حبيتي القسسم‘ ؟ دعوه للفضفضه = (

[حـگـآية..~]

السلآم عليكم جميعآ

أهلآ بـ مصممآتنا المبدعآت :p ..

وشرأيكم بس تدرسون ونآس معطله :89:

حبيت أسوي إستطلآع بسيط حول قسمنآ :15:،

أنتي دآخلته عن رغبه وحُب ، أو مجبوره عليه ، أو تضييع وقت ، أو حظك ردي :89:

يآليت تجآوبون بصدق ، ولآ مآنع من فضفضه . وآشكي لي وأبكيلك :d

أحكوآ عن تجـــآربكم وهمومكم بس لآتشطحون :d

إنطلقوآ :89:

[رُسِمَتڪ בـلـ۾ ●]

يازين هالموضووع

بدايه مووووفقه

دمتي متالقه في قسمنا:89:

[فراشة زرقاء]

السلام عليكم
أنا صراحه حظي الرديء أني دخلت تصميم (( هذا الكلام أول ما دخلت المعهد )) لكن الآن صرااااحه حبيييت القسم وأدعو لي أني أتوفق فيه بأذن الله ,,,

[السديم]

وعليكم السلام ورحمة الله وبركاته

أهليين
هلا والله

بدون رغبه كارهه القسم حاولت اغيره بس مافي فايده
أهلي مو عاجبهم القسم دايم يقولون غيريه..وماله مستقبل..
<<هذا أول مادخلت>>
وأسمع من البنات يقولون أنه صعب وطلبات كثيره ..




ولما جربته وربي ما أكذب عليكم مرررررره سهل وتافه
وممتع ويحمس وإن شاء الله نصير مصممات عالميات ياااااااارب ..

ع إنه الطلبات شوي كثيره بس حلو أن المكافأه تنزل ونصرف ع الطلبات..



نصيحه..

أي وحده تسمع عن القسم انه صعب وماله مستقبل تطنش هالكلام وربي راح يضيعها..

ولما تفكرين بالقسم زين..راح تستفيدين وتقدرين توظفين نفسك..

أما الكليات الثانيات يبيلها شهاده ..ولما تاخذين شهاده..يمكن يوظفونك ويمكن لا..

مع التصميم لازم شوية صبر..

وشكراً

[ḟặ.ṱớṃặ7]

السلام عليكم

أنا بصراحه كنت مجبوره ادخل القسم لأني كنت ادرس بجامعة الأمام وماحبيت الوضع هناك ابدا فسحبت ملفي وسجلت بالتقنيه قبلوني تصميم قلت عادي اهم شي مااجلس بالبيت

بس أنا حبيت القسم مررررررره لقيت نفسي في القسم ما كنت ادري إن عندي موهبه في الخياطه

انا تخرجت بس ودي اكمل في مجال تخصصي

ملاحظه: قسمنا حلو وممتع بس المدربات مو مره

[حلوه الحلوات]

صراحةكلهم فيني
تضييع وقت و أو حظك ردي

بس الحمدلله العوض ولا القطيعة

[السديم]

ملاحظه: قسمنا حلو وممتع بس المدربات مو مره




من جد
خلي كلامهم ع جنب هم شوي يحطمون

فكري أكثر بالمستقبل..:39::39:

[ريوووومه]

انا ميته على هالقسم ومن زمان وانا ادوره وصدفه لقيته بس انشاء الله يقبولنى ارسلوا لى رساله تم ترشيحك بس مو فاهمه شى بكره بروح لهم ادعولى

[همسهـ غلآ]

السلام عليكم بناااات
سؤال لون التنانير اسود والا عادي الوان ..؟؟
سؤال ثاني من اللي في الشفاء وتروح باص ..؟

[همسهـ غلآ]

ومن اللي بتروح بكره علشان نتعرف ..؟؟

[طالبة]

السلام عليـكـم ..

يا بنات عتدي سؤال ضروري ..

كيف قسم التفصيل ؟؟ سهل ولا صعب ؟!!

انا إن شاء الله بأسجل في الموازي قسم تفصيل

وياليت تجابون على سؤالـــي ..

[D7OOM-TM]

السلام عليكم ...

