ضم صوتك الى صوتي لإلغاء الرسوم..؟

[THANK YOU]

السلام عليكم ورحمة الله وبركاته


اخواني متدربي البكالوريس الموازي


اتمنى ان تضموا اصواتكم الى صوتي لنلغي الرسوم.

نسوي حملة ( بلا رسوم )

يا اخوان الموضوع جيد جدا وسوف احاول ان اشرك الصحافة في الموضوع اذا اكنمل

اريد اكثر من 100 رد على الموضوع واريد ناس تساعد على ذلك

يعني اذا طلبناهم يجون نريد تنسيق ممتاز ونضع رئيس للحملة
واعضاء الى ان تلغى الرسوم

فهل تؤيدوني


نبغى ناس تصمل فقط نبغى شغل مرتب لأنه سوف نحدد موعد معين نجتمع فيه ونسجل اسمائنا في ورقة مع التوقيع ونرسلها الى الملك والى محافظ المؤسسة والى الجرايد الورقية والالكترونية..



واللي يرى في نفسه انه يقدر يكون رئيس للحملة بمعنى الكلمة ويهتم بمتابعتها طبعا بتظافر الجهود يكتب رد بذلك ويرشحونه الاخوان ويثبت وتوكل اليه المهمة بالمتابعة

وكذلك ترشيح 3 اعضاء معاونين له.
:65:

[عآطل]

كلام جميل

سر ونحن خلفك

[a07z]

القافله تسير والكلاب تنبح هههههه

شطحه

يالله حنا معك الله يقويك وانت رئيس الحمله ع بركة الله

[THANK YOU]

يا شباب ابي تفاعل اكثر من كذا الا اذا كنتوا مرتاحين فعاد هذا شي ثاني

ههههههه

يا a07z

نشوف الردود اول بعدين نحدد من هو رئيس الحملة

لكن نبي تفاعل عشان نصمل

[C0o0L]

معكم معكم معكم

[بدر88]

الهمه الهمه معاااااااااااااااااااااااكم

[THANK YOU]

مشكورين يا اخوان على المرور المساندة

وان شاء الله انه يكون ترتيب محترم عشان نرفعها لابو متعب

وكعادته ان شاء الله انه ما يقصر ويشيلها عنا.





لكن يا اخوان فيه معلومة سمعتها ما ادري صحيح او لا.

( انه فيه لجنة راح تجتمع في شه خمسة في الكلية لمناقشة الرسوم وتخفيضها

فما ادري هل هذا الكلام صحيح او لا ....؟؟؟

[engineer.3sl]

كلام جميل ياباشا...
والله يعين اخوان اللي راحو ودفعوا للمحامي عشان تعديل مسمى الشهادة
المفروض الكلية هي اللي تتابع وتدفع مو الطلاب
كلية بكبرها ماتدفع خمسين الف عشان محامي
وتدفع مليارات عشان مشاريعها
المهم اخوي موضوعك اتمنى مايفقد قوته
ولو تقدر تخلي 100 طالب (متدرب شينة) يوقعون وتكتب خطاب للعميد كذا
راح تعطيهم دافع انهم يسوون اجتماع
اما المنتدى محد يمكـ وماندري من اللي ماسك المنتدى اصلن..
بالتوفيق للجميع...
..{كلية الخراااابة}

[abdullah07]

قدااااااااااااااااااااام يا ذيبان

[THANK YOU]

والله يا مهندس عسل ان كلامك صحيح

لكن ان اجس النبض هنا عشان اشوف فيه ناس بتصمل ( والا اذا جاء الصدق كبوني على وجهي)


يعني من الاخير ( اكل العنب حبة حبة)

نشوف الاراء في المنتدى بعدين نبدأ نشتغل بجد.


مشكورين جميعا على مروركم وان شاء الله ان الرسوم بيشيلوها او بتتخفض.

[engineer.3sl]

ياليت شيلة مؤبدة يعني اللي يدرسون بكالوريوس
قبلنا درسوا مجانا وحنا ندرس بفلوس
وش هالجشع اللي دآب عليهم..

