البكالوريوس الكليه التقنيه غير معتمد وش الحل

[*︾ﻧﺠﻢﺍﻟﻏﺮﺑﻴﻪ︾*»]

:24:السلام عليكم ورحمة الله وبركاته

ياشباب انا اليوم كلمني زميل لي يبي يفصل من البكالوريوس ويوم قلت ليش تبي تفصل قال لي ان الشهاده غير معترف فيها في وزارة التربية والتعليم وبعد غير معترف فيها في في الخدمه المدنيه وراح يطوي قيده وهو متاكد من كلامه والسبب انها كانت من قبل معتمده والحين ترم ثلاثي غير معتمده في وزارة التربيه والخدمه المدنيه عشان عدد الساعات :(:(والي عنده اي معلومه تكفون لا تبخلو علينا يعني الحين ماعندنا غير الشركات فقط

[THANK YOU]

يا عمي ايش تيغى بوزارة التربية والتعليم

وايش تيغى بالخدمة المدنية


خلهم في ستين داهية المستقبل والرواتب والمميزات في الشركات

تبي تصير مدرس وراتبك 6000 الاف

او تتوظف في شركة وراتبك على اقل تقدير 12000 الف ريال

وثلاث رولتب بدل سكن ومكافأة التقييم وبدل النقل هذا اذا ما اعطوك السيارة


يعني لو تقعد تترجى هالوزارتين راح تموت ما توظفت...


علمك خويك وخله يكمل الا اذا كانت الدعوى تكسير مجاديف فهذا شي ثاني.

[مختلف جدا]

الوظايف في القطاع الخاص

اترك عنك الحكومة

[زيــآدِ]

كلام خويك غير صحيح وكيف تقول متأكد من كلامه وكلامه بدون مصادر

لا تآخذ بكلام خويك الا اذا جاب لك مصدر لكلامه من وزارة التربية والتعليم ومن ديوان الخدمة المدنية

تصنيف بكالوريس الكلية التقنية في ديوان الخدمة المدنية حسب معلوماتي على المرتبة السابعة الدرجة الاولى

[روح محلقه]

السلام عليكم ورحمة الله وبركاته

احب اعلق على الموضوع

ليه يدرس دبلوم & ويخسر وقت كبير وجهد ومصاريف الدراسه نسى كل هذا ناهيك عن غثا الملعلمين

والتعب النفسي

الان جاي يبي يفصل شي غريب جدا


وبعد ايش بعد ماخلص الكورس المكثف


خله يكمل ويحاول يكمل ماجستير باي جامعه بكذا يكون غير اسم الشهاده والكليه التقنيه يجي بدالها

جامعه ثانيه

لانهم ينظرون لاخر شهاده ويكون كسب وقت وشهاده جديده واسم جامعه جديد ونا سمعت ان جامعة

الملك سعود

فيها ماجستير

الله يهديه ومثل ماقالو اخواني طز في الخدمه المدنيه ارامكو وسابك ومصلحة المياه والكهرباء افضل

مليون مره

لان عندهم مميزات وياخي مثلهم مثل غيرهم بل افضل لاتنسى التامين الطبي والبدالات الممتازه واهم

شي راتب

تقاعد ممتاز جدا

اتمنى التوفيق للجميع

[رفيع الشان]

اصلا من أول التعليم مايتجه خريجي الكلية التقنية لهم من زماااااااااان


لان خريج البكالوريس التقني كيف ينقبل في التعليم


مافيه الاتخصص حاسب فقط اللي ممكن نقول ممكن يتجه للتدريس

لكن من اللي معه عقل مهندس بالبكالوريس ويروح للتعليم يدرس ابتدائي!!!!

