أفضل مدرسين لغة انجليزية (تخصصيه 2) .. تفضل وشارك

[اهـ1ـم]

السلام عليكم ورحمة الله وبركاته



كيف حالكم ، ان شاء الله مرتاحين ..






بما ان الترم قرب ينتهي وبيبدأ ترم جديد .. فـ حبيت اسألكم .. عن أفضل مدرسين اللغه الانجليزية " تخصصية 2 " ..



يعني سمعت فيه اثنين يمكن شادين على الطلاب ، واحد الرشيدي والثاني القصير ابو نظارات اظن


اما في بعض الردود بالمنتدى يقولون فيه واحد اسمه مساعد والثاني اسمه سالم الدوسري ويمدحونه بأحد الردود ..


..



عموماً ياليت تفيدوني وتفيدون الجميع نبي نجمع معلومات بما انه تعديل الجداول ماباقي عليه الا اسبوعين ثلاثه تقريباً


ياليت كل من يدخل يذكر لنا اسم مدرس وكيف وضعه ونظامه .. :22:


تخبرون نبي معدل ونبي مدرسين مهوين وكويسين :29:



يالله همتكم :p

[الـعـمـيـد]

والله يا حبيبي انا درست انجليزي عامة عند رائد الزامل وافضل مدرب مر علي

طبعا تخصصية 1 درسني الهويريني بس ماش مو مثل الزامل

واتمنى اني ادرس تخصصية 2 عند رائد الزامل


بس فيه ةاحد يمدحونه الشباب يقال له الحديثي

[اهـ1ـم]

الله لا يهينك


ننتظر ردود البقيه ..

[حمودي707]

اخوي انا ادرس عند الرشيدي وممتاز لكن نشوف النتائج بعد اسبوعين ولنا رد اخر في اخر الترم

[m m m]

والله اخوي

حالين ادرس مع الحديثي

وبطل والله بطل تبي النصيحه عليك فيه

عند الاختبارت من اسالة اخر كل وحده ونفسها مايغير شي

وعلى قولته ماعندك غياب الترم اعفاء عن الاختبار

وعندك الغياب انسى تاخذ حرمان عنده

يعني في الاسبوع احضر يوم عادي عنده

بس انصح كل واحد ماخذ تخصصيه 2 يروح له

[كآظم السآهر]

أنا ادرس عند محمد ابو زيفه والله يا اني جايب العيد عنده ماعدى الواجبات :(
الله يستر بس ..
وتدريسه ماش كل شرحه أنجلش × انجلش مايتكلم عربي قليل جداً !

[معشعش بمبنى 5]

وعليكم السلام ورحمه الله وبركاته

ابشرك الحال عال العال .. :89:

وتسآنك تبي نصيحتي والعلم اللي يجمد على الشارب ، رح للدوسري وماجاك عندي :d

أكيد بتقول ليه امدحه !؟ < طبعاً يحق لك تسألني :22:

ياطويل العمر والسلامة : يكفيك إن الإختبارات الشهرية دامجها بـ إختبار واحد < درجته إذا مانسيت 40 ..

تطلع الحسبة تسذا = 40 إختبار شهري + 5 حضور + 5 مشاركة + 50 إختبار نهائي = 100 المجموع < إفلقني تجيبها :89:

بس إن شاء الله تجيب أعلى الدرجات :88:


وقبل كل شيء .. انا أتكلم هـالكلام عن تجربة سابقة ( ماقبل النظام الثلثي!) اللحين مادري وش النظام عندهـ بالضبط ، وسلامتـك :89:



دؤكــــــــــ:88:

[اهـ1ـم]

يعطيكم العافيه جميعاً

ماقصرتوا .. بيضتوا الوجـه (f) ..



وعليكم السلام ورحمه الله وبركاته

ابشرك الحال عال العال .. :89:

وتسآنك تبي نصيحتي والعلم اللي يجمد على الشارب ، رح للدوسري وماجاك عندي :d

أكيد بتقول ليه امدحه !؟ < طبعاً يحق لك تسألني :22:

ياطويل العمر والسلامة : يكفيك إن الإختبارات الشهرية دامجها بـ إختبار واحد < درجته إذا مانسيت 40 ..

تطلع الحسبة تسذا = 40 إختبار شهري + 5 حضور + 5 مشاركة + 50 إختبار نهائي = 100 المجموع < إفلقني تجيبها :89:

بس إن شاء الله تجيب أعلى الدرجات :88:


وقبل كل شيء .. انا أتكلم هـالكلام عن تجربة سابقة ( ماقبل النظام الثلثي!) اللحين مادري وش النظام عندهـ بالضبط ، وسلامتـك :89:



دؤكــــــــــ:88:



يعطيك العافيه .. بس هذا مصيبه وين زين معه !!

اذا اختبار شهري 40 درجة .. طيب افرض ماجبت فيه درجه زينه !! .. انا ماعندي اشكاليه اختبر كل اسبوع .. اهم شيء المعدل :)


الشيء الثاني ما اظن فيه اختبار نهائي من 50 درجة ؟


--


يعطيك العافيه حبيبي / ننتظر البقيه ..