[طالب طموح]

الله معكمــ
:88:
تحياتي

[دوار العويضة]

اريد اكثر من 100 رد على الموضوع واريد ناس تساعد على ذلك

ما ينفع كثر الردود والله محد درا عنك

[أبو إياد]

السلام عليكم ورحمه الله وبركاته


يعطيك العافيه

مهندس وليد

الجميع اكيد بيكون معكـ ولا احد راضي على الرسوم مهما كان المبلغ اللى راح يدفع

الموضوع انا من اول يوم سجلت بالكليه فكرت وقلت نرفع لـ ابو متعب الله يحفظه وان شاء الله يدفع عنا او يلغي الرسوم

على الاقل يكون مثل تجديد الابتعاث كل سنه يمدد الابتعاث خلاص يتكفل برسوم دراستنا

المهم الموضوع راح نتساعد ونوصله وانا معكم وان شاء الله نقدر نوصل صوتنا

ورجاءً مانبي احد يكسر المجاديف إذا ماهو معنا خلاص يرتاح واحنا اخوانه وراح نسعى في الموضوع والله معنا



تحياتي للجميع

[THANK YOU]

بيض الله وجهك يا ابو اياد

كذا الردود اللي تشجع وان شاء الله انه يكون لنا لقاء

اول ما تبدا الدورة المكثفة .

[أبو إياد]

هلا بكـ

مهندس وليد


ووجهكـ ابيض يالغالي

بأذن الله يكون لنا لقاء



تحياتي

[طالب طموح]

UP
UP
Up
,,
لازم نشوووف حل للمهزله هذي ..,,! :(
,,
:88:
تحيإأآتي

[THANK YOU]

هلا طالب طموح

هم اخذوا منا فلوسنا فأتمنى انها ما تلحقها اخلاقنا

نتحلى بالاخلاق سوى ان شالوا الرسوم او لا.

[حرام عليكي يادوره المكثفه]

على القوه ياخوك والله يشكر كل جهد تقوم به

وهذي بعض الابيات



واه يادوره المكثفه ياكثر فيها كلام
كيف اوصف حالتي وعبر لها
واه من الهم والغم وكثر الملام
كل يوم امشي وروح وفكر بها
واه من النوم ياناس من كثر الاحلام
مره احلم ناجح ومره راسب يارب تحلها
واه يامحمد الشهري تقول وزير اعلام
مره يصرح بها ومره يقول ماصرح بها واه كم احسب الدرجات لين جفت الاقلام مره اقول تعدي ومر اقول تبطي ماتعدي بها
واه من مدرسين الكلية مخرجي الا فلام
واحد يكتب النص واحد يمثل واحد مايدري بها
واه يابو متعب لو تالغي الرسوم وتعطيهم كلام
وش ذنب المسكين وده يكمل مايقدر لها
واه من بعد هذي الدوره ولكم مني سلام
ياكلية النكبه وش بعد باقي من النكبات بها

[THANK YOU]

على القوه ياخوك والله يشكر كل جهد تقوم به

وهذي بعض الابيات



واه يادوره المكثفه ياكثر فيها كلام
كيف اوصف حالتي وعبر لها
واه من الهم والغم وكثر الملام
كل يوم امشي وروح وفكر بها
واه من النوم ياناس من كثر الاحلام
مره احلم ناجح ومره راسب يارب تحلها
واه يامحمد الشهري تقول وزير اعلام
مره يصرح بها ومره يقول ماصرح بها واه كم احسب الدرجات لين جفت الاقلام مره اقول تعدي ومر اقول تبطي ماتعدي بها
واه من مدرسين الكلية مخرجي الا فلام
واحد يكتب النص واحد يمثل واحد مايدري بها
واه يابو متعب لو تالغي الرسوم وتعطيهم كلام
وش ذنب المسكين وده يكمل مايقدر لها
واه من بعد هذي الدوره ولكم مني سلام
ياكلية النكبه وش بعد باقي من النكبات بها

:24::24::24::24::24:



هلا بك

الله بيسرها وانا خوك

[ياليل مطولك]

من جد بس من بيعطيك باااال او بيفكر فيك

[م ابو سعود]

الله يعطيكم العافيه
وانا اضم صوتي لكم وابشروا ابكلم الشباب اللي اعرفهم لاكن انتم علمونا باللي تبغون

[THANK YOU]

لا وانا خوك شويت تفكير بس


وان شاء الله انهم بعطونا بال


نسوي حملة منظمة وبدون تكاليف او تعب الا مجهودات كل شخص

لأني راح انزل الطريقة كاملة لكن اصبروا شوي بس


وان شاء الله انها تنجح.

[ABU_SOLTAN]

نطالب تسهيل على طلاب الموازي

يعني 80 الف ويييييييين !!!

بين 20 الف الى 30 ريال يكون افضل

[THANK YOU]

كلام جدا منطقي يا ابو سلطان


ان شاء الله انها تتحقق والله ييسر الامر.