وبخصوص وزارة الخدمة الشهادة لديها معتمدة

لو فرضا عدد الساعات أقل في الثلثي ممكن اكون معك نوعا ما


لكن اكثر عن السابق

يعني اشمل ومكثف اكثر


موفق

[زيــآدِ]

بكالوريس الكلية التقنية معتمد من ديوان الخدمة المدنية :65:

ارفق لكم مثال لوثيقه وظائف تقنيي هندسة الحاسب الالي فيها تصنيف الوظائف المخصصة لخريجي بكالوريس الكلية التقنية تخصص حاسب آلي..

ملاحظة / في آخر الوثيقه مكتوب التصنيف ( يشمل درجة البكالوريس من الكلية التقنية بالرياض التابعة للمؤسسة العامة للتعليم الفني والتدريب المهني أو ما يماثلها من كليات التقنية الأخرى من داخل المملكة وخارجها)..

:89:

[a07z]

زيـآد , كفّيت ووفّيت

الله يوفقكم جميعاً

[*︾ﻧﺠﻢﺍﻟﻏﺮﺑﻴﻪ︾*»]

السلام عليكم ورحمة الله وبركاته

يا شباب انا اتكلم عن الوضع الحين مو قبل قبل صح كانت الكلية لها وضعها لكن انا اتكلم عن وضع الكلية بعد الترم الثلاثي الان الخبر هذا الحين يوم الاحد 9\6\1431 الي يعرف احد تخرج من البكالوريوس هو الي راح يقول لنا
انا بالنسبه لي هذا كلام زميل لي ويدرس معي نفس التخصص لكن الله يكتب الي فيه الخير

[رفيع الشان]

الثلثي الان توه مطبق واول دفهة بتخرج يبي لها سنتين تقريبا


كيف حكمتوا قبل الفترة هذي؟!!!!

[m.s.h-m.s.h]

أخواني لا تشيلون هم المؤسسة تعمل على تطوير أنظمتها مو تخريبها

بعدين يكفيك انك مهندس تقني أنا عن نفسي مقتنع كل القناعه شهادة عظيمه وتستاهل اتعب علشانها

ولو ماهي معتمدة فلوسكم ترجع لكم مثل دبلومات احدى الجامعات السعوديه الكل سمع فيها

توكلو على الله والله يوفقكم وايانا.

[مغرز بالكليه]

قسم بالله ان الطااالب اغبياااء وقوووة اشاعات

انت دلخ وخويك ادلخ منك

وووصلت حدي من التخلف اللي احنا فيه

[THANK YOU]

يا مغرز تعوذ من الشيطان


كل واحد يشتغل علي اللي في باله ولا عليه من كلام الناس

انت لك هدف وراح تحققة ان شاء الله اذا اجتهدت.

[*︾ﻧﺠﻢﺍﻟﻏﺮﺑﻴﻪ︾*»]

قسم بالله ان الطااالب اغبياااء وقوووة اشاعات

انت دلخ وخويك ادلخ منك

وووصلت حدي من التخلف اللي احنا فيه

السلام عليكم ورحمة الله وبركاته
جزاك الله الف خير لكن راح تثبت لك الايام واذا تعرف احد في ديوان الخدمه او وزارة التربية اساله عن هذا الكلام

فمان الله

[THANK YOU]

نجم الغربية


خلاص وانا خوك يكفي تحبيط في نفوس الطلاب هم لاقينها من فين والا من فين


احب اذكرك بأخواننا المتخرجين قبلنا

اللي مهندس في الاتصالات واللي مهندس في سابك

واللي ضابط ويا كثرهم

واللي على المرتبة السابعة فب الخدمة المدنية


يعني كل واحد رزقه بيجيه بيجيه لا يخاف

الواحد مو ميت باقي له لقمه واحده ما اخذها

نسوي اللي علينا والتوفيق من عند الله جل جلاله.