انا الصراحه ما اعجبني القسم... وافكر احول

بيتكفخ<<< هههههههههههههههه
قالط بالموضوع<<<:d

عآدي لأزم نشطح :26:


اهنيك على موضوعك القوي والي اثبتي فيه الرضاء التام عن التخصصات المطروحه :24:

خلوها على ربكم بس

تقبلي مروري... الخفيف:cool:


ودمتي يا كليتنا البايخه

[همسهـ غلآ]

بنااات من اللي راحت اليوم الثلاثاء ..؟

[حـگـآية..~]

مآخبرت بالموآزي تصميم بس صبآحي :rolleyes:
وبجيك من الاخير تحبين الخيآطه وتقدرين تتحملين نفسيآت المتدربآت إدخليه :p
أنــآ من رأئي ، مآأعجبني ..
التخصص تحسينه حوسه ومآفيه ذآك التعليم أو الترتيب :confused:
في سنتين يبغونك تصرين مصممه شآطره (توب ) <--- وينـآ فيه :89:
غير كدآ مآيرآعونك ، كرف وطلبآتهم كثيره ومآتخلص ، حتى بالتطبيق طلبآت وكرف أكبر :(
لآزم يصير عندك سوآق وإلا أهلك بيطفشششون :p
تخصص عكس أسمه بشكل كبير ، كله خيآطه في خيآطه :mad:
يعني يعلمونك التصميم الرسم كمــآده فقط ، يعني اللي صممتيه مآتخيطينه :(
من مستوى ثآني إلى خآمس كله خيآطه وبترونآت وحووووسه وتعب :mad:
غير الدوآم الغبي يوم كامل لماده وحده :(
رآح تتعبين أكثر من أنك تستفدين :(

في الاخير ، يمكن نظرتكم غير عني ، بس تعآلو شوفوآ وأحكمو ، يمكن يعجبكم :d

لكل تفآعلو :88:

[سجى الروو ح]

بنات تكفوووووووووووووون لاتحطموني
انا دخلته عشان نسبتي
تكفوووووووووووون من الاخير
حلو والا لا
ثاني شي
كيف طلباتهم كثيره وهم قاليلن انهم يوفرونها والا كلام بس
ومن ناحية البطاقه حقت المعهد غير بطاقه الصراف
ردوووو على بليزززززز

[يآكَرِهي لضرِوسهآ]

اهلين حبيباتــي

انا من طالبات التصميم .. وبالعكس هالقسسم مرره ممتع صحيح انه كرف وطلبات و قرووشه .. بس مررره حلوو

يعني ما اقول انهم ما كرفــوني بس هالشي راجع لي انا ( راضـيه ) وشي اساسي يعلمونك كل شي مايخلونك على وجهك .. وعلى قولتهم مافيه شي يجي بالسسساهــل ابد ..

اذا تبون تتعلمون عاتي تحملو كل شي ..

اختي حـگـآية..~

انتي قلتي
غير الدوآم الغبي يوم كامل لماده وحده
رآح تتعبين أكثر من أنك تستفدين

بالعكس استفدنا بـ اشياء ماكنا مانعرف لها ابد ..يعني تعلمنا واستفدنا ونبي نفيد ان ششاء الله

وشسمه و اللي تسئلين عن طلباتهم اقول لك من الحين مافيه شي يوفروونه لك ... كل شي انتي تجيبينه ..

والله يوفقنا ياارب ويخلص هالاسبوعين على خير يارب ..

[حـگـآية..~]

يآكرهي ،

التجأرب ياحيبيتي تختلف ، ودفعه عن دفعه يفرق :( ..

انــآ من دفعه الاولى ، دراستهم خرطي ومن ذاك التاسيس :(

احنا الحين ندرس سهرات ، بعض الشغالات [ المكملآت ] نوديها خياط

موب كل الفستان ، تخيلي بس ان الخياط نفسسسه يهاوشك

يقول شهالدراسه وشهالخرابيط ، لازم باترون موب تشيكيل وتدبيس

مري على مستوى خامس وشوفي كل وحده وشقال لها خيااااط ..!!!!!