[م ابو سعود]

سر ونحن معك مهندس وليد

على الاقل يخفضون الرسوم للنصف

[THANK YOU]

ان شاء الله انها تتيسر

والله يكتب اللي فيه خير ان شاء الله.

[ABU_SOLTAN]

بين 20 الف الى 30 ريال يكون افضل


اقصد

بين 20 و 30 الف :89:

[THANK YOU]

ما انتبه لها يا ابو سلطان

لذلك انت اللي جنيت على نفسك

20 الى 30 ريال روح خذ لك نفر مضغوط حاشي احسن.. ههههه

[عبدالله العسيري]

معاكم معاكم
وأي شيء تحتاجونه

انا موجود في الخدمة

[THANK YOU]

هذا التفاعل والا بلاش

الشباب ما تفاعلوا الا يوم قرب ( الكاش ) هههه

بالتوفيق لنا جميعا.

[THANK YOU]

يا شباب فيه واحد من الاخوان في المنتدى

كتب موضوع رسوم تكملة الدراسة في كلية الجبيل الصناعية


رسوم كل ترم بـ 3000 الاف ريال


رسالة الى معالى محافظ المؤسسة



شوف 3000 الاف للترم يعني ناس تبي طلابهم يكملوا مشوارهم التعليمي بيسر وسهولة


مو يستغلوا ان الطلاب يريدون تكملة مشوارهم التعليمي بعد ان اكملوا الدبلوم اللي ما وكلهم عيش


ووضعوا للترم 12000 الف ريال

يعني احنا لقينا وظايف كويسة عشان نقدر ندفع لكم

يعني ( شين وقوي عين ) لا شهادة كويسة ولا راتب زي الناس

ومع ذك يضعون شروط تعجيزية

لكن الله بيسرها.

[مــزيــون]

ونا احد هالاصوات

بكالريوس بلا رسووووووووووم

[THANK YOU]

حياك الله يا مزبون

وبرضة بكالوريس بلا رسووم

[silent storm]

وينكم وش فيكم خملتوا

[silent storm]

صوتي لصوتكم يا بشوات

[THANK YOU]

لا ان شاء الله انهم ما خملوا


بس هدوء ما قبل العاصفة .

[عبدالرحمن الديحان]

ياشباب هل هناك خطوات عملية .. الكتابة بالمنتديات لا تكفي ..
يالله يابوخالد حنا معك بس قل وش تبي تسوي وكلنا نساعدك

[THANK YOU]

هلا اخوي عبد الرحمن


اولا حياك الله

صح الكلام كلام منتدى

ونحاول ان نخرجه من المنتديات الى الصحافه شوي شوي

يعني بالعربي الفصيح

نحاول انا نوصله الى المحافظ لكن عن طريق الاعلام

لكي يكون له وقع ومتابعة مستمرة .

واليد الواحدة ما تصفق انا ما اقدر اسوي شي لحالي

لازم نتكاتف.
ومشكور ياغالي على مرورك.

[THANK YOU]

يا اخوان

ايش رايكم نبدا الحملة تدريجيا


1- الاخوان المصممين نبي ( تصميم مسكت) عن الحملة ويكون بعنوان ( بكالوريس بلا رسوم)


وهذا اهم شي في مخاطبتنا للاعلام الورقي والالكتروني

عشان اذا نزلوا موضوع في مواقعهم او جرايدهم يكون هذه التصميم هو الصورة المعبرة.

[THANK YOU]

بعد تصميم شعار للحملة نوافيكم بالتالي.

[=* عيوبي مزايا *=]

السلام عليكم


اليوم السبت اجتماع طلاب البكالوريوس الموازي مع العميد في المسرح ،،،

ياليت لو تستغل الفرصه ونثير الموضوع امامه ، ليرفعه للمؤسسه ،،،

[THANK YOU]

متى الاجتماع انا ما عندي خبر عن الاجتماع


ويا ليت اللي عنده اقتراح او فكرة جديدة لا يبخل علينا.

[م ابو سعود]

السلام عليكم

اولا فكرة الشعار حلوه جدا

ثانيا الاجتماع اليوم متى ما احد علمنا بالاجتماع

[THANK YOU]

مشكور يا م/ ابو سعود

على مرورك والاجتماع بعد صلاة المغرب اليوم السبت 17/ 5


وبالتوفيق للجميع.

