كلية التقنية وما ادراك ما كلية التقنية إنها المستقبل

[طالب تسويق]

أعـــــــــــــــــزائي الــــــــــــــقرآء......

السلام عليكم ورحمة الله وبركاته ...... اما بعد ........


تكلمت في يوم من الأيام إلى متدربين وكنا نناقش موضوع عن كلية التقنية من ايجابياتها وسلبياتها تفاجأت أن بعض المتدربين محبطين لايأخذ الأمر بجدية عندما سألته ليه ماتشد حيلك وتنجح وتاخذ شهادتك وتتوظف قال أنت مصدق في وظائف!!ماراح أحد يبيك وأنت شهادتك كلية التقنية قلت من وين اتيت بالمعلومه ماعنده جواب ولا المتدربين الباقين منحازين في صفه وهم لا يلعمون شي بتاتاً وليس لديهم اي برهان على أن كلية التقنية سيئة.

أنا اليوم جايب لكم ياسيداتي سادتي برهان على أن شهادة كلية التقنية شهادة معترف فيها دولياً وهنا ايضاً وأفضل من بعض الجامعات نعم أفضل من بعض الجامعات في بعض مجالات العمل وبالأخص القطاع الخاص لو أعطوني قبول من جامعة الإمام محمد بن سعود وجامعة الملك سعود لأرفضها اتعلمون لماذا لأني دخلت الكلية أريد أن أتعلم شي مفيد وعمل ميداني أما هناك فلا يوجد إلا التلقين الببغائي دعوني أخبركم ما السلبيات التي على الجامعتين.

جامعة الإمام:1_غير معترف بها دولياً(هذه معلومة قديمة إذا أعُترف أرجو منكم تصحيح معلومتي)2_دكاترة يعانون اضطراب نفسي 3_مثال تتخصص محاسبة يعطونك مواد ليست بتخصصك:confused: مثل(تفسير_حديث_فقه_وإلخ) طبعاً أنا اؤيد شي واحد وأتمنى يفعلونه التقنية هو مادة قرآن في جميع المستويات 4_تقديمك في وظيفة قطاع خاص يصعب عليك قبولك.والكثير لكن ما أحب اطول عليكم.

جامعة الملك سعود:1_مناهج لم تتغير منذ 15 سنة:eek: 2_عليها انذارين وتسحب شهادة الأعتراف بها:eek:(ملعومه عامه أي جامعة في العالم لديها 3 انذارات فقط)

طبعاً أنا مختصر لكم موضوع طويل عريض دعونا الأن نبدأ برحلتنا لكيلة التقنية من سلبيات وأيجابيات<<<<<<أخلص عليهم تعبوا وهم يقرأون:26:

كلية التقنية طبعاً أيجابيتها أكثر من سلبياتها مثل إذا تخرجت أو تخرجتي راح تلقون وظائف أنشاءالله ليه؟ أنا اقولكم ليه لأن دراستنا مو تلقين ببغائي أنتم متدربون اغلب عملكم ميداني يعني القطاع الخاص يبي ناس لهم خلفية بالعمل وطبعاً يبون النخبة منكم يعني شدو حيلكم,لي صديق الله يوفقة ويزوجة(دايم يقول لي ادع لي بالزواج ادعو له وانا بعد) يشتغل في مصنع بلاستيك ماشاءالله الأن يستلم 8 الأف وترقى وصار عنده مكتب وازيدكم بعد من الشعر بيت والأخبار الطيبة أنا أعرف شخص بشركة المراعي الي بمخرج 7 مدير شؤون الموظفين بعظمة لسانه قال لو يجيني واحد من جامعة وإلا من التقنية ناخذ التقنية لأن له خلفية بالعمل وعن السوق وطوال دراستة يدرس عن تخصصه مو مواد (ثانية مالها دخل في تخصصي) وكذلك تخصصات البنات عشان مايزعلون علينا ماتكلمنا عنهم الأن فتحوا ابواب الأبتعاث وتخصصات حلوه مثل التجميل وغيرة حتى هم لهم تطبيق تلقونهم في مشغل لبنى وإلا فاشن:22: .