انا وصديقاتي لاخلصنا ان شاء الله ناوين ندرس بجامعه من اول و جديد :(


مع إحترآمي ، لك ، الفآئده اللي استفدها من التخصص قليله
بحدود المسميات والكرف وتحمل نفسيات وضغط العمل والتحطييييم :(:(:(

يعني [ التعب اكثر من الفآئده ]

والتخصص عكس اسمه على قولت وحده من الاستاذات
لاعبين عليكم بالاسم :(

5 مواد كلها تعتمد على الباترونات :(


سجى الروح

والله شوفي الامر يرجع لك
طلباتهم ماتخلص وحتى وانتٍ طبقييين يطلبون عليك طلبات
غير الضغط زالكرف والارهاق والنفسيه :(
والفائده ترجع لك وعلى حسب تاسيس دفعتك وشرح استاذتك

والبطاقه من القبول والتسجيل :88:


يالله بالتوفيق :)

[شفايف توت]

والله صادقة انا خريجات ذا الترم ومجربه كل شيء في التصميم ......1-تخيلي الاستاذة تقول ودي الفستان عند الخياط يكمل خياطته تخيلوا الخياط قال ايش هذا كله غلط ورفض يصلحه قمت رحت وديته للمشغل وشافته الخياطة قالت انتوا بس تلعبون بالاقمشة حرام مو كذا الدراسه كلها غلط تقول الفستان اذا تبين تشكلينه على المانيكان لازم تسوين باترون للمانيكان وبعدين تخيطينه واخر شي تشكلين الدرابية اواي تشكيل خارجي وتكون خياطته باليد تخيلوا ايش تقول الخياطة تقول انتو مدرسه مافيه مخ.......



2-سالفت المكاين شي ثاني تخيلو تقول لنا الاستاذة انظمي الاوفر ماكينة تنظيف القطع وهم اصلا ولا وحده علمتنا كيف نلظمها تخيلوا نتعطل كل المجموعه بسبب ذا المكينة ...........


3- اسلوب الاستاذات الغير لائق كأنك شغالتهم أو تشحذين منهم ..........




هذا جزء من اللي عندي ووواللللللله وربي اني ماكذبت بكلمه واللي مو مصدقة تسأل اي بنت من مستوى خامس....واسفه على الاطالة

[لكبريآئي روايه]

هههههههههههههههههههههههههههههههههههههه
الله يعينكم ...

بس سؤاال
متى النتااائج تتطلع ...
اف اعرف كم معدلي...

[لكبريآئي روايه]

يااصباااياا المعدل طلع ..
ونااسه ..جبت ممتاز..

[البدور]

مبروك جمانا الله يوفقك


بنات والله كلامكم بعضه يريح وبعضه يخوف مدري وش أقول بس
كلهم يقولون لي يابنت لاتخلين الكلام يأثر عليك لاتحكمين من الكلام اللي تسمعينو >>والزبده


أنا دخلت هالقسم والله من رداة الحظ ولو إني ساكنه بآخر الدنيا المعهد وين وأنا وين لكن قال وش اللي حادك عالمر قال اللي أمر منه
أكيد أغلبكم جربتم قعدة البيت وتعرفون وش شعورها >>لا لا مقدر عالشعور خخخخ
وعندي كم كلمه في خشتي لازم تطلع
ألحين التصميم وشو بالضبط >>>تاريخ خخخخ محششه


دراسته كيف وأحس ان الأستاذات اممممم ماش

من زود ماتشتكون هم نفسهم يعني فيه أمل يزحفونهم هالترم بس عشاني >>إي هين انتظري

ليه طيب اسلوب غير لائق مو احنا أوادم مثلنا مثلهم
كذا نتحطم والله واسحب ملفي يكفينا تحطيم>>ادرسي وبعدين فكري بسحب ملفك محد ماسكك

صارت عندنا أزمه يابنات من كثر ماأفكر بها ومدري وش أقول صرت اهلوس

وش رايكم فيني >>>مالك داعي

لا جد أقصد وش رايكم بالكلام خاصة وبالتصميم عامة ياللي مجربينو

يالبى قلوبكم

سي يو

[السديم]

البدور

مبروووك ع القبول
وحياك الله في قسمنا التصميم..

^_^

التصميم
سهل وإبداع
يحمس

الطلبات شوي كثيره
المعلمات مو كلهم زينين
بعضهم زين وبعضهم لا
نصيحه لاتخلي كلامهم يأثر عليك
كأنك ماسمعتي شي منهم..

أنا كنت اكرهه
والحين مررررره اعجبني


نصيحه
أنتي جربي القسم
ع أن مستوى أول مافيه مواد عملي
يبدأ من ثاني
أنتي جربي مواد العملي وبعدين قرري
والمواد النظري بشكل عام سهل
والمواد العملي سهل بس يبيله متابعه وماتغيبين في المحاظرات
وربي راح يصير سهل

وخلي كلام البنات ع جنب
شوفي هذي نظرتي للقسم...