[THANK YOU]

والله يا شباب انا اقتنعت بكلام العميد

وشكل الحملة ( بتفركش )

[أبو إياد]

مرحبا مهندس وليد


افااااا وش السالفه

وش اللى اقنعكـ انكـ ترضى بدفع الرسوم انت

الموضوع مو اقتنع ولا ما اقتنع الموضوع احنا عيال البلد ومن واجبه علينا تعليمنا وتوظيفنا واحنا في خدمته

هذا يعني الحكومه تدفع عنا الرسوم

مثلنا مثل الطلاب المبتعثين بل احنا اقل تكلفه على الحكومه من المبتعثين في الخارج وكلنا راح نخدم الوطن مافيه فرق بيننا



تحياتي

[THANK YOU]

كلام جميل اخي ابو إياد

لكن انت اذا حضرت الاجتماع مع العميد


هو يشوف ان ما فيه حل الا ان عمل الشخص هو اللي يقدر يخدمه

يعني لا تدور ورا تخفيض الرسوم الا منحة ملكية ( وهذا ما طالبت يه الكلية وزارة المالية لكي يشملنا منحة الملك عبدالله فردت وزارة المالية ( إلا الموظفين) يعني ايش تبيه يسوي)

ما نقول الا صبرا جميل والله المستعان

لازم نكع هالـ70 الف ريال والله ييسر.

[أبو إياد]

ماقصرت اخي

مهندس وليد


بس حبيت اقولكـ شئ إذا بنتبع كلام الوزراء ماراح ننتهى كل واحد يرمينا على الثاني ويبرئ وزارته

طيب ياحضرت العميد انا ماراح اقول مثلكـ وزملائكـ الوزراء كلام انشائى

انتم تقولون ندعم الموظفين برفع مستوى كفائتهم وتعليمهم وتطوير مهاراتهم والان تقول كلام غير وانه الموظف يعتمد على نفسه فقط

وشئ اهم الكلام اللى يقوله العميد غير صحيح تماما

انا ولد اخويه مدرس والان يدرس في جامعه الملكـ سعود فرع القصيم يحضر الماجستير وشملتهم المنحه الملكيه وكد دفع رسوم التروم الاول وطالبت الجامعه بدفع رسوم الطلاب وشملهم بالمنحه الملكيه وبعد كم اسبوع جات المنحه ورجعت الجامعه الفلوس للطالب اللى هم في الاصل مدرسين وعلى راس العمل لانه دراستهم يوم الاربعاء مساء والخميس فقط


المهم انا ماراح استكن وراح اوصل صوتي للملكـ فقط ولا راح اتعب نفسي مع اي وزاره



دمتم في حفظ الرحمن


تحياتي

[THANK YOU]

يا الله اخي ابو اياد ايدي على ايدك

نسوي برقية للملك ونسأل الله ان ينفع بها.

[أبو إياد]

حياكـ مهندس وليد

إن شاء الله راح نتقابل ونرسل برقيه ونتابعها وان شاء الله نتوفق


إلى لقاء قريب إن شاء الله



تحياتي

[m.s.h-m.s.h]

كلنا معك سر والتوفيق حليفك والله يوفقنا واياك
بس بصراحه انا الى الآن ما انتسبت للكلية بس يعلم الله اني اتمنى الخير لكم

وباذن الله ملكنا مايقصر

[أبو إياد]

السلام عليكم ورحمه الله وبركاته

حيا الله الجميع وان شاء الله تحصلتو على نصيب طيب من الـ 80 درجه اللى اختبرنا فيها

المهم موضوعنا

يالله يامهندس وليد انت وباقي الاخوان نبداء نتحركـ وعلى قولتهم ندق الحديد وهو حامي

تو الملك الله يحفظه امر باى طالب يدرس على حسابه الخاص يحول تحت مظلة الابتعاث أسوة بزملائهم

الان جاء وقتنا نتكلم ونرسل برقيات وان شاء الله الملك مايقصر

بس حبيت اقولكم شئ ترى ماراح يجينا شئ واحنا ساكتين



تحياتي

[رفيع الشان]

اللي سمعته من مقربين في ديوان المظالم أن هناك زملاء من الدفعة الاولى رافعين تظلم لديوان المظالم من الرسوم



وسيصدر الخبر الاكيد النهائي قريبا سواء القبول بالاعفاء او التخفيض أو الرفض


للتأكد يمكن سؤال أي شخص في ديوان المظالم وستجد الاجابة

[*︾ﻧﺠﻢﺍﻟﻏﺮﺑﻴﻪ︾*»]

باتوفيق للحميع

[HenryYami]

متى موعد البكاليريوس الموازي؟

[السهم الاول]

