حائر ،، أرجو المساعده ياخوان جزاكم الله خير

[ابو عبد الله]

سلام من القلب وتحية من الاعماق

وبعد : أنا من خريجي تقنية نجران العام الحالي
بمعدل : 2.63 مقبول

أريد أن اواصل التعليم وأحصل على درجة البكالريوس
منتظم أو منتسب

هل سأقبل في تقنية الرياض لو سافرت إليها ؟
هل معدلي سيخدمني في مواصلة التعليم ؟

بماذا تنصحوني ؟


جزاكم الله خير الجزاء

[بندر بن عبدالمحسن]

وعليكم السلآم ..

طيب أبوي قسمك وشو ؟

[ابو عبد الله]

هلا وغلا أخوي بندر

أنا بقسم التقنية الادارية - إدارة مكتبية

ولك جزيل الشكر ،،

[بندر بن عبدالمحسن]

هل سأقبل في تقنية الرياض لو سافرت إليها ؟



أول شي أخوي يأسفني أقولك مافيه بكالوريوس في الكلية في التقنية الادارية كلها
يعني محاسبة , مكتبية , تسوويق .. مافيه بكالوريوس فيها ..
عليك تكمل في احدى الجامعات الداخلية وأعتقد مايعادلون الا ساعات قليله جداً أو ولا ساعة ..

أو تبتعث خارجياً ويعادلون ساعاتك كلها وتخلص بعد ثلاث سنين ..

هل معدلي سيخدمني في مواصلة التعليم ؟


عشان أكون صريح معك ..
انتساب ممكن تكمل ويقبلونك بمعدلك ..
لكن انتظام ممكن تكون نسبة قبولك 50% لأن المعروف
يأخذون من الأعلى وأنت ماشي فالمعدلات ..
اما ابتعاث فـ أرخ الدراهم وشد حيلك وسآفر على حسابك ..
حاول تقدم على السفاره هناك وممكن يضمونك ..

اي سؤال ثاني ..

[ابو عبد الله]

جزاك الله خير ياخوووي وفيت وكفيت

في ميزان حسناتك ان شاء الله

ممكن سوال أخير اذا مافيه مانع أخذت من وقتك

الجامعات إلي ممكن تقبلني ممكن تحددها ولاعليك امر وفي اي منطقة

لاني رحت لجامعه نجران الجديده ولكن للأسف ماتقبل خريجي الكلية التقنية

ورحت جامعة الملك خالد في ابها ونفس الشيء

طيب جامعة الملك سعود في الرياض فيه امل تقبلني


ياخوك مثل منت شايف المعدل طايح مع العلم ان عندي دبلوم معهد مهني وشهاده حاسب

وفوق هذا مالقيت وظيفه مافيه ديره مارحتها لاكن حسبي الله عليهم هل الواسطات

مدخلين ناس معاهم ثانويه عامه وحنا ياهل الدبلوم ساحبين علينا

والله اني في حاله لايعلم فيها غير ربي العالمين تعبت دراسه ومالقيت وظيفه وفوق هذا أكبر الشباب في البيت

والعين علي مافيه موظفين من العائله يعني تعقيد في تعقيد ولو عندي واسطه يقبلوني وانا منسدح فالبيت



اذا تكرمت يالغلا تفيدني بخصوص جامعه الملك سعود فيه امل تقبلني اسافر اقدم ؟

[بندر بن عبدالمحسن]

اذا تكرمت يالغلا تفيدني بخصوص جامعه الملك سعود فيه امل تقبلني اسافر اقدم ؟



أسمعني الله يرزقك الوظيفة السنعه ..

جرب وقدم على جامعة الملك عبدالعزيز في جدة ..
أعتقد تقبل خريجين التقنية لكن بدون معادلة ساعات ..
أنا أعرف لك من أصدقاي قدموا عليها انتساب محاسبة وقبلتهم وأختباراتهم مع طلاب الجامعة ..

وأعرف لك بعععد في جامعة الامام قدموا أنتساب .. وأنقبلوا ..

قبل ماتشد وتسافر أدخل مواقع الجامعة ..
واستفسر وحاول تقدم ..
وقدم على كل الجامعات وجرب ممكن تجي معك وتقبلك وحدة من الجامعات ..



وأي خدمة حآآآآآآآآآآآضرين ..
لو تبي نقدم لك أنا ويآآآآك ماعندك مشكلة ..

[ابو عبد الله]

الله يسعدك ويخليك لاهلك ويرزقك من حيث لاتحتسب


شف انت في ديره وانا في ديره ولانعرف بعض وفوق هذا افدتني كثييييييير

جزااك الله خير يالغلا وبيض الله وجهك ماقصرت

مقدر اسوي لك شيء غير الدعاء

أسال الله ان يحقق لك كل امنية تتمناها لنفسك ولغيرك
واسال الله ان يبعد عنك وعن جميع المسلمين كل الهموم
ويرزقنا بطاعته وحسن عبادتة



امييييييين يارب العالمين