عده اسأله اتمنى الاقي لها اجوبه مع الشكر

[مشعل أل خالد]

السلام عليكم ورحمه الله وبركاته
اخواني اولا اشكركم على هذا المنتدى


انا متدرب جديد قبلوني بالفصل التدريبي الثالث وتبدا الدراسه اليوم
لكن دخلت على الجدول وبالصدفه شفت هالجمله المتدرب له انذار تدريبي في هذا الفصل وش قصتها


والسؤال الثاني هل اقدر اختار جدول او انزل واحذف مواد او بالفصل الاول لي ما اقدر اسوي شي >

السؤال الثالث هل الاسبوع الاول فيه دراسه اول لا ..؟

السؤال الرابع متى يعطوني الجدول لان الجدول اللي بالموقع مكتوب فوقه ان الجدول موقت حتى استلام الجدول من المرشد التدريبي

الخامس هل فيه مكافئات ولا لا علما باني صباحي القسم تقنيه بيئه :27:
وشاكر لكم
وسوري على الاطاله

[.. شاعر الصمت ..]

و عليكم السلام ورحمة الله أخوي مشعل
حياك و بياك أولآ ..
بالنسبة لأسئلتك .. /
الجمله هذي كذا بس أتوقع كتنبيه لأني ثالث ترم الحين ونفس الجمله تجيني والوضع ماشي طبيعي :) .
بالنسبة للتعديل أذكر إنو كنت أبعدل في أول ترم لي قالوا لي لآ ما تعدل ولا شي إنت مستجد ما تقدر تسوي
أي شي جدولك هو هو .. مدري يمكن تغير نظامهم شف إسأل لما تاخذ الجدول <-- أنا أتوقع إنو عشان الترم الأول كله مواد عامه ومن هالقبيل عشان كذا يبونك تخلصها بعدين تبدآ بالتخصص .
الأسبووع الأول بيني وبينك كبببر المخددددده وخذها مني .
بخصوص الجدول تستلمه من الدور الأرضي بالقسم تحصل معمل مفتوح وعنده
طلاب من هناك تستلمه <-- حكم إني معك بنفس القسم *-* وترى يطلب بطاقة الأحوال خخخ
إيييه عاد جينا لم المكـآفآت وماأدراك ما المكافآت
أكيد فيه مكافأه وقدرها 990 ريال فقط .
أتمنى إني أفدتك أخوي مشعل وموفق إن شاء الله وأي سؤال بخصوص القسم حاضرين "إحنا في الهوا سوا"
تحياتي

[مشعل أل خالد]

اخوي شاعر كفيت ووفيت ومشكور وماققصرت ازحت عني هم كبير

طيب ما تعرف عن المكافئات بالاجازات الكبيره تنزل ولا لا خخخخ يعني بعد ثلاث اششهر اجازه يكون فيها مكافئات

[.. شاعر الصمت ..]

إيه راح يكون فيها مكافآت ، شكلك شايل هم المكافآت
بس إذا تبغى النصيحة مني لا تفكر فيها واجد لأنو راح يمرمطونك فيها ..
يعني خذ الموضوع برواقة بال .. متى مانزلت نزلت :)
أتمنى لك التوفيق و شد حيلك والله الله بالمعدل ..
تحياتي ‘

[مشعل أل خالد]

اوكي الله يعطيك العافيه وماقصرت

وعالمعدل إن شاء الله بسوي اللي علي والباقي على ربي

بشد حيلي إن شاء الله

وانت اتمنى لك التوفيق والتخرج بافضل معدل

[أبوبلقيس]

ما شاء الله والله تفتحوا النفس هذه الأخوه ما شاء الله عليكم أحترام وتقدير متبادل ومساعده أخويه لله

الله يوفق الجميع

مع خالص الشكر والتقدير

أبوبلقيس