】ઇ需 الله يقطع خــــوةٍ مالها ساس ツ】ઇ需

[فارسه ماتهاب الغدر]

الله يـقـطـع خــــوةٍ مـالـهــا ســــاس
الـلـي ورى طــرد المصـالـح هـدفـهـا


غاياتـهـا يـحـكـم علـيـهـا بـالإفــلاس
ولا تشـرف مــن يـجـي مــن طرفـهـا

علـى الـردى والكـذب ترفـع وتنـداس
هـــذي حـراويـهــا وهــــذا وهـفـهــا

ياناقـلـيـن الـكـبـر مـاهــو بـنـومـاس
نقـص المراجـل كبـركـم قــد كشفـهـا

المرجله عملة ذهـب مـا هـي بنحـاس
ومــا كــل رجـــلٍ لابـغـاهـا صـرفـهـا

مالي مع مجلـس هـل الـزور مجـلاس
نـويــت أجنـبـهـا وأجـنــب صـلـفـهـا

عرفـت نـاسٍ طيـرونـي مــن الـنـاس
حيـث إنهـا نقـص علـى مــن عرفـهـا

شذابـة العـرقـوب تشـذيـب الأمــواس
نــاس عـسـى ربـــي يـعـجّـل تلـفـهـا

صورة عرب واسلوبها اسلوب خناّس
تـبـطـن خبايـثـهـا وتـبــدي شـرفـهـا

أخيـر منهـا فـي الخـلا سـج الأنفـاس
فـي ديـرةٍ سـيـل أمــس ذيــا جرفـهـا

مـع خـوي لـي علـى الـديـن قـرنـاس
حـــرٌ صعـيـبـات الـمـراقــي ولـفـهــا

ورفيقي الطيّب علـى العيـن والـراس
الـلــي منـاهـيـج الـوفــا مااستـلـفـهـا


وألا رديّ السـاس يبقـى ردِيْ ســاس
ولا خـيـر فــي نـفـسٍ دنـــيٍ هـدفـهـا

[abdullah alb7eri]

تسلم يدك خيتو
على القصيدة الرئعة

[سـ ع ـود]

وألا رديّ السـاس يبقـى ردِيْ ســاس
. . . . . ولا خـيـر فــي نـفـسٍ دنـــيٍ هـدفـهـا


صح السانك وأعتلى شانك ,,

وسلمت أناملك على النقل ..

روعه

دمتِ يـ ود

[فارسه ماتهاب الغدر]

http://www.sheekh-3arb.net/3atter/dividing_files/image368.gif


اسعدني مروركم الطيب الله لايحرمني من ناس ذوووق مثلكم

[خاص]

لا لا لا مهب معقولة يا مغرورة والله وقمت تشعرين ههههههه كلمات في قمت الروعة والسراحة جيتي على أوتار حساسة

[بدر الوفاء]

الحين بسئلك ياعزيزتي مغروره هذي سالفه ولا لغز ولا مقاله تصدقين عاد بالبدايه جلسست يومين ادور الجواب احسسبه لغز وبعدين جاء عندي واحد من العيال وقريتها عنده قالي متى صارت هالسسالفه يحسسسبني اسسولف عليه هههههههههههههههههههههه> دوعابه => اهنيك يالغلا

[ابوجاسم]

وألا رديّ السـاس يبقـى ردِيْ ســاس
ولا خـيـر فــي نـفـسٍ دنـــيٍ هـدفـهـا


صح لسانك

روووعه وعلى الجرح قبل كل شي

وينهم يجون يقرون والا يتعلموون

اهنيك وارفع القبعه على القصيدة الأكثر من رائعه

اطيب تحية:

ابوجاسم.. .