ويااارب أشوفك مصممه عالميه يارب

والله يوفقك ويوفقك كلللل بناااات التصميم ياااارب


^_^

[شيمــ(بنت المدينة)ــــاء]

سلاااااااااااااميييييييشن صبـآآآآآآيـآآآآآآآ


آنظمــــــــــــيت لكـــــــــم وآبي آسآآآآآلــــــــــكم

كيف المستوى الثـآآآآآني

وش يطلبوووووون علينـآآآآآ ووش هي الموآآآآد

ووش نـــــــــــــزين بالترم ذآ هل نخيط فسـآتين وآلآ وش .؟

بليـــــــز طلبتكــــــــم اللي تعرف تقــــول عشآن آجهز نفسيتي << حشى ولاسفرهـ هع

لبــــــى خشتكم ^_^

خيتكم شيوم

[البدور]

هلا والله بالغاليه الله يبارك فيك ويسلمك

والله محد مريحني غيرك ياعسل >>>متابعه بصمت


ومشكووووره وكفيتي ووفيتي وعساك عالقوة ياربي

وعسانا ماننحرم طيبتك


بس عندي سؤال والسموحه بالله هرجي واجد

ألحين ضروري نداوم من يوم السبت .وأول اسبوع كله بنلقى فايده والا نطقها مشوره بلا فايده
وإذا ضروري نداوم اول يوم وين ندرعم وش نسوي وش نقول>>>لايكثر

والله مامعي مامع جدتي صعب أداوم بدلاختي ومفهيه من أول يوم خاصة وأنا لوحدي
ودي يكون عندي شوية خلفيه

وسامحيني فديتك

[السديم]

شيماء بنت المدينه
وعليك السلام..

منوره بقسم التصميم

المستوى الثاني
عندكم ماده وحده اسمها تقنيات
هذي الماده مهمه لا تغيبين فيها<<نصيحة اخت
عباره عن تعليم كيفية الخياطه بالماكينه وكيف تركبين السحابات وأشياء حلوه..
وعندكم مشروع نهاية الترم..

سهل..

تخيطيون فستان ساده مافيه اي شي..صغير مررره
أنا بالرياض سوينا كذا مادري عن المدينه..

الصراحه سهل وتافه
بس لاتغيبين..

^_^

[السديم]

البدور

أهليييين
هلا فيك

لاشكر ع واجب


عادي قولي كل شي
أستفسري خوذي راحتك بالأسئله

المفروض أول يوم تجين أفضلك
علشان تشوفين جدولك واماكن القاعات..
وتحظرين الأجتماع حق المستجدات..

تروحين مكان القبول والتسجيل اللي رحتيله يوم قدمتي الأوراق
ويحطون برى الجدول..
وتطلعين فوق تشوفين أماكن القاعات

وبس..

^_^

[شيمــ(بنت المدينة)ــــاء]

شيماء بنت المدينه
وعليك السلام..

منوره بقسم التصميم

المستوى الثاني
عندكم ماده وحده اسمها تقنيات
هذي الماده مهمه لا تغيبين فيها<<نصيحة اخت
عباره عن تعليم كيفية الخياطه بالماكينه وكيف تركبين السحابات وأشياء حلوه..
وعندكم مشروع نهاية الترم..

سهل..

تخيطيون فستان ساده مافيه اي شي..صغير مررره
أنا بالرياض سوينا كذا مادري عن المدينه..

الصراحه سهل وتافه
بس لاتغيبين..

^_^




آآنـآآآآآآآآآآآ آغيب مآآشآآآء الله علي آآمــــــــــوت بشي آسمه جمعه بنـآآآت

وش آبي بالبيت الزهـــــــــــق لا سوآلف ولا حولك احد الحمدلله بث

الله يجـــــــــــــزآآآتس الجنه وتيسرررر وتسهيل الامــــــور

آجــل بســـــوي المشرووع هذا من آلآآن

والحمدلله آن عندنـآ شغـآآآآآآله تعرف للخيــآطه

مشكورررررره يااابعدهم وتسلمييييييييين لي والله

تعبناااااااااااااك معآآنآآ خيتي

[السديم]

العفووو ماسويت شي

^_^

[زهرة الوادي]

السلام عليكم ...