أتمنى أن تستفيدون من ما كتبت
:88:وأتـمـنـى لـكـم الـتـوفـيق و الـنـجـاح:88:

:27: :27: :27:

[كآظم السآهر]

والله ياموضوعك شاطح عن القسم :d
والرزق على يد الله سبحانه :)
تحياتي لك :88:

[THANK YOU]

كلام جدا جميل

لكن كان الود عدم التنقيص في الجامعات الاخرى

مثل الامام فهي جامعة اسلامية ( ولازم يكون في كل تخصصاتها مواد اسلامية)

جامعة الملك سعود/ جامعة عريقة ( بعد التقييم ثلاثة الاف على مستوى العالم ) وهي من احسن في احسن

وخاصة لما جاهم مدير الجامعة الجديد ما ادري وش اسمه اتوقع الراشد

اما من ناحية الكلية التقنية :

الدبلوم / لا ينفع شي ولا يؤكلك عيش ( انا مجرب ) الا في حالات نادرة جدا.

البكالوريس+ معدل جيد جدا فما فوق = مستقبل باهر بإذن الله ومجالات متعددة
مثل كلام الاخ /

المراعي تعطي خريجي البمالوريس او مربوط - 9000 ريال

الكلية الامنية = تعطي ملازم مع اقدمية سنه

الخدمة المدنية = تعطي المرتبة السابعة

سابك = اول مربوط 10000 ريال وتعرفون مميزات سابك
ارامكو= اول مربوط 8000 ريال

الخ....

[سـ ع ـود]

يا الاخو تلعب على نفسك ولا تلعب على مين

[ضايق صدري من الكلية]

لا ياحبيبي لا يحطون قرآن !!

انا قابليني جامعة الامام وما رحت لها بسبب مادة القرآن !!

بيصير حــــــــــــفــــــــــــظ وحنا مانبي الحفظ مانبي نتعب زيادة يكفيك النظام الثلثي الحين ساعات طويلة مرة ..

محاضارتنا على ساعتين او 3 ساعات احيانا والجامعات 50 دقيقة !

عندنا ضغط عالي وما نبي حفظ قرآن اللي يبي يحفظ يحفظ ببيته ولا يتعب العالم معه ..

اما التقنية خرطي يكفيك انها دبلوم

[طالب تسويق]

هلا أخوي كاظم الساهر أنا كتبت الموضوع في المنتدى العام مدري وش جابه هنا

شاكر لك

[طالب تسويق]

هلا بالأخو وليد كلامك صحيح 100% بس انا كنت أ€قصد كلية التقنية بشكل عام وإلا أكيد ان البكالوريس ممتاز لكن مثل ماقلت بعض الأخوان طايحه من عينه بقوة من دبلوم وبكلوريوس

مشكورو عزيزي للمرور

[DonMarqo]

طالب تسويق


المفروض تغير نكك لانه ما عجبني <<<<<< بالله عليك ؟!؟!؟!


المفروض نكك (( المستقبل لي ))

فعلا تعجبني والله نظرتك الطموحه

الناس ماهي راضيه تقتنع وكل يوم تحبط نفسها زياده وحالتها حاله والكليه فاشله ومن هذا الكلام

يا أخي مدري ليش هل التفاؤل حرام ؟!؟!؟!


الله سبحانه وتعالى يقول

(( أنا عند ظن عبدي بي )) يعني انت تظن انك ما راح تتوظف وانت ناقص وانت فاشل صدقني راح تكون كذا

واذا انت تظن انك صاحب كفاءه وفعاليه عاليه وانك بتلقى اللي تبيه صدقني هذا اللي راح يصير بإذن الله

محمد صلى الله عليه وسلم يقول (( تفائلوا بالخير تجدوهـ ))

يعني انت ليش تحبط نفسك وليش تكسر مجاديفك بنفسك ؟؟؟!!!!


