سؤال بخصوص القوى الكهربائيه,, الفزعه

[al_saher_19]

السلام عليكم ورحمة الله وبركاته

شبــاب عندي سؤال فاقع المراره عندي :24:
الحين انا تخصصي قوى كهربائيه(خطوط ارضيه) << ليش خطوط ارضيه
عشان احنا متدربين شركة الكهرباء وما درسنا الا سنه بالكلية والسنه الثانية بمعهد الشركه
والمواد اللي درسناها بالسنه الثانيه بالمعهد تم معادلتها من الكلية وعلى هالاساس جانا الدبلوم من الكلية

بس السؤال الموووهم
الحين لو مثلاا فكرت اني اكمل بكالريوس ,, اقدر اكمل ولا لا

يا رب الاقي رد وما تسمعوني سيفون :d

[جسار]

هلا بك اخووي الساهر

وما عاش احد يسحب عليك :p

اما الاجابه على استفسارك

التخصص فهذا تخصصك مباشرة بعد الدارسه

لانك اكيد تعرف شركة الكهرباء فيها اكثر من تخصص خطوط ارضيه وخطوط هوائية وتوزيع وغيرها

اما الدبلوم فهو لشركة فقط مو لك :mad:

يعني مثلا لا سمح الله لو فصلت من الشركة ترجع على شهادتك الثانويه وهذا الشي اتمنى انو ما يحصل معاك :)

اما من ناحية انك تكمل دارستك ما فيه :21:

لازم تدرس في الكلية التقنية للدبلوم من جديد :eek:

وبعد ما تاخذ شهادة الدبلوم تكمل دراسة البكالوريس :21:

لكن قبل هذا كله انه لازم تاخذ موافقه من الشركة ولازم توقع على اوراق انك بعد ما تحصل

على الشهاده انك ما تطالبهم باي زياده في الترقيه او في الراتب :mad:

واي استفسار انا حاضر

[al_saher_19]

والله يا شيخ ما تقصر انا داري وراي رجاجيل هنا ,, هع

بس انت ما فهمت علي انا وش قلت بالزبط بموضوعي

احنا تحت برنامج خاص بين الكليه التقنية ومعهد شركة الكهرباء
ندرس السنه الاولى بالكلية التقنية والسنه الثانيه نكملها بمعهد الشركه

البرنامج له ما يقارب اربع سنوات
وفي العام الماضي اللي هو كان على دفعتنا
جاء على حظنا ان الكلية التقنية امرت معهد الشركه انه يغير المنهج بالسنه الثانيه لنا
بحيث يكون شبيه بنهج الكلية التقنيه
عشان الكلية تعادلنا دبلوم وتعطينا اياه (بعكس الدفعات اللي قبل دفعتنا كانت الكلية تعطيهم بس السجل الاكاديمي بالمواد اللي درسوها بالسنه الاولى عندهم والسبب زي ما قلت اختلاف كبير بالمناهج,, معهد الكهرباء مركز بالمواد العمليه بنسبه كبيره ومتجاهل النظريه)

بس بعد ما غيروا الشركه المنهج وصار شبيه بمنهج الكلية
صار الوضع انه راح يجينا دبلوم الشركه ودبلوم ثاني اللي هو من الكلية
طبعا كل الدبلومات راح تكون عند الشركه الين ما نشتغل سنتين (المدة الموازيه للدراسه) بعدين يحق لك تاخذ شهاداتك
بس ما يهم للأن البكالوريوس الموازي يكتفي بالصور المصدقه من الوثيقه والسجل << وهذي وضعها سهل نجيب لهم صور مصدقه

وسالفة ان الشركه توقعنا على تعهدات فما عليكم منهم ما عندهم الا الهياط
والكهرباء مش اخر الدنيا يا كثر الشركات

بس السؤال الحين تخصصي قوى كهربائيه وزايدين عليه بين قوسين (خطوط ارضيه) << هل التخصص اقدر اكمل فيه ولا لا

سوري عالاطاله ,,

[al_saher_19]

والحين متدربين الكلية التقنيه بالقهوى الكهربائيه
ما يخصصوهم زينا خطوط ارضيه ولا هوائيه ولا توزيع ... الخ

او يكون اسم التخصص فقط قوى كهربائيه بدون زيادات
انا لما سألت مدرس عندنا بالكلية قال يحقلك تكمل بكالوريوس عادي

بس انا حبيت اتأكد واشيل الشك

[جسار]

اذا تبي تشيل الشك اسال مرشدك في المعهد الكهرباء هو اكيد عنده الجواب الكافي من ناحية التكملة الدراسه
اما من ناحية التخصص ما عليك كلها تندرج تحت التخصص قوى كهربائية

[al_saher_19]

اذا تبي تشيل الشك اسال مرشدك في المعهد الكهرباء هو اكيد عنده الجواب الكافي من ناحية التكملة الدراسه
اما من ناحية التخصص ما عليك كلها تندرج تحت التخصص قوى كهربائية



عداك العيب يا كبير
السبت بمداهم مكتبه الله لا يعوق بشر

[engineer.3sl]

اخوي بالنسبة للتكملة بالكلية ما اتوقع
لان الكلية تخصص الات فقط للبكالوريوس وقوى للحين مافتحوا لها قسم خاص بالبكالوريوس
بس اذا فيه بكالوريوس بنفس المعهد الخاص بالشركة بيكون من نصيبك
تخصصك له مكان واحد وهو الابتعاث .. شد حيلك وتاخذ نصيبك

[al_saher_19]

اخوي بالنسبة للتكملة بالكلية ما اتوقع
لان الكلية تخصص الات فقط للبكالوريوس وقوى للحين مافتحوا لها قسم خاص بالبكالوريوس
بس اذا فيه بكالوريوس بنفس المعهد الخاص بالشركة بيكون من نصيبك
تخصصك له مكان واحد وهو الابتعاث .. شد حيلك وتاخذ نصيبك

الف شكر حبيبي على ردك
بس ما ادري وشو مصدر كلامك,, ؟
لاني اللي اعرفه ومتأكد منه إن تخصص القوى الكهربائيه وتخصص الألات والمعدات كلهم يحقلهم التقديم على بكالوريوس (القوى والات الكهربائيه)

** برنامج البكالوريوس : (الهندسة التقنية) **
الاقسام : قسم التقنية الكهربائية
التخصص : القوى والات الكهربائيه
المؤهل الدراسي المطلوب : الشهادة الجامعية المتوسطة من إحدى الكليات التقنية بالمملكة تخصص (القوى الكهربائيه)، أو (الآلات والمعدات الكهربائية)



المصدر :موقع الكلية: http://www.rct.edu.sa/?p15

[ضامي الشوق]

يقصد في كلية اعداد المدربين مافي تخصص قوى كهربائية اما في الكلية التقنيه في قوى كهربائية موازي فقط

[engineer.3sl]

^_^
مثل ماقالك خيي ظامي الشوق
موازي بس فيه قوى بس غير الموازي مافيه
انا اعرف دكتور وقالي هالشي لانه هو يسوي المنهج الخاص
بكلية المتدربين التقنيين
وقال هم ودهم يفتحون قسم قوى لكن المدرسين مايكفوون محتاجين مدرسين(مؤسسة بكبرها ماتقدر تجيب مدرسين )