حنا معك و حنا اولى بإلغاء الرسوم من الماجستيرات الموازية في الجامعات

الله يا رب ييسر أمرنا و امر كل مسلم

[عبدالله العسيري]

صراحه الرسوم شيء يحز في النفس
ليه نحن من بين الطلاب ندفع رسوم

إذا قالوا موظفين
في غيرنا موظفين ومبتعثين خارج البلاد وبراتب كامل ورسوم الدراسة على حساب الدولة حتى السكن موفر
وغير الموظفين يأخذون مكأفأه يمكن ضعف راتب موظف يدرس بكالوريوس موازي
ليس حسدا لكن تكلفة الطالب منا حوالي 70 ألف ويحصل على بكالوريوس هندسه
وغيرنا يكلف ميزانية الدولة حوالي 350 ألف ونفس الشهادة وربما تكون أقل

يعني رسوم طالب مبتعث تعادل رسوم 5 طلاب ........


ختاما
أسأل الله أن يجزى كل من وقف وساهم في هذه الحملة خير الجزاء ويكتب له الأجر

[محمدين]

وانا معك .. يامهندس وليد ..والله يكتب اللي فيه الخير

[عآطل]

انا معكم قلبا وقالبا

[الاتصال السريع]

ودي اتفائل بس مشكلة إذا كان منتدانا غير متفاعل حتى في ردود ومواضيع وجهود من المشرفين ، ولو حتى بتوصيل صوت الطلاب عبر مراسلة مدير او مسؤول في المؤسسة العامة " وليس الكلية التقنية " ..

[أبو إياد]

السلام عليكم

يا اخوان المهندس وليد قال انه اقتنع من كلام العميد في الاجتماع في اول الترم

وعلى كلامه انه تراجع كل التوفيق مهندس وليد

انا جاهز وين اللى يبي يوصل صوته ونشوف لنا حل مع الرسوم



تحياتي

[THANK YOU]

ابو اياد

الله يعطيك العافية


وانا اسلمك العهده وبالتوفيق

وانا معكم ....

[بدر88]

معاااااااااكم بس ياليت الموضوع مايتأخر أكثر من كذا

[أبو إياد]

حياكم الله

تسلم مهندس وليد

طيب يااخوان خلال الاسبوع القادم نبي الجميع يعطي رائيه

مثل اول خطوه نسويها يروح مجموعه من الطلاب للمحافظ او نرسل برقيه للملك



تحياتي

[NAS]

يالله شباب الله يقويكمـ


وحنا معاكم قلبا وقالبا

[أبو إياد]

السلام عليكم ورحمه الله وبركاته

ياشباب رجاء ابي الجميع يشاركـ بفعاليه المصلحه للجميع

الان ابي نضع قوائم لنا ابي جدول وكلاً يكتب اسمه وتوقيعه

الان انا اطلب من كل واحد في مجموعه يسجل اسماء زملائه ورقم بطاقه الاحوال وتوقيعه

يالله الهمه انا اشوفكم راكدين ولكن ممكن الان ويكند


رجااااء تفاعل اكثر


تحياتي

[a07z]

شبآب أنا قال لي واحد إن الغفيص ما يردّ أحد

أنا أقول نروح له في مكتبه يوم السبت أو الأحد

ونكلمــــه

وش رآيكم ؟

[سياسي]

بارك الله فيمن ساهم في هذا الموضع
والى الأمام ان شاء الله ( الساعة 600 ريال ) تخيل أنها أغلى سعر في العالم . لا ( مؤسسة )

[سر القمر]

انا معكم..

اقترح نجتمع ونروح لأبو متعب

[THANK YOU]

كلام سليم

يا سر القمر هذا الكلام الصحيح.

[a07z]

لالا ما توصل , إمسك نفسك ياسر القمر

نرجوا ضبط النفس يا شباب

تروحون للملك على طول !

[حامي بيئة]

سر ونحنو خلفك

[Gm Bas Gm]

اضم صوتي معاكم




......................................

[إخترتك لدربي]

ياشباب خلو الكلام الفاضي المنظم يحدد يوم الأربعاء مثلاً باي مبنى باي قاعه ويجيب مسوده ونجتمع مو الكل طبعاً تصير زحمه يحط له مساعدين بكل مبنى واحد أو أكثر من قاعه وكل رئيس مجموعه يخلي الي عنده يوقعون على مسوده وتكتبون اسمائهم وبعدها يتم كتابه معروض للملك والثاني لولي العهد والثالث للمحافظ خلصونا وابدو يالله وين المنظم

[خريج جديد31]

السلام عليكم ورحمة الله وبركاته...