وش أخباركم

تصدقين ياالسديم كنت بحول بس كلامك يريح خلاص ببقه على التصميم

مو زي البنات الثانيات يخلونك كأنك داخله حرب

ومشكوره على المعلومات

تصدقين جاني فضول اشوفك

[السديم]

وعليك السلام

تمام..كيفك..

تصدقين يوم دخلت واجهة نفس الكلام والتحطيم..
بس أنا من النوع اللي يطنش أفكر بالمستقبل..
التحطيم مجرد بس كلام وفتره تنسينه,,

جربت أولى وثاني وثالث وكل ماله أحبه أكثر...
الحين رايحه لمستوى رابع,,,,

العفووو...

أنتى بأي مستوى رايحه لثاني,...

شدي حيلك بالعملي..

وبالتوفيق لك وللبنات...

^_^

[زهرة الوادي]

هلا والله

ايه أنا رايحه المستوى الثاني

ومن ناحية شدة الحيل ابشري

أختك ذيبان ماينخاف عليها

الله يوفقك ويسهل امورك

[لكبريآئي روايه]

مسآآو الخيراات
هل من احد ..ادردش ...ويه..

[لكبريآئي روايه]

والله انكم تهبلوووووووووووووووووووووون ....

[البدور]

والله انك عسل.. بنات من بتداوم بكره

ودي أداوم وأخاف نتمشور عالفاضي

[همسهـ غلآ]

انا بداوم ان شاء الله
حلو علشان تستكشفين

[حـگـآية..~]

^
منورين بس لاتقلبونه شات :p

[بسـoـتي خــ ج ــل]

هآي بنآت كيفكون لبَّا ئلوبكون <<ياشينها لا تميلحت :89:
آحم ترآني مرـآإ مستحية وخشتي لونهآإ مثل هالفيس >> :45:
آول مرـآ أدخل عندكم وماشاء الله قسمكم نشيط مو مثلنا :(
السالوفه بالمختصر الموفيد صقيقتي تبي صيغة لتقرير وبحكم آنا اول دفعة مافيه نماذج موجوده لنا من قبل ..
وشسمه ذا ترى وقصم مو لي آنا بتآعي صآر جاهز وحاطته بظرف وخالصة <<آعصابك مصدقينك :p
بس هي مشكلتها ماكانت تكتب تقارير يوميه فمنشان هيك احتاست
/
الزبده ياليت يتكرمون الخريجات ويفيدونها بهالموضوع سواءاً يرسلون لي التقرير بدون معلومات خاصه ع الخاص او لمشرفه قسم التجميل بس بليز هاليومين
:88:


\

إن مالقيت آحد معطيني وجه بكرهه التصميم << توكفين آورحميهم :d

[شيهانه24]

القسم روعه جداا وحسن شي ان الطلبات ياامنها المعهد بس في بعض الطلبات نجيبها حنا بس تكون رخيصه بس خايفه بعد الشهاده اجل بالبيت الله يوفق الجميع

[رولين]

مساء الخير اخواتي مسك الجنان والسديم ماشاء الله عليكم احس انكم فاهمات جدا للقسم لذلك حبيت استفسر منكم الرجاء انكم تردون
انا توني سجلت قسم تصميم فصل تدريبي الثاني هل ندرس فقط مواد نظريه وهل استطيع احول قسم اخر او اجل بعد المستوى الاول ؟؟؟
الله يسعدكم ردوا ضروووري

[السديم]

رولين
مسائك نور..
مشكورة حبيبتي..
أولا اقولك مبروك ع القبول..
والله يوفقك بالدراسه..

كل موادك نظريه مافي شي عملي
العملي بمستوى ثاني إن شاء الله

نعم تقدرين تحولين إلى قسم اخر بس من اللحين اقولك لاتحطين في بالك انك بتحولين..
لإن كثييير يطلبون تحويل ولا حولا غير بنت..
كان معدلي بيني وبين البنت اللي حولت بعد الفاصله بخمس درجات حولوهاا وانا لاا
كملت تصميم وعجبني واللحين ترم اطبق فيه....
بس جيبي معدل عاالي وشدي حيلك بمستوى اول..
والله يكتبلك اللي فيه الخير.. إن شاء الله...