والله جد غريبه


اما من ناحية المقارنه بالجامعات فانا وضعت موضوع للمقارنه بامكانك الاطلاع عليه


عموما يا (( المستقبل لي )) <<<<< بكيفي انا بسميك كذا :)


موضوعك جدا رائع واتمنى الكل ياخذ ولو شوية تفاؤل من هكذا موضوع


مع ألف إبتسامه وتحيه

[طالب تسويق]

هلا أخ سعود أنا لا ألعب على نفسي ولا ألعب عليكم أعذرني لكن أنت ذكرتني بالجماعة الي كنت اكلمهم يقولون ولا يعلمون عطني كلام واضح ارجوك نور طريقي صحح معلوماتي إذا عندك دليل قله لاتقول أنت تلعب على مين,خلك مثل الأخ وليد صحح معلومات مني واقتنع في البعض

شكراً لمرورك حبيبي سعود

[طالب تسويق]

أخوي ضايق صدري كلامك صحيح وتوني افكر فيه من ناحية مادة القرآن لكن الي ما اتفق عليه أن كلية التقنية خرطي وإذا هي خرطي هل تسمح لي اسئلك ليه جالس فيها؟

[طالب تسويق]

أخي don mraqo كلامك رائع جداً ومن ناحية (المستقبل لي) شكلها راحت علي الكل بيسميني كذا:)

أشكرك جزيل الشكر لمرورك وكلامك الجميل

من ناحية المقارنة بالجامعات راح اطلع عليه

[SHARP]

كلية خرطي انا معدلي 5 من 5 وتخصصي يعتبر من تخصصات مطلوبه في كلية

وجالس عاطل لا شغل ولا مشغله خل كلية توظفني حصلت وظايف بثانوي اعلى

من الدبلوم

يارجال دبلوم اسم شهاده غيره ماتثصلح

[طالب تسويق]

أخي sharb سؤال ليه غيرك حصلوا,ومعدلك 5 من 5 ولا حصلت وظيفة شي غريب جداً!!!شي فوق الخيال واما تقول خل كلية توظفني قوية هذه شوي والله شكلك استلمت شهادتك وجلست في البيت تنتظر الوظيفة تجيك إلى غرفتك حبيبي الدنيا هذه كفاح لاتوقف إلى أن تحصل الي تلقاه طبق شعار سنكرس(لاتوقف) إلى ان تحصل وظيفة

أتمنى لك التوفيق يا ابو 5 من 5

[طالـب]

لا ياحبيبي لا يحطون قرآن !!

انا قابليني جامعة الامام وما رحت لها بسبب مادة القرآن !!

بيصير حــــــــــــفــــــــــــظ وحنا مانبي الحفظ مانبي نتعب زيادة يكفيك النظام الثلثي الحين ساعات طويلة مرة ..

محاضارتنا على ساعتين او 3 ساعات احيانا والجامعات 50 دقيقة !

عندنا ضغط عالي وما نبي حفظ قرآن اللي يبي يحفظ يحفظ ببيته ولا يتعب العالم معه ..

اما التقنية خرطي يكفيك انها دبلوم


اسأل الله لك الهداية
اجل رفضت جامعة الامام عشان فيها قرآن
وجاي تعترف بعد

[ماجد العرانه]

كلام يرفع المعننويات واتمنى من كل قلبي انه يكون صحيح

[ABU_SOLTAN]

صادق جامعه الامام و وجامعه سعود مو احسن من كليه التقنيه

ابجيب مثال طلاب اصول الدين بجامعه الامام يجوون كثر كليه التقنيه واخر شي يتوظف مدرس ولا كاتب عدل

واذا صار مدرس راح يدرس اهليه حوالي 5 سنوات وراتب مايتعدى 3000 ريال بعدين يرمونك بـ عرعر ولا جلاجل 3 سنوات وتطلب نقل الى الرياض

يعني 8 سنوات معاناة ولا بعد كليه المعلمين يفضلونهم عليهم

على فكره واحد من الشباب متخرج من كليه التقنيه وعلى طول توظف براتب حلو ماشاء الله عليه ولا بعد حكومي وتخصص تسويق ولابعد ماجلس بالبيت الله لايضرهـ

