مقدمة شاملة عن مواد المستوى الثاني

[مختلف جدا]

Data Structures (http://www.rydh-tech.com/group/datarct?hl=ar) (تراكيب بيانية) (حال361)


4 ساعات –يوم واحد في الاسبوع


م/ محمد فؤاد


المنهج:-


ما فيه مذكرة ولا كتاب .. اللي ييشرحة المهندس ويكتبه على السبورة هو المطلوب


طبعا المادة نظري ولكن المهندس الله يعطيه العافية نقل الشعبة الى معمل فيه أجهزة حاسب وصرنا نطبق اللي درسناه مباشرة في نهاية المحاضرة وهذا الشيء فادنا كثير .


المادة تعتبر امتداد لمادة C++



المهندس بصراحة مامر علي في حياتي واحد يشرح زيه وعنده أسلوب حلو وومتع مره في توصيل المعلومة واخلاق ومتفاهم مع الطلاب وخصوصا اللي يلاحظهم مهتمين بالمادة



المادة :-


المادة تعتبر من أصعب مواد الترم لأنها تحتاج إلى تركيز أثناء الشرح وفي المذاكرة


المادة هذي بالذات لازم تذاكرها اول بأول وعلى قولة المهندس محمد فؤاد في هالمادة لازم تجيب العيد مهما كان مستواك :22:


حاول انك في الكوزات ما تخسر كثير ،، المهندس اسئلته نص ونص .. يعني ممكن يجب لك 3 اسئلة واحد بس يحتاج لتركيز والباقي سهلة


على فكرة لاحظت علي المهندس أن أسئلته مكررة من أسئلته في الأعوام السابقة أو مغير فيها شي بسيط :)


**********************************

نظم اتصالات (حال 362 )
4 ساعات
نظري - م/ صالح اليوسف - 60 درجة
عملي - م/خليل حماد - 40 درجة


الدراسة كالعادة يوم للنظري 3 ساعات
ويوم للعملي ساعتين

المنهج :-
مذكرة للنظري ومذكرة للعملي موجودة في مكتب التصوير في المبنى القديم

المادة:-
بصراحة أول ماشفت المنهج وتصفحته (عربي طبعا) ضمنت الدرجة كاملة
لكن تأتي الرياح بما لاتشتهي السفن
صار كل مهندس اعقد من الثاني
المادة تتكلم عن الاتصالات وطرق الاتصال والأرسال والتردد

بالنسبة لمهندس النظري ..شرررحه ممتااااز مررررة واخلاق ومررررح
وطريقة اسئلته .. صح وخطأ واختيارات ومسائل
اسئلته بصررراحة صعبه ولكنه ماقصر عطانا كوز تعويضي ولو ما استفدنا منه شي
لأانه صعب كالعادة:22:

بالنسبة لمهندس العملي مشكلته مشكلة
طول الترم ماعطانا الا تجربة وحده بس
وكوزاته نظري وكلها فيها افكار جديده ..
مرة عطانا كوز واحد جاب 20 من 20 والباقين 20-20 >>ماوده يقول صفر:89:

عنده اختبار عملي نهائي عليه عشر درجات..كل خمس طلاب يختبرون سوى لأن المعمل وكعادة كليتنا الموقرة مافيها الا جهازين :(
عنده تقرير عن التجربة عليه 5 درجات
والباقي على الكوزات

*****************************

[مختلف جدا]

معالجة دقيقة ومواجهة (حال 363 )
4 ساعات
النظري د/ عبدالقادر خريب -60 درجة
العملي م/ أمين زايد - 40 درجة



المنهج:-
سلايدات بوربوينت موجودة مع الدكتور بالنسبة للنظري
وبالنسبة للعملي فيه ملف اكروبات موجود مع المهندس

المادة :-
مدخل او مقدمة الى لغة أسمبلي
تدرسون في البداية عن المعالجات وتاريخها والـ CPU
ثم تدخلون الى عالم الاسمبلي
وهي لغة برمجة فيها من أفكار ++C ولكن تختلف في الأوامر

بالنسبة للدكتور..شرحه نص ونص ..مايوصل المعلومة بسرعه
كل محاضرة عنده كوز من 6 درجات
ميزته اسئلته سهلة وتقريبا مكررة من اسئلة الشعبة اللي قبلنا


بالنسبة لمهندس العملي

الله يستر عليه ..اول مرة اشوف مصري مايحب يشرح:22:
ما استفدنا من شي ولا شرح شي اصلا
كل محاضرة يعطينا تجربه ويقول طبقوها
ونطبقها وحنا ماندري وش السالفة ..
بس نكتب الاوامر ونسجل النتائج

ويوم وصل نهاية الفصل عطانا كوز ماحله الا اثنين
ويوم شاف درجاتنا كذا عطانا كوز تعويضي وماحله احد:22:


المادة مو صعبه ولا شي..لكن ماحصلنا احد يشرح لنا

**********************

رياضيات هندسية متقدمة -2 (ريض 453 )
3 ساعات
الدكتور/ علي التيجاني

المنهج:-
فيه مذكرة موجودة مع الدكتور
لكنه هو يركز على اللي يشرحه ويكتبه على السبورة

المادة:-
اصعب شوي من رياضيات 1
ومشكلتها انها كل مواضيعها مرتبطة ببعض
وفيها شوية حوسة ولخبطة

الدكتور صرااحة انا ما افهم منه شي:)
ودرجاتي عنده سيئة جدا

لكنه هو مايدقق في التصحيح واسئلة تقريبا نفس التمارين اللي يشرحها ويكون مغير فيها شي بسيط