:88:

[m m m]

اخوي

وزودك من الشعر بيت الحديثي معطينى اربعين درجه للطلاب لك غياب وحظور ومشاركه

واما الستين الباقيه اختبارت ومن عشرين والاختبارت جب عشرين يا كمخه يطبع ويجب لك نفس الشي

[dho0o0omy]

نصيحهه اخ يتمنى لك الخير


رح للاستاذ محمد الحديثي

الصراحه من فضل مدرس مر علي في الكليه


يكفي انه ما يدقق على الاختبارات ويدف القوهـ

والشرح ما يطول والدرجات يكب كب على الطلاب ويهمه الحضور بالكتاب والسكوت

واسئلة الاختبارات من اسئلة التمارين اللي تحلها ولا يغير شيء

ولايطول في المحاضرهـ يعني اذا طول 50 دقيقه ويقول يالله مشينا

[الثائر]

عبد الرحمن الشياربه .... ونعم بها الرجال
وفهد العييدي ... لا يقل عن الأول

[حمودي707]

يا اخوي ضايق صدري من الكليه اعارضك بكلامك مو بس بالكليه التقنيه تنوع المدرسين بالجامعات الاخرى في دكتوره ماتقدر تنجح من عنده من تعامله وتدرسها عند دكتور اخر تنجح وتجيب امتياز الدكتور هو محدد لطلاب هل هو قاصد النجاح للطالب ولا متعصب من حالته الاجتماعيه ويطبقها على طلابه

[حمودي707]

بالنسبه للرشيدي ادرس عنده صراحه يبغى لنا النجاح وحبيب والواجبات بالموقع البلاك بورد يعني عليه درجات تاخذها بالراحه تدور لك على واحد حريف انجليزي وتنجح والاختبارات القصيره كلها من الكتاب يعني افضل هالمدرس من ناحيتي

[حمودي707]

افضل مدرس بالنسبه لي هو جمال الرشيدي والله يوفقه دنيا واخره في اسئلته السهله ومتساعد مع الطلاب الله يجزاه الف خير

[كلية مش حالك ..]

ياشباب عندي سؤال بالنسبه لـ هالماده ..

هل كل تخصص له مدرس معين .. بما ان اسمها " تخصصية " ؟


ومن أفضل المدرسين لتخصص المساحة او بشكل عام قسم المدنية والمعمارية

[كآظم السآهر]

أنا ادرس عند محمد ابو زيفه والله يا اني جايب العيد عنده ماعدى الواجبات
الله يستر بس ..
وتدريسه ماش كل شرحه أنجلش × انجلش مايتكلم عربي قليل جداً !

كلامي قبل النتيجه ..
كلامي بعد النتيجه :d
من أفضل المدرسين محمد ابو زيفه درست عندهم !
صحيح شرحه انجلش × انجلش ..
وكل شيء بس صدقني ما احد يرسب عنده !!
انا عطاني حقي في الانجلش ( ب ) وهذي هي الدرجه الحقيقه لي
اما التخصصيه 1 ..
درست عند عبدالرحمن الشياربه احسن مافيه مايدقق في الغياب مافيه حرمان
بس :(
الدرجات معطيني ( د ) ؟ اول مره في حياتي آخذ مقبول في الانجليزي !
على العموم الشباب نصحوك ..
وانا اقول لك عن تجربه ماقبل الاختبار والنتيجه وبعد الاختبارات والنتيجه ،،
محمد ابو زيفه : أبطل مدرس انجلش تخصصيه 2 : ،،
ومدحه لي هنا عضو نكه ( كارلوس أنجلش ) ..
بالتوفيق لك :88:

[m m m]

ارجع لكم ابشركم

الحديثي عطاني أ

معن مامن حل في الاختبارت ولا شي والقرايه نص قرايه

والله مقصر والى عنده تخصصيه 2 يذهب اليه

[كلية مش حالك ..]

اخواني هل كل تخصص له مدرس خاص فيه او لا !!

[ابو حمد التميمي]

الجواب لا

ياشباب من عنده كتاب انجليزي تخصصيه 2 ومايبيه ياليت يراسلني ع الخاص

[كلية مش حالك ..]

يالله ياشباب بكره تعديل

عطونا مدرسين كويسين :d

[الحنيني]

جمال الرشيدي وبس

[°¨¨™¤¦ الزمن قآسي ¦¤™¨¨°]

رررررررررررررررح لجمال الرشيدي الله يوفقه دنيآ وآخره وقسسسسم بالله مافيه زيه بطيبة قلبه والدرجات اللي يعطيها الطلاب وسواليفه ازين مدرس درسني بالكلية هو والله ..!!!

[goldn booooy]

اهم شي لا تروح عند سلطان المروان انتبه انتبه انتبه اذا تبي تنجح مو معدل الله يكون في عونك لو تروح عنده

[طفش]

حمود البطي افضل مدرس بكليات التقنيه في المملكه الله يوفقه دنياء واخر وربي ينور دربه ان شاء الله

تدرس عنده تظمن النجاااح باذن الله اسال مجرب ولاتسال ....!