في الاخير الدنيا توفيق واذا الله اراد انك تتوظف راح تتوظف

وان شـاء الله الجميع راح يلقى نصيبه

[ABU_SOLTAN]

اسأل الله لك الهداية
اجل رفضت جامعة الامام عشان فيها قرآن
وجاي تعترف بعد
لايمكن يقصد الحفظ بس

وجامعه الامام والاصول الدين خاصه المطلوب في الحفظ وجهين ونص وطلاب كثير يصعب عليه وجهين ونص وانا واحد منهم عانيت من الحفظ رسبت فيها وتحطمت

يعني لو يحطون قران ومايكون فيه حفظ والله فله http://www.rydh-tech.com/vb/images/icons/icon10.gif

يعني تلاوه وتفسيره وشرحه يكون احلى ولازم يجيبون اساتذه يفتحون النفس

يعني مايجيبون واحد مصري ولا واحد معقد نبغى واحد رهيب :22:

[..الطمـ فتى مكة ـوح..]

موضوعكـ خطير
وجميل
وتفائلي جداً
يعجبني الشخص المتفائل والطموح
اتفاعل معاه بكل شيء
بروحي
ودمي
وعيوني
وتركيزي


كلامك درر أعجبني بقوة انا استغرب من الشخص اللي يقول فاشلة
ابي اعرف وش فشلها .. هي تقدر تقول مو منتظمة من ناحية المكافئات
اما الدراسة يخي سهالات ومهندسين متعاونين بس مو كلهمـ طبعاً
في اللي تهمخه مصلحتكـ يبيكـ تتعلم وتتقن شيء بحياتكـ
وفي اللي يعطيك العمل تسويه صح ولا غلط مايهم اهم شيء يكحل عينكـ بالدرجات وتمشي
مايقول عن الكلية انها فاشلة إلا شخص خاشها وهو مو مقتنع فيها
يخي مو مقتنع لاتكمل اطلع روح جامعة .. بتقول مالقينا غيرها
بقولكـ اتوظف بالثانوي .. وبتلقى اللحين جالس اشوف حتى شهادات ابتدائي طالبين مع استغرابي
الكلية التقنية كلية قوية بمعدلكـ .. تقدر تروح ارامكو سابكـ التحلية سامرف شلمبرجير و......... شركات كثير
تقدر تتوظف ببنوك بشركات بمصانع تفتحلكـ ورشة عمل تسوي عمل خاص فيكـ
تبدع بشيء . الكلية التقنية يد عاملة ليس يد كاتبة <<كلمة حطوها ببالكمـ دوم واكيد عارفين الشيء هذا

لك كل ودي صاحب الموضوع ويعطيك العافية
وتسلم ايدينكـ ياغالي

[Administrator]

وجه نظر

اتفق معك في بعضها ...

شكرا..

[SHARP]

كلية خرطي انا معدلي 5 من 5 وتخصصي يعتبر من تخصصات مطلوبه في كلية

وجالس عاطل لا شغل ولا مشغله خل كلية توظفني حصلت وظايف بثانوي اعلى

من الدبلوم

يارجال دبلوم اسم شهاده غيره ماتثصلح

غلط في كتابة 4 من 5 (بس من قوة الحماس)

معي شهادة خبره (سنة وثمانية اشهر ) مشرف صيانة

انا ماجيت اعاندك او اكذبك

الكلية فيها تخصصات كثير انا تخصصي من التخصصات المطلوبه اللي هو التبريد والتكييف

وخريجينه مو كثير ومطلوب بكل مكان فبحثت

ولاجلسة في البيت زي ماتقول انتظر وظيفه دورت لمدة ثلاث شهور

قدمت بشركة المراعي عطوني راتب 5300 و 3 بونصات سنويه وهم متصلين علي

رحت لهم كان معي اثنين واحد خبره 6 سنوات وبدون لغه وانا خبره سنه و 8 اشهر

ولغتي عاديه (المقدرة على التواصل بـ اللغه الأنجليزي ) و الثاني خبره 3 سنوات ومعه لغه

ماشاء الله حلوه دخلنا المقابلة الشخصيه وكلنا مشينا فيها العملي مشينا فيه فخذو خبره