كيف الحااال .... الله يكوون في العووون...

ياشباب بنسبه لتقنية الرياض بس مواازي أوفيه منتظم...

ومتى التقديم

أخوكم خريج ومادري عن شي

[الثائر]

معكـــــــــــــــــــــــــــــــــــــــــــــــ ــــــــــــــــــــــــــــــــــــــــــــــم

[فيصل دبلوم]

تحرك ونحنو بجانبك ولستى خلفك

تحديد اليوم متى اعطوني رسالة خااااااص

ياشباااب

[THANK YOU]

والله يا شباب

فيه واحد من الشباب الله يعطيه العافية

مر على كل الشعب امس وسجل الاسماء وارقام الجوالات وارقام السجل المدني



اتوقع انه ابو اياد الله يعطيه العافية


يا شباب يدنا بيده لأن اليد الواحده ما تصفق

[Gm Bas Gm]

والله يا شباب

فيه واحد من الشباب الله يعطيه العافية

مر على كل الشعب امس وسجل الاسماء وارقام الجوالات وارقام السجل المدني



اتوقع انه ابو اياد الله يعطيه العافية


يا شباب يدنا بيده لأن اليد الواحده ما تصفق



يليت يحدد مكان او رقم اتصال علشان نتواصل مع المسؤول او المنظم

[a.j.com.sa]

تكفى با أبو متعب, انت قدها وقدود
ترى أهلكتنا هالرسوم

[عبدالله العسيري]

والله يا شباب

فيه واحد من الشباب الله يعطيه العافية

مر على كل الشعب امس وسجل الاسماء وارقام الجوالات وارقام السجل المدني



اتوقع انه ابو اياد الله يعطيه العافية


يا شباب يدنا بيده لأن اليد الواحده ما تصفق



الله يجزاه بالخير
أمس عمل شغل كبير وتعب تعب غير طبيعي
ومر على أغلب الشعب


نسأل الله ألا يحرمه الأجر

أسمه = ماجد

للإستفسار عن أي شيء يخص الرسوم
متابعة المجموعة السابعة للدورة المكثفة
مبنى 18 الدور الثالث
قاعه والله مدري كم أعتقد أنها 18s22

[الاتصال السريع]

هل من جديد حول الموضوع ؟


كلّنــا مـعـكم .. ولكن هـل إدارة المنتدى معنــا بالدعـم في المنتدى وتوصيـل صوت طلاب الكلية " الكثـر " إلى المسؤولين وإلى الصحف .. ؟

[عبدالعزيز القحطاني]

يا اخوان واللي كان غايب كيف يوقع ؟؟

[أبو إياد]

السلام عليكم ورحمه لله وبركاته


حيا الله الشباب

شرفاً لا ادعيه

بخصوص الشخص اللى جمع اسماء زملائه وتواقيعهم ليس أنا

بالفعل انا تحركت خلال الاسبوع المنصرم وقلت ابي من كل مجموعه شخص يكتب اسماء زملائه ونجمعها وبعدها نشوف وين ممكن نروح

ولكن الله يجزاه خير ماجد ماقصر وانا تكلمت معه لمن جاء في القاعد وتبين ليه انه لا يدرى عن الحمله هذى ابداً وكان الحديث بيننا سريع جداً

هذى نقطه ليست جيده نبي عمل منظم الان جميع الزملاء يريدون ماذا حصل مع الاخ ماجد وهل قابلوا الغفيص

انا اشوف انه المنتدى يجتمع فيه اكبر عدد من الطلاب ويكون الوسيله الممتازه للتواصل

ارجو من الاخ ماجد يفتح موضوع ونتابع معه واحنا معك


تحياتي

[الاتصال السريع]

الله يقويكم يا أبو أياد .. وكلّنــا معكم .. فقط نريد تنظيم .. وإشارة .. وكان لي رد على موضوع آخر هنـا :

http://www.c-rct.com/vb/showthread.php?t=12822

وهذا هـو أقتباس من ما كتبتـه واتمنى من الجميــع إرسال رسائل بالذات " خلال هذا الشهر "












البدايــة من هنــا .. !

هذه بعض أيملات الكتاب في بعض الصحف الالكترونية والمطبوعه كنت قد بدأت بمراسلتها برساله واحده لا تكلّف إلا 30 ثانية فقط .. !!

