سؤال محيرني

[إن شاء الله أكون مهندس]

سؤال محيرني وفي نفس الوقت مخوفني

ليه مافيه تخصص الكترونيات في برنامج خادم الحرمين للابتعاث الخارجي

يعني اللي تخصصه الكترونيات مايقدر يكمل بالخارج على حساب الدوله ؟

[Mo7al]

إذا كنت تقصد بالبرنامج التابع للمؤسسه .. فهو شامل لجميع التخصصات ( المهنيه والإداريه )

أما إذا كنت تقصد التابع للتعليم العالي ! هذا شروطه تعجيزيه ، وما عندي خلفيه عن التخصصات المطلوبه

لكن أظن إن فيه .. ومدري شفيه تخصصنا :p ، هذا التقديم الثاني لأرامكو وهم مش معبيرنآ أبد :p

في النهايه .. الحمد لله على كل حال ، والله سبحانه ما ينسى عباده ..

ونتمنى التوفيق للجميع

[نجم سهيل]

حياك الله أخوي بالنسبة للأبتعاث لاموجود قبل فترة قدمت عليه ((تبع المؤسسة = بعثة خادم الحرمين)) لكن ما

حالفني الحظ وأن شاء الله خيره وأعرف واحد من زملائي قبلوه على نيوزلندا الله يوفقه إن شاء الله ويوفق الجميع

طبعا كان القبول من معدل ((4 - 5)).

ما نقول ألا الله يكتب اللي فيه الخير والله يوفق الجميع لما يحبه ويرضاه

أتمنى أني أفدتك

أخوك // نجم سهيل

[إن شاء الله أكون مهندس]

الف شكر لكم اخواني على الرد والتوضيح

بس انا قريت التخصصات المطلوبه في برنامج خادم الحرمين للإبتعاث الخارجي وماوجدت فيه تخصص الكترونيات

فهذا مخوفني كثير لأنه ودي اكمل دراستي بالخارج

[Mr.SaLeH]

تبتعث على حسآب الكليه آتوقع لكل التخصصآت من التعليم العآلي البعثه :)

[أنــآآآ مــجــنــونــكــ]

تبتعث على حسآب الكليه آتوقع لكل التخصصآت من التعليم العآلي البعثه :)
ــــــــــــ ـــــــــــ ــــــــــــــــــ

يايت ولله ومشكووووور

أخوي على الجهوود

[إن شاء الله أكون مهندس]

يعطيكم العافيه ياشباب على التوضيح

[ماجد العرانه]

اخوي اذا تبي اطلع ترم على احسابك وحول ويرجعولك افلوسك واذا ماتقدر الله يعينك بس الحلو فيها انك تختار

اي جامعه تبي وتقراء عن الجامعه او الكليه التقنيه الي تبيها

وشكرا

[مهندس إالكترونيات]

أبدا ياعزيزي مين قال لك إنو مافي إلكترونيات في برنامج الملك للإبتعاث الخارجي
تخصص الإلكترونيات موجود بالبرنامج لكن يندرج تحت تخصص الهندسة الكهربائية
تجد الهندسة الكهربائية وتنقسم الى ثلاث أقسام وهي كهربائية واتصالات والكترونيات وأنا أخوي مبتعث حاليا من الدفعة الأولى من برنامج الملك تخصصه إلكترونيات ومكان دراستهم في بريطانيا وتحديدا اسكتلندا وأمورهم ماشية...
فقط ماعليك إلا شد حيلك وضع الشي هذا ببالك وصدقني راح توصل لها!!!!
الله يوفقك باين إنك متحمس للهندسة من اسمك

[إن شاء الله أكون مهندس]

اخوي اذا تبي اطلع ترم على احسابك وحول ويرجعولك افلوسك واذا ماتقدر الله يعينك بس الحلو فيها انك تختار

اي جامعه تبي وتقراء عن الجامعه او الكليه التقنيه الي تبيها

وشكرا


الله يعطيك العافيه اخوي على التوضيح
والله يكتب اللي فيه الخير

دعواتك يالغالي

[إن شاء الله أكون مهندس]

