده او تعديل وهو يقول لا يوجد امكانيه و مع العلم (بحرف الواو تمشي الأمور) لماذا كل هذ؟ا وثانيا الساعات الجدوال قليله جدا على كذا متى اخلص الدبلوم على هذا الحال ؟؟؟؟؟؟؟؟؟؟؟؟ مشكورين على الموضوع ونرجوا من الجميع المساعده على هذا في الأقسام الثانيه كل شي متاح الإ قسام الحاسب الي مع الاسف انا لو ادري ما دخلت القسم هذا وليس من صعوبته بس من الذين يتعملون معك

[عاشقك ZIZOoO]

ثبت الموضوع .................. ارجوك

[AAAO]

في الحقيقة ماسأة الجداول وكأننا في كلية من العصر الحجري!! لم تصلها التقنية حتى الآن ..

موظف واحد فقط !
غير متواجد دائما !
لايوجد ضابط لتعديل الجدوال البعض ممنوع عليهم ، والبعض تكتشف أنه ضابط الجدول على كيفه!

إلى متى هذا التخلف ، هناك بعض الكليات التقنية في المملكة الطالب نفسه هو من يقوم بصياغة جدوله حسب قدرته التحصيلية ، والأوقات المريحة والمناسبة ، ويبقى دور المرشد _ فقط _ بيان عواقب اختياراته وتوجيهه لصياغة جدوال مثالي يناسب قدرته التحصيلية ... أما في أكبر كلية تقنية في المملكة فالوضع لازال في الحضيض !

أتمنى من جميع طلاب القسم أن يكون هناك دور إيجابي لهذا الموضوع بالذات ، سواء مع رئيس القسم الموقر ، أو مع عميد الكلية ...

[αzzαм вιη αв∂υℓαzιz]

أتمنى من جميع طلاب القسم أن يكون هناك دور إيجابي لهذا الموضوع بالذات ، سواء مع رئيس القسم الموقر ، أو مع عميد الكلية ...


مع إحترامي الكامل لجميع من ذكرت لاكن أي دور للطالب ,,

إذا أنا بنفسي و6 من طلاب الحاسب الترم الماضي ذهبنا للعميد بشأن تأخر الجدول

سكرتير العميد طردنا من المكتب ومنعنا من الدخول وسكرتير عميد قسم الحاسب

طردنا والله يهديه يسلك لنا بشأن الجداول ما استلمت جدولي الترم الماضي الا الأسبوع

الثالث ومنعنا من التعديل والآن لم تنزل أغلب جداول الطلاب واللي نزلت جداولهم

منعو من التعديل بس اللي عنده واسطه يعدل على كيفه ( والله مهزله )

لاكن ماأقول الا ( حسبي الله ونعم الوكيل )


تحيــــــــــــــــــاتــي:16::16::16:

[goldn booooy]

الله يعين ياشباب بس الشكوة لغير الله مذلة ...............

[الشريف]

السلام عليكم ورحمة الله وبركاته شباب اسال هل بدا توزيع الجدوال لاني انا من مكة المكرمة


ارجو الرد علي باامانة ومصداقية من قبل اعضاء المنتدى

وكل عام وانتم بخير

وشباب لازم من الجد والاجتهاد والله يوفق الجميع

[αzzαм вιη αв∂υℓαzιz]

السلام عليكم ورحمة الله وبركاته شباب اسال هل بدا توزيع الجدوال لاني انا من مكة المكرمة


ارجو الرد علي باامانة ومصداقية من قبل اعضاء المنتدى

وكل عام وانتم بخير

وشباب لازم من الجد والاجتهاد والله يوفق الجميع


وعليكم السلام ورحمة الله وبركانه ,,


بالنسبة للكلية بالرياض بادين في توزيع الجداول من السبت الماضي


وهذ الرابط راح يفيدك كثير http://c-rct.com/vb/showthread.php?t=1314


تحيــــــــــــــــــــــــاتـي

[αzzαм вιη αв∂υℓαzιz]

آآآآآآه يالجدول آآآآآآآآآه


رحت اليوم ابستلم جدولي أخوياي استلمو الجدول إلا انا قالي تعال السبت استلم جدولك

عندك تعارض ؟؟؟

طلع لي لسته طويله فيها أسامي وقال سجل اسمك معهم


الله يعين


تحيـــــــــــــــــــــاتــي:cool::cool:

[أبو مهند]

قصة الجداول لا تنتهي مشكلة كل عام يقولوا اللي قبلنا



وكلن يغني على ليلاه

[Me$ho]

الله يقلعه من قسمنا انشاء الله

في اخبار تقول انه بنكرش انشاء الله

[الوفا طبعي]

انا من اول الترم اطالب فيه يحذف لي مااده ماارضي

[نايف]

ياناس خلوها على ربكم ,,

كل شي في الكليو فااااشل بمعنى الفشل ..

لحد يقول ليش تدرس فيها مدامها فاشلة لأني سمعت انها فيها وفيها وفيها وهي مافيها الا الفشل والمذلة ,,

اجل بروح اغير المدرس من عنده يقول لا مو من عندي من عند مبنى 17 ,,

اروح مبنى 17 يقول لا مو من عندنا من عند المدرس :eek:


ياليتكم قلتو مافيه تعديل ولاتتفلسفون وانتو من جنبها ياشينكم لاتفلسفتو :mad:

مرمطو بي من مكان لمكان واخرتها ماحصلت شي :mad:

صدق انها كلية الفشل :mad:

[طالب بكالوريس مكروف]

هههههههههههههه

بالله هذا منسق ولا قلة حياااء


لو بعد المرات اللي رحت له ولا حصلته لاتحصى

انا ابي اعرف بس الاخ شايف نفسه وزير ولا وش وضعه

لهدرجه مافيه اهتمام للطالب لاحول ولاقوة الا بالله

صورة مع التحية للعميد

[بن سهيل]

موضوع بستحق التثبيت

[قطيم]

يستاهل التثبيت خصوصاً قرب الفصل الدراسي الثاني

والله يعين

[HE SH AM]

شلكه لازم واسطه واحد;) متأثر يالله تعين بكره اول يوم آخر ترم بمشئية الله