أيهما أفضل برأيك ؟؟؟ ويندوز فيستا ولا اكس بي

[TAM BOY]

السلام عليكم ورحمة الله وبركاته
كيف حالك يا شباب
السالفة وما فيها إني حاب أشوف طلاب الكلية وش يفضلون فيستا ولا اكس بي؟
صراحه أنا جربت فيستا على جهازي وياليتني ما جربته... ماعجبني لأنهم مهتمين بالواجهه الرسومية أكثر من الأداء وجربت عليه بعض البرامج ما تشتغل
وكثير مهندسين في الكلية يأيدون كلامي
ياليت تتحفونا بأراءكم حول هذا الموضوع:)
أخوكم /TAM BOY

[HaMaD]

سلام عليكم
يعطيك العافيه
طبعا انا لي زمن مع الاكس بي و تعودت عليه
جات القنبله الفستا و كان رائع في كل شي بصراحه
لكن للأسف فشل في نواحي ما كانت موجوده بالاكس بي
مثل عملية النسخ و التوافق مع اغلب البرامج
و بيني و بينكم احس نظام الفستا تحجير ماهو تخيير
لانه يجبرك على برامج الجديده فقط ايضا مايكروسفت تحاول تحتكر الاجهزه المحموله الجديده بهذا النظام
بحيث انها تنزل معها ولا يعطونك تعاريف يعني الفستا فيك فيك
و حاليا نظامي فستا و احاول استحمل عيوبه
لكن انا عارف كلها ايام و ليالي و الاكس بي يرجع لجهازي

يعطيك العافيه

[TAM BOY]

والله كلامي نفس كالمك أخوي حمد

النكته قبل يومين رحت أسأل في إكسترا عن فيستا الجديد (Windows Vista ultimate)

قالولي سعره 2400 ريال:eek:
طبعاً إنجليزي

وهذا اللي مخلي أسعار اللاب توب نااااااااار

يعني لو فيه لاب توب معه ويندوز تلقاه بـ5000 ريال

لكن تقدر تاخذه بدون نظام تشغيل تلقاه يطلع لك ب3000 ريال

وركب عليه نظام لينكس (مجاني) ومن ميزات اللينكس أنه ما فيه اي مشاكل أو إختراقات

يعني لو تمسك لك فيروس وتسأله تعرف لينكس

يبي يقولك : وشو هذا :p

[=* عيوبي مزايا *=]

السلام عليكم:)

انا الصراحه اايد كلامكم ان اشتغل عالا كس بي ومرتاااااح للاخر وقلت يابوا الشباب خلك مع العالم وركب فيستا ومن قراده الحظ ركبته ومن ركبتها والجهاز كأنه سلحفاه:mad: صحيح ان الرام عندي قليله شوي بس مكفيه للاكس بي وزياده ، وبعدها رجعته للاكس بي وحطيت برنامج واجهه فستا والوضع OK,,,

ومعلومه قالها لنا الدكتور محمد المالكي/ ان بعد شهرين من اللآن راح يتوقف الدعم الفني للاكس بي من مايكروسفت ، يعني الشركات الكبيره والمؤؤسسات اللي تشتغل عالنسخ الاصلية تضطر تركب فيستا ,,

[TAM BOY]

والله أنا مثلك رجعته اكس بي وحطيت ثيمات فيستا

والمعلومه والله تخوف معقوله؟؟؟ معناها فيه خسائر غير طبيعية على الشركات والمنشأت

أنا بعرف ليه مايكروسوفت غاصبتنا عليه

كل الأجهزة الجديدة فيستا

والله يرحمك يا اكس بي

[الـفـيـلـسـوف]

انـــا صراااحة مرتــاح مــع windows xp لــكن مايــكروسوفت راح تجبــرنا على windows vista لأنها زي مــا قــال اخوي بــاد راااح توقــف الدعــم الفــني.....


وانــا زي ماسمــعت ان الvista ثقــيل وبــعض البرامــج مــا تشـتغل عليـه
لكــن الله يعيننا عليــه.....

[TAM BOY]

إذا تبون نصيحتي لا تقربون من فيستا

لينكس يا شباب خطييييييييييير وفيه منه نسخة عربية

[..الطمـ فتى مكة ـوح..]

«®°·.¸.•°°·.¸¸.•°°·.¸.•°®»فيزتا بطيء في التصفح

لذلك الإكس بي أفضل منه بكثير«®°·.¸.•°°·.¸¸.•°°·.¸.•°®»

[TAM BOY]

«®°·.¸.•°°·.¸¸.•°°·.¸.•°®»فيزتا بطيء في التصفح

لذلك الإكس بي أفضل منه بكثير«®°·.¸.•°°·.¸¸.•°°·.¸.•°®»

كلامك صحيح أخوي هامور

نورت الموضوع
:)

[DELL]

معليش اخواني كلامكم مو صحيح

انا استغل على الفيستا من 14 شهر تقريبا وما شفت مشاكل نهائيا
بالعكس كانت تجيني مشاكل في الاكس بي والان اختفت
قبل سنة كان أكبر مبرر ان البرامج ما تشتغل
اما الان كمستخدم عادي ويستخدم برامج عادية جميعها نزلت اصدارات جديده تشتغل عليه

واذا على مشكلة النسخ فهي انحلت مع نزول السرفس باك 1

هذا رأيي وبالتوفيق

[Abdullah Al-Hussain]

معليش اخواني كلامكم مو صحيح

انا استغل على الفيستا من 14 شهر تقريبا وما شفت مشاكل نهائيا
بالعكس كانت تجيني مشاكل في الاكس بي والان اختفت
قبل سنة كان أكبر مبرر ان البرامج ما تشتغل
اما الان كمستخدم عادي ويستخدم برامج عادية جميعها نزلت اصدارات جديده تشتغل عليه

واذا على مشكلة النسخ فهي انحلت مع نزول السرفس باك 1

هذا رأيي وبالتوفيق


أوافقك الرأي

ونظام فيستا لكي يعمل بالشكل الصحيح وبدون بطئ

يحتاج معالج قوي مثل الـ Core™2 Duo

وبالنسبة لعدم توافق البرامج فيه هذه مشكله قديمه

وتلاشت بوجود برامج سابقاً والان التحديثات الجديده

اصوت لنظام التشغيل فيستا ;)