أبدا ياعزيزي مين قال لك إنو مافي إلكترونيات في برنامج الملك للإبتعاث الخارجي
تخصص الإلكترونيات موجود بالبرنامج لكن يندرج تحت تخصص الهندسة الكهربائية
تجد الهندسة الكهربائية وتنقسم الى ثلاث أقسام وهي كهربائية واتصالات والكترونيات وأنا أخوي مبتعث حاليا من الدفعة الأولى من برنامج الملك تخصصه إلكترونيات ومكان دراستهم في بريطانيا وتحديدا اسكتلندا وأمورهم ماشية...
فقط ماعليك إلا شد حيلك وضع الشي هذا ببالك وصدقني راح توصل لها!!!!
الله يوفقك باين إنك متحمس للهندسة من اسمك

اها الحين عرفت لأني كنت مستغرب ليه مافيه تخصص الكترونيات في برنامج الملك عبدالله للإبتعاث الخارجي
لأني قريت التخصصات ومالقيت تخصص الكترونيات
مشكور يالغالي على التوضيح والله يجزاك خير طمنتني كثير

الله يوفقك انت وأخوك وجميع المسلمين يارب

عندي سؤال الله لايهينك وش الشروط اللي طلبوها من اخوك لما قدم على البرنامج وهل فيه اختبارات ياريت توضحلي يالغالي واتمنى تسامحني لأني ازعجتك معي يالغالي

[مهندس إالكترونيات]

الله يعافيك حبيب قلبي
الله يوفقك وييسر لك أمورك حط الهدف هذا براسك وصدقني راح توصله والله يالدبلوم مايسوي لك شي
بالتوفيق.........

[مهندس إالكترونيات]

أبد عادي يالغالي اسأل بأي وقفت واعذرني اذا تأخرت بالرد لأني ماأدخل بالمنتدى كثير
عالعموم قبولهم حسب المنطقة اللي أنت متخرج منها على سبيل المثال أخوي معدله 4.30 متخرج من كلية أبها وفيه ناس مثلا معدلاتهم أعلى بس مانقبلوا يعني قبولهم على حسب احتياج المنطقة لأنك في النهاية راح ترجع تدرب في المنطقة اللي تخرجت منها ...
اذا كانت الشروط منطبقة عليك اللي تنزل عالموقع وقت التسجيل تبدأتسلم أوراقك للمطابقة وطبعا لازم من الروحة والجيه والقروشه شوي بعد مايطابقون أوراقك كاملة وركز على انو يكون عندك توصيات من الدكاترة الموجودين بالقسم على انهم ينصحون بالسمااح لك بإكمال الدراسة وترفقها مع أوراقك أثناء المطابقة لأنها كثير مهمة وبعدها راح يعلنون اسماء المرشحين اللي أوراقهم سليمة أثناء المقابلة
راح يخلونكم تحضرون دورة تهيئة لمدة 4 أسابيع على الحسب المنطقة اللي تبي عندك الرياض والشرقية وجدة وتكون دورة تعريفية للدولة اللي راح تدرس فيها وكيف حياتهم وكيف تتجنب المشاكل وفيها كمان دورة لغة انجليزية مفيدة وعليها شهادة أهم مافي هذي الدورة الحضور لأني سمعت في ناس غابوا بس يومين استبعدوهم لذلك لاتغاب ولا يوم ومافيها اختبارات مشروطة عشان تنقبل نهائيا مجرد اختبارات لتحديد مستواك في اللغة بس اللي يحضر تمام يعديها وينقبل نهائيا وبعدها تكمل اجراءات السفر وراح يدلونك خطوة بخطوة ويتواصلون معك عالجوال وأمورك تتسهل الى يوم بدداية الدراسة.........شي لايوصف بالاهتمام الللي لاحظته
أتمنى اني شرحت لك المطلوب واي استفسار أنا حاضر >>>>>طبعا في برنامج الابتعاث هذا ميزة انو انت ترجع على وظيفتك وهذا شي ماتحلم فيه ........
تقبل مروري