[عمر ابن ابوه و امه]

وكلت في رزقي على الله خالقي
وأيقنت أن الله لا شـك رازقـي

وما يك من رزقٍ فليس يفوتنـي
ولو كان في قاع البحار العوامق

سيأتي بـه الله العظيـم بفضلـه
ولو لم يكن مني اللسان بناطـق

ففي أي شـيءٍ تذهـب حسـرةً
وقد قسم الرحمن رزق الخلائـق

يقال انها للشافعي رحمه الله

[*︾ﻧﺠﻢﺍﻟﻏﺮﺑﻴﻪ︾*»]

السلام عليكم ورحمة الله وبركاته
ياشباب انا والله مو قصدي كذا لكن ليش يضحكو علينا ندفع واخرها يقولو لنا توكلو على الله طيب يوضحو لنا فقط الان الحين اذا سكتنا على هذا النقطه مراح نستفيد اذا تخرجنا من الكلية ارجو ان تفهمو قصدي

[Azoz1]

اشاعه لا اكثر ولا اقل

وكلامك هاذا راح تحبط ناس كثير

[تكنولوجي]

نا اوافق على كلام الشباب او ردودهم بصرحه ماقصرو الشباب والقرار لك اخي

ونا انصح بإنك تكمل وتوكل على الله

[الخطر القادم]

الله يجزاك خير

[التقنية مستقبل الوطن]

سلاااااااااااااااااااااااااااااااااااااااااامات يأخ نجم خلك من الاشاعات واذا انت تعرف ان أعلى موسسات تعليمية في المملكة ثلاث هي
1-وزارة التعليم العالي
2-وزارة التربية والتعليم
3-الي موسسة العامة للتدريب التقني والمهني
انت عارف نتبع الثالثة الا هي الموسسة وحبيبي موضوع الثلثي زيادة الساعات وكلنا نفهم ان الموسسة تعيش صراع داخلي للتطوير والترقي بالمستوى التدريبي اما غير معترف من الخدمة المدنية او غيرها من الدوائر الحكومية هذه مستحيله كيف الدولة تنشئ قطاعات ومافي بينها تنسيق وليش مجلس الوزراء كل اسبوع يجتمعون .احب اقول ان الكلام سهل واللسان مايصعب علي شيء .اما بالنسبة للوضع الحالي ابشرك هناك موظفين مدنيين في البحرية على المرتبة التاسعة وتابعين للخدمة المدنية ويانجم زيادة الساعات والنظام الثلثي كان هدف للموسسة للوصول الى المعايير العالمية للتدريب التقني وتحويلها الى وزارة ولا تخاف من المجهول ولا عليك من اي قطاع سواء حكومي او خاص لأن شهادة البكالوريس للكليات التقنية تسجل صاحبها تلقائي في الجمعية السعودية للمهندسين وتكون ملزمة بالأشخاص الذين يحملون شهادات الهندسة يعني مثلك مثل خريج كلية الهندسة ويمكن ماسمعت عن الجمعية لكنها موجودة مثل باقي الجمعيات السعودية واسالك هل شفت طبيب ولا دكتور يحمل شهادة طب عاطل ولا مهضوم حقة لأن وراءه جمعية الاطباء السعودية ونحن مثلنا مثل باقي المهن واتمنى اشوفك مهندس كبير وشكرآ

[شهيد الكلية]

انا متخرج من الكلية التقنية بالرياض بالنظام الثلتي الاخير ولله الخمد تعين

بوظيفة حكومية المرتبة 7 الدرجة 1 بواسطة ديوان الخدمة المدنية .

وشكرا

[THANK YOU]

بيض الله وجهك يا شهيد الكلية

الله يوفقك في دينك ودنياك


فيه ناس ما تخاف الله حاسوا في الطلاب اشاعات وبلبة مالها داعي

اللي وده يدرس حياه الله واللي ما وده يدرس الله يحفظه

واللي ما قدر يدرس لضعف مستواه العلمي ووده يعكر جو الطلاب و يكسر مجاديفهم من ناحية الكلية الله

يريحنا منه ...