أتمنى من الجميــع أن يكتب رساله يوضح فيها معاناتنا ورسوم الكلية (والتي تُعد أغلى رسوم من أقوى الجامعات العالمية ..!! ) إذا ما نظرنا إلى المده (سنتين فقط بـ90 ألف ريال تقريبـاً) علما أن هنالك أخبار تُؤكد زيادة ساعات الخطة وبالتالي .. ستكون الرسوم في المستقبل لأكثر من 95 ألف ريال .. ( يا ساااتر:( )

.. يُفضّل أن تُضاف الايميلات في bcc (نسخه مخفية) عند إرسال الرساله ..




جريدة الرياض : (لابد من الكتابه في نفس الموقع)

http://www.alriyadh.com/contact




د.أيمن (جريدة عكاظ)
abkrayem@gmail.com



محمد الصالحي (جريدة عكاظ)
alsalhi@gmail.com



د.سعيد السريحي (عكاظ)
suraihi@gmail.com


محمد الاحيدب (عكاظ)
www.alehaidib.com




خالد السليمان (عكاظ)
Jehat5@yahoo.com




هاشم الجحدلي (عكاظ)
hbbj19@gmail.com




خلف الحربي (عكاظ)
Klfhrbe@Gmail.com





منصور القحطاني (خبر)
Mansoor-@live.com



فهد السهلي (خبر)
al-sahali@windowslive.com





عبدالله بن عبدالرحمن سليمان العايد (عاجل)
alayeed56@hotmail.com




د.عبدالرحمن الشلاش (عاجل)
Shlash2010@hotmail.com



د.أحمد (الوئام)
Dr.AhmedHashem@hotmail.com




محمد عمير سالم الغامدي (سبق)
Mohd.9000@hotmail.com





اتمنى من (( الجميـــع المشاركة )) .. بإرسال الرسائل .. فهي لن تكلّفك الكثير .. !!


اتمنى من إدارة المنتدى أن " تتعاون معنــا " بتثبيـت الموضـوع .. !!



شكراً لكم

[أبو إياد]

السلام عليكم


يا اخوان بالفعل مالنا إلا قادتنا الله يحفظهم

اما الغفيص بيلغى الرسوم علشان جاه كم طالب يشتكى والله مايلغيها واصلاً هو من وضع الرسوم

انا ماكنت ابي احد يروح للغفيص بس لما الشباب قالو بيروحون ماحب تكسير المجاديف

لكن اولاً املنا في الله ثم الملكـ عبد الله حفظه الله ورعاه

و الأمير سلطان والأمير نايف والأمير سلمان

نتحركـ ببرقيات للملكـ ونصعد الموضوع إعلامياً حتى يوصل لهم صوتنا وشكوانا

الاخ الاتصال سريع ماقصر الله يجزاه خير اسدل قائمه بأسماء وإيميلات صحفيين خلونا نبداء نرسل لهم

وبصراحه صحفيين عليهم الكلام


الله يوفقنا

[إخترتك لدربي]

ياشباب كلامكم حلو بس المشكله العدد محدود جداً من الشباب الي يدخل المنتدى او يعرفه اصلاً لازم ننشر المنتدى ونشجع الزملاء على الدخلو عشان يصير فيه تفاعل اكثر.

[هيدروليكي]

الاخ اياد و الاخ ماجد الله يعطيكم العافيه

هو صحيح ترى الموضوع اذا صعد الى الغفيص مامنه فايده ابدا

الحل واحد مافي غيره و هو ولاة الامر ابو متعب و الامير سلطان و الامير سلمان هم الي لهم الكلمه الاقوه

ياليت يا شباب انتو اقرب شي لهم بالرياض ياليت تحرك سريع وحنا معكم

ترى من جد الرسوم اعلى شي بالسعودية

والله لو الواحد يدرس بالخارج ما يكلفه كذا

حسبيالله و نعم الوكيل

[THANK YOU]

يا شباب

ان شاء الله انه فيه تخفيض طيب للرسوم راح يطبق قريبا .

[الاتصال السريع]

يا شباب

ان شاء الله انه فيه تخفيض طيب للرسوم راح يطبق قريبا .



من وين سمعت هالكلام ؟

[THANK YOU]

من مصادري الخاصة...؟؟؟؟


لكن لم يتأكد الخبر بعد

بس حبيت ابعث في انفسكم قليلا من الامل

وبأذن الله انه يتأكد الخبر.

[كيمووو]

السلام عليكم ورحمة الله وبركاته


اخواني متدربي البكالوريس الموازي


اتمنى ان تضموا اصواتكم الى صوتي لنلغي الرسوم.

