طالب جديد

[عبادي الشوق]

السلام عليكم يا شباب ويا بنات :D

كيفكم ؟

شباب اليوم رحت اقدم ملفـي على اساس اني ابي ادارة مكتبيه او محاسبـه

لكن قالوآ اكتفينـآ .. وقفلت .. ماحلصت الا تسويق

وسجلت فيها وانقبلت خلاص :o احس مالي رغبه فيهـآ

وسألت شخص قلت له اقدر احول ..؟ قال ايه عادي ..

فأنا بسالكم الحين .

متى اقدر احول .؟ هل الحين اطلبهم ؟
او بعد الترم الاول ؟
او بعد الشهر الاول ؟

وكيف الطريقه ؟

وهل التسويق له مستقبل ؟ وكيف طبيعة وظيفتي اذا تخرجت من التسوق ؟

لأن ماعرف شي عنه ؟


وبالنسبه للمكافأه ؟

هل المكافاه تبدأ معاي من اول شهر ؟ وكم هي المكافأه؟ وتتأخر او لا ؟


وبطايق الصراف هل يعطوني مع بطاقة الطالب؟ او هي نفسها بطاقة الطالب مقصود بطاقة الصراف؟



ياليت احط يجاوبني:)

[yazeed]

بالتوفيق اخوي عبادي الشوق

لاكن من من ناحيه التحويل سهله تدرس الفصل الجاي ان شاء الله وتحول بعد مايخلص
بالنسبه له مستقبل ماعندي اي معلومه عن مستقبلها
ومن ناحيه المكافئات 990 ريال ويصرفون لك صرافه خاصه بك تختلف عن بطاقه الطالب
هذا مااملكه من معلومات .

[عبادي الشوق]

يعطيك العافيه يا بطل

:)

ونستنى باقي الشباب

[مسيرة الجاكل]

اهلا وسهلااا

ااخوي عبادي الشوق

من ناحية التحويل تستطيع وانت في بداية الترم الفصل الاول اذا كان في مقعد التخصص الذي تريدة ام اذا لم تستطيع فاعندك الترم الثاني وهو ان تاتي بمعدل 3.5 واكثر لكي تضمن التحويل وتخصص التسويق حلوى ومستقبل جيد جدا في ناحية القطاع الخاص والمكافات مثل ماقال اخوي يزيد 990
وبطاقةصراف طالب من بنك الرياض وبطاقة تعريف الطالب وهي تحمل صورتك ورقم الاكادمية الخاص بك .

[αzzαм вιη αв∂υℓαzιz]

هلا بسميي ....



الشباب ماقصروا كفوا ووفوا ....


الف مبرووك قبولك في الكلية وتمنياتي لك بالتوفيق والنجاح الباهر إن شاء الله ....




( كل عــــام وأنــــتــ بخيـــــــر )


تحيــــــــــــــــــــاتـــي

[511]

هلا فيك

اخوي عبادي انا تخصصي تسويق صدقنى اخوي ومن دون كبر وفلسفه افضلك من الادارة المكتبيه
مع ان القسم يبغاله شده شوي لان فيه بحوث وخرابيط فـ انت وشورك عاد
بس من ناحية المستقبل صدقنى الوظائف بقسم التسويق بالقطاع الخاص بنسبة 90 % والبنوك ايظن 90% اما الادارة المكتبيه يبغالها بكالريوس الدبلوم اظن الوظائف فيها شحيحه ودخل على رابط بنك الراجحي والبنوك كلهم تحصلهم كاتبين تسويق ومحاسبه

وشكرا واسف على الاطالة

[عبادي الشوق]

يعطيكم العافيه

والله ماقصرتوآآ

واذا التسويق احسن مو مشكله اشد حيلي وابقى فيه

موفقين الكل

:)

[انت عارف وانا عارف]

هلا بسميي ....



الشباب ماقصروا كفوا ووفوا ....



تحياتي لك (انت عارف وانا عارف)

[ضنـآنـي آلشـوٍق]

موفق عبادي
الشباب ماقصرو

وانا استفدت بعد