[ابومهند]

انا اتذكر انه نزل اعلان في الكليه

يقولون كل طالب من الي يدرسون في البكالوريوس يدفع 500 ريال عشان محامي

يقاضي وزارة الخدمه المدنيه عشانها ماتعترف ببكالوريوس التقنيه

[ابو داحش]

انا اتذكر انه نزل اعلان في الكليه

يقولون كل طالب من الي يدرسون في البكالوريوس يدفع 500 ريال عشان محامي

يقاضي وزارة الخدمه المدنيه عشانها ماتعترف ببكالوريوس التقنيه

قوووويه ...

الله لايهنك صور لنا الاعلان الي تقول عنه ..؟

مستحيل الخدمة المدنية ماتعترف ببكالريوس انت كلامك كانك تقول جامعة الملك سعود ماتعترف فيها !! مافيه فرق ؟كلها تابعه للحكومه

[ابومهند]

^^^^^
لا اسمحلي الأعلان هذا شايفه وشافه اكثر من واحد

الكلام هذا الترم الي طاف

وشالو الاعلان طبعا الحين

كان بودي اني اصوره

[THANK YOU]

يا شباب اسمعوا

اخونا شهيد الكلية


يقول توظف بالمرتبه السابعه الدرجة الاولى


كيف غير معترف فيها


طبعا الاعلان اللي ادفع عشان نكلف محامي هو عشان يعترفون باننا مهندسين فقط لا غير يعني يكون مسمانا

مهندسين تقنيين... افهموا صح بعدين تكلموا.

[ابو فيافي]

تأكدوا من الخبر وبعدين صرحوا اعلامياً عبر الصحف او النت

[كلي جروج منك]

الله يصلحك ياللي كاتب الموضوع والله انك تسبب معمعه ع الفاضي

اعمل اللي عليك والباقي على من بيده الرزق

[ودود0]

يالله ترزقنا الرزق الحلال وتبارك لنا فيما ترزقنا
ان شاء الله اخلص التدريب الميداني ونتوظف على طول

[طالب بكالوريوس]

السلام عليكم

أتمنى من البعض عدم اشاعة مثل هذه الاشاعات التي لا اعلم سببها ..

من قال بأن بكالوريوس الكلية التقنية غير معترف به ..

ثانيا مسمى الشهادة بكالوريوس هندسة تقنية وللمعلومية فقط نحن ندرس ما يقارب 177 ساعة البكالوريوس مع الدبلوم اما الجامعات 121 ساعة تقريبا ارايتم الفرق ...

ثالثا المشكلة تكمن في وزارة الخدمة المدنية في المسمى الوظيفي حيث بعد اطلاعي على بعد وظائلف الخدمة المدنية وجدت أن خريجي بكالوريوس الكلية التقنية يكون مسماهم " تقني هندسة " ..
مع ان هناك قرار صادر من مجلس الوزراء بهذا الخصوص باعتماد خريجي بكالوريوس الكلية التقنية كمهندسين تقنيين ويعطون من المزايا ما يعطى لخريجي الهندسة في الجامعات السعودية وسبق أن وضعت صورة من القرار في موضوع مستقل بين طيات صفحات هذا المنتدى ..

للمعلومية فقط أنا الآن أطبق في المؤسسة العامة للخطوط الحديدية و أعامل معاملة المهندس وتتم مخاطبتي بالمهندس ويوجد شركات كثيرة تعترف بشهادتنا و بالنسبة للخدمة المدنية كما ذكر الاخوان يعين خريج البكالوريوس بالمرتبة السابعة الدرجة الاولى المشكلة تكمن كما ذكرت سابقا في المسمى الوظيفي في ديوان الخدمة المدنية ...


عموما البكالوريوس أفضل من الدبلوم من حيث توفر الوظائف و أفضل من حيث الراتب وفي النهاية مكتوب على الشهادة شهادة بكالوريوس هندسة ... واي شخص يحمل هذه الشهادة يعتبر مهندس ...

ويكفي اشاعات ملينا من الاشاعات المحبطة ...

[*︾ﻧﺠﻢﺍﻟﻏﺮﺑﻴﻪ︾*»]

اخوي طالب بكالوريوس هذا المؤضوع قديم له سنه