3 سنوات و لغه حلوه

حنا يعيبنا في التقنية لغتنا سواليف مافيه اهتمام فيها اللحين اي مكان لو حارس عماره يبون

لغه قدمت بشركة بن لادن راتبها 3700 بعد خصم التامينات المهم مقدم عليم ومعي واحد مامعه

خبره فقبلو اللي مامعه خبره شئ مضحك

قدمت على سعودي اوجيه قالو بنرد لك

قدمت على صحارئ و الفوزان بس مافتحو التوظيف


واحد من العيال بواسطه توظف بالجميح 4500 ريال (معدل 3.8 ) بدون لغه

واحد ثاني متوظف في سعوديه اوجيه بواسطه 5000 ريال (معدل 3.5) بدون لغه

الأول على الدفعه متوظف في الوان الخريف بـ 1500 ريال

باقي الدفعة تقريبا 25 واحد عاطل

تبي اجيب لك شهادتهم توظفهم بكلية التقنية

انا الحمد لله متوظف بالثانوي وراتبي افضل وطبيعة العمل افضل و ادرس انتساب )

زي ماذكرت فوق هي توفيق من الله في الوظايف و اغلب اللي يتوظفون يكون بعد

التطبيق يعني لو انت مطبق في شركة وشافوك شغيل وظفوك لاتروح تطبق في اماره

او وزارة الداخليه ترى ماتوظفك لو وش اشتغلت دور التطبيق في الشركات عشان تتوظف

فيها شركات مثل الجميح و الصغار افضل لك وشد

وابعدو عن مستشفيات ترى مافيها توظيف

ركز في التطبيق على الشررررركاات

متمني منك اخوي ماتزعل من كلامي لكن اللي شدني انك حاط كلية التقنية كنها كلية الطب

ما الومك اول مادخلنا كانو يمدحونها ويقولون يوظفونكم بـ 6 او 7 الاف كلها كذب

لو تخرجت بتعرف كلامي ومايتوظف وظيفه زينه الى اللي معه واسطه

ما اقول غير الله يوفقك ونشوفك خريج وتتوظف وظيفه تستاهلها براتب حلوو

بتوفيق يا تقنين

[طالب تسويق]

شاكر لكم تفاعلكم معي

abu_soltan كلامك صحيح نفس كلام اخوياي الي بجامعة الإمام

شكراً فتى مكة على الكلام الجميل وكلامك صحيح 100%100 لما قلت (الكلية التقنية يد عاملة ليس يد كاتبة ) انا معك في هذه

top up ياليت تنورني على الي ما اقتنعت فيها ممكن اني غلطان او حاجه

عزيزي sharp أنا معك وكلامك منطقي واشكرك على النصائح الي كتبتها. انا ماكتبت الموضوع وخلاني اتفائل مو كلام الإساتذة ولا كلام الناس أنا دخلتها لأن عارف الشركات والبنوك وإلخ...تبي ناس ميدانيين شغيلين النخبة الصفوه ماتبي تلقين ببغائي(الجامعات)طبعاً الوظائف بيد الله و تذكر ان الشركات ماراحت منهم عقدة السعوديين بأنهم مو ممتازين مو مثل الأجانب مع أني اؤمن واثق بقدرة السعودي او السعودية أكثر من الاجنبي ويمكن الي صعب عليك الوظيفة لأن تخصصك حساس ويبي واحد متمرس عليه ويمكن اني غلطان, لأن أنا انقل لك موظفين قالو لي بعظمة لسانهم يقولون بعد ماتتخرج تعال نوظفك اذا معك انجلش 6 او 7 مايقل عن ال 6 الاف قلت لهم وحقين الجامعات هم اولى قال لا احنا ناخذ على الشخص على فهمه للسوق او هل طلع ميداني وكل هذه المواصفات في شباب كلية التقنية وياخذون الممتازين واما مقابلتك بشركة المراعي أكيد بياخذون الي معه لغه ويمكن انه يملك معلومات اكثر منكم المهم خلنا منه الله يوفقة أتمنى لك التوفيق.