نسوي حملة ( بلا رسوم )

يا اخوان الموضوع جيد جدا وسوف احاول ان اشرك الصحافة في الموضوع اذا اكنمل

اريد اكثر من 100 رد على الموضوع واريد ناس تساعد على ذلك

يعني اذا طلبناهم يجون نريد تنسيق ممتاز ونضع رئيس للحملة
واعضاء الى ان تلغى الرسوم

فهل تؤيدوني


نبغى ناس تصمل فقط نبغى شغل مرتب لأنه سوف نحدد موعد معين نجتمع فيه ونسجل اسمائنا في ورقة مع التوقيع ونرسلها الى الملك والى محافظ المؤسسة والى الجرايد الورقية والالكترونية..



واللي يرى في نفسه انه يقدر يكون رئيس للحملة بمعنى الكلمة ويهتم بمتابعتها طبعا بتظافر الجهود يكتب رد بذلك ويرشحونه الاخوان ويثبت وتوكل اليه المهمة بالمتابعة

وكذلك ترشيح 3 اعضاء معاونين له.
:65:



كلام سليم ولكن مين اللي يقدر ظرررررررررررررررروف الناس يا بطل.:65::65::65:
وصوتي معك ومع الشباب اللي سبقوني بالردود وعلى الله احد يسمعنا ..............

[THANK YOU]

يا شباب صح بنسوي الحملة ولكن ما فائدتها يلغون علينا الرسوم او يخفضونها وبعدين نتخرج بشهادة ياالله يا الله مهندس

لكن

ودي نغير مسار الحملة ليعدلوا مسمى الشهادة هندسة معترفة من كل مكان على انها هندسة معترف فيها

ويضموننا الى جمعية المهندسين...


ودي اشوف ارائكم.

[flash]

شكرا على هذا الموضوع
و نتمنى ان لم يلغوا الرسوم بتخفيفه على المنتظمين في المستوى الدراسي
و مثل ما يتم صرف مبالغ طائلة لدعم الدراسة في الخارج فالاولى دعم الدراسة في الداخل
و تحياتي لكم بالتوفيق
ابو انور

[الصالحي]

معاكم معاكم معاكم

وصلوها إلى 10000 رد

[عبدالعزيز القحطاني]

يا شباب صح بنسوي الحملة ولكن ما فائدتها يلغون علينا الرسوم او يخفضونها وبعدين نتخرج بشهادة ياالله يا الله مهندس

لكن

ودي نغير مسار الحملة ليعدلوا مسمى الشهادة هندسة معترفة من كل مكان على انها هندسة معترف فيها

ويضموننا الى جمعية المهندسين...


ودي اشوف ارائكم.

ياخي اذا انت تقدر تدفع ترى غيرك ما يقدر ..

[ابو الكيمياء]

مـــــــــــــــــــــعــــــــــــــــــــاكـــــ ـ قــــــــلــــبـــاً وقـــــالـــبــــاً

[THANK YOU]

عبدالعزيز القحطاني الله يحفظك

الموضوع ماهو كذا

انا قصدي انه صح بندفع مبلغ وقدره ............


لكن في الاخير يكون المسمى مهندس بالطلبة يعني يالله يالله


اما من ناحية الدراهم الله بيسرها والا ترى الحال من بعضه يعني الله يعين على الرسوم



ولو ماني متكاثر الرسوم كان ما سويت هذه الحملة الله يعطيك العافية.

[شمالي]

معــــــــــــــــــــــــآك

[goldn booooy]

تبون الجد الرسوم خيالية ومو طبيعية بس قسم بالله ان الواحد بيتسلف بس يبي يكمل وهذولي حسبي الله عليهم ما قبلونا اجل لو انها بلاش وش بيسون حسبي الله عليهم

[khalid1142]

ياشباب ترى محد درى عنكم

لازم ترسلون الصحف المحلية

[Gm Bas Gm]

يا أخوان
نبغا المسؤول عن الحملة يكتب لنا صيغة معينه
ونرسل برقيات للملك و ولي العهد مطالبة بالتكرم بالغاء الرسوم



وهذا الى راح يفيد صدقوووني

ولا سيما معاملة بالمثل مع كليات خدمة المجتمع التابعه للجامعات السعودية

[THANK YOU]

اتمنى من جميع الاخوة الانضمام للحملة عن طريق الفيس بوك


لأننا هنا لو نوصل 1000000000 صوت ما احد درى عنا


على هذا الرابط

http://www.facebook.com/profile.php?id=100001375683593

[طالب طموح]

PING!!! 0
PING!!! 0
PING!!! 0
:89: :d :89:

[سابك]

حنا معك .....

إتكل على الله ونعم المتكل