عنده 15 درجة حضور ومشاركة وواجبات
65 درجة كوزات
20 درجة كوز نهائي على آخر درس

***************
لغة انجليزية - 6
4 ساعات
الاستاذ / محمد البكر <<متعاقدين معه من برى الكلية

المنهج :-
Writing Academic English
كتاب موجود في مركز التصوير في المبنى الجديد

المادة :-
تركز بشكل كثير على مهارات الكتابه
وعادة الكوزات تكون موضوع تكتب عنه حسب الطريقة اللي تعلمتها
ماعدا الكوز الاخير يكون على علامات الترقيم وعلى انواع الجمل

الاستاذ بشكل عام مجتهد ويحاول يوصل المعلومة للطالب ولو ان اكثر الطلاب ماهضموا طريقته في الشرح
الدرجات عنده بالقطارة:22:



هذا مالدي واعذروني لو قصرت


وامسكوا :88:

[menya]

الف مليون شكر على المعلومات القيمة جداً.

الله يعين على المستوى الثاني شكل في شغل جامد

[menya]

بالنسبه لمدرس نظم اتصالات (حال 362 ) صالح اليوسف لا يكون المطوع اللي كان يدرس فيزياء؟؟

[مختلف جدا]

لا شكر على واجب،،

والله يعينكم على الترم


واليوسف مو مطوع ولا شي ..

[الاتصال السريع]

شكراً لك ,,,

[رفيع الشان]

الله يعديها على خيررررر ان شاء الله اخوي الغالي دامك معدلك ممتاز الترم الاول



إن شاء الله انه ماينزل كثير دامك تقول انك واجهت صعوووبة وعانيت


الله يوفقك ولاهنت

[=* عيوبي مزايا *=]

الله يجزاك بالجنه على هالمعلومات ،

لكن سؤالي

انت ماشاء الله تقريبا خلصت نص البكالوريوس هل تحس انك تدرس بكالوريوس هندسه يعني من ناحيه المعلومه ومن ناحيه التدريس ؟ ولا شغل اي كلام
(السؤال لكل واحد يمر من هنا )

تحياتي

[الاتصال السريع]

الله يجزاك بالجنه على هالمعلومات ،

لكن سؤالي

انت ماشاء الله تقريبا خلصت نص البكالوريوس هل تحس انك تدرس بكالوريوس هندسه يعني من ناحيه المعلومه ومن ناحيه التدريس ؟ ولا شغل اي كلام
(السؤال لكل واحد يمر من هنا )

تحياتي



نفس الاستفسار :)

[مختلف جدا]

اشكركم جميعا على المرور

والله يسهل امورنا جميع ونتخرج على خير


بالنسبة لسؤالك اخوي عيوبي مزايا

صرراحة المناهج حلوووة وقوووية وفعلا تحس انك تدرس بكالوريوس وفيه مواد كثيرة نفس اللي يدرسونها في جامعة الملك سعود

لكن تدري وش المشكلة

ان الترم يخلص وانت مادرست ربع المنهج ..

وهذي مشكلة كبيررررة ...يعني ماتدرس الا قشووور المادة

[متخرج]

هلا أخوي هذا اسم الكتاب لمادة data structure ؟
++data structure using c

[αzzαм вιη αв∂υℓαzιz]

ماشاء الله عليك أخوي مختلف جدآ
مشكور وماقصرت والله يوفقكم

يثبت الموضوع

:88:

[مختلف جدا]

اخوي متخرج

بالنسبة للكتاب مافيه منهج معين..

هو يشرح لنا واللي يكتبه على السبورة هو اللي معك

لكن قال لنا ممكن ترجعون الى مراجع ومن ضمنها الكتاب اللي ذكرته



اخوي دعاني الشوق:-

اشكرك بعنف على تثبيت الموضوع

وان شاء الله اكون عن حسن ظن الجميع

[goldn booooy]

واو مشكور اخوي مختلف على الموضوع الرائع شكرا يامختلف
بس اخريبه والله انا درسني في الدبلوم الرجل مبدع بس مشكلته ما يعرف يوصل المعلومه كويس لطلاب تدري ليه لان كليتنا الموقره خلتها يدرس كل المواد تقريبا بس الله يعين يارجال انا توني في الدورة المكثفه والله يوفق بس

[آوفى آلخلق]

مشكووور وما قصرت ..

[روبن هود]

الله يعطيكـ العافية
والله يوفقك ياااارب ..

[ون تو]

مختلف جدا في طرحك واسلوبك ماشاء الله عليك


عندي سؤال هلى المواد تدرس بالا نجليزي ولالا

ياليت تفيدنا اللفة مهمه ولا يعني يمدينا نتخارج

[مختلف جدا]

هلاا وغلا اخوي ون تو،،

اسف على التأخير

بعض المواد منهجها بالانجليزي بس الشرح بالعربي

ويمديك ان شاء الله تعديهاا

[زيــآدِ]

الله يعطيك العافيه

[إحساس غير]

جزاك الله عني كل خير اخوي مختلف
فعلا مختلف في طرحك المميز :)

انا حاليا ادرس الترم الثانيه .. المدرسين فيه من اللي قلتهم يدرسونا وفيه اللي تغيروو ..؟

[TuRrKE]

مختلف جدا عز الله انك ما قصرت

وانا طال عمرك ابي الكوزات اذا انت محتفظ بها لأنها تفيد بعنف اذا هي عندك ارسل لي رقمك على الخاص علشان اشوف طريقه اخذها منك

وشكرا لك

[THANK YOU]

بيض الله وجهك يالذيب


عز الله انك ما قصرت

[goldn booooy]

الله يعين بس

[dunhill]

الله يبيض وجهك ولا يهينك واي اسئلة موجودة عندك ياليت تحطها لنا هنا واشكرك مرررررة اخرى