والله ما ادري عن التأجيل...
لازم تجيبين لهم عذر يقتنعون فيه..
اعرف بنات يأجلون بمستوويات من بعد اولى بس من مستوى أول والله ماعرف....

الله يوفقك ويوفقك الجميع ياارب....

[رولين]

الف شكر اختي السديم لاعدمناك يالغاليه الله يبارك في عمرك تسلمين على المعلومات القيمه

[السديم]

العــفـــوو

[البرفسوره]

صراحه أنا كنت داخلة القسم من غييييييير رغبة بس بعد ماخلصت المستوى الأول حبيته وكل مستوى احبه أكثر من اللي قبلة صحيح أنه تعب وضغط بس يهون عن قعدت البيت سوالف مع صديقاتك وجمعة ووناسة الله يوفقنا بس:88:

[السديم]

بالتوفيق لكم...
وشدوا حيلكم....

[amoshty]

بصراحه القسم مرره حلووووو بس شويات متعععب حاولو كل شي اول باوول بس من جـــــــــــــد القسم ممتععع .................:h1:

ربي يووفقكم جميعا ................:88::h1:

[البدور]

هو من ناحية ممتع ممتع لكن لازم صبر وطولة باااااااااااااااااال ماهي عند أحد إذا ماودك تملينه في أي لحظه

الله يوفق سدوووومتي الغاليه ويوفقنا جميييييع

[رسيس أنثى]

يارب يقبلوني مررررره مافيه امل
نسبتي 70 وانا من المدينه تتوقعون يقبلوني

[السديم]

إن شاء الله
تذكري إن الله قادر ع كل شي....

ولاتنسين الأستغفااار..علييك فيه...

بالتوفيق لك..
وإن شاء الله تنقبلين..يارب

[آينــــــــور]

:h1:
اول شي الحمدلله والشكر لله بعد معاناه تم قبولي ولله الحمد:65:

وثاني شي وهو الأهم ....

التخصص الي حنا فيه (قسم التصميم ...) له مستقبل وظيفي ولا ..لا

لان اغلب البنات الخريجات يشتكون من قله التوظيف ....وهل شهادة المعهد تعادل شهادة الكليه اوالجامعه ....يعني الشهادة اللي بنأخذه هي دبلوم ولابكالريوس

ماعليش سامحوني على كثر الثرثره والاسئله
وبالتوفيق للجمــــــــــــــــــــــــــيع

[السديم]

مبرووووك ع القبوولك....
بالتووفيق إن شاء الله...

اسمع من البنات انوو نقدر ندرس المرحله الأبتدائيه بس للحين ماسألت صدق ولا لا...
والمستقبل فيه وظايف من جمعية النهضه الخيريه يوظفون...
وتقدرين تشتغلين بروحك
الله يكتبلك اللي فيه الخير إن شاء الله...


شهادتنا دبلوم ويقولون تقدرين تكملين بكالوريوس في جامعة الاميره نوره 3 سنوات علشان كلها تصير 5 سنوات
وبرضوا ذا الكلام بتاكد منه إن شاء الله....

عادي حبيبتي ماحطينا ذا الموضوع إلا اللي عنده استفسارات ....

بالتوفيق لك وللجميع يارب
:88::h1:

[آينــــــــور]

。。。。السديـــــــــــــــــم。。。。
الله يبــــــــــــــــــــــــــارك فيكــــ

مشـــــــــــــــكوره ياقلبــــــــــــــــي والله كفيتي....وفيتي


وربــــــي يوفقك وين ماكنتي

[مملوحة’’}~]

عن رغبه وحُب = )

يوم قبلوني بـآلتصميم مرـآ ـآستـآنسست بسس ـآهلي حطموني وقـآلو مـآفيه مسستقبل وكذـآ’’

بس يوم دـآومت وتعرفت ع’بنـآت كلـآسي ـآلحمدلله ـآرتحت وحمسسنـآ بعض ـآنه لمـآ نتخرج ـآن ششـآلله نفتح محل صغنون لطبـآعه ع’ ـآلتيشرتـآت وكذـآ^_^!
وبكرـآ ـآن ششـآلله ـآخر يوم لي من ـآلمسستوى ـآلـآول ’’~
دعوـآتكم,,~:63:

[بدرالبدور]

انا عن نفسي اول مادخلت
كنت حابه اجربه وبعد فتره كرهته
بس هو حسب الاستاذات
الاستاذه تخليك تحبين الماده والاستاذه تخليك تكرهينها
انا في استاذتين يارب لاتطيحني بيدهم مره ثانيه
اكرههم كره ماكرهته لاحد قبل
ظالمين حسبي الله عليهم
وحملوني المواد بسبب اشياء تافهه
انا مااقول لكم مو حلو بالعكس روووووعه
بس العله بالاستاذات
هم كم وحده بس ولااغلبهم وربي عسولات.

مشكوره حبيبتي على الدعوه اللي لاقت انتباه من الكل..

[mgd.ama]

سسسلآمم

وربي آلبنت اهي اللي تجذب طيبة المدربه لو كانت ظالمه بودها تكسبهاآ ..

آشكر متدربه هنا تكتب بآلاورنج دفعت فيني روح التفاؤل ي رب يسسسعدها وين مالقت وجهها ويهون مستوى رابع عليها ويوفقها ي رب ودي لها :88:

ولكم :88:

[ro0ory]

امممم مو مكروهه ولا حابتة

يوم دخلتة كنت مقتنعة فية وحسيتة شي حلو

بس الحين احسس الموضوع صعب جدا مافية اي مساعدة غير كذا ماحس بستفيد كثير بخصوص الخياطة لانو كل شغلهم باترونات

تمنيت فية مادة لـ طريقة المشاغل بالخياطة اريح شوي واحس اني استفدت .. لاني لو بكمل بالمشوار مستحيل استمر بالباترونات سلامات خخخخ

[رحيل الحال]

اشكرك على الموضوع الاجمل من رائع

لقد تم التصويت

[عبير]

بنآت , ادري شطحت ..


بس كم نسبتكم اللي دخلتكم هالقسسم ؟

[السديم]

انا حاليا متخرجه
بس من دخلت كانت نسبتي 84 بدون قدرات

عاد اللحين مادري يمكن النظام تغير

الله يوفقك,,
^_^

[nony.]

بنآت

انا دخلت هلقسم وانا اكرهه شى اسمة خياطة

بس نسبتى هي الى حطتنى فية

مع العلم مادري بعد يقبلون والا لا

بس حبيت اسألكم هو صعب او لا

وتتوقعون انا نسبتى في الستين تفشل
يقبلونى او لا:o

سسجلت لانهم ماقبلونى في الجامعة :(:mad:

[السديم]

اولا الله يكتبلك الي فيه الخير ي رب,,,

ثانيا أستخيري من اللحين يمكن يقبلونك وانتي مو مرتاحه فيه وبعدين تتوهقين

ثالثا مراح تعرفين القسم الا بعد ماتجربينه لإني يوم دخلت اتحطم من كلام البنات وجربته قسم مرره عجبني وحبيته طبعا ماكو شي كامل...ينقصه بعض الأشياء...

رابعا..تفائلي بالخير تجده,,,,

خامسا عن نفسي ومتخرجه حاليا ماافي اي شي اسمه صعب الا بشرط اذا مشيتي أوول باول ولاتخلين شي يتراكم عليك,,

سادسا,,وبكل صراحه شوي تعب وكرف..بس كللله يهووون مع الأنتاج...

الله يوفقك ويسعدك ويكتبلك اللي فيه الخير ي رب...

أختك
السديم,,,,
^_^

[nony.]

ربي يسسعدك السديم / بس متى تتطلع النتائج ؟

عادى يمكن ادخل القسم اتأقلم وياة

[السديم]

تسلمين حبيبتي

نتائج القبول..!!
والله م عندي أي خلفيه عنها,,
الله يوفقك ويكتبلك اللي فيه الخير ي رب..
^_^

[دووووودي]

هااااااي البدور كيييييفك انا بعد جديده وموعارفه شي عن الكلييييييييييييييييه

[السديم]

دووووودي
أي شي بغيتيه
م عليك الإ بالكيبورد طقطقين فيه وحنا نرد عليك إن شاء الله,,,,
أي شي بغيتيه أسأليه,,,

^_^

[Ryna]

:( من قراده حظي ,,
ياصبر الارض ,لا مباني ولا انظمه وقوانين ولا دراسه ..
الله يخرجنا على خير بس ..

[هلاليه]

حظظظظظظظظظظظظظظي ردي

[مالتيزر]

مررة حلو القسم دخلها بصراحة